كل عام وانتم بخير هذي عيديتي مني لكم و اعذروني على القصور
و استمتعتو و مثل ما ونستكم ودي تونسوني بكلامكم و تفاعلكم وانا من النوعيه اللي ما اشترط عدد مشاهدات او اللي تحط نجمه او لا انا همي كلامكم لانه هو اللي يخلين استمر و اطلع كل إبداعي
صحو الفجر و راحو يصلون الفجر و هم يمشون لف عليهم فارس :كويس ذليوم صحيتو بلا صياح وضرب
سهم :اسكت ولا كلمه نفسيتي بطرف خشمي
نواف : نضبط لك شاهي و تسكت عنا
فارس:احلف ذلحين بنمشي
نياف :انا و سهم ما بنمشي بدري
فارس :ليه وش عندكم
نواف :وانت ما تعرف وش عندهم دايم يحبون يجلسون اخر ناس
سهم :ياخي وش ابغى اجي اول ناس بنجلس صياح و نزلو ذا و حطو ذا وضيعتو ذا ترا تعبت منهم و كل فتره نفس السيناريو
فارس : لا والله و تخلي البنات يشيلون و يحطون مساكين
نواف : و هو صادق البنات مساكين بس يعرفون و يطبخون في البيت و في المزرعه و لا وانحم نبغى نزود الشغل عليهم
سهم : ماودي البنات ينزلونها لكن بنجي بعدين و ننزل على راحتنا و قدنا وحدنا
فارس أهلنا محتاجينا مستحيل نأجل عملهم
سهم : بكيفكم انا على اني انزل البقاله واخذ الأغراض الناقصه
__________
عند البنات
كانو مجتمعين في الغرفه مع بعض و يكتبون
جنى : هذا اللي نبغاه صح
ريم : ايه صح ما في شي زايد
ترف : حاولو تتذكرون أغراض زياده عشان لابعدين اذا وصلنا قلنا نسينا ذا او نبغى ذا
حور : كل شي موجود و بس اغراض بسيطه ناخذها معنا
ريم : اسكتي خلينا نجمع لنا اشياء كثيره عشان نسهر عليها
جنى و هي تكتب :خلصنا ذلحين مين نعطي
حلا : نعطي فارس
جنى : لا والله ماحصلتي الا العصبي ذا لا تكفين غيري واحد ثاني
منار :نعطي نياف اساسا سمعته يقول لي أمي انه ما بيمشي هو و سهم معنا يعني ياخذونها معهم
حور :لا تكفين الا ذولا ماودنا بهم نفسيات لو تقولين لهم كلمه عصبو
حلا :مافيه الا فهد بنقول له اما سهم ما نبغى منه شي خلوه النفسيه
جنى :طيب و كسف بتوصلين لي فهد يا الذكيه
منار : اخواته موجودات وحده منهم تروح تعطيه
حلا :صح صادقه اهم شي النفسيه مايطلبه يغير رأيه
منار :لا والله اساسا اخوانكم و يحبونكم مستحيل يغبر رأيه
مي :انا مالي خلق اقوم مصدعه واللي فيني مكفيني
حلا : تمام بروح له
قامت حلا و راحت عند فهد ولقته في المجلس وحده و قربت منه : فهودي
فهد لف عليها : كيف تدخلين مجلس رجال لو دخل رجال بالغلط
حلا :لا معليك انا بروح ذلحين بس خذ:هذي الورقه فيها أغراضنا خذ لنا من البقاله
فهد : اطلبي فارس انا مو فاضي
حلا : لا فارس بيعصب لو ما فهم الخط او ما حصل غرض فهودي هيا
فهد :تمام تمام بس بسالش
حلا :وش هو
فهد : ليه تتناقرين مع سهم هاه
حلا : وش اسوي يا فهد دايم يناقرني و دايم يزعلني
فهد : بس ولو ذا ولد عمش لا عاد تسوين كذا ترا اذا عصب بينسى نفسه وانا أخاف عليش
حلا : لا معليك الأمور تمام و ما بسوي شي خلاص
فهد :يالله انا بروح اخذ اغراضكم وانتم البسو انا اللي باخذكم معي لان عيال عمانش و عمتش ماودهم ياخذونك و نكبوني انا
حلا : احسن شي عشان نستانس مع بعض
فهد :امشي امشي
جت مي تركض :وين فارس
فهد :برا ليه
مي : وصاني أعطيه اغراضه خذ اعطه انت عشان لا يكون في احد او شي
فهد :اساسا هو وحده يقول بيمشي وحده لانه ماله خلق ازعاج
مي : حلو انا بمشي معه
ضحكت حلا : كويس حصلت وحده تحب اخوك النفسيه
فهد :وش قلت قبل شوي عن الاحترام احترمي اخوانش الكبار على الاقل
حلا : محترمتهم بس انتم مدري وش فيكم
فهد : قومي قومي الله يصلحش
ابتسمت حلا : عادي لا تزعل انا دلوعتكم
فهد : دلوعتنا لكن مجننتنا
حلا ضحكت و قامت تدخل و ضحك فهد و طلع لأنهم على كثر ما تجننه حلا و تجنن اخوانها على كثر ما يحبها و يحب سوالفها
راح البقاله و دخلت حلا و مي تلبس عبايتها : صدق بتروحين مع فارس
مي : ايه و متحمسه واخيرا بمشي معه
جنى :مدري وش عاجبش فيه و هو نفسيه كذا
مي : اخوي يا بنت احترميني على الاقل و بعدين هو نفسيه مع الغرب اما مع اخته لا يضحك و يسولف
منار : من جدش يعرف يضحك
مي وهي مستغربه :ايه دايم يضحك معي
حلا : بنات وش فيه كأنكم فليتوها تراه اخوي و ترا صادقه مي ما يضحك مع أي أحد بس يضحك مع إخوانه و اخواته بس
مي :ها شفتو
منار :وش اسوي استغربت
ريم : بنات هيا مشينا لي ساعه انتظركم
ترف :وش مستعجله عليه بالله
ريم : مستعجله اشوف الإبل و اشوف البر و الهوا بارد اللي يجنن
منار : والله مافيه احد ما يحب البر وسعت الخاطر
لبسو البنات و راحو للسياره ولقو فهد جايب الأغراض وجاي :وينكم كان جلستو زياده هناك
ريم :احم اسفين على التاخير بس انت تعرف سوالف الحريم
فهد : اركبي وانتي ساكته على صوتش ذا بيتوقعون انش ولد لابس عبايه
ريم :ولا كلمه انا بنت واحسن منك وبعدين وش دخلك فيني
فهد : يارب صبرك حلا ترجمي لها تكفين ما توصل لها
ركبت ريم و هي ساكته و ركب فهد و لف :هاه كلكم ركبتو
حلا :ركبت قدام : ايه كلهم ركبو
فهد :وين كنتي
حلا : نسيت غرض و رحت أخذه ليه وش فيه
فهد :لا ولا شي بس على بالي انش كنتي مع البنات
حلا : ما كنت معهم
فهد شغل السياره و حرك للمزرعه هلى طول و قد سبقوه العيال و فارس و مي و الشيبان من الفجر و هم هناك
_________
عند فارس و مي
كان فارس متكي بيده على الشباك حق السياره ويهوجس
مي :ليتني مشيت مع البنات احسن لي والله
فارس لف لها :ليه وش فيه
مي :طفش وش تفكر فيه
فارس لف يناظر الطريق : ولا شي بس طفشان و ما عندي سوالف
مي :تدري احبك اذا صرت تسولف
ضحك فارس : تمام سولفي لي وش عندش
مي :عندي سؤال بس لا تزعل
فارس : تفضلي واكيد دامش قلتي لا ازعل اكيد انه فيه سالفه تزعل
مي : ابغى أسألك قد حبيت من قبل
فارس لف لها و هو مصدوم من السؤال : وش عيدي
مي خافت يوم شافت عيونه ورجعت ظهرها ورا على المرتبه : لا ولاشي خلاص انسى
فارس وقف السياره و حاول يهدي نفسه ولف لها :ما سمعتش زين عيدي
مي : قد حبيت
فارس :لا ولا ودي يتكرر السؤال ذا
مي : ان شاءالله
رجع يحرك فارس و هو يفكر في سؤالها و وش فيها لو حب لكن يرجع يحذف ذا الفكره من راسه على طول
_____________
عند سهم و نياف
كان سهم يسوق و نياف جالس جنبه نياف :ولد وش فيك
سهم : ولا شي
نياف لف له: لا يكون حبيت
سهم : اعوذ بالله وش ذا الطاري لا ياخوي ما حبيت ولا شي
نياف : اعترف ما فيه احد الا انحم
سهم : وش اعترف فيه يا اخوي لا ما حبيت ولا بحب اساسا الحب ماهو حلو لا له طعم الا اذا صار لي زوجتك او امك او اختك بس
نياف لف عليه :نعم تحب اختي يا وسخ
سهم : انت الوسخ مين جاب سيرة اختك
نياف : انت ذلحين قلتها
سهم : يا فاهي اقصد انه ما في حب في ذا الزمن غير حب لي الزوجه او الأخت او الام بس فهمت ذلحين
ضحك نياف :والله اني من اول فاهم لكن ودي تعترف ب اسم البنت اللي تحب
سهم : بنت ماهي محرم لي اكيد ما احبها ما احب الا اللي محرم لي ولا أرضى اقول لي بنت احبك و هي ماهي حلالي
نياف : صادق بس عادي ما رحت و قلت لها بتقوله لي انا بس
سهم :وصلنا المزرعه انزل ولا كلمه
نزلو و كان نياف يراقب سهم و يضحك لانه يعرف وجه خويه ماهو طيب و فيه علم لكن ما يعرفه دخلو على جدهم و سلمو و رد السلام و سلمو على أهلهم وجلسو
الجد :وين الباقين
سهم : مدري عنهم ياجد على بالي قد وصلو
لف نياف : شوفهم يا جدي وصلو بيجون ذلحين
ضيدان هز رأسه و سكت دخلو العيال و سلمو و جلسو و قام سهم يصب لي جده و عمانه وابوه و لف ضيدان :وينكم ما جيتو بدري
فهد :جدي انت تعرف سوالف البنات و هم اللي اخروني ولا انا موصيهم ما يتأخرون بس هم تأخروا
فارس :كنت قدني لاحقكم بس قالت لي اختي انها بتمشي معي وانتظرتها
ضيدان :وليه ما تمشي مع بنات عمانها و عمتها
فارس :مدري عنها
نواف :وانحم يا جد كنا نمشي ورا فهد
ضيدان : الا قول انكم كنتو نايمين صح
ثامر : لا يجدي والله كنا صاحين بس قلنا نمشي ورا البنات عشان اذا احتاج فهد شي نساعده
فلاح :وانا يا جد ماخذ امي و عماتي معي
زيد : ايه يا جد صادق نواف و ثامر كنا ورا البنات و فهد
سهم : كان مشيتو قدامهم
نواف : لا ماودنا عشان ننتبه لهم خربت السياره ودهم بشي زي كذا
مشى الوقت سوالف و ضحك و هبال ولف الجد :يعني كا بتروحون لي الابل ولا تمشون برا
سهم :جدي شمس مين يطلع بذا الحزه
ضيدان : انا ودي تطلعون تشوفون الإبل و تتمشون شوي
قامو العيال و طلعو برا و راحو صوب الإبل و دخل سهم و صوت بصوته على ناقته و جته تركض و ضحك سهم و حضنها: ياكم الشوق والله
نياف جا و نفس الشي صوت لي ناقته و جته تركض و حضنها :يا ناس احبها والله احبها
ضحكو العيال عليهم زيد : الناس تحب بنات تحب بعض امهاتهم نياف و سهم و فارس و فلاح تشوفهم يحبون نياق
جو فلاح و فارس اللي كانو يمشون على مهلهم: وش فيهم فارس و سهم و فلاح و نياف
لف زيد و خاف منهم : ولا شي بس انتم تحبون الابل
لف عليه سهم :وش فيها الإبل
زيد :انا اسحب كلامي تعالو نحط لها أعلاف
ضحكو على خوف زيد ولف نياف لهم ليه تخوفون اخوي
فارس :هو خواف ما تشوفه
ضحك سهم :اي والله اخوك خواف بالحيل
راحو و حطو أعلاف لي الإبل و راحو للجبل و هم يمشون لف لهم زيد : وش رايكم نسوي فعاليه
سهم ابتسم : تم وش هي
زيد ناظر فيهم : نسوي مسابقه اللي يوصل للجبل هو الفايز
لفو يناظرون بعض و كأنها جازت لهم الفكره و قامو يركضون سوا و مبسوطين بالتحدي و كل شوي واحد يتقدم منهم شوي تقدم سهم بعدين شوي و تقدم نياف بعدين شوي تقدم زيد و كان حماسهم لي ابعد درجه شوي و جا فارس و تقدم وصار معهم في المقدمه و تقدم نواف و فلاح وراهم يركض هو و فهد و ثامر كانو ورا اخر شي
شوي و سبقهم سهم كلهم و فاز لانه وصل الجبل و انسدح على الرمله اللي هناك ينتظرهم بعدين لحقه زيد و بعدين نياف و آخر شي فارس و بعدين فلاح و فهد و ثامر و نواف و بطؤو سرعتهم يوم شافو انه ما بيفوزون و ضحكو سهم و فارس و نياف : وينكم ليه ما جيتو
فلاح : ولا كلمه تعب ماهو طبيعي انقطع نفسي ضحكو عليه و انسدحو كلهم و مسوين حلقه يعني كلهم حول بعض سهم و هو يناظر في السماء : اخخخ اشتقت لي طفولتنا
فلاح :اي والله كنا دايم عايشين هنا و بس لعب و صياح
زيد : سؤال
سهم : وش
زيد : ليه ما عاد صرنا نروح هنا الا وقت الإجازات
سهم : لانه نبغى ندرس و نتوظف
نياف: عيال شكلي برجع اعيش هنا وانتم بكيفكم
فارس : كيف بنعيش
نياف: عادي نشغل مزرعة جدي فيه هناك أماكن مخصصه لي الزراعه نزرع فيها خضروات و فواكه و نبدأ نشتغل
فارس : مدري بكيفكم انا عني كل ما طفشت جيت هنا استانس والله
سهم : كان اخذتنا معك
فارس : يكون بعض الأحيان مالي خلق احد
جو البنات و هم لابسين براقعهم ريم :جدي يناديكم يقول عنده ضيوف
لف سهم لي فارس : مين تتوقع يجي
حلا : شكلكم ما سمعتو جدي يبغاكم
سهم : سمعنا بس روحو عشان نروح انحم
حلا :تمام
راحو البنات للبيت
سهم لف لهم : هيا قمنا
فارس ضحك بصوت عالي ولفو كلهم يناظرون من فارس الهادي اللي فارس اللي صوت ضحكته معبيه المكان
سهم : بسم الله وش فيك
فارس : مدري بس البنات يوم جو مجموعه ضحكت لانه مدري وش خايفين منه بالضبط لدرجة انه يجون مع بعض و يروحون مع بعض
سهم : تبغون نجننهم
زيد :ايه تكفى
فهد :لا يا عيال مقالبكم ثقيله وهم رقيقات
سهم :ولا كلمه يا الرقيق ماهم من امس يطردوني و يوم ذليوم خايفات لكن ان ما جننتهم ما اكون سهم
فارس: مشينا نروح عند جدي
سهم :هيا
راحو لي ضيدان و شافوه جالس و القو عليه السلام و جلسو
ضيدان : في ناس بيجون لي ما ابغى ولا غلط القهوه الشاهي الذبيحة ابغى كل شي من الألف البي الياء صح و مرتب له فاهمين
العيال بصوت واحد : فاهمين
قامو العيال يتوزعون اللي يشب النار واللي يجهز القهوه الو اللي راحو يختارون الذبيحة واللي اخذ جمر و راح يبخر بالعوده
كانو البنات يناظرون من بعيد و هم مبسوطين على تعاونهم مع بعض بس كانو يخوفون اذا شافوهم لأنهم اشكالهم من بعيد شديدين و عصبيين
نادتهم عائشه : تعالو حولي مشتاقه لي سوالفكم
جو البنات و اجتمعو حولها عائشه: وش كنتو تناظرون فيه
مي : ولا شي بس اخوانا برا يشتغلون
عائشه : اييه خلوهم وانتم اجلسو سولفو لي
فرح : جده عادي اسالش سؤال
عائشه : تفضلي يا بنتي
فرح :ليه الاولاد اشكالهم تخوف و كذا ما نشوفهم يضحكون ولا يسولفون كثير
عائشه : هم كذا الأولاد ما بيصيرون ناعمين زيش ولا يضحكون و يسولفون مع بنات ماهو محرم لهم
فرح : ماهو قصدي كذا قصدي انهم طول الوقت منفسين و معصبين
عائشه :انحم يا قلبي جالسين في البيت ما نعرف اللي يصير برا اكيد انه فيه شي برا ينكد عليهم
مي : صادقه يا جده انا اتوقع كذا
عائشه : ايه كذا ولا كل وحده تقول لي كيف اخوانها معها يوم يكونون وحدهم
كلهم البنات تكلمو بصوت واحد طيبين
قامو البنات و راحو المطبخ يشوفون الطبخ والمواعين دخل سهم و حط الأغراض و ما كان منتبه لي البنات ورفع راسه و شافهم خايفين و مجتمعين في ركن المطبخ ضحك و قرب : وش فيكم
حلا : انت وش تسوي هنا
سهم : ما اسوي شي جاي اودي الذبيحة لي المطبخ
حلا : طيب اطلع برا
سهم :ماهو انا اللي تتامرين عليه اطلع ولا لا
قرب منه و حلا صاحت و انحاشت لي جدتها و لف سهم لي البنات : ذي مجنونه صح
جنى :اطلع يا سهم
سهم :واذا قلت لش لا ودي اسوي شاهي الا انتم وش فيكم
مي :مو شايف لبسك
سهم : وش فيه
حور :وش ذا
سهم حب يلعب عليهم : مزح بيني انا و واحد من العيال و ضرب خشمي ونزف دم
جنى : بسم الله عليك خلني اشوف
سهم ضحك و باس راسه :والله ما فيني شي بس دم الذبيحة لا تخافين
جنى : تمام ارجع ورا عشان نطلع و يروحون البنات
رجع ورا سهم و أعطاهم ظهره و انحاشو البنات و نزل راسه و شاف الدم بثوبه و انفرط ضحك لانه عرف ليه البنات خافو منه
جا فارس عليه و شافه يضحك وحده : بسم الله وش فيك انجنيت ولا ايش
سهم :لا بس كانو البنات هنا بس تدري طلعو يخافون مني لان ملابسي كلها دم
ضحك فارس : والله صدق انك تخوف امش امش كأنك طالع من مضاربه مو ذابح الذبيحه
عند البنات سمعو صوت ضحكهم و عرفو انهم يطقطقون عليهم
حلا : بنات يخوف الدم معبي ملابسه
جنى : الله يحفظه والله العظيم اني خفت انه فيه شي
مي : ما قهرني الا يوم ضحك يع يا بنات ما يضحك ليه يضحك
حور: خلي ذا على جنب انتي ما سمعتيه يتفاول على نفسه سخيف
جت مرام : وش فيكم
جنى : سهم جا و هو معبا ملابسه دم و يقول وش فينا بس تدرين كان شكله يخوف
مرام : اها الله يصلح قلبه و ما اعطيتوه انتم ملابس
حلا : لا ما طلب
مرام : بقول لي امه تعطيه ملابس و هيا انتم تعالو ساعدونا نسوي الغدا
راحت مرام و دخلو البنات المطبخ عشان يسوون الغدا و بدا الشغل الصح و قامو يغسلون اللحم و يحطونه في قدر كبير و يحطون عليه مويه و ملح و يخلونه يغلي و دخلو الامهات و جلسو يشرفون عليهم والبنات اللي تقطع السلطه واللي تقطع الحلا و توزعه واللي تغسل الرز عشان تحطه على اللحم واللي تسوي القهوه و الشاهي واللي تغسل الصحون اللي يحطون فيها الغدا خلص الغدا و بعد ساعه و كان كل شي جميل و مرتب و الحريم مصدومين من شغل بناتهم و سناعتهم جو العيال
سهم : يمه وين غداكم جو الرجال و من اول و ابوي و جدي يغمزون لنا نجي نشوف الغدا
العنود : خلاص ادخلو خذوه و خذو الحلا و السلطات انحم خذينا غدانا
دخلو العيال و انصدمو من جمال الاكل لف سهم :ما شاءالله مين سواه شكله فخم و جميل
حلا : انحم اللي سويناه
فارس :مستحيل اكيد انها جدتي اللي سوته اما انتم مستحيل
ساره :لا صادقه يا يمه هم اللي سووه انحم ما سوينا شي
حلا : شايفين انه احسن منكم
سهم : ما انتي احسن منا ولا شي والاكل ماهو حلو
حلا : حلو و من فوق خشمك و توك مادحنه لكن عشان دريت انه انحم سبيته
استمتعوا واعطوني رايكم و هذي عيديتي مني لكم
