سهم : حتى انا راعي نياق وفارس راعي نياق ولا قالو شي البنات بالعكس متقبلينا
فلاح : ايه هذولا البنات ماهو مي
سهم سحبه بيده يوقفه : اوقف و رح اخطب ورح حارب ماهو تجلس و تناظر فيها هيا قوم واسعا لها
قام فلاح و بعد التراب من على ثوبه و مشى مع سهم و دخل المجلس : جدي ودي اخطب
ضيدان : مين تبغى يا ولدي و تبشر
فلاح سكت شوي و دقه سهم يعني يتكلم و تكلم فلاح: ودي ببنت عمي محمد
محمد :تبشر يا ولدي بس مدري بنشوف رأيه روميو روحا اسأل اختك
قام فارس و راح لي مي و شافهم مجتمعين : بسم الله الرحمن الرحيم
لفو البنات : وش تبغى
فارس :ابغى مي
قامت مي و راحو لي الحوش الخلفي و جلس فارس وجلست مي معه : انا ادري انه طموحش و احلامش عاليه وادري انه ودش تسافرين و تشوفين حياتش
مي : ايه وش الطاري
فارس : فلاح تقدم لش وده يخطبش وش رايش انتي
مي : ما افكر في الزواج فلاح مافيه شي بس والله انه بحسبة اخ لي مثلكم و ثاني شي افكر في دراستي و مستقبلي
فارس :لو اقول له كذا بينجلط احس الولد وده فيش ويبغاش
مي : وانا ما ابغى غير دراستي فارس انت قلت قبل شوي انه يهمني مدرستي ايه يا فارس ترا ما همني الا مدرستي و حياتي
وقف فارس وراح للعيال و هو ضايق من كلمتها
محمد :هاه وش قالت نقول مبروك
فارس جلس ولا رد لانه ما سمع الكلام و دقه فهد : تكلم وش فيه
فارس : لبيه وش فيه
محمد : وش قالت البنت
فارس : مافيه نصيب
سكت فلاح ولا قال شي و مسك بيده سهم و ضغط عليه يعني يطمنه ولكن فلاح وين و التطمين وين كان فلاح يشد على قبضه يده لانه ما يتحمل الكلام زياده ولا هو قادر يعبر ولا قادر يسمعهم ولا يدري وش يقولون ولا يفهم شي هو خلاص ماعاد يسمع الا دقات قلبه و ألم صدره وقف وبيطلع من المجلس بي وقفه صوت ابوه اول ما سمعه يقول : في الف بنت غيرها اختر اللي ودك
لف عليه فلاح: ماودي الا بوحده من بين الملايين البنات اللي هي مي ما جت خلاص الله يستر عليها
جاسم :بس البنت بتروح وانت كيف بتجلس كذا
فلاح : بجلس ولا ودي احد يناقشني
طلع فلاح وراح للابل قبل يسمع كلامهم ولا ردودهم وقف عند ناقته و قام يمسح عليها
مر اليوم بهدو و ماكان فيه احداث كثيره الا انه فلاح رجع للمدينه و ترك أهله و كل شي و العيال كانو ضايقين عليه
مر اسبوع و ما كان فيه ولا حدث الا هبال سهم و حلا كل ماله يزيد
صار يوم الأحد الصبح قامت حلا وراحت تسوي لها قهوه ولقت سهم في المطبخ : بسم الله وش جابك
سهم لف عليها : بدال ما تقولين صباح الخير يا زوجي العزيز تقولين بسم الله
حلا : يع اصبح على الكل الا انت يع يا كريه
ضحك سهم: والله يا حلو الصبح الا بتصبحين فيه على وجهي كله امل و تفأول
حلا : يع والله انه خرب اليوم يا ابو التفاول
دخلت العنود و ضحكت : بس بس وش ذا مع الفجر نقره صبحو على بعض واسكتو
حلا :صباح الخير يا عمه
العنود : صباح النور ياقلبي
قرب سهم و باس راس امه : صباح الخير
ضربت كتفه امه بشويش: صباح النور صبح على زوجتك
سهم لف يناظر في حلا : ما يحتاج يمه اهم شي انتي
ناظرت فيه حلا : اقول ماني مبسوطه بصباح فيه وجهك
سهم : يع على اني انا مبسوط اقول انقلعي
عنود : اقول كلكم انقلعو تعبت منكم
دخلت عائشه و افترقو سهم و حلا حلا تسوي القهوه و سهم يسوي له شاهي
عائشه :وش فيه
عنود :ولا شي بس العيال سوالف
عائشه :سوالف ولا نقره
سهم : افا يا جده زوج و زوجته مناقره مستحيل لا لا مافيه شي
عائشه: اها تمام بروح اشوف جدكم
ضحكت حلا :ايه قوليها من اول تبغين تصبحين على الحب
سهم :شوفيها احسن منش تروح تصبح على زوجها ماهو مثلش
حلا : والله زوجها ضيدان ماهو سهم حتى انا لو زوجي مثل ضيدان اكيد برضى و بصبح عليه بس انه طلع سهم
عائشه :بس بس يا مزعجين يالله انتي و هو انقلعو عني
بعدو سهم و حلا وراحت عائشه لي ضيدان و دخل فارس بسرعه :وين الحب
سهم :نايمه
حلا :وانت وش دخلك
سهم :تقصديني ولا تقصدين اخوش
حلا :اكيد انت هو يسأل عن زوجته
سهم :وانا اجاوب لأنها اختي
حلا و كأنها توها تستوعب :اهاااا
ضحك فارس : الله يعينك اختي ماش ماهي مستوعبه عقلها صغير
ضحك سهم : اي والله صادق فصله علي وانا مالي دخل
حلا :تدري ليش عقلي صغير
سهم لف لها و هي يضحك على اعترافها : ليش
حلا : لاني حبيتك
سهم ناظر فيها شوي بعدين رماها بشوزه و هي انحاشت و ضحكت ما تقدر هههههه
سهم : اختك مجنونه
حلا :والله مجنونه يوم وافقت على زواجك
سهم :انا المجنون اللي تعرضت للخطر عشان وجهش يا حماره
حلا : عادي الحماره ما تتزوج الا حمار
سهم : ياحيوانه انقلعي
لحقها بالعصا و هي انحاشت تركض و تضحك على وجهه و فارس لف يضحك ويخلص القهوه والشاهي و راح للمجلس
عند سهم و حلا
لفت له حلا :سهم خلاص تعبت
سهم :وقفي عشان اجلدش و بعدين نرتاح
حلا :والله مااوقف يالله مناك
راحت تركض و دخلت غرفة البنات وقفلت الباب و صحو البنات كلهم مي :وش فيه
حلا : ولا شي
جنى :وش صاير
حلا : ولا شي بس اخوكم المجنون يطردني بالعصا يبغى يجلدني
جنى و مي قامو بسرعه وفتحوا الباب مي :يالي ماتستحي على وجهك اعطيناك البنت تحفظها و تهتم فيها ماهو تجلدها
سهم كان واقف ويناظر و مصدوم وش السالفه : وش فيه
جنى :وباقي تجحد والله لااعلم عليك جدي ليه تضرب المسكينه اللي داخل
سهم : مين ضربت انتم تتكلمون عن مين
حلا طلعت و هي تمثل الدموع :ايه كان بيضربوا و يقول ان عقلي صغير و انه حماره
جنى :بس بس حبيتي انا اعلمك فيه والله ان اخلي جدي وابوي يعرفون سواته هذا الكلب
سهم : هيه هيه وش فيه وش صار
حلا : شفتو ويرفع صوته
و سوت نفسها تبكي و لف سهم : والله انها كذابه ياناس
راحت جنى ولحقتها حلا ومي و حلا تضحك على سهم وتلعب بحواجبها سهم: يا حيوانه
حلا لفت لي البنات :شفتو شفتو يقول لي حيوانه
جنى : هيه احترم نفسك
خرج فارس من المطبخ : وش فيه
جنى :ذا يسب اختك ترضاها
ناظر فارس فيهم باثنينهم : مين هم مين يسب مين انا مين وش فيه
ضحك سهم : يقولون اني انا سبيت حلا
فارس : متى صار متى اساسا سبيت انا وين كنت
ضحكت حلا و تخبت ورا فارس : ماسويت شي
جنى : وش فيه فهمونا
سهم : انا قريب هي اللي من الفجر تسبني
فارس ضحك : اي والله انه من الفجر وهم مزعجينا بصياحهم
مي :يعني سهم ما ضربها
حلا :والله ما يقدر يخسي يضربني
لف عليها سهم و تخبت ورا فارس ولفت عليه : ما تقدر انا في حمايه الله ثم روميو
لف فارس لها : انتي لسانش طويل ليه ما تسكتين عشان اقدر ادافع عنش ذلحين ذولا كلهم ضدش مين ادافع عن مين
حلا سوت نفسها بتبكي : يعني وقفت معهم ضدي عشان زوجتك ليه انا ما احد يحبني كلكم ما تحبوني انا ادري بروح لي جدي هو اللي يحبني
راحت حلا و قامو يلتفتون في بعض العيال و يضحكون
سهم : جتها الحاله
جنى : ياويلي تقول ما نحبها وهي من امس مزعجتنا
مي :يا جماعه وش فيه ما قد فهمت
سهم : عادي ماهو لازم تفهمين وبعدين انتي بتروحين تدرسين كيف تدرسين وانتي ما فهمتي وش نقول من الفجر انا بروح اشوف المجنونه الثانيه وش تسوي
راح ولفت مي على جنى : وش قلت عشان يعصب
فارس : متضايقين عشان فلاح
جنى :مدري بس من حقها ترفض
فارس : أحلفي بس ترا الولد متأثر
مي : اهم شي عندي نفسي المهم انه بروح باي
راحت مي ولف فارس لي جنى : كيفش يا قلبي
جنى : بخير وانت
فارس : تمام
جنى انحاشت و فارس جالس يفكر فيها و يناظر حتى راحت وهو رجع المجلس ولقا حلا جالسه بجنب جده
فارس : وش فيه ليه جالسه عندش
حلا : جدي يحميني منكم
ضيدان : الا وش مسوين بالبنت
سهم :ولا شي
محمد : اذا ولا شي ليه جتنا زعلانه
عائشه: والله انهم نقره بينهم من الفجر
حلا :اي بتوقفين مع ولدش سهم انا داريه
سهم : بنت احترمي جدتش
سكتت حلا ولفت لي جدها : جدي معى نرجع للمدينه و نروح نداوم
ضيدان : متى دواماتكم تبدأ
فارس : تبدأ من الأسبوع الجاي
جاسم : يعني نفترق عشان الدوامات
ضيدان : والله لو والود ودي ان ما اخليكم تروحون لكن دواماتكم مهمه
زيد : اخخخخ يا كرهي لدوام
محمد : والله ياولدي انك طالع كسلان على ابوك
حمد : هيه وش دخلني تحطها فيني الا انه طالع على خوالهم
جاسم :وش دخل خوالهم يا طالع عليك يا على امه
ضحك زياد :اي والله انه طالع على واحد منكم
حمد : لا ابشرك طالع على خواله و لا تقول كلمه زياده
ضيدان :حمار طالع عليكم كلكممن اب و من خوال
ضحك زيد : ترا ما قلت شي بس قلت انه مالي خلق الدوام
سهم :انا عندي اجازه اسبوعين زياده
فارس: بتداوم الاسبوع البعد الجاي
سهم : روميو خلاص لا تجلس تصيح علينا درينا
فارس :يا جماعه وش روميو ذا ترا تعبت
سهم :روميو يعني روميو
فارس :طيب وليه الا روميو
ضحك محمد : انت كنت تزعجنا بذا الكلمه غريبه نسيت
فارس جلس بجنب سهم : والله يا جماعه طفشت من الكلمه لا عاد تقولونها
سهم :بس حبيت الكلمه وبناديك بها
فارس : ان شاءالله اختك ما تنعدي وتصير تناديني كذا
ضربه سهم على راسه : احترم نفسك لا تقول اختك
فارس : زوجتي يا الطيب
سهم : تراك تقدر تقول زوجتي ماهو تقول اختك و يختل التوازن عندي و اجلدك
ضحك نواف : وش ذا الحب الله لا يبلانا
سهم : تقصد من
نواف : انت وفارس تحبون بعض واخويا و نفس الدوام واخر شي تتجالدون بالكلام
سهم :مالك دخل بينا انحم انحم نمون على بعض
فارس : اي والله نمون على بعض
_________
عند البنات اول ما صحيو راحو يلبسون و يتجهزون ونزلو تحت
العنود :واخيرا شرفتو هيا تعالو اشتغلوا
ساره : وين حلا
مي : جالسه مع جدي و جدتي وعماني
ريم : مجنونه ذا البنت كيف راحت تجلس عندهم
جلست جنى : اجلسو خلوني اقول لكم الموضوع كامل
اجتمعو البنات وجلسو و قامت مي و جنى يحكون لهم اللي صار
ريم: ما كأنهم متزوجين
فرح : يع كأنهم اطفال
مي :والله انه صدعت منهم
مرام : وش سبب الحوسه ذي كلها
العنود : مدري ما جيت عليهم الا نقره و رحت وهم ينتقرون
ضحكت ساره :وكأنهم أطفال وش ذا الهبل
ضحكت مريم : خلوهم يا جماعه والله انهم يحبون بعض ويخافون على بعض بس يسوون الحركات ذي عشان انحم حولهم
ترف : اي والله انهم عايدين ويحبون يعاندون بعض
جت حلا معصبه و وراها سهم معصب
عنود : بسم الله وش فيه
سهم :راحت تجلس قدام الرجال
حلا :ماهمني فيهم اهم شي عندي جدي و عماني وابوي
سهم : لا والله والباقين وش هم
حلا :اخواني
سهم :لا تجننين ماةفيه اخوان لش الا اثنين و هم فهد وفارس ليه تزيدين هاه
حلا : مالي شغل انا اعتبرهم اخوان لي ليه ما تفهم
سهم :الحين انا ماافهم لانه اغار عليش
حلا :مالي شي وش دخلني في غيرتك التعبانة
سهم :ان ما غرت عليش يعني اني ما حبيت يا تعبانه انتي
حلا :والله الحب ما انقاس بالغيره لكن انت مدري كيف تفكر
سهم : حلا لا تجننين و ش ذا الكلام انا مالي دخل فيش كيف وانتي كل حياتي افهمي
ضحكت العنود :دامها وصلت انه تبين مشاعرك يعني غرت صدق
ضحكو البنات ترف : والله انه تضحكون وش فيه وش عصبكم من بعض ذلحين
حلا :مدري عنه
سهم :انقلعي وتعالي لي في الليل نسولف والله ان اقفل الباب في وجهش يا حيوانه
طلع سهم و هو معصب و قافله معه
لفت حلا لهم : ماهو من جده انا اللي ابيه اخر الليل ولا هو اللي يجيني
عنود : لا انتي اشوفش دايم داخله خارجه من عندنا ولا تسلمين علينا
حور :اي والله يا حلا ماتوقعتها منش تجين ولا تسلمين
جنى :كان جبتي معش فارس
حلا : لا تجننوني مع ولدكم متى جيتكم
ساره : لا والله ومين يتسحب الليله بالخفى ويدخل الغرفه
مي : ايه واضح بتجحدين وانتي دايم عايشه عنده
حلا : بس خلاص لا تجننوني
مريم :والله اني اتوقع انه سهم اللي يسويها مستحيل حلا تسويها
فرح :اي والله وانا بعد اتوقع انه حلا مستحيل تسويها
ضحكت العنود : والله انه سهم يوميا اخر الليل الاقيه ساري اقول وين يقول لي اروح لي العيال اسولف معهم
ضحكت حلا :كفو والله اني خفت انه صدقتيه التعبان ذا
العنود :كفوك الطيب والله مستحيل اصدق لو شفت بعيوني
حور : لا تحملين ذلحين انتظري لي بعد الزواج
حلا رمتها بالمنديل :يا وسخه يا حيوانه ولا كلمه
ضحكت مي :المشكله ماهو هنا المشكله انه على طول فهمت يعني فيه انن في الموضوع
حلا : تدرون انتم وسخان ودايم تفكيركم يروح بعيد و يالله انقلعو بروح انام
ساره :تعالي كلي بعدين نامي
حلا : مالي نفس يالله باي
استمتعوا و علقو واكتبوا توقعاتكم و ترا انزل اول بأول في الانستا و نسوي فعاليات وزي كذا للي وده
