محمد : افا وانا
حلا : انت و فارس الحيوان ودكم تتزوجون
فارس :انا مو متزوج
مي : ولو مو متزوج مالنا شغل انت اللي تبغى ابوي يتزوج
محمد :افا يعني بتوقفون مع امكم و تتركوني
حلا :ايه نعم انحم سوا ضدك انت و فارس
ضحك فارس : للمره المليون اقول لكم مالي دخل في الموضوع لا تدخلوني ياخي
حلا : مالي شغل انت معهم
ضحك محمد : يالله نوم هيا عشان الدوامات
قامو كل واحد لغرفته قفل الباب فارس و راح يدق على سهم ولا رد عليه و له فتره من اول ما وصلو وهو يحاول يكلمه بس ما يرد
دق على ثامر و رد فارس: كم لي وانا أدق عليكم ما تردون
ثامر :معليش مشغولين وش تبغى
فارس :وين الحيوان سهم كم لي أدق عليه ما يرد ترا كنت باقول لي جدي انه ما يرد بس خفت عليه يتعب او يخاف عليه
سكت ثامر و تكلم فارس :قول تعرف شي تكلم سهم فيه شي
ثامر: الكل ساكت لانه ما يبغون يخوفونكم لكن سهم يوم سافرتو صار عليه حادث و هو ذلحين في غيبوبه دعواتك له
فارس وقف من على السرير : أسألك بالله ثامر تكفى قول مقلب
ثامر: مقلب مين عشان كذا الاسبوع الماضي كله ما اكلمك
فارس : انا جاي
ثامر: ولد لا تجي
فارس :لا تحاول لا تحاول مع السلامه
قفل في وجهه وراح يدق الباب على ابوه وفتح محمد: نعم وش تبغى يا المزعج
فارس : تعال يبه بقول لك شي
خرجت ساره و محمد و جلسو على الكنب و جلس فارس
فارس: قد نمتو
محمد : لا تكلم وش عندك
فارس : سهم لي فتره أدق عليه ولا يرد
محمد : وليه تدق عليه وش تبغى فيه
فارس : كلامه خوفني
محمد :ايه وش صار
فارس : طلع صدم ذاك اليوم يوم سافرنا و ما سألت عن حالته لانه ودي اروح اشوفه بعيوني
محمد : بسم الله وليه ما ندري
فارس :ما قالو لنا عشان ما نخاف عليه المهم اللي بقوله انه ودي ارجع السعوديه ابغى اشوفه
محمد : كلم البنات و شوف هم بيمشون معنا ولا
قام فارس وراح عند البنات و دق الباب و فتحت له حلا : هلا فارس أمرني
فارس : بدخل عادي
حلا : ايه تعال وش الاحترم اللي نزل عليك فجأه
دخل فارس و جلس : اسمعو
مي :فارس اول مره اشوفك جدي وش فيه
حلا : وي بسم الله عليك لا يكون عقلت
ضحك فارس ولف لهم :الموضوع مهم ولازم تسمعونه صح
حلا : تكلم
فارس : سهم صار عليه حادث و ذلحين هو في المستشفى
ناظرت فيه حلا و كانت مصدومه : اكيد مقلب ذي عوايده يبغى يخوفني عليه عشان ارجع صح
فارس :اخخخخ ياحلا ودي انه مقلب قسم بالله باكون اسعد انسان
مي : مستحيل وش صار له
فارس :مدري كنت ناوي اسافر على طول بس ابوي قال كلنا بنمشي اذا البنات ماعندهم شي
مي : بكره عندي اوف بس بعده مدري
حلا : عندي اوف اليومين ذي
مي : وش رايش تجلسين معي و نسافر اول ما اخلص محاضرتي
حلا : تم والله
فارس : يعني
مي : يعني سافرو انت و امي و ابوي و عادي خلونا هنا و نلحقكم بعد بكره
فارس :تم يالله بروح اجهز شنطتي واقول لي ابوي و امي
مشى فارس من عندهم و حضنت حلا مي و قامت تبكي
مي : وش فيش تبكين
حلا : سهم سهم سهم
مي : جعله ماني بقايله وانا استغفر الله خليه ينقلع مالنا شغل فيه
حلا : انا قلبي محترق و انتي تهاوشين
مي: لانه يا هبله معه غيرش و تزوج بعد ما طلقش على طول
حلا: بس باقي احبه
مي : هبله انتي انسيه انسيه
حلا :ماقدرت شفتي اول شي صار له تذكرته
مي :تعالي نذاكر وانسي الموضوع
قامو يذاكرون شوي و سوالف و نست السالفه حلا او تناستها
شوي و قامت مي تبغى تنام بعدين تذكرت كذبت حلا ولفت لها : من متى وعندش اوف يومين
حلا :كان ودي اروح اشوفه
مي : انتبهي لانه بتروحين واكيد بتلقين زوجته جالسه بجنبه وانتي بس بنت عمه
حلا : تمام
________________
عند محمد
كانو يجهزون و قدهم بيمشون و راحو لي البنات يتطمنون عليهم ولقوهم نايمين و مشو على طول مع اول رحله
واول ما وصلو ركبو سياراتهم و انطلقوا لي بيت ضيدان واو ل ما وصلو نزلو راحو لي ضيدان و سلمو عليه
ضيدان : وش العلم وش جابكم
فارس :قلبي قارصني انه وراكم شي وش فيه
ضيدان : مافيه شي وش رجعكم
فارس :وين سهم
ضيدان : مدري وينه وش فيه لييه تسالون عنه
فارس :ودي اعرف وينه سهم ذا صديقي و ابغى اسأل عنه
ضيدان : البنات جو معكم
فارس: لا ما جو انحم بس جينا وامي معنا
ضيدان : وليه تتركونهم
فارس : عليهم دوامات
ضيدان :ارجعو اجلسو معهم لا يخافون
فارس: بنرجع و نجلس معهم بس ذلحين نبغى نعرف عن سهم اي معلومه
ضيدان : وليه ملزم الا سهم فيه شي
فارس :دقيت عليه قبل اركب الطياره ولا رد و رجع دق علي وكان جوالي مقفل لاني في الطياره و من ذاك اليوم اللي ذليوم وانا أدق عليه ما يرد ابغى اعرف وش صار ليه صار كذا
ضيدان تنهد و سكت يناظر لهم رجع يتكلم : ايه سهم صار عليه حادث ذاك اليوم يوم سافرتو و هو في غيبوبه ذلحين ماندري متى يصحى
وقف فارس و سوا نفسه مصدوم و ناظر فيه :وليه ما تقولون لنا طيب كيف الزواج امس و هو تعبان
ضيدان : الزواج حمد اصر عليه و قوم الدنيا و قعدها الا يسوي الزواج و سواه
محمد : طيب وين اخوي وين زياد و ثامر
ضيدان : راحو المستشفى يتطمنون عليه
وقف فارس و محمد :انحم نستاذنك بنروح المستشفى و نتطمن عليهم و نرجع
مشو قبل حتى يسمعون رده لانه مستعجلين
____________
عند ترف العصر
كانت نايمه و حاول اكثر من مره يصحيها نواف ولا صحيت و شوي و دق عليها جوالها و قامت وردت : هلا ميمي
ميمي :وينش العزيمه يا اختي ما جيتي
ترف : اخخخ راحت علي نومه اتجهز واجيكم
ميمي :استعجلي
قفلت ترف و وقفت وراحت لي نواف : ليه ما تصحيني تدري انه العزيمه ذليوم عند اهلي
نواف كان يلعب بجواله رفع راسه : صحيت حتى طفشت وش تبغين اسوي
ترف :اووف منك ما تفهم
مشت تقفل الباب بقوه و راحت تلبس و تكشخ و شوي و طلعت و مشو لي بيت أهلها و قامو يستقبلونها و كان استقبال صغيرون ماهو كبير عشان سهم في المستشفى و زي كذا
جت ميمي و حضنت ترف بقوه :اشتقت لش
ترف :وانا بعد
ميمي : تعالي تعالي خلينا نحش في العرس
ترف : يووه تم
مشو وراحو يحشون في المعازيم و ضحكهم واصل لي اخر البيت
عند منار
كانت تجهز في المطبخ القهوه و الشاهي و شوي و طلعت للمقلط عشان تشوف ترتيبه و نظافته فجأه و دخل ثامر وراها و قفل المقلط : مافيه خرجه حتى اكمل كلامي
منار : ثامر بعد مالي خلقك ترا مشغولين
ثامر سحب بيدها و جلسها :اسمعي مني كل شي وبعدين سوي اللي تبغين
منار : يالله تفضل تكلم واعجل علي
تكلم ثامر بكل هداوه: ايه انا يوم كنت صغير كنت احب بنت جيرانا و كنت دايم اقول لها باجي واتقدم لش ولكن هي كانت ترفضني و بأشد انواع الكلام و كنة مستمرين على الحال ذا حتى كبرنا و قابلتها و هي في الثانوي و قلت باجي واتقدم لش وقالت ما ابغاك ولا ودي فيك افهم
و راحت الايام وانخطبت و تعبت حيل و تزوجت وراحت في نصيبها لكن انا عانيت حتى نسيتها و فجأه بدون مقدمات جا جدي واجبرني اخذش وانا ماكنت ابغى اكسرش ولا كنت ابغى اخذلش و لكن صار اللي صار و تزوجا و قبل الشوفه تراني شفت ولدها و كانت مسميته ثامر و طلبتني السماح ولا قدرت و دعيت عليها لانه لو انه وافقت علي كان تزوجنا ولا كسرتش انا ادري انه انتي ذلحين ضايقه مني بس والله انه القلب مصيبه انا مدري وش فيه ذكرها انا اوعدش انه انساها و وعدي وعد رجال
منار : ثامر ماهو كسرتني و بس انت حطمتني و دمرتني نفسي اخخخخ يا ثامر تعبانه و فيني قهر من كل شي
ثامر : الله لا يوفقني ان فكرة اضايقش مره ثانيه
منار : استغفر
ثامر : سامحتيني
منار : لا
ثامر : افا ليه
منار : لانه ما احب اللي يخدعني
ثامر : ما خدعتش يا بنت
منار : الا خدعتني توك تقول لي ليه ما تكلمت من اول
ثامر :افا وش تفرق اول عن ذلحين
منار : تفرق اشياء واجد اولها كنت احسب ان قلبك خالي طلع فيه غيري
ضحك ثامر : خالي ولا عمي
منار : سخيف انقلع
ضحك ثامر : اضحكي عاد
منار : انقلع فك الباب خلني اساعد امي
مسكها ثامر : سؤال
منار :وش
ثامر : وش سويتو لي امكم ف كلكم تزوجتو زواج إجباري
ضحكت منار : يا حيوان توي انتبه
ثامر : اخخخ امس جلست افكر في ليلة زواجنا نام كل واحد في ركن
منار : تصدق ذيك الليله ما نمت الا بعد ما شفتك دخلت الغرفه لانه خفت انك رايح تسوي مصيبه
ضحك ثامر : لا مافيه مصايب تطمني
قربت منه منار وهي تشم ريحه غريبه ود فت به : يع وش ذا الريحه
ثامر : وش اي ريحه
منار : وع وع ريحه دخان انت تدخن
ثامر : لا ما ادخن
منار :اجحد مهما كانت الادله واضحه
ثامر ابتسم: وش يفرق ادخن او لا
منار : مدري شكلك ماتدري وش سوو بنواف عشان شكو انه يدخن
ثامر : ايه معلاش انا ما احد يشك فيني المهم روحي روحي ساعدي امش عشان لا تجيبين العيد و تنتكس حياتش يكفي انه تزوجتي إجباري
منار :انقلع يا حيوان كل مره تجيب لي طاري انه تزوجتك مجبوره
ضحك ثامر: اخخخ لو يسوون قصتنا مسلسل كان افخم المسلسلات
منار ضحكت : اي والله و يكتبون عنوانه إجبار او ضيدان
ضحك ثامر : صح بس لازم يحطون بطلات حلوات
منار :ايه و يحطون أبطال حلوين و معضلين
ناظر فيها ثامر و رجع يناظر في جسمه : افا تقصدين اني مو معضل تبغين اوريش عضلاتي
منار :تدري انك وصخ
ثامر :افا انا وصخ
منار : ايه انت
ثامر مسك قلبه : اخخخ جرحتيني مهقيتها منش
منار : اقول انقلع عند الرجال : الا بسألك وش صار على اخوك
ثامر : تعبان في غيبوبه نفس ماهو ما تغيرت حالته
منار :الله يشفيه يارب
ثامر : يارب والله اني ضايق حيل عليه
منار : ايه مساكين البنات يبكون كل ليله عليه
ثامر : اح وانا مو مسكين تاركتني وحدي في الشقه ما معي لا أنيس ولا هم يحزنون
منار :خل منى تونسك
ضحك ثامر :قد معها عيال و قد عيالها مهم عيال
ضحكت منار : كذاب
ثامر :استهبل معش بس وش ابغى بمنى و عندي مناري
ضحكت منار : اخخخ يا الكذب
ثامر : اقول انقلعي بروح لي فارس ولا للرجال اهون منش
منار : فكه منك روح خلنا نرتاح واحسن روح لي فارس عشان نرتاح ما نبلش فيك
ثامر :افا يالغدره والله الجرح يوجع
ضحكت منار : انت كذوب والله
مشى ثامر على العكاز و خرج لي برا و سلم على نياف و زي. و حمد :انا استأذنكم باروح لي اخوي اتطمن عليه و اجلس معه
حمد : اذنك معك يا ولدي
مشى ثامر و هو غصب يمشي بس خلاص يحاول يتعود على العكازات
___________
عند فارس و محمد
دخلو على سهم و شافو الاجهزه كلها حوله و شافو سهم و كل جسمه فيه جروح اللي عميقه واللي كانت صغيره قرب منه فارس : اخخخخ يا صديق روحي و قلبي يصير فيك كل ذا وانا اخر من يعلم افا ياروحي والله اني مسامحنك وانه طول عمري اسامحك وانه ما اشيل في خاطري عليك انت خويي و رفيق دربي و بهجة ايامي
محمد قرب منه و مسك كتف فارس : سهم الشجاع اللي ما يهاب شي والله العظيم انك مثل ولدي و صديق ولدي انت اللي اتكل عليك في المهمات الصعبه الله يقومك بالسلامه يارب
مسح دموعه فارس و جلس يناظر سهم و كان يشوف جروحه اللي في وجهه و كان يناظر لكل شي شاف يده المجبره وشاف رجله كان مصدوم من حالته و اكتشفو ليه ما احد قال لهم لانه حالته خطيره مره و كانو خايفين يصير اي شي
جاهم الدكتور و كان يتفقد علاماته الحيويه محمد : كيف حاله يا دكتور
الدكتور اخذ نفس :والله مدري وش اقول لكم بس الولد هذي حاله مم اول ما وصلنا علاماته الحيويه على ماهي ما ترتفع و حالته سيئه حيل
فارس : يعني كيف يا دكتور
الدكتور : دعواتكم له ذلحين هو في امس الحاجه لي دعواتكم انحم مثلكم ننتظره يصحى لانه طول مره
محمد : ان شاءالله يقوم يارب و يصحي ويرجع مثل اول واحسن
الدكتور و فارس: آمين يارب
خرج الدكتور و دخلت عهود تناظر له و شافتهم جالسين و خرجت ولف محمد : مين انتي يابنتي
عهود : انا زوجته عهود
وقف محمد و فارس و مشو
محمد : خلاص يا بنتي روحي له انحم قدنا طالعين
كان فارس يحمد ربي انه حلا مو معهم ولا شافتها
محمد :وين رحت
فارس : الحمدلله انه حلا جلست ما جت معنا
محمد :اي والله ولا كان صارت مشكله بينهم ومين يحلها
فارس : الله يقومه بالسلامه سهم ولا وش له بالهم والشقى
محمد : الهم و الشقى وش تراه تزوج
فارس : اقصد انه دامه باقي يحب حلا كان ما تزوج غيرها بس هو دايم يحب يصعبها على نفسه
شوي و جا ثامر و سلم عليهم محمد : كيفك و كيف رجلك
ثامر :الحمدلله احسن من توا بس تعبت من العكازات
فارس : كيف الزواج
ثامر : يووه مشاكل في مشاكل الله يعين ويصلح جدي
محمد : اح توكم ترا يا ولدي
ثامر : يعم مشكلتنا سوؤ فهم لا انا قادر اشرح لها ولا هي قادره و نتهاوش بس الحمدلله انحلت واخيرا
محمد :الحمدلله كويس ولا عاد تعيدها مره ثانيه
ثامر: ان شاءالله يا عم الا انت والأهل كلكم جيتو
محمد : لا بس انا والثور ذا و امه
ثامر ضحك و فارس انصدم : افا يبه انا ثور هذا جزاتي وانا افكر فيك قبل افكر في نفسي
ضحك محمد : وش تفكر فيه لي
فارس : افكر ازوجك مثل ما افكر انه ازوج نفسي
ثامر : اسكت لا تسمعك امك و بعدين نلقاك منسدح بجنب سهم
ضحك فارس : ايه قصدك ارافق معه ابشر عادي باقول لي امي وارافق مع اخوك ايه توي اتذكر عريس جديد ودك تنبسط مع زوجتك و ما تقدر تجلس مع اخوك
ضحك محمد : انت انجنيت
فارس :افا طالع عليك
رفع العقال محمد وهرب فارس وهو يضحك ثامر ضحك ولف لي عمه : بادخل لي سهم بغيت شي
محمد : عنده زوجته
ثامر : اح جت ذليوم
محمد :ايه جت
ثامر :كل يوم تجي القاها تبكي عند راسه
محمد :الله يعين يا ولدي يالله مع السلامه
ثامر: مع السلامه
مشى محمد يلحق ولده و وقف عند السياره و جا فارس و معه كيس فيه أغراض من البقاله و ركبو و حرك فارس
___________
عند فهد و ريم
كانت ريم تكشخ و دخل فهد للغرفه : الله الله الله على الجمال اخخخخ كل ذا الجمال لي انا وحدي الحمدلله يا رب على ذا النعمه
استحت ريم و نزلت راسها ضحك فهد و جلس جنبها : اخخخخ احبش يا روحي احب خجلش و احب هدوؤش يا بنتي انتي كل شي بنسبه لي كل شي فيش يجذبني لش
ريم : خلاص تراني استحي
فهد : تدرين يا حلوه انه فبه مفاجأه تنتظرش
ريم : قول انك حجزته لي أهلي حيل مشتاقه لهم
فهد : فيه شي تشتاقين له و ما اقول لش شبيك لبيك سمي بين يديك
ريم : ايه وش المفاجاه
فهد : قد شفتي احد قال عن المفاجأة حقته
ضحكت ريم : فهد
ابتسم فهد : فهد و عيونه و قلبه و روحه و كل شي امريني
ريم : قول تحمست للمفاجأه
ضحك فهد و وقف و وقفها معه و مسك يدها يلفها حول نفسها: : ابشري من عيوني يا اميرتي الان نروح نشوف وش الهديه
مسك بيدها و مشاها معه حتى وصلها لي الصاله و كان فيها بوكس كبير و فيه بلونات كثير ناظرت فيه :وش هي الهديه ذي
لف لها : افقعي البلونات حتى تحصلين الورقه
قامت و هي تفقع البلونه و مع كل بلونه تصيح خوف من صوته و تغطي اذانها عنها ضحك من شكلها و قرب منها و حضنها و فقع البلونه اللي فيها الكلام و أعطاها الورقه تقراها ^^زوجتي و حبيبة قلبي وروحي وعمري وحياتي انتي طلبتي وانا انفذ اميرتي المدلله انتي طلباتش أوامر انا اكتب لش الحروف هذي وانا عارفه انه ما تعبر عن ولا شي في داخلي لانه انا احبش ريم ريمي حبيبة قلبي افتحي الصندوق فيه شي طلبتيه مني ^من حبيب قلبش وروحش فهد^^
ابتسمت ريم و هي في حضنه و حضنته و بكت بادلها الحضن وباس راسها: حبيبة قلبي وش فيها تبكي افتحي الهديه
ريم : مرره مشكور ياقلبي اتفه الأشياء تسعدني والله
مشى فهد بها حتى وصلو لي الصندوق الكبير و قربت منه و فتحت غطاه و انفتح الصندوق و كان أركانه كلها حلويات انبسطت ورجعت تفك غطا الثاني و نفس الشي حتى وصلت لي السادس صندوق و هو صغير رفعت راسها : احسك كذوب ما جبت لي هديه
ضحك فهد : لا لا جبت والله
راحت وفتحته و لقت ورقه و قرتها و صاحت بحماس و قامت تقفز و هو يضحك عليها
ريم : من جد بشوف اهلي بسلم على اخواني اخخخخ كم اشتقت لهم
قرب منها فهد : افا وانا
ريم : انت معي يوميا قد طفشت منك بس اهلي لي منهم اسبوع
ضحك فهد : وبكره بنروح لهم يالله قومي جهزي الأغراض
صاحت ريم بسعاده وركضت للغرفه لف فهد يناظر الحوسه اللي صارت : اخخخخ يعني بنظف كل ذا ذلحين قرب واخذ بسكوت وصاح لي ريم : ترا اخذت بسكوت من اللي اهديتش
ريم : بالعافيه ماني فاضيه اناقشك
ضحك فهد و فتح جواله يناظر له و هو يسمع صياح ريم و سعادتها لو عرف كان من زمان اسعدها برجوعهم
عند ريم
كانت ترتب الملابس بسعاده كبيره لانه بتروحين و تقابل أهلها
جا فهد وساعدها و رجعو ينامون و هي متحمسه للسفر لانه اول مره تبعد عن أهلها المده ذي كلها
____________
جا اليوم الثاني
و صحيو من الفجر و على طول على المطار و سافرو لي أهلهم اول ما وصلو ربكة سيارتهم وعلى طول لي بيت جاسم
كان ما يقارب الوقت الظهر لانه استغرقو وقت طويل في المطار و الطياره و وصلو بعد تعب
نزلت ريم من السياره وركض على البيت و دخلت و شافت ابوها جالس هو و امها يتغدون و قربت منهم تسلم على روسهم و هم مصدومين كيف جت و متى
ريم : افا وش فيكم ليه ما استقبلتوني
حضنتها مرام : خلينا نستوعب شوي شوي وي
ضحكت ريم و لفت لي ابوها اللي وقف يسلم عليها بعد ما مرام انسحبت و طلع يستقبل فهد : أرحب
فهد : البقى
قربو يسلمون و دخل المجلس فهد :انا عارف والله مااحد يجي الظهر ولكن من حماس ريم ما حبيت اردها و جيناكم من المطار على طول هنا
جاسم :حياك الله و عادي يا ولدي البيت بيتكم في اي وقت
دخلت مرام و سلمت علبه: كيفك يا ولدي
فهد : طيب يا عمه وانتي اخبارش
مرام : الحمدلله طيبين ولكن مشتاقين لي بنيتنا
ضحك فهد : وحتى هي مشتاقه لكم و حجزت على أقرب رحله و جيناكم على طول
دخلت ريم و قهوتهم و جلست
جاسم: كيفش يا بنتي اخبارش
ريم : الحمدلله يا يبه بخير وانت كيفك
جاسم : طيبين الحمدلله
لف جاسم :العشا ذليله عندنا
فهد : افا يا عم ماودنا نكلف عليك
جاسم : افا ما فيه كلافه ولا شي عيالي و ردو و اكيد بنسوي لهم عشا
فهد : لا يا عم ماله لزوم المهم ابوي و فارس قد رجعو
جاسم : لا والله يا ولدي لكني من امس ماقد قابلتهم
فهد : افا ليه يا عم
جاسم : كانو عند جدك بعدين راحو للمستشفى وانا كنت طول الليله في عزومه حمد عشان العيال
فهد :الا صدق مبروك زواج نواف
جاسم : الله يبارك فيك يا ولدي
ريم : ليه ما انتظرتوني يا يبه
جاسم : حمد كان مستعجل
فهد : وليه يستعجل لانه المفروض انه يهدأ و يعرف أي خبر عن سهم بعدين يفكر يسوي الزواج
جاسم : مدري عنه والله الكل خايف على سهم الا هو بسم الله عليه
فهد : والله مدري وش اقول لك يا عم بس عمي حمد يخوف اذا عصب
جاسم :اي والله
شوي و دخل فلاح و وقف فهد يسلم علبه و قامت ريم تحضنه و تبوس راسه و هو حاضنها لف لي فهد
: مالك حق تحرمنا من اختي ترا لك اسبوع عيب المفروض ذلحين تتركها اسبوع هنا عدل بينا
ضحك فهد :افا مستحيل اتركها اقول ذي زوجتي خلاص ما راح اتركها ضحك فلاح و بعد عنها و جلس بجنب ابوه
فهد : اخبارك
فلاح : طيب وانت
فهد : في أحسن حال من يوم دخلت اختك حياتي
رمى فلاح المخده قصده تصيب فهد بس انحاش عنها وهو يضحك
فلاح :زوجتك لكن لا تفلها
ضحك فهد : والله ماقلت الا الصدق
جاسم : اثر ابوك صادق يوم يقول انك مو عاقل
ضحك فهد : افا ياعم تشك فيني وانا ولدك
جاسم :ما احد شك فيك اهجد
ضحك فهد و جلس جنب ريم و مسك يدها فلاح :ناوي يختبر صبري الكلب ذاك
ضحك فهد : مين الكلب
فلاح : فيه احد غيرك
فهد :ايه انت
جاسم :ان كان انتم كلاب انحم وش
فهد :محشوم يا عم بس ولدك هبل هو اللي يسب
فلاح :ان ما سكت يا فهد جلدتكك
فهد ضحك : الا بسألك رحت لي سهم
فلاح لا والله ناوي له بزياره العصر
فهد : قرب العصر امش خلنا نصلي قريب منهم و نسلم عليه
فلاح :تم تبغى تمشي معنا يا يبه
جاسم : ماعندي مشكله مشينا
مشو كلهم يتجهزون و راح فهد ينتظرهم في السياره و حركو على طول و توجهو للمستشفى على طول بعد فتره وصلو ولقو عهود عنده و اول ما شافتهم طلعت
جاسم :زوجته من اول ما تنوم كل مره اصادفها
فلاح : ليه تجي وحدها وين أهلها
جاسم : مدري عنها بس اكيد بتزور زوجها و تطمن عليه
سكتو العيال و دخلو و شافو حال سهم اللي كل يوم يزيد سوؤ وقفو عنده وسلمو عليه و مشو و كانو متضايقين من منضره
______________
عند ثامر
كان متكي في البيت و جت له منار : اوووف ثامر طفش
ثامر :الله وش تبغين من فعاليه
منار : دور لعبه اي شي ودي نستانس اووف
ضحك ثامر : عندي لعبه
منار : وش
ثامر :انه كل واحد يسأل الثاني عن كل اللي فيه خاطره يعرفه
منار :تم
ثامر : تم ابدأي اسألي
منار : نسيت ولا تناسيت
ثامر ناظر فب الأرض: تصدقين انه ما ادري بس اكثر شي اعرفه انه نسيت
منار : طيب دورك
ثامر : قد حبيتي
منار :لا وع الحب
ضحك ثامر : افا ليه
منار : كذا ما احبه
ثامر : تمام اسألي
منار : هل وظيفتك كانت حلم الطفوله
ثامر : ايه من زمان اتمنى انه اكون عسكري
منار : تم دورك
ثامر: وش وظيفة احلامش
منار : كنت ابغى هندسه بعدين قلت دكتوره اخر شي الجامعه اللي اختارت التخصص
ضحك ثامر : وش التخصص
منار : إدارة أعمال
ثامر : حلو والله
منار :ايه بس مدري ما احب
ثامر : تمام دورش
منار : وين الدوله اللي ودك تسافر لها امنيتك
ثامر : الصراحه عادي ما ودي اسافر برا السعوديه احب السعوديه وانتي
منار : اممم ودي اسافر بس اي مكان عادي مو مهم
ثامر : كيف كنتي تتخيلين شهر العسل حقش
ضحكت منار :كل شي لكن ما كنت اتخيله بذا الشكل
ثامر :تراني سألت سؤالين
ضحكت منار : ايه ادري والنت كيف كنت تتخيله
ثامر : اوووه اشياء واجد بس ما جا في بالي انه اتزوج إجباري
ضحكت منار : طلعت كلنا خيالاتنا كبيره واحلامنا واجد و اخر شي تزوجنا إجبار
ثامر : تكفين لا تذكريني ذلحين عيالنا وش بنقول لهم
منار : مالي شغل ما ابي عيال
ثامر : هو بكيفش انا ودي بعيال
منار : اقول انقلع
ضحك ثامر و لف : بنام على الكنبه
منار :نام و فكنا
استمرت اسالتهم واجوبتهم على بعض حتى جاهم النوم
_____________
عند فارس
دخل و كان وده يسلم على جدته قبل يروح ينام ويأخذ امه من عندها دخل و انصدم انه كانت جنى تقهويهم و تضحك معهم جلس يتأمل فيها و مستعد يجلس طول عمره يتأمل ضحكتها اللي اشتاق لها و اشتاق لي صوتها اشتاق لي كل شي شاف التعب والحزن اللي في عيونها و عرف انه حزينه على اخوها كان يهوجس في كل شي ولا صحي الا لما رجعت الطرحه على وجها و جدته نادته يدخل
دخل و سلم على امه و جدته و جلس و راحت جنى برا ركض و هي خافت من نظراته فيها و هو مايجوز لها يناظرها راحت و جلست و كانت تفكر في شكله و في كل شي
عند فارس كان يرد بكلمه عل جدته و كان يجلس يناظر في مكانها اخر شي عائشه تكلمت :انت وش سالفتك من يوم جيت وانت ساكت
تكلم فارس: ولا شي يا جده بس فيني نوم ودي انام
حاولت ترقع له ساره : ياعمه ذا اذا جاه نوم يفصل يا يضحك ويجلط بالكل يا انه يجلس ساكت و ما يتكلم
عائشه :اها ها روح نام
فارس : بنروح بيتنا انحم و امي
عائشه: حلفت عليكم تنامون هنا
فارس: ليه يا جده تحلفين
عائشه: بيتكم يحتاج له تنظيف لكم فتره ما رحتو له
فارس : عادي ياجده ننام و نجيكم
عائشه: وي كيف تنامون في الغبار اقول رح المجلس ونام لا ازعل منك
فارس: لا لا كل شي ولا زعلش
وقف فارس و مشى و ما كان له نيه يدخل البيت و جلس يتمشى في الحوش و يهوجس في جمالها و كيف انه تغيرت وكيف كان مشتاق لها و فجأه لقا واحد يزيد عليه الشوق و التعب يفكر كيف يحاول فيها ترجع و كيف يراضيها جلس طول الليل يفكر في افكار كثير ولا قدر ينام شوي و جت له فكره و شغل سيارته وراح لي اقرب محل ورود و شرا بوكيه ورد كبير و شرا جوال آخر موديل و راح لي محل ذهب و اشترا طقم ذهب كبير و كان جميل بشكل كبير
و جمعها مع بعض و كتب عليها شعر يراضيها فيها قراه و حفظه لأجلها :
لـك حق تزعل ثم لــك حق نرضــيك
مـأقوى زعل حبيب قلــبي وعيني
مادام قلــبى ياأريش العــين مغليـــك
اطلب ولــك روحى ومـافى يدينـــي
لاتنشــغل مـــالك وزيـــن يضاهيك
أبيــــــك أنالـــوكــان غيــــرك يبيبنـي
يـوم الله احسن صورتك خصني فيك
فـــيك الجمال وصادق الــود فينـي
شعري يزين بوصف زينك وطاريك
والخــــد من ممشـــــاك فيها تزين
و رجع يكتب :قلبي وروحي جناي جنو قلبي انا طالبش السماح سامحيني انتي ما رحتي عن بالي دقيقه انا لو فيه امنيه تتحقق لي ذليله كان قلت ودي جنى زوجتي انا ادري انه غلطان و شكيت في حبش بس اتمنى تعذريني ياروحي وقلبي بعد ما أنهى كلامه كتب : من حبيب الطفوله
حط الظرف بين الورد و راح يشيل الأغراض ويركبها في السياره و مشى و اوا ما وصل راح لي البيت وأرسل لها رساله : اطلعي عند الباب
ردت جنى : مين
فارس : اذا طلعتي بتعرفيني
جنى :اقول تكلم مالي خلق الالغاز
فارس رجع يكتب :
لاتزعل ولا ياخذك مني الزعل أبيك
تعرف إني اكثر شخص لو توجعه ما أوجعك
أنا أحاول اني بقدر الإمكان ما أخليك
ولو يخدعك وقتك أنا مستحيل أخدعك
أفكر وأنا ماودي أفكر إلا فيك
وأسافر وأنا ماودي أسافر الا معك
جنى : فارس ؟؟ وش تبغى
فارس : اطلعي و اعرفي وش ابغى
جنى : مالي خلق اطلع والله
فارس صور الهدايا و الورد و كتب : يعني ما تبغينها
ابتسمت جنى يوم شافت الورد اللي تحبه و فيه هدايا
قامت بسرعه من على السرير و فتحت له الباب و هي لابسه حجابها : ماهقيتها منك والله
فارس: تزعلك الدنيا وانا اراضيك
جنى : الدنيا ما زعلتني قد ما انت مزعلني
فارس :والله انه انا غلطان و هذا انا جاي اعتذر هل تقبلين اعتذاري يا احن واحب بنت على قلبي
جنى غطت يديها بوجها : انت رحت تتعلم كلام حلو و جيت
فارس ابتسم : لا بس انا في خاطري من اول كذا و كان ودي انه قبل ما نسافر بس انشغلت بسالفة رجل ثامر و راح عن بالي
جنى : تدري اني احبك و ما اقدر انه اردك
ضحك فاري: تحبيني انا ولا الورد
جنى : اووف سؤال صعب بس اعطني الورد
ضحك فارس : يعني جوابش الورد
جنى : اممم تقدر تقول
ضحك فارس :احبش يا اغلى من روحي احبش يا قلبي و دنيتي
جنى : بس يا فارس استحي
ضحك فارس : شيلي شيلي الأغراض و ادخلي جوه واقريها على راحتش والقصيده اللي أرسلتها لي واتس تراها عشان احاول ارضيش
جنى : ايه قريتها
فارس : يالله اساعدش بها
جنى : لا عادي بشيلها
فارس : لا بودي لش الورد لين الغرفه
جنى : تمام بس بمشي قدامك عشان حور مدري وين
ضحك فارس : تغارين علي
جنى :يع اقول نزل البوكيه هنا وروح أساسا انا ما ودي فيك بس ودي في الورد
ضحك فارس و نزل الورد و راح و كان طاير من الوناسه على انه رضت وأخيرا جنى عليه مشى لي برا وراح ينسدح و شوي وأذن الفجر و قام يصحيهم وراحو يصلون الفجر و كان النوم في وادي و فارس في وادي رفع راسه و شاف زياد وابتسم فارس : ياعم ودي ببنتك
زياد : ياولدي ترا مو وقتك ابدا
جا فهد و قامو يسلمون عليه و جلس فارس: افا يا عم ليه ماهو وقتي
زياد : ترا سهم في المستشفى
فارس : ادري بس ودي انه تنحجز لي انا و بس
زياد : طيب البنت ما تبغاك
فارس : بس انا ابغاها و خاطري فيها اسألها و شف ان وافقت عادي بعد ما نرجع نسوي ملكه و زواج
زياد :ماني فاضي لي هواشكم يا فارس خلها لي بعدين
فارس : تمام اللي ودك
استمتعوا و علقو تعليقاتكم تسعدني
