ضيدان : كلكم تحضرون و كلكم تتجهزون مع بعض ويوم الزواج كلكم بترقصون لانه هذا عرس اختكم
زعلو البنات و انحاش لف ضيدان لي حلا : انتي قويه بتقدرين
حلا : جدي سهم مات
ضيدان حضنها : خلاص يابوي انتي على ذمه واحد ثاني غيره
حلا : ادري ياجدي بس احس بتأنيب الضمير انه بيموت وبسببي
ضيدان : ماهو بسببش هو اللي سوا فيها رجال و قام يهدد
حلا بكت و مسح دموعها ضيدان : خلاص ياقلبي اهدي خلاص والله ماهو انتي السبب هدي ياقلبي وبعدين كيف عروس و تبكي هيا اهدي و روقي ياقلبي و خلينا نمشي السوق نخلص اغرضش
حلا :تمام ياجدي بس بجهز شوي والحقك
هز رأسه ضيدان و طلع و هو يعرف اللي مرت فيه و يعرف انه مستحيل تقدر تواجهه و بيصعب عليها المستقبل كان امنيته انها ما تدري وش صار في سهم عشان لا تنكسر و تضيق بس خرج كل شي عن السيطره و شاف انكسارها في عيونها طلع و كل قلبه عنده و لانه خايف عليها و على كيف بتواجه الحياه ذلحين لانه صعبت عليها كثير هو ما شاف حبها لي سهم الا ذليوم و اعترافها انها تخاف عليه يعني سهم بيموت ان ماقتلته الطلقه اكيد بيقتله انه يشوف حبيبته و حبيبة الطفوله تنزف لي غيره و خلاص بيصير كل جزء منها حلال لغيره
غمض عيونه بتعب و هو ما قد نام من بعد دخول سهم المستشفى من خوفه عليه فتح عيونه و قوى نفسه وراح للمجلس ولا كأنه اللي قبل شوي منهار على سهم و حلا
عند حلا اول ما طلع جدها جلست على الكرسي و جلست تحاول تستوعب اللي جالس يصير وانه فيه احتماليه انه يموت سهم هي كانت تخطط لي كل شي وانه مستحيل تنهار بس من اول ما عرفت بأنه سهم ممكن يموت طاحت كل عزومها و ضعفت و انكسرت من كل شي و كل شي صار يألمها و يتعبها ما توقعت انه كلام البنات من الممكن انه يضعفها و يكسر مجاديفها كان عندها امل انه سهم بيجلس عايش و يرجع لها ويحارب من أجلها بس انكسر كل شي وانهد كل شي من اول ما عرفت خبر عن سهم هي كانت تدور عنه اخبار من أهلها و كانت تحاول تتطمن عليه بس ما توقعت انه ذا الخبر اللي تدورها هدها هي كانت تحاول تقوي نفسها وتنساه بس بسبب صغيرون ضعفت وانقهرت و تعبت وانهارت كانت منهاره على السرير و تبكي بكل قوتها واللي بيشوفها بيقول انه مات احد عندها حاولت تقوم و ترجع حلا القويه حلا الدلوعه حلا اللي ماهمها الا نفسها لكن ما قدرت ما عاد قدرت تتقوى مثل قبل قبل كان يقويها وجوده حولها ذلحين فيه نسبه كبيره انه بيموت يعني من بيكون حولها مين اللي بيساعدها مين اللي دايم بتروح تشتكي له مين اللي دايم تنتقر معه و هي تعبت وانقهرت لانه ما توقعت انه بيجي الزواج ذا حقيقي وانه سند بيصير زوجها هي كيف بتتقبله كيف بتعيش حياتها معه هي خلاص ميته من بعد موت سهم لانه خلاص ماعاد فيه شي يسليها و لا يضحكها الا سهم و ذلحين هي ما تعرف عن سهم شي ولا تدري وش بيصير في المستقبل
حضنت مخدتها و قامت تبكي و تصارخ و تصيح تعبت من كل شي وانقهرت من كل شي هو مافيه ولا مره حست بكذا ولا في مره تعبت كذا تحس انه قلبها جالس يوجعها ما تدري هو من قوة البكى ولا من خوفها على سهم ولا من خوفها من مقابلة الواقع
هي تعرف انه الواقع صعب وبيصعب اكثر بموت سهم كانت ما تدري هي تلوم نفسها انها ممكن تكون السبب ولا تلوم اللي حولها ولا مين تلوم هي تعبت من كل شي
وقفت علي رجولها بعد انهيار طويل و توجهت للمرايه و كسرت كل أغراضها من عطور من مكياج من كل شي حتى المرايه ضربتها حتى انكسرت و رجعت تجلس على الأرض وقامت تبكي وتصيح جت لها مي و حضنتها و هي تهديها و اخذتها و جلستها على الكرسي
مي :وش فيش ياقلبي
حلا هزت راسها وهي تبكي و ما قالت شي
مي : الا ياقلبي والله انه فيش شي انا اختش كلميني قولي لي انا ممكن اساعدش
حلا مسحت دموعها: مافيني شي بس انه زواجي قرب و ما احد فاضي لي
مي : انا اختش وانا فاضيه معش اربعه وعشرين ساعه
دخلت ريم : وانا اختش و فاضيه اربعه وعشرين ساعه اي شي تحتاجينه انا موجوده
مسحت دموعها حلا :بس بيزعلون جنى و حور
مي : عادي خليهم يزعلون المهم انتي نجهز لي زواجش
ريم :ايه وش نبدأ فيه
مي : نبدأ اكيد بالفستان ونحجز بعدين نكمل أغراضنا الباقيه
حلا :تمام اطلعو عشان البس و نمشي سوا
ريم :انتبهي من القزاز
حلا : تمام
طلعو البنات وقامت حلا راحت للدرج وفتحت الدولاب و شافت الهديه و قامت تحضنها :انا اشتقت لك ليه ما اشتقت لي اخخخخ والله اني ماودي افتح الهديه الا معك مدري متى تجي
رجعت الهديه مكانها و مسحت دموعها الا في كل مره تهزمها وراحت تبدل و وقفت عند المرايه اللي في الحمام :انتي قويه انتي تقدرين انتي احلى وحده وأطيب وحده انتى أقوى وحده مافيه احد أقوى منش لا تنهزمين لا تضعفين كل اعداءش يبغونش تطيحين يبغونش تستسلمين لكن انتي بيني لهم قوتش هيا قومي وصحصي على نفسش و جهزي لي زواجش ايه انه ماهو الإنسان اللي انتي تحبينه بس انه خلاص هو زوجش اصحي على عمرش لانه مافيه احد مهتم لش اصحي و واجهي الحياه و واجهي الكل انتي أشرس منهم وأقوى منهم علميهم قوتش و علميهم انه مافيه احسن منش انتي طيبه مع الطيبين و شرسه و عصبيه مع الاشراس
مسحت دموعها وراحت تلبس عبايتها و نقابها و نزلت لهم لقتهم كلهم متجهزين
عائشه: بنمشي معش نساعدش بالاغراض ولا ما تبغينا
حلا : لا عادي حياكم الله
مشو كلهم معها و خرجو و كل مجموعه ركبو مع واحد
وانطلقو للسوق يتجهزون و يجهزون أغراضهم للزواج
و هم يمشون فارس شاف حلا تمشي وحدها وساكته قرب منها و سحبها له : حلا حبيبتي فيش شي
حلا :لا مافيني شي
فارس : طيب في وش تفكرين فيه
حلا : اخاف ما يمدي انه اجهز للزواج
فارس :الا بيمدي و بتقدرين تجهزين لي زواجش اساسا شوفيهم كلهم معش واي شي تحتاجينه انا موجود
حلا : شكرا ما تقصر
راحت حلا تتجهز معهم و تشتري لها لبس و أغراض و كل شي هي محتاجتنه
بعد ما خلصو توجهو للبيت و راحت حلا على طول غرفتها و نامت بدون ما حتى تبدل ملابسها جت مي تبغى تقول لها إلاكل جاهز بس لقتها نايمه رجعت تغطيها بالبطانية و تطفي اللمبات و تقفل الباب و تطلع برا الغرفه راحت لهم
عائشه: وين العروس ليه ما جت
مي : لقيتها نايمه
ساره :بسم الله على بنتي ترا ما كانت تنام وش صار ليه نامت ذلحين
ريم : عادي يا عمه تراها من الفجر و هي صاحيه اكيد بتنام عشان ترتاح
العنود : ماني خايفه الا على سهم لو صحى و مالقا اللي طول عمره يحلم فيه اذا صحى و سألني عنها وش اقول له اقول صارت حليلة غيرك صارت لي واحد كل جزء منها حلال له صارت لي واحد بيصير ابو لي عيالها
جنى : والله اني خايفه على قلب اخوي ان تعالج من الرصاصه مين يعالجه من جرح الحب
حور : ما توقعت حلا تحب نفسها لي ذا الدرجه يعني فيه انسان عرض حياته للخطر قدريه احترميه بس والله مدري وش اقول
ريم :مالكم دخل فيه خلوها والله العظيم انه تعبت و عانت لكن ما احد فينا قدر انه ينقذها
منار : انتم ما وقفتو معها في عز انهيارها لا تجون ذلحين تتكلمون عنها
ترف :والله انه حلا أضعف منا كلنا بس تبين لنا قوتها و تبين لنا انه مافيه شي يهمها
مي : اي والله انا اعرفها اعرف انه مستحيل تفضفض لنا ولا تبين لنا حزنها
فرح :انتم ما شفتو عيونها ذليوم ترا عيونها تشرح كل شي بس انتم اللي ما تفهمون
جنى : لا والله صرنا ما نفهم طيب و اخونا
مي : اخوكم رجال بينسى و بيعيش حياته
ريم : اي والله الرجال ينسون على طول و لا يهتمون يمكن يحبش ويبيش لكن لو يلف وجهه و يشوف غيرش واجمل منش حبها
حور : لا والله اخوي غير اخوي يحبها من كل قلبه بس هي جازته بأنها تروح و تتركه في وقته هو محتاجنها فيه
ترف : لا تتكلمين في احد وانتي ما تعرفين وش ضروفهم
ريم : اي والله انحم ما نعرف عنها شي ليه نتجادل وانحم ما ندري وش فيها
مي : انا وريم دخلنا عليها ذليوم و هي منهاره والله انه ما قالت لنا وش اللي خلاها تنهار
عائشه: خلصتو كلامكم يالله تعشو وانتم ساكتين مانحم ناقصين مجانين
تعشو البنات و هم ساكتين ولا تكلمو و كل وحده تفكر في حياتها ولو انها مكان حلا وش بتسوي و لا فيهم وحده تعرف وش معاناة حلا ولا ليش اختارت سند و وش بيصير في المستقبل كانو كل وحده تفكر من جهتها وانه حلا قويه وانها قدرت تنسى بسهوله ما درو عن انهيار حلا ولا عاشو ولو ربع اللي عاشته ولا يعرفون وش هي تحس فيه ولا وش هي تتخيله هي تنام و تقضي وقتها نوم بس عشان لا تفكر ولا تسوي شي هي بس تبغى كل وقتها نوم عشان لا تعيش مر حياته
مر اليوم وراحو ينامون و صحيو الفجر و تجهزو و كانو يبغون يروحون السوق ولكن لقو حلا نايمه
دخلت مي و طفت المكيف و شغلت الانوار و جلست بجنبها : حلا حلا حلاي هيا قومي
حلا : طيب طيب خليني شوي
مي سحبت بيدها و جلستها: وش ذا النوم تدرين انه من امس المغرب نايمه
حلا : وانا ما ارتاح في حياتي الا ذا صرت نايمه والله اني مبسوطه خلوني انام شوي
مي : بنخليش تنامين بس قومي تجهزي عشان نروح السوق
حلا :اوووف طيب
قامت حلا تتجهز و راحت مي للدولاب تبغى تطلع لها ملابس و فتحت الدولاب ولقت الهديه قلبتها و اخذتها تناظر فيها شوي و خرجت حلا من الحمام :وش تسوين
مي :وش ذا
رفعت راسها حلا و شافت الهديه قربت بسرعه و اخذتها منها : ولا شي خليها تجلس وانا بطلع لي ملابسي اطلعي من الغرفه
مي : ما بطلع الا قد عرفت صاحب ذا الهديه
حلا : ما فيه احد انا اهديت نفسي بس
مي : ليه وش فيها وليه ما فتحتيها
حلا بكذب عشان تصرف مي: توي اخذتها امس وحطيتها في الدولاب عشان افتح الدولاب واتفاجأ واستانس في يومي
مي :ما اصدق مستحيل
حلا : لاهو مستحيل ولا شي هذا الصدق ويالله اطلعي عشان ابدل
طلعت مي و هي ماهي مصدقه ولكن تحاول تصدق و حلا اول ما طلعت مي لفت على الدولاب وضربته بقوه و راحت تخبي الهديه و هي ماودها احد يشوفها
لبست بسرعه و راحت لهم و لقتهم جاهزين و مشو على طول عشان يتجهزون للزواج
مشت الايام بسرعه وهم يتجهزون عشان ذا الزواج و كلهم ما ودهم فيه و كان ضيدان دايم على تواصل مع ثامر و كل يوم يقول له انه سهم تزيد حالته سوء وانه تعبان
جا يوم الجمعه يوم ملكة سند و حلا و كان سند مبسوط و طاير من الوناسه انه واخيرا بيأخذ حلا وانه واخيرا بيتخلص من سهم و خلاص حياته بتصير افضل واحلى
و حلا اللي وجها ذبل و تعبت و هي كل يوم تقسى على نفسها عشان تنسى سهم و تتقبل في حياتها سند تعبت و انهارت و خسرت بنات عمها جنى و حور و تعبت من كل شي صار لها
حست بأنه كل العالم واقفه ضدها وانه خلاص فقدت الأمل دخلت عليها مي : انا بسوي لش شعرش
ريم :وانا بسوي ميكبش
حلا : ودي بشي خفيف و ناعم
ريم : معلاش انا اعرف اضبط لش
دخلت عائشه: احلى عروس بسم الله عليش يامي تحصني
قامت حلا و حضنتها : شكرا ياجده
عائشه :وش سويت ما سويت شي انا ماقلت الا الصدق انتي جميله يا حظ منهو اللي ياخذش
ابتسمت حلا واللي ما قد ابتسمت من يوم درت انه عرسها قرب بس كلمه بسيطه من جدتها ونستها و نستها كل التعب
بداو البنات يسوون لها شعرها و ميكبها و يهتمون في أدق التفاصيل
________
عند العيال
كانو واقفين يبخرون بعض و نياف و فارس كانو متلثمين و حزينين على اخوهم و صاحبهم اللي هم عارفين و متأكدين انه بيموت اول ما يعرف عن زواج حلا و بيموت اول ما يعرف انهم كانو موجودين ولا قدرو يوقفون معه
جا ضيدان و شافهم و قرب منهم :عرس اختكم وانتم تبكون لي كأنكم حريم استح انت وهو المفروض انكم واقفين و تجهزون ماهو تبكون
فارس : نبكي يا جد من مرارات الشعور والله العظيم يا جد لو يدري سهم انه يموت مغبون تكفى يجد الغ الزواج
نياف : جدي لا وفوقها عدوه اللي بياخذها تكفى يا جد سهم بيموت
ضيدان ما يموت الا اذا وفيا أجله ولا تجلسون تبكون لي كأنكم حريم قوم انت و هو اوقفو في عرس اختكم و استانسو
فارس : جدي تكفى والله ماني قادر احتفل و سهم في العنايه المركزه
نياف : بدال ما تشجعنا وانه انحم صادقين تقول لنا نحتفل
ضيدان :والله ان اغضب عليكم و اطردكم من البيت لو تعيدونها و ما تسمعون كلامي هيا قم انت و هو واغسلو وجيهكم واستقبلو العرب
قامو العيال و قامو يغسلون وجيهم ولفو يناظرون بعض
فارس: انحم خاينين صح؟
نياف: ايه انحم خاينين للعشره انحم مانحم أصدقاء وافين ليه ماوقفنا في وجه الكل ليه ما منعت اختك
فارس :ليه نتركها تروح و قلب خوينا معها لا و تروح لي الد اعداءه
نياف : وش بنقدم أعذار له لو قام و مالقيها
فارس :والله انه ما بيسامحنا
نياف: اي والله انحم اللي سوينها كبير
فارس : اخخخخ ما دريت اني خاين لي ذا الدرجه
نياف :كلنا خونه و كلنا ما نستاهل نكون اخويا لي سهم والله لو انحم مكان سهم كان سهم حارب لاجلنا لكن اخخخخ
فارس :ربي يعين
طلعو من عند المغاسل و توجهو للناس و قامو يتسقبلونهم و هم ساكتين و جو أهل سند و رحبو بهم وسكتو و جلسو
و جا المملك بيملك لف على ضيدان اللي بجنبه : وين الزوج والزوجه
سند قرب منه : انا موجود
ضيدان: كلهم موجودين
المملك :كلكم موافقين الزوجه موافقه
ضيدان : ايه ياشيخ
المملك جلس يسجل ولف لي محمد : قول معي يا ولدي
محمد :ابشر
المملك :زوجتك بنتي على سنة الله و رسوله
محمد :زوجتك بنتي على سنة الله ورسوله
المملك لف لي سند : قول قبلت بها زوجه
سند :قبلت
اتقطع كلامه من دخلو شخص هو يعرفه و زين المعرفه دخل بهيبته و بكشخته و زينته دخل و هو لابس الثوب الأبيض و غتره و بشت و لابس الحزام حق السلاح و قرب منه :يا شيخ مايجوز الزواج
المملك :مين انت
سهم :انا زوجها
سند :لا انا زوجها و بعدين ماهو انت ميت وش جابك
سهم ضحك وقرب منه:انا زوجها و هي زوجتي وانا حلفت انه ما تاخذها وانا صادق البنت على ذمتي واسأل الشيخ هل يجوز تتزوج و هي متزوجه ولا لا
سند :مستحيل طيب ليه وافقت ليه وافق جدك
ضيدان : وافقنا و تممنا كل شي لانه نبغى نعرف ليه جيت تبغى حلا
سهم ضحك:والله وطلعت خاين يا سند والله ما توقعتها منك خويي الروح بروح بيطلع خاين
كان الكل حرفيا مصدوم من دخول سهم و من وقفته و من كلامه و من كل شي
قرب زياد و لمس وجه سهم :انت عايش
سهم حضن ابوه و باس راسه :ايه انا طيب و بخير و حبيت انشر اشاعه اني ميت عشان الكلب سند يظهر على حقيقته
سند :ماني مسوي شي
سهم رفع راسه و هو يناظره بحده : كل اللي سويته وانت ماهو مسوي شي كل التزوير و و القتل وكل ذا وانت باقي تجحد انا مسكت عليك ادله كثيره و منها مسكت عليك انك زورت أوراق المزرعه ذي انت تحلم تشمها تدري ولا لا
لا واخر جرايمك انه تبغى تتزوج وحده متزوجه
فارس : كيف متزوجه من متى
محمد : انا زوجتها لي سهم بطلب من ابوي ولكن الباقي ما اعرفه
فهد :زوجتوه وانحم وين طيب قبل خطبه سند ولا بعدها
سهم :قبل الخطبه بأسبوع و جا ذا يخطب و يسوي فيها يعنني وانا كلمت حلا تكمل المهمه انها توافق و تكمل كل شي اللي كان خارج الخطه اني اهدد بسلاح و انه انصاب لكن خفت عمي يتكلم و يقول انها زوجتي
نياف :طيب انحم ليه ما ندري
سهم : ما احد يعرف غير انا و حلا وجدي و الزواج انا و حلا و جدي و عمي و الخطه هذي و سفري ثامر بس
فارس : طيب الدموع والحزن اللي عشناه
ضحك سهم : تعيشون و تاكلون غيرها
زياد :يعني فيه غيرها
سهم :لا بس مقالب صغيره
سند قرب يبغى يضربه بس مسكه سهم و كتف يده ولف وجهه على الأرض: ولا حركه ولا نفس انت مانت رجال على فعلتك ذي
سند :رجال من فوق خشمك
ضحك سهم بصوت عالي: والله اما انت برجال وانا ذلحين بدق على شرطه تمسكك و نفتك منك
راح سهم يطلع جواله يبغى يدق على الشرطه و لكن دف به سند وانحاش قام سهم من على الأرض: ابغى ادخل اشو عروسي اكيد انكم مزعلينها
فارس : عروسك من قرب الزواج و هي تبكي
ابتسم سهم : الله يطعني عنها والله اني احبها بس وش اسوي لازم انه نقول كذا عشان المهمه تكتمل
ضحك محمد : هيه تراها بنتي
سهم :اخخخخ ياعم بنتك شلعت قلبي
ضحكو الرجال كلهم و وقف سهم: دلوني على غرفتها ولا ودي احد يقول لها شي
ضيدان: تم انت ادخل بعدين نعلم الناس انك صاحي وانه الزواج ذالليل زواجك
__________
عند حلا
كانت جالسه في نص الغرفه و حاضنه هدية سهم و تبكي :اخخخخ يا سهم ودي انك موجود
جلست تلمس الهديه و هي تتذكر كلامه بالحرف الواحد
"فلاش باك "
قبل خطبه سند بيومين كانت جالسه في غرفتها طفشانه و دق الباب قامت تفتح لقت سهم
حلا : وش تبغى
سهم وفي يده كيس : دخليني قبل احد يشوفني
حلا : تعال حياك فتحت الباب ودخل سهم و قفلت الباب
جلس سهم على السرير النوم و سحبه تجلس بجنبه :روحي و زوجتي كيفها ذليوم
حلا منزله راسه و هي مستحيه :طيبه
سهم :اخخخخ ياقلبي انا على اللي يستحون
حلا :سهم اخلص وش تبغى
سهم : شوفي انا مادري اي الأعمار أطول ولا ادري وش بيصير في حياتي او حياتش لكن انا جيت و بقول لش في واحد خوي لي اسمه سند يمكن بيخطبش ابغاش توقفين معي و توافقين و نمشي الموضوع حتى نكشفه قدام الكل
حلا :لا سهم انا ما ابغى
سهم :الا انتي بتقدرين انتي قويه ولا تقولين لي أحد و هذي هديتي لش بس خبيها و يجي ليله الملكه نفتحها سوا و نسولف لي بعض بس ابغى منش شي انه اذا مت قبل نعلن زواج اتمنى ما تنسيني و الهديه افتحيها بس بعد وفاتي وان قدر الله وعشت بجي لش ونفتحها مع بعض
حلا : سهم ليه تقول كذا
سهم : مافيه شي بس ودي اقول لش كلام في خاطري
حلا :لا عاد تقوله ان شاءالله لك طولت العمر
سهم : ان شاءالله وذلحين خلينا في المهم
حلا :وش المهم
سهم :انه احبش وابيش و تعبت من التمثيل انه انتي ماهو زوجتي
استحت حلا و غطت وجها ضحك سهم و بعد يدينها :لا تحرميني من وجهش
حلا : خلاص سهم اطلع
انسدح سهم في عرض السرير: واذا ما طلعت
حلا :اذا ما طلعت يمكن احد يجي و يشوفك
سهم قام و طلع
"انتهى الفلاش باك"
في الوقت الحالي كانت حاضنه الهديه و تبكي :ليه يا سهم ليه تروح و تتركني ليه انحم خططنا مع بعض انت قلت بنعلن زواجنا وينك يا سهم
سهم دخل وقفل الباب بهدوء بدون صوت : و سهم معش و موجود في كل الوقت و بنحقق كل احلامنا مع بعض
رفعت راسها تحاول تشوف من دموع بس ماقدرت : لا لا اكيد انا اتخيل مستحيل سهم مستحيل
قرب منها سهم و حضنها وباس راسها: مشتاق لش ياروح سهم و قلبه
بادلته حلا الحضن وقامت تبكي و سهم يهديها شوي سكتت وبعد سهم عنها : وش فيش ليه تبكين
حلا : انت سهم ولا اتخيلك
سهم : لا انا سهم انا زوجش وش فيش
حلا : لا دامه قلت كلمه ما احد يعرفها إلا أنا وانتي اكيد انك سهم قربت منه و هي تشم عطره : لا ووالله هذا سهم حتى نفس العطر
سهم : نزلي صوتش ماودي احد يعرف بوجودي انتي اول وحده تدرين
رجعت تحضنه حلا و سهم ابتسم : حلو شكلي دايم بغيب عشان تجلسين في حضني
دفت به حلا و قامت :وسخ انقلع انا خايفه عليك و ذا ردك
ضحك سهم :ايه هذي حلا اللي اعرفه اللي تسب الكل
ضحكت حلا :يعني ما تعرف الا ذا طيب ليه ما قلت لي انك بخير ليه خوفتني
سهم :انا اسف بس لازم انه انتي تصدقين عشان الكل يصدق انتي اذا صدقتي الكل بينهار ويصدق اني ميت
حلا :تدري انك حيوان انا حلاك و تسوي فيني كذا
ابتسم سهم بخبث : انتي الذ حلى قد جربته
سحب بيدها له وجلست حلا و حضنها سهم و حط راسه عند رقبتها و جلس يبوس رقبتها و تعمق فب البوسه بعدين رفع راسه و قرب لي شفايفها : انا ضميان ودي ترويني
حلا يوم عرفت قصده دفت به : سهم لا ترا ورانا زواج
سهم :اخخخ مشتاق تكفين
حلا هدت وسمحت له يقرب و هو قرب من شفايفها و باسها و هي بادلته و هي اساسا باقي في صدمه من الوضع و من سهم و كيف جا و متى جا بعد سهم بعد ما هي طلبت النفس و لف لها : اخخخ ياكم اني احبش و مشتاق لش
حلا :انت اللي تركتني انت اللي عرضت نفسك للخطر
سهم : غصب عني ما تحملت اشوفه يبتسم يوم خطبش قهرني والله اني احترق كل ما اذكر ابتسامته اخخخخ تعبت تعبت
حلا :بس انت تعرضت للخطر و كان فيه احتمال انه تموت و تتركني سهم انتي ما تدري وش حسيت فيه حسيت بنار جوتي وانا جالسه اتجهز لي غيرك
سهم : ما انتي تتجهزين لي غيري انتي تتجهزين لي و ذليله بنعلن زواجنا
حلا :طيب تعال نفتح الهديه
ضحك سهم و سحبها وجلسها في حضنه و اخذ الهديه و فتحها و طلع طقم الماس فخم و جميل جدا لبسها اياه ولفها له :اوووه طلعتي ملكه جمال طلعتي جميله بشكل كبير
قامت حلا للمرايه تشوف و وقف معها سهم و حضنها من ورا وهو يشوفها تتأمل العقد : شايفه انتي اللي زودتيه جمال ماهو هو
حلا :انتي اللي جميل و ذوق اختيارك فخم يا سهم
سهم : طبعا لاني اخترتك لي خليل من بين الكل
حلا : ياقلبي انت شكرا
سهم رفع شعرها عن وجهها : عفوا انتي اللي مزينته والله
قطع عليهم صوت الباب رفع راسه سهم : وين اروح
حلا :كيف
سهم : ما احد يعرف شي عني بسرعه وين اتخبى
حلا :وكيف دخلت دام ماحد يعرف شي عنك
سهم: اخوانش دخلوني
حلا :تمام ثواني نشوف مين عند الباب
سهم :تمام
حلا:مين
فارس :واحد يدور انسان كنا نتوقع انه ميت افتحي خلينا نشوفه
راحت حلا تفتح و ضحكت و حضنها فارس :ما توقعت انه تعانين وحدش ما توقعت انه اختي قويه لذا الدرجه ما توقعت ان دموعش اللي اشوفها كانت خوف على زوجش اخخخ ياليتش قلتي لي و انا بوقف معش
قرب منه سهم و سحب حلا من حضنه : زوجتي لو سمحت
فارس :بس انها ختي من قبل تصير زوجتك
سهم : بس اختك وانت دايم تحضنها وانا توي احضنها
فارس :والله لا اروح احضن اختك
ضحك سهم : والله ما اخليك
فارس :زوجتي
سهم : كيف
فارس ضحك :خطبتها من ابوك و وافق و هي وافقت لكن قلنا ما نسوي ملكه ولا زواج الا اذا جيت و جدي ذالليله قال لي دام المملك موجود تعال نملك لك و جاي ابشركم انه واخيرا بتزوج
ضحكت حلا و حضنته :مبروك ياقلبي مبروك منك المال و منها العيال
سهم و هو مصدوم: ترا ما اختفيت الا اسبوعين بس وش ذا الأحداث كلها
ضحك فارس :مدري عنك انت اللي المفروض توضح لنا
سهم :ما قال لي جدي ليه
حلا :احسن نفس انه ماقلتو لي وخوفتوني عليك
ضحك سهم و حضنها من جنب : اسف ياقلبي بس انه لازم نسوي ذا التصرف عشان تعرفين تمثلين لانه كيف بتكملين وانتي تعرفين اني بخير تدرين انه انفضحت قدام اخوي وانا بس اصيح باسمش حتى قال لي ترا ماهي موجوده و بعدين قد هي بتتزوج وانت باقي تناديها
ضحكت حلا : احسن
فارس :ترا حتى بعض الناس يوم شافك مغمى عليك اغمي عليه ويوم صحى جلس يناديك
سهم : ياروحي انا الله يطعني عنش
ضحكت حلا :وكيف تعرف اني جنوبي من دون ما تقول اني جنوبي
فارس : يعني انتي طالعه منها
حلا : ترا ببكي ماني جنوبيه
ضحك سهم : كل شي ولا دموع الغاليه لا تبكي و صادقه انا الجنوبي بس
حلا :ايوه كويس
فارس :طيب بنادي مي و انت اطلع عشان انتي تعدلين وجهش و نكمل الملكه هيا
حلا : تمام
سهم :لف يا فارس
فارس : ليه
سهم: لف او اطلع برا شوي بس
فارس استوعب و طلع برا وقفل الباب ولف سهم لي حلا و حضنها و بعد شوي وباس شفايفها شوي وبعدين بعد : يالله انا بروح انتبهي لي نفسش
حلا : استودعتك الله ياقلبي
راح سهم و خرج برا مع فارس من دون ما احد ينتبه بعدين صاح ضيدان انه رجع سهم وانه سهم طيب و الكل انبسط وكل الحريم فرحو ولكن ما يعرفون انه زوج حلا
مر الوقت و عدلت مي ميكب حلا و كانت حلا مبسوطه و كل من دخل عندها استغربوا وناستها
مر الوقت و جت الزفه و انزفت حلا و جلست على الكوشه و قامو البنات يسلمون عليها ويرقصون معها و جا وقت العريس يلبسها الدبله و دخل سهم و زياد و فارس و محمد و فهد و ضيدان و سلمو عليها كلهم و باركو لها و جا سهم و حضنها و دمعت عيونه و مسحها ولف وباس راسها :الحمدلله اللي كتبش لي زوجه و سكن و روح و حياه
حلا : الحمدلله اللي كتبك لي زوج و سند
بعد عنها و الكل مصدوم من المفاجاه و جنى ما عاد قدرت تتحمل و راحت ركض تحضن سهم : متى جيت يا كلي متى جيت
سهم بادلها الحضن وضحك : توي جيت على بالش بترك حلم حياتي مستحيل
استمتعوا و انبسطو و علقو تعليقات تونسني و اعطوني توقعاتكم
