دخل سهم عشان يجهز اغراضه و شاف حور جالسه على الأرض قرب منها :حور قلبي وش فيه
حور وهي تدمع : مدري مدري كنت جايه بدخل الشقه حقتنا واسمع فارس جوه واسكت واروح وشوي وطلع فارس متلثم بالغتره وعيونه حمر و دخلت لقيت جنى تبكي
قام سهم و هو عصب وحاول يفتح الباب ما قدر وقرب : افتحي يا جنى ولا كسرت الباب
فتحت جنى بهدوء وراحت تنسدح ودخل سهم وقفل الباب و توجه لها و حضنها :وش فيش ياروحي
بكت جنى في حضنه ولا ردت وقرب منها و هداها و يوم هدت مسكها :تكلمي يا قلبي
جنى : ف ف فارس
سهم : وش فيه
جنى :كان بيحضني وانا بعدته و هو فهم اني ما ابغاه
قرب منها سهم و حضنها : معليش شوي ويهدا ويرجع
جنى :لا خلاص بنفترق بيطلقني
سهم : كيف هي لعبه وش فيه ذا المجنون
جنى :انا السبب انا من بعدته عني
سهم : ترا ما فهمت ولا قدرت استوعب
جنى : ما اقدر اشرح لك يا سهم والله ما اقدر
قام سهم من عندها و هو معصب و ما عاد يشوف من الغضب اخذ جواله و قام يدق على فارس وبعد فتره رد فارس : هلا
سهم :وينك
فارس : في البيت
سهم : انا جاي
قفل منه سهم وركب سيارته وانطلق لي بيت فارس و على طول وصل لانه ماشي بسرعه جنونيه ولا هو همه شي و كل ما تذكر بكى جنى زاد السرعه حتى وصل و دق الباب وفتح فارس :هلا
ما كمل كلامه لانه قاطعه سهم على طول ببقس في خشمه :ما يشرفني احد مثلك يكلمني يا خاين
فارس وهو مو مستوعب : وش كيف يعني لاني رحت بيتنا
سهم : لا وش سويت في جنى يا كلب
فارس : انتم اللي اجبرها علي ليه اجبرتوها كان خليتوها هي تختار اللي ودها
سهم : ما اجبرناها بس انت مجنون ما فيك عقل انا ندمان انه ما كتشفتك الا متأخر يا كلب تاخذ اختي و تكسر قلبها ليه
فارس : هي اللي كسرتني ماهو انا هي اللي جرحتني ماهو انا لو يصير لي شي ما بسامحكم انتم انتم لانكم قلتو انه تحبك و مدري وش و عجلتو بالملكه و ما سوينا حفله طلع عشان السبب انه مجبوره علي
سهم :مين جبرها انت صاحي ولا مجنون
فارس :صاحي واصحى منك و منها وأنا عارف تصرفاتها ذي تصرفات وحده مجبوره
سهم :مين اجبرها مين
فارس : اسأل نفسك و بعدين يالله من غير مطرود اطلع
سهم : ماني طالع وش بتسوي
اخذ فارس مفتاحه و طلع من البيت مسرع وسحب على سهم لانه ماوده يتجادلون اكثر رفع راسه للمرايه وشاف خشمه ينزف دم و اخذ منديل و مسحه و هو كان قادر يرد على سهم بس لانه خويه و ولد عمه ما قدر يقول له شي
_________
عند العيال
كانو يتجهزون ويرتبون أغراضهم و يرتبون أغراض أهلهم و كانو ساكتين و هادين عكس يوم جو لي المزرعه
وهم محركين نطق محمد : الا وين فارس و سهم
سكتو كلهم يدورونهم
حور : مشو يا عم قبلنا
اخذ الجوال محمد وجلس يكلم ولا احد رد عليه رجعو يركبون و مشو و راحو كل واحد لي بيته
وصلو أهل محمد للبيت حقهم و طلع محمد لي غرفه فارس فتحها مالقا احد نزل مع الدرجه: دورو في المجالس فارس ماهو في الغرفه
قامو كلهم يدورونه مالقوه دق فهد على سهم ورد سهم : هلا
فهد: فارس عندك
سهم :لا والله ماهو عندي ليه ماهو في البيت
فهد : لا دوره عندكم ولا عند زوجته
سهم :تمام ابشر
وانتشر الخبر و قامو يدورونه و جو أهل زياد عند أهل محمد عشان يهدونهم ولا يتعبون
سهم تكلم و على باله انه الكل يدري : جيت له في البيت هنا وتهاوشت انا وياه بعدين راح
تكلمت ساره وهي منهاره بكى : ليه تهاوشتو يا قلبيي
سهم :بيطلق اختي الحيوان
زياد فز :وش تقول انت
سهم : جيت لي عند جنى و اشتكت انه فهمها غلط و انه بيطلقها
محمد : نادو لي جنى بسرعه
راح سهم يكلم جنى و دخلت و هي متوتره
محمد :وش فيه يا بنتي وش صار
جنى : ولا شي تكلمنا و تفاهمنا انه ما صار بينا نصيب وانه نترك بعض
سهم :وليه جيت عليش وانتي تبكين
جنى : ابكي كذا يا قلبي لانه بنفترق
سهم لف لي ابوه : والله تكلمت بكلام غير ذا يا يبه
محمد : انحم وين وانتم وين روحي يا ابوي عند البنات
راحت جنى و عصب سهم و طلع برا
دخلت جنى وقابلتها حلا : وين اخوي
جنى : مادري
حلا : تكلمي وش سويتي في اخوي ليه راح اخوي
جنى :مدري عنه هو راح من نفسه
حلا صارخت : كيف راح من نفسه وش كلام سهم في المجلس تكلمي
جنى : بنت هدي وروقي والله مدري عنه رمى علي كلام وراح ولا ادري عن شي
صارخت حلا :كيف ما تدرين كيف علميني انا وين اخوي
جا سهم و هو سمع صراخها وقرب منها : وش فيه تصارخين على من
حلا : قولو وين اخوي وش سويتو فيه تكلم انت و هي
سهم : صوتش لا يرتفع ثاني شي وين هو جالسين ندوره مثلنا مثلش
حلا بصوت عالي: لا انتم تعرفون اخر من قابل انتم اكيد انه قلتو شي وضايقه
جنى : ما سويت شي ما قلت شي انتم وش فيكم انتي مجنونه
حلا : ايه مجنونه ماودي اخوي يصير له شي
جنى : يصير اللي يصير له انا ماهمني ولا عاد انا زوجته
حلا قربت منها :لو يصير له شي انتي السبب
سهم :خلاص خلاص اسكتوا خلونا نركز
حلا : ايه نسكت عشان تركز وانت اساسا ما همك
لف عليها سهم و قرب منها و هي رجعت ورا حتى لصق ظهرها على الجدار و حط يده على الجدار وقرب راسه منها :خويي اكيد مهتم فيه هذا قطعه من روحي انا وياه في نفس العمل و من اول ابتدائي الللي ذلحين وانحم اخوياء ف لا تتكلمين على انه انا ما اهتم
حلا حاولت تدفه : بعد وانا صادقه وينه يوم انك اخر واحد قابله و لا تهاوشته معه يعني لو يصير له شي انتم السبب
سكت سهم و طلع و هو يفكر في كلامها و كلام فارس باقي يتردد في رأسه طلع و جلس برا خرج وراه ثامر و جلس بجنبه : وش فيك يا اخوي
سهم : مدري شايل هم ذلحين صدق لو يصير فيه شي انا بكون السبب
ثامر : مالك شغل هو اللي راح
سهم : لا هو طلع مسرع وانا اناظر ولا تكلمت ولا قلت و كان خشمه ينزف دم
لف ثامر يناظر فيه : كيف وش اصاب خشمه
سهم : انا بقسته ياليت يدي انكسرت ولا قربت منه وياليته جلدني ياليته سبني بس ما قال الا انه لو يصير لي شي ما بسامحكم
ثامر : طيب ودي اعرف وش صار بينهم بتفصيل الممل
سهم : رافضين يعلمون احد وانا عصبت خفت انه شي كبير
ثامر :مستحيل انه شي كبير مستحيل
سهم :طيب وش زعلهم
ثامر :انت وش قال لك
سهم : يقول انه انحم اجبرنا اختي عليه
ثامر :وليه نجبرها هيه اللي اختارت
سهم :مدري عشان كذا اقول لك انه فيه شي كبير انحم ما نفهمه
جا فهد : سهم وش صار بينكم سهم الكل كان يضرب مثل في صداقتكم وكل من قال شي او تكلم قال سهم و فارس انتم وش غيركم
سهم :اخخخخ يا فهد
ثامر : والله انا اللي تعب منكم
سهم : روحو روحو والله انكم ما تفهمون شي ولا فهمتو شي خلوني مع هواجسي وحدي
قامو العيال وراحو و جلس شوي وهو يهوجس في كلام فارس و في كلام حلا وفي الكل و جواله كل شوي يتصل رفعه و شاف المتصل وقفل الجوال رجع تكرر الاتصال و هو كل شوي سهم يقفل اخر شي رد : نعم
حلا: نعامه ترفسك تكلم زي الاوادم
سهم :ترفسش انتي
حلا :اقول احترم نفسك
سهم : انا اللي داق اهاوش ولا انتي
حلا :اسمعني لا تطولها وهي قصيره دامك وقفته مع اختك انا بوقف مع اخوي وكلن منا يشوف طريقه
سهم : انا وقفت مع اختي لانه معها الحق و هي مظلومه
حلا :وانا اخوي مظلوم وانا بوقف معه والحمدلله ماني في حاجة واحد مثلك
سهم قفل الجوال في وجها و هو منقهر لا هو اللي وده يغلط عليها ولا هو اللي قدر يرد لانه ماوده بالفرق و هي أجبرته يختار بينها و بين اخته و هو لازم يوقف مع اخته لو انكسر قلبه ولو انجرح بس انه متعلم من جده انه لازم يوقف مع البنت وخاصه اخته لو على حساب نفسه
كان متكي برا و ضايقه فيه ولا هو قادر يوقف تفكير ما عاد يدري مع مين يوقف ولا وين بيحصل فارس ولا وش بيصير في حياتهم كيف كذا خربت من كل جهه ما كان له قدره على شي ولا جا في باله ولا فكره غمض عيونه وهو يسترجع الذكريات اللي في كل مره تقتله و هو مع حلا و ذكرياته مع خوي عمره اللي هو اخون اللي ما جابته امه و حياته و روحه جلس على الحال ذا اللي انه جا ضيدان و جاسم و حمد بعوايلهم اول ما درو انه فارس ما يدرون وينه
قرب ضيدان من سهم : ياولدي شمس ما تحس انت قم الله يصلحك ادخل جوه عنها
سهم : جدي ماني قادر جدي ياليت يدي انكسرت ولساني انقطعت ولا تكلمت عليه ولا جيته
قرب منه نياف : امش معي ندوره و تقول لي السالفه
ضيدان :ايه ولدي صادق قوم امش مع اخوك و تمشو و دوروه
قام سهم مع نياف و هو يمشي جسد بلا روح ركبوو شغل نياف و حرك ولف لي سهم و شافه ماهو معه ولا يتكلم بس يناظر للخط وهو ساكت
___________
في المجلس
دخل ضيدان :السلام عليكم
كلهم وقفو و سلمو على ضيدان و حمد و جاسم و جلسو وقام فهد يقهويهم و يسولف معهم
ضيدان : وش فيه فارس وين هو
محمد : والله مدري دورته في البيت كامل و لا حصلته ولا له أثر مدري وينه
ضيدان : اتوقع انه نايم في اي مكان ليه كل ذا
محمد : اذا نام ما يقفل جواله والمره ذي مقفل جواله
ضيدان : انت تفاول خير يا رجال ان شاءالله انه طيب
محمد هز رأسه و هو ساكت و فهد كان يصب لهم و ضايق صدره اخوه الكبير ما يدري وين ولا وين راح
دخلت مي :جدي
رفعو روسهم الرجال ولفت مي تناظر فيهم و كانت واقفه بهيبتها لف ضيدان لها :امريني وش بغيتي
مي : وش فيكم حزينين و تبكون كأنه مات جدي فارس بيرجع واذكرك بذا الكلام ذلحين تقهوو و العشاء بيحضر و بتتعشون و انا حلفت قبل تحلف والله ان تتعشون و تسمرون عندنا ذا الليل
ضيدان :ليه يا بنتي تحلفين المفروض ما نزعجكم و نتعبكم
مي : انا حلفت يا جد وانا بطبخ عشاكم
محمد : كفو بنتي محزم مليان
ضحكت مي :كفوك الطيب فهد قم جب الذبيحه
ابتسم فهد لي اخته وراح
وراحت مي للمطبخ تكمل تقطيع و ترتيب على ما يجي بالذبيحه
جاب فهد الذبيحة وقرب منها :تعرفين تطبخينها ولا بتجيبين العيد
مي لفت له : انا اللي دايم اطبخ وبعدين اطلع خل البنات يجون ويساعدوني
فهد :تمام اي شي تحتاجينه كلميني
مي :تمام
راح فهد و شافهم جالسين يسولفون ضيدان :والله بنت رجال والله ماعاد بخاف عليها
محمد : اي والله هي اللي من بناتي ما اخاف عليها واعتمد عليها
فلاح وقف و طلع برا المجلس و لحقه نواف :وش فيك
لف له فلاح : ولا شي
كملو يمشون نواف :وش فيك ساكت وش هو صاير
فلاح لف عليه : اذا انت تكره الحياه حب اوكيه
نواف : بسم الله وش فيه ليه تقول كذا
فلاح :انت سألتني وش فيني وانا جاوبتك الحب عذاب ترا انا ما خفت على فارس لانه اعرف وش كثر هو محتاج انه يجلس وحده
نواف : بس انحم خايفين صاير له شي
فلاح : انتم اوفر بزياده
نواف :ليه انت ما تخاف عليه لانه اخو اللي انت تحبها
فلاح : لا بس انا اعرف انه اكيد بخير لو فيه شي كان الكل درا تدري انه الخبر الشين ينتشر على طول بس اي خبر كويس ما ينتشر على طول فأنا متطمن انه فارس بخير
نواف :والله انك بارد
ضحك فلاح و طلعو يمشون يمكن يلاقون اي خبر عن فارس
_____________
عند نياف وسهم
شرح له سهم كل شي و بتفصيل الممل لف له نياف: من جدك يا سهم بتنفصلون بسبب التافه ذا لا و تترك خوي عمرك و توقف مع اختك وانت ما تدري مين الغلطان
سهم :تدري وش الموضوع انه ما بترك اختي عشان ذاك انا بوقف مع اختي لو كانت غلطانه و ولد عمي على العين وراس لكن اختي خط أحمر
نياف : طيب وش دخلك انت تترك حلا
سهم :هذا بطلب من حلا انه اتركها اذا انا بوقف مع اختي
نياف : اقسم بالله عايله غريبة اطوار
ضحك سهم : سوق وانت ساكت
نياف: حاضر
و هم يمشون لف نياف : تتوقع حظي نفس حظوظكم ولا احسن ولا وش بيصير فيني
لف له سهم : مدري يا اخوك ما بيصير الا كل خير واذا تحبها رح اخطبها
نياف :انا احب لا لا ما احب ولا افكر احب وش لي وش لوجع الراس
سكت سهم بعدين لف عليه : من جد يا نياف لا يكون حبيت
نياف :مين انا واحب مين الدلوعه اقول اسكت على بالك انا بحب مستحيل واذا حبيت بحب وحده صاحيه و بنت رجال وما تخاف يع ذي لو اقول وش اللي وراك قامت تصيح من دون ما تناظر
ضحك سهم :والله انك اهبل لة تروح بتعض أصابعك ندم
ضحك نياف :اقول لا تعيش احلام واجد
سهم : تمام
