فارس : تمام اللي ودك
ارسل لي جنى : ابوش طفش منا
جنى : ليه وش قال
فارس : يقول ماني فاضي لي هواشكم
ضحكت جنى : احسن و هو صادق
فارس : افا صادق في وش
جنى : انه دايم انت تهاوشني
فارس : انا قررت قرار انه ما عاد نتهاوش نهائيا
جنى : احلى قرار
فارس : اخخخخ ما الحلو غيرش والله
ضحكت جنى : فارس روح سولف معهم خجلتني تراك
فارس: اح انا جاي اسولف لش و انتي ماودش فيني
جنى : احد قال لك اني ابغاك حتى انت قلت انش ما تبغيني
ضحك فارس: ماقلنا ننسى السالفه
جنى :ايه ننساها بس ودي احاسبك عليها
ضحك فارس و لفو كل الرجال يناظرون له ورفع راسه وابتسم لهم : وش فيكم
ضيدان : انت اللي وش فيك
فارس :وش فيني
ضيدان: تضحك مع مين
فارس: مع خويي ليه
زياد : فجعتنا الله يصلحك
فارس : معليش المعذره يا عم
ضحك محمد : امسحوها بوجهي الولد مجنون شوي
ضحك فارس : افا يبه انا مجنون
محمد :اي والله
فارس :اخخخخ يالغدره وانا ابديك عن نفسي
محمد :تراك ذليتنا ولا كأني ابوك احترمني شوي
فارس : افا ماقلت لي انك خويي ف عاملتك مثل ما اعامل اخوياي
محمد :دام كذا الله يعين اخوياك تقلع برا
فارس : افا وين اروح
محمد :وين ماودك فكنا شوي
ضيدان :فارس قسم بالله لو اعرف انك تضحك مع بنت و تجيب لنا وحظه تسحبها مثل سهم ان اندمك على فعلتك
فارس كبر عيونه مصدوم و رجع يناظر جده : انا غير جنى ماني ماخذ جنى روحي و قلبي متعلق فيها ماودي غيرها
مشى يطلع برا و كان مصدوم كيف جده قفطه انه ضحك مع بنت ويحمد ربي انه جنى مو غيرها لانه ماوده يتهاوش معهم ولا له قدره يوقف في وجيهم اخذ الجوال و اتصل على جنى : يا حيوانه بسبتش انطردت من المجلس
جنى : بسم الله وش سويته من مصيبه
فارس : جدي معصب لانه ضحكت و لكن ابوي طردني لانه منت عليه بزياده
جنى : ياي يا نونو انت احسن انه طردوك
فارس : اخخخخ بدال ما تقولين زوجي و حبيبي مطرود تقولين احسن
ضحكت جنى : باي
وقفلت في وجهه و هو انصدم : اح فوقها تقفل في وجهي اخخخ منش
مشى وركب السياره وراح لي سهم و جلس عنده و كان يناظر فيه :اخخخخ يا سهم قوم بسرعه والله انه الشوق مليون
قرب منه ثامر و جلس على الكرسي : لنا اسبوع نناديه و لا يستجيب
فارس :تكفى والله بموت من دونه
ثامر : اخخخ ياليته مقلب نفس مقالبه دايم و يقوم و هو يضحك على وجيهنا و خوفنا و نقوم نضربه
ضحك فارس: اشتقت لي مضارباتنا انا و هو
ثامر : ودي يقوم و اشوفكم مجالده تدري ما بهاوش بجلس ساكت واتاملكم
ضحك فارس: ترا ما انحم زوجتك تتأمل
ثامر ضحك : بس انه اشتقت لي هواشكم
فارس :ان شاءالله يقوم بسلامه بعدين باجلده لانه ما انتبه لي نفسه و خوفنا عليه
دخل فهد و سلم علبهم وسلم على سهم وجلس جنب فهد : قوم بسلامه يا سهم و ماعاد اغار من حب فارس لك
ضحكو كلهم و كانو جالسين يناظرون لي سهم اللي كلي يوم يجون يسولفون عليه يبغونه يصحى ولكن سهم ما تحرك ولا قام
شوي و دخلت عهود و جلست بجنبه و لفو العيال يناظرون لي بعض و بعدين قامو كلهم و جلست هي ماسكه يده و تبك : سهم اشتقت لك ياقلبي اخخخ متى ترجع والله ما عاد ازعجك بكثر الطلبات ولا اضايقك سهم روحي وحياتي لا تتركني وحيده والله انه من دخلت حياتي و انا حياتي كلها وناسه و سعاده و فرح
سهم انت اكثر انسان كنت كويس في حياتي بس مدري وش يجيك فجأه تضيق فجأه تهاوش بس تبقى المفضل عندي و احبك يالله قوم
شافت مافيه اي استجابه و هي كل يوم عنده و نفس الوضع ما يقوم ولا يتحرك وقفت وراحت تمشي مرت من جنب العيال و كلهم بعدو عن الباب وراحت و بعدين دخلو لي سهم
فارس : اخخخخ يا عيال انجرحت بدالهم كيف ذلحين وش الطريقه
فهد :مدري عنه حط نفسه بمصيبة
ثامر :اخخخخ لو درت انه اعتذر من حلا و كان بيطلقها وش بيكون ردة فعلها
فارس :سهم غبي
فهد : يووه بس تراني مع اختي في كل شي
فارس : تخيل معي لو أصرت علي الا انه تسافر عشان تشوفه و شافت ذي اكيد بتضيق
ثامر : ادعو له يقوم بسلامه و هو بعدين بيتصرف
فارس :يارب الله يقومه بالسلامه
كانو كلهم منهارين على سهم و ضايقين من اللي صار له كان كل من شاف سيارته كان يدعي له بالرحمه من قو الحادث واللي يعرف اهله يسأل عنه بالسؤال الصريح *هو مات * كان الكل مفجوع من الخبر و اذا درو انه عايش بس في العنايه يدعون له يقوم بسلامه
حتى حلا ما عاد قدرت تصبر و على طول حتجزت أقرب رحله لها هي و مي ورجعو كانت خايفه عليه و خايفه من كل شي كانت تتمنى تجي و يكون نفس ما يقول فارس انه طيب وبخير ومافيه الا العافيه و على طول رجعو و وصلو في الليله و راحو بيت ضيدان و قابلو جنى و حور و قامو يحضنون بعض ويبكون
جلسو الاربع مع بعض
جنى : اخوي سهم مريتوه شفتوه
حلا : لا جيت عشان اشوفه بس قال فهد خلوها لين بكره
جنى : يووه طيب انا بمشي معش بنروح له
حلا :تم
مي : مجانين مافيه زياره ذا الوقت و بعدين ما يزورون سهم الا ساعه مدري ساعتين وانتم بتمشون له ذلحين
قامت جنى : امشو معنا و حور تدخلنا
حور : هيه مافيه نظام كذا بيعاقبوني لو درو
جنى : عادي كلمي الدكتور قولي اخوي بشوفه هيا امشو
مشو كلهم الاربع يلبسون عباياتهم و ركبو سيارة جنى و مشت جنى متوجهه للمستشفى و وصلو و على طول نزلو و مشو للمستشفى صادف دخولهم خروج فارس من عند سهم و أول ما شافهم صاح : هيه هيه وين وين رايحين
جنى :بروح عند اخوي لا يكون حرام
فارس ناظر فيها : مسموح يا بعد الروح والقلب مسموح
ابتسمت و لفو البنات يناظرون بعض مصدومين
مي : وش فيه وش صار انا في حلم صح
ضحك فارس : وش فيه وش صار
مي : انت تتغزل في جنى و جنى تبتسم وش بينكم
فارس : متى الكلام ذا
حلا : هيه لا تضحك علينا وش فيه تكلم
فارس :اخخخخ يمكن من تعب السفر صرتو تتوهمون معليكم ترتاحون تشوفونا نفس زمان
حور : انا مو مسافره و شفت نفس الشي
فارس : ايه من قو حزنش على اخوش ما عاد صرتي تسمعين صح
مشو البنات و لف فارس يناظر في جنى ويبتسم و مبسوط انه ما احد لاحظ او انتبه للحركته
مشت جنى و هي توزع ابتسامات كل ما تذكرت كلام فارس
عند حور مرت من جنب غرفة المريض احمد و جاها فضول تدخل و تشوفه
دخلت و دفت الباب وسمح لها بالدخول وقربت منه : كيفك ذلحين
احمد : احسن بس مو ناوين تطلعوني مليت من الجلسه هنا
حور : لازم تجلس حتى نتطمن عليك و بعدين نخرجك
احمد : دكتوره ممكن سؤال
حور : تفضل
احمد :ليه جيتي مو ذليوم اجازتك
حور : الا اجازتي بس اخوي تعبان هنا في المستشفى و جينا نزوره بس
احمد حاول يرفع نفسه و تالم و مسك مكان العمليه و جت له حور بسرعه : ليه تتحرك اكيد بتتالم
احمد : تعبت تعبت ودي اطلع ودي اقوم خلاص
حور : معليه ارتاح و بعدين قوم و تحرك بس على الخفيف لا تفجع نفسك
احمد : ان شاءالله الا وش فيه اخوش
حور :ولا شي صار عليه حادث والكل على باله مات بس الحمدلله باقي عايش بس انه في العنايه المركزه مانقدر نزوره
احمد : الحمدلله على سلامته والله يقومه بالسلامه يارب
حور :الله يسلمك و على طاري المشي وين اهلك خل احد منهم يساعدك تقدر تمشي
احمد غمض عيونه ورجع يفتحها بهدو : أهلي توفو كلهم بحادث ما بقى الا اخوي الكبير و مسافر مو هنا
حور : اح مو قصدي انا اسفه الله يرحمهم يارب
احمد : آمين لا عادي ما صار شي
حور : احمد ترا توي ادري والله مو قصدي اضايقك وانت لا تتضايق قو نفسك
احمد : ما تضايقت و عاد تسألين لانه ماقلت لي أحد عنهم ف من حقش تسألين عنهم
حور : ذلحين نم و بكره باجي و اشوف جرحك
احمد : مو جايني النوم
حور : حاول يا احمد لا تجلس تفكر حتى تتعب نفسك و تراهم راحو للي ارحم منا
احمد :داري بس من يعلم قلبي
حور : احمد توكل على الله والله بيعوضك
احمد : مين متخيل انه افضفض لي دكتوره مشرفه على حالتي
حور : عادي فضفض لي اي انسان اهم شي تطلع كل اللي في قلبك
احمد : انا في حياتي ماقد تكلمت عن الموضوع ذا ولا جبت طاري لي أحد
حور : كيف ماجبت طاري لي أحد
احمد :قصدي ما بينت لي أحد عن ذا الموضوع وانه مضايقني
حور : اها لا لازم تتكلم و تفضفض اختار واحد قريب منك و تكلم
احمد : مو قادر لانه ما احد بيفهمني الكل بعد موت أهلي راح و تركني حتى اعز انسانه على قلبي راحت صرت مثل المجنون وحدي في البيت و لا احد يجيني ولا اجي احد حتى تعبت تعبت و دخلت العمليات ولا احد جاني ولا احد درا عني
حور : اح انت مره بعدت عن الكل
احمد : ايه اللي راح وتركني واللي انا تركتهم بعمده و بعدت يمكن اشتاق بس اتجاهل الشوق ذا
حور : بس لازم تعلم اخوك او خويك اقلها او عيال عمك
احمد : عادي لو صار لي شي بيعلمهم المستشفى و انتهينا
حور : وي وش فيك تتفاول على نفسك تفاول بالخير
احمد : ماعاد ودي بذا العيشه وعلى بالكم ما ادري ترا ادري ان حالتي خطيره عشان كذا كل شوي احد يجي تراني ملاحظ كل شي وفاهم كل شي بس ماعاد همني صرت اسوي كأنه ما اهتم او ما دريت
حور عقد عليها الموضوع و ضاقت كثير من اللي صار و من حزنه بس سكتت و لفت تشوف المغذي :بعطيك منوم عشان تنام و ما تفكر بس من بكره نبدأ ما نعطيك عشان تنام بدونه
احمد : تمام
راحت حور برا و لقت البنات باقي واقفين مي : وين غطيتي لش ساعه
حور : رحت اتطمن على مريض هنا و بالغلط سألته عن أهله و طلعو متوفين و حالته حاله و جلست انصحه و اتكلم معه بس رافض و بروح ذلحين اكلم الدكتور يكتب له منوم عشان ينام و برجع لكم
جنى : ترا للمعلومية جينا عشان اخوي مو عشان مريضش
حور : انا ادري وانا اسفه و المعذره بروح شوي وارجع
طلعت حور من عندهم عند الدكتور و قالت له يعطي احمد منوم و رجعت تسأل عن دكتور المشرف على حالة اخوها و طلبت منه يشوفون اخوها و وافق بعد محاولات ورجعت للبنات : هيا سريع ندخل قبل يغير رأيه الدكتور
دخلو البنات ركض و راحو لي سهم و اول ماشافوه انهارو يبكون قربت منه جنى و سلمت على راسه و تكلمت معه و جلست تناظر فيه وتبكي و جلست بجنبه و جت حور و هي تمسح دموعها و تبكي تناظر فيه و تكلمت معه و كان عندهم امل انه يرد علبهم بس ما رد عليهم وسكتت و رجعت تجلس في الجهه من الثانيه قربت حلا و وقفت عند راسه و كانت تحاول تمسك دموعها و ما قدرت غصب هدت و تكلمت بنبره باكيه : توقعت اشوف كل شي الا انه اشوفك بذا المنظر سهم انا مسامحتنك بس ارجع سهم سهم لا تبكيني وانت ما ترضى تنزل دموعي سهم انا اللي تحبها و تخاف عليها وش صار بسبب غلط بسيط مني رحت و تركتني سهم انت بكيتني يوم طلقتني لكن لا تبكيني عليك ذلحين ثاني مره
قربت منه و مسكت يده و جلست على الكرسي القريب من راسه : سهم تكفى يا سهم طلبتك ترجع لنا والله انه ننسى كل اللي حصل تكفى يا سهم سهم بحاول في جدي يسامحك بس اصحى و خل كل شي علي انت بس قوم و كن بخير وانا باخلي جدي يرجعك بينا و يوافق على زواجك منها بس ارجع انت
شد سهم على يد حلا و انتبهت له حلا ورفعت راسها : سهم حركت يدك تكفى قول انك قمت
جنى : لا يمكن تتوهمين
حلا : لا ما اتوهم ضغط على يدي والله
شوي و فتح عيونه سهم ببطئ ورجع يغمضها من الاناره و لف لي الجهه الثانيه و انتبهت حور وراحت جري تنادي الدكتور و دخلو الدكتور و الممرضين و خرجو البنات و قامت حلا تبكي في حضن مي و جنى و حور يحضنون بعض ويبكون
مي : صبر بكلم فارس يرجع
اخذت جوالها و كلمت فارس ورد فارس: هلا
مي : وينك
فارس عند المواقف انتظركم متى تجون
مي: اطلع لها فوق بسرعه
فارس : ليه وش صار
مي : سهم صحى
فارس :مستحيل كنت عند الدكتور قال احتمال ضعيف جدا يصحى كيف
مي : بقدرت ربي اسرع اطلع
طلع فارس و وقف معهم و توتر من منظر الدكاتره و كلم ثامر و جده عشان يجون و قفل منهم و جلس يناظر لهم على أحر من الجمر
___________
عند احمد
بعد ما طلعت من عنده حور غمض عيونه و كان ضايقه فيه الأرض ماهو متحمل وجود احد و زادت ضيقته من فضفض لها لكنه ارتاح و تكلم و منها ريحته بالكلام و خلته يصحى ويتذكر اخوه و أصحابه اللي صار يتلاهى ولا يكلمهم جلس يهوجس فيهم و يتذكر أيامهم اللي سوا
كيف كانو و كيف صارو دق الباب و سمح له بدخول و دخل الدكتور : سلام عليكم
رد السلام احمد و لف لي الدكتور : ليه طلبت الدكتوره حور منوم
احمد : ما طلبتها هي جت وقالت نام قلت ما قدرت قالت تمام نعطيك منوم
الدكتور : كنت تونسنا دايم تسولف معنا و تضحك معنا اي دكتور عنده مناوبه في الليل يستانس لانه يجي يسولف معك
احمد :حتى انا ابسط معكم و اساسا المنوم ماله فايده ف عادي لا تعطيني
الدكتور : كيف ماله فايده
احمد : ما بقدر انام
الدكتور : شوف بعطيك و بعد نص ساعه باجي واذا لقيتك صاحين بنسولف مع بعض تم
احمد : تم
الدكتور أعطاه المنوم و طلع لي حور :دكتوره أعطيته منوم
حور :كويس
الدكتور :والله ذا الإنسان فله ويونسنا لكن وش فيه كل يوم تزيد حالته سوؤ مدري
حور : اكيد فيه أسرار ما احد يعرف عنها شي
الدكتور : مدري الله يعينه يارب
حور :آمين يارب
مشى الدكتور و جلست حور متكيه تنتظر اي خبر عن سهم
شوي و خرج الدكتور حق سهم : الحمدلله سهم صحي بس جالس ينادي طول الوقت ب حلا مين فيكم حلا
وقفت حلا :انا يا دكتور
الدكتور :روحي شوفيه تعبنا
وقف فارس : مستحيل ما يحلون لي بعض
جنى : ما بياكلها بس بيكلمها خلهم
فارس : بس عنده غيرها خلي زوجته تجيه اختي ما تدخل عليه
حور : يا بني وش فيك معقد الأمور خلها تشوفه و انتهينا و تطمن الولد منسدح على السرير ماهو قادر يتحرك
جلس فارس و حط يديه على راسه و هو ماوده يمنع اخته لكنه يعرف و متأكد انه سهم ماهو لها و انه في احد في حياة سهم غمض عيونه شوي و حس ب احد يجلس بجنبه رفع راسه و شاف مي
مي : لا تشدها خلها تشوفه و تتطمن حتى شوف وجها مو قادره تنام الا بعد ماتتطمن عليه
فارس : انتي ما تدرين انا من يوم جيت هنا و انا كل يوم اصادف زوجته تدخل بورد او اي شي و تجلس عند راسه تسولف اكثر من نص ساعه و تروح اكيد انه يحبون بعض ولا ودي حلا تدخل و تتعلق فيه و تنصدم و تتعب من جديد ولا ودي هو يرجع يتعلق فيها و يترك زوجته
مي :معلاك ان شاء الله ما تصير كل ذي بس انت ارتاح
فارس : ان شاءالله خير
جت حلا :اروح او اجلس
فارس: روحي بس حطي في راسش انه سهم مو لش لي زوجته وانه انتم مو متزوجين
حلا : تم
مشت حلا و دخلت عليه و جلست و اول ما شافها ابتسم : أرحبي تراحيب المطر ارحبي ياقلبي وروحي
حلا :البقى
سهم : كيفش طمنيني عنش كيف السفر
حلا :الحمدلله تمام و السفر يجنن
سهم : طيب وش رجعش
حلا : قلت اكسب اجر وازورك تعرف زيارة المريض واجبه
ابتسم سهم : وانا باقي نفس المكانه اللي في قلبش
حلا : لا انت ولد عم فقط
سهم : أحببتك والله يعلم بالخفا
حلا :لا تحاول انا خلاص انمسح من حياتي شي اسمه حب
سهم : والله انه حبيتش من كل قلبي لدرجة انه ماني قادر اناظر لي عهود
حلا : عهود زوجتك و حلالك ناظر فيها وانبسط
سهم : بس انتي غير انتي فارقه
حلا : ادري انا ما اتكرر اثنين
سهم : حلا انتي قلتي اصحى بس وانا بسامحك و صحيت
حلا :كيف سمعتني
ابتسم سهم: ما سمعتش بس حسيت بوجودك
حلا :لا انت مستحيل
ابتسم سهم :انا فارق في حبش انا كان ودي أثير غيرتش بس ما كان ودي يرتبط اسمي باسمها
حلا :وارتبط خلاص
سهم :بطلقها عادي
حلا : لا تكسرها ترا البنات للبنات
سهم :افا مو انتي فارقه
حلا : انا اللي ما تتعوض انا الفارقه انا اللي ما مني اثنين
سهم : انا اشهد
حلا :شفت كيف بس
سهم :شفت شفت اخخخخ احبش واحب غروررش
حلا: طيب ماقلت لي وش تبغى تناديني
سهم : ودي اقول لش سامحيني و الله انه ندمان
حلا : مسامحتنك لكن مستحيل نرجع لي بعض
سهم :افا ليه
حلا : لانه كل واحد يشوف طريقه
سهم : مو من جدش يا حلا
حلا :وازيدك من الشعر بيت انا حبيت لي واحد يووه ياسهم يا جماله
سهم : وينه عشان اقتله اقصد اشوفه
حلا : اخخخخ ما اقدر اقول لك سر بس حبيته حب عظيم
سهم فز و أوجعه ضلوعه ورجع ينسدح : مين تكلمي
ابتسمت حلا و قامت : باي بتعرفه اذا جا يخطبني
سهم سحبها بيده و طاحت على رجله و صاح :اااه
ضحكت حلا ولفت له : بنت انت وش ذي الصيحه
سهم :انقلعي يا كلبه رجلي كسرتيها و تبغيني اصيح صيحه مدري وش هي
دخل فارس : وش فيه
سهم :الحق اختك بتقتلني
حلا :اح وش سويت
فارس :وش سوت
سهم : تقول معها حبيب ومدري وش و يوم سحبتها تجلس طاحت على رجلي اللي توجعني
فارس ضحك :وانا اقول مين البنت اللي تصيح طلع انت
سهم : يا كلب ما ركزت الا على صيحتي
فارس ضحك بقوه : اي والله المهم الحمدلله على السلامه يا وحش و طالع من الشر يارب
سهم : الله يسلمك والشر ما يجيك الا كيف عرفتو
فارس :والله مدري نغزني قلبي و اكلمك ما ترد و اكلم العيال واختفو كلهم في وقت واحد وبعد اسبوع من المحاولات اعترف ثامر لي و جيت انا وابوي قبل يومين و حلا و مي جو ذليوم
سهم : اها ياويلي يا الحب نغزك قلبك
ضحك فارس :شفت كيف والله ما تحصل خوي زيي انا نادر
سهم : اخخخخ يا النرجسية هو و اخته نرجسيتهم لا تطاق
ضحكت حلا : والله مافيه احسن مننا
فارس : انحم نادرين
سهم : تعالي مين الحبيب حقش عرفينا عليه
فارس : معلاك انا اعرفه والانسان ذا كفو
سهم : ياليت انا اعرفه معك
فارس :مستحيل أعلمك خايف على زوج اختي المستقبلي
سهم : اخخخخ ضلوعي
فارس :وش فيك بسم الله
سهم : مدري مدري اوجعتني فجأه منا
فارس: من جد وش سويت شكلك تحركت
سهم : ايه نسيت انه قالي الدكتور لا تتحرك و تحركت
فارس : بنادي الدكتور ثواني
سهم :لا اتركه و قولي مين هو الرجل
فارس ضحك :والله ما أعلم مين بس انه اطقطق عليك
لف سهم لي حلا : وانتي مين هو
حلا : ما احد
سهم : لا تجننوني قولو مين
حلا :والله العظيم ما احد بس غمزت لي فارس و كمل الكذبه
سهم : اخخخخ الجرح يوجعني
فارس: قلت لك بنادي الدكتور
سهم : وش بيسوي بيهاوش و لا يعطيني منوم و يكفي الوقت اللي نمته
فارس : عنيد والله عنيد
سهم : وانت نرجسي
ضحك فارس : انقلع يا حيوان
سهم : تكفون بموت من الألم
حلا :بسم الله عليك
ابتسم سهم : خلاص راح الألم لانه سميتي علي
فارس : هيه ترا انا موجود
سهم : يا مخرب اللحظات السعيده
ضحك فارس و دخلو مي و جنى و حور و سلمو على سهم و تحمدو له بالسلامه و كانو واقفين فارس و حلا و وقفت معهم مي
مي :الحمدلله على سلامتك و ما تشوف شر
سهم :الله يسلمك با بنت العم و طلعتي تعرفين الواجب احسن من المجنن اللي بجنبش ولا واحد منهم قال الحمدلله على السلامه
حلا :احمد ربي اني نفذت طلبك و جيت اشوف وش تبغى
سهم وهو يكذب بس وده يقهرها: اساسا قلت حور لكن الدكتور لخبط بين الاسامي
حور ضحكت : والله شكله انت اللي لخبطت بالاسامي
ضحكو كلهم
فارس : هم ما علمونا انه سويت حادث الا بعدها بأسبوع قلنا اكيد ذا ودع الملاعب
سهم ضحك : بسم الله علي وي فال الله ولا فالكم والله اني داري ما تجون الا يوم حسيتو انه ودعت الملاعب
ضحكت حلا : لا حولا ولاقوة الا بالله انا قدني بنزل استوري فيها ان لله وان اليه راجعون
ضحكت مي :ايه محتوى و ناخذ شهادة الوفاه و ناخذ اجازه مدري كم يوم
سهم :اعوذ بالله وش ذا الكلام فال الله ولا فالكم وي بسم الله علي
ضحك فارس :تربيتي طال عمرك
سهم :والله الله يخلف على اهلكم تربيه تحت السيئ
مي : هيه والله تربيتنا احسن منك
ضحكت حور : هيه هيه ترا كلكم عيال عم و نفس التربيه للمعلومية
جنى : والله كلكم فاهين
سهم : اخخخخ انا تعبان وانتم تهاوشوني
حور : اصبر وش يتعبك
سهم : ضلوعي
قربت منه حور ولف لها :وش تسوين
حور :للمعلومية ترا انا دكتوره
سهم : لا يرحم امش ماودنا تتعبين خلاص روحي
ضحكت حور : تمام اجلس تعبان
سهم : تمام
حلا :مدري ليه احسه كذاب اذا سبيناه ولا قدر يرد السبه قال اخخخخ ضلوعي
ابتسم سهم : ياكشفني اي والله لازم اتدلع عليكم فقدت دلعكم
ضحك فارس : يالله يا بنات مشينا خلوه يرتاح
سهم : لا تكفى توها تتشافى جروحي
حور: انا بجلس معك اساسا عندي دوام الفجر ف بجلس عندك واستلم الدوام
سهم : تم ولف لي فارس : حتى انتم اجلسو
فارس : انت تعرف انه ماهو وقت زياره وانه لو شافونا طردونا لكن معلاك بنجيك بكره قبل نسافر
سهم : خلاص خرجوني ابغى اخرج عشان اجلس معكم قبل تسافرون
فارس : سهم وش فيك يا ابن الحلال بعدين انت مو لازم تروح عند زوجتك
سهم نزل راسه يناظر ليديه اللي مشبكنها مع بعض : ماعاد ودي فيها ما ارتحت معها
رفع انظاره لي فارس سهم: انا عرف ما احد يصدقني و كلكم بتهاوشوني بي دايم البدايات خداعه و كنت مرتاح معها بس تعبت منها صار يضيق خاطري اذا شفتها تكفون افهموني
سكت فارس و كان متضايق حيل على سهم بس ماقدر يقول له شي لف لي البنات : ارجعو مع اللي جابكم هنا انا بجلس معه
حور : عادي انا بجلس
فارس: ولا احد يفكر مجرد تفكير انه يجلس معه انا بجلس
جنى : لفت لهم يالله يا بنات مشينا
مشو البنات كلهم و لف فارس لي سهم: تطمن كل شي بيكون كويس وبعدين تراها تجي يوميا تبكي عند راسك
سهم : مين
فارس : زوجتك
سهم : اخخخخ ياربي فارس وش اسوي ماني قادر اكسرها والله
فارس: تدري كلمت ثامر و جدي ولا واحد منهم جا
سهم ابتسم : جدي تعبان ماله خلق يجي في الليل بيجي اكيد بكره و ثامر تعرفه عريس ولازم يجلس مع عروسه
فارس تنهد : انحم الكبار المفروض قدنا إباء
ضحك سهم : انحم اهبلهم اسكت قد تزوجنا لو حافظنا على حريمنا كان قد معهم ثاني ورع
فارس : قرب رمضان ما عاد عليه إلا اسبوع تتخيل
سهم : ايه والله مره فرحان فيه
فارس ابتسم : بس انت وش تسوي ب عهود و حلا
سهم : عهود معلاك بحلها معها و حلا بحاول اراضيها مع الرغم انه اختك عنيده
ضحك فارس: بنتي ترا
سهم :انا ادري ما احد علمها النرجسية و الدلع الا انت
فارس ضحك :امي تقول لي انت تدلعها وانحم نبتلش
ضحك سهم :والله انها صادقه ابتلشت انا بس والله احلى بلشه
ابتسم فارس : تحملها ذي دلوعتي ولا تقول لها شي ياويلك
سهم : خلها ترضى و بس تبشر
