فهد : يووه تعبت وانا اسلم
ثامر : اقول اسكت و سلم لو كانت البيت بيجون نفس العدد واكثر لانه وباختصار قبيلتك كبيره
ضحك فهد : ليتنا قبيلتنا صغيرونه
فارس : ياليت تسكت لانه فشلتنا تراك
فهد : وش اسوي مستعجل للعروس
فارس : يارب صبرني عليك اسكت اهجد
ضحك ثامر : الله لا يوفق ابليسكم فضحتونا
زيد جا :وش فيكم تضحكون ترا الناس تناظر
ثامر :جلط بنا فهد بس
زيد :فهيد اسكت فضحت بنا
جا محمد: فهد تعال هنا و انت فارس و زيد روحو هناك وانت يا ثامر روح عند ابوك فضحتونا
ضحك فهد : جاك الاستاذ اللي يخرب الجو و يفرق الاصحاب اللي بجنب بعض
ضحكو العيال بصوت عالي ولف عليهم محمد: ماتسمع انت وهو
قامو العيال بسرعه و توزعو كل واحد في مكان
و كملو الناس والسلام و جا الشيخ و ابتدا بثامر و منار
وكان متوتر ثامر و غصب ينطق ويرد و كان يحس بضيق ولا يدري من وش مايدرو هو عشانه ملك على وحده قلبه ما يبيها ولا عشان اخوه ماهو موجود ويفرح معه كان يتمنى انه اجل سهم موضوعه اللي بعد ملكته عشان يكون معه ويوقف معه بس ماصار ذا الشي
خلص ثامر وقامو يباركون له وراح و جا فهد و كان متحمس وفرحان ويدعي انه ربي يتمم له على خير و كل من شاف ابتسامته عرف انه اخذ فهد اللي يحبها لكن كل ما شافو وجه ثامر عرفو انه البنت مو من اختياره ولا هو وده اياها
وجا وقت اللعب والوناسه و قامو يلعبون جنوبي ويرددون مع الكلمات القصيده و كانو العيال فرحانين لانه لهم زمان من ذي الاجواء و كانو يلعبون لعب متناسق و جميل و كان الكل منعجب في لعبهم
و هم يلعبون و مبسوطين و دخل سهم و قابلهم و طلع برا الصف هو فارس قباله و قامو يلعبون و الناس كلهم يناظرون فيهم و في التناسق اللي بينهم واللعب كانت الاجواء حماسيه وكانو كلهم مبسوطين و كان ثامر بس يبتسم بس يوم شاف حماس العيال تحمس وقام يلعب وانبسط ولا كانه اللي قبل منفس و ضايق
استمر الليل لعب و حتى وصل العشا وراحو الكل يرتبه
فارس لف لي سهم : وش جابك
سهم : مستحيل اترك اخوي
ثامر : والله كان ناقصك الزواج بس ما شفت وجه جدي كيف ضاق
سهم و هو يوزع علب الببسي : ما همني همي الوحيد ما اترك اخوي وحده
لف فارس :وش جابك يا ثامر انت و فهد المفروض انكم وسط الضيوف
ثامر :مليت وبعدين جدي يقول يبينا في موضوع الله يستر
فهد :وانا جيت فزعه الخوي ما يخلي خويه
ضحكو العيال و كملو ترتيب
_____________
عند البنات
كانت حور لابسه فستان اسود ماسك حتى الركبه بعدين منفوش
جنى كانت لابسه فستان كحلي و كان ناعم حيل
و حلا كانت لابسه فستان وردي و كتف و كتف لا و كان اللي تحت الركبه
مي كانت لابسه فستان موف ناعم وحلو حيل
فرح اخت العروس كانت لابسه فستان سكري ناعم و قصير اللي الركبه
ترف اخت العروس كانت لابسه فستان سماوي ضيق و كاشف من كتوفه و طويل بس مو مره
عهود كانت لابسه فستان احمر و كان حتى فوق الركبه و كاشف من كتوفه
كانو يرقصون و هم مبسوطين و كانت حلا و جنى يرقصون مع بعض ويضحكون و مبسوطين و ماوقفو طول الليله شوي راحت حلا للحمامات تعدل ميكبها و جت من وراها عهود : امم سلام عليكم
لفت حلا :وعليكم السلام
عهود : حلا صح
حلا :ايه نعم مين معي
عهود :انا عهود زوجة سهم
حلا :يع ولا عرف يخوني الا معش اقول انقلعي
عهود : بس انا الحين زوجته و ام عياله
ضحكت حلا : وانا كنت حبيبته و تراني حبيبة الطفوله و ترا انا اللي تركته ماهو هو اللي تركني يعني اخذش بس عشان يحاول ينساني هه بس على ذا الاختيار مستحيل ينساني وايه صح بقول لش شي قولي له انه حلا بتروح تعيش حياته و بتؤوح تكمل دراستها ماهي فاضيه لي ذي الاشكال
اخذت حلا شنطتها و طلعت من الحمامات قبل حتى تسمع رد عهود و كانت منقهره منها راحت لي جنى : تدرين اخوش ما قصر عزم زوجته
جنى :وين ودي اشوفها
حلا : شوفيها ام فستان احمر قصير
جنى : يع اخوي اكتشفت انه ذوقه خايس
مي جت هي و حور : وش فيه
جنى : ولا شي حلا توريني ذوق اخوي الخايس بس
ضحكت مي :وكيف عرفتيها يا حلا
حلا : رحت اعدل ميكبي و قامت تتعرف علي هي
ضحكت حور : بالله وروني ودي اشوفها
حلا : شوفيها ام فستان قصير احمر
جنى : لا تناظرون كلكم و صبر شوي وناظرو
لفو البنات وشافوها وقامو يضحكون على وجه جنى لانه قالت لهم لا تناظرون كلكم مره وحده
مي : ودي اروح اقول لي سهم كيف اختارها
حلا : شوفو تبغون الصراحه هي حلوه بس مو مره
مي : انتي اجمل منها مافيه مقارنه ابدا
جنى :حلوه بس انتي احلى الصراحه
حلا :انا الصراحه اسم على مسمى اسمي حلا و انا حلا صدق
حور :الصراحه ايه اسم على مسمى لكن ما عاد عرفت البنت حلوه او لا
مي : صدقيني تجنن بس من القهر يقولون مو حلوه
حلا :وع انقهر عشان وش عشان بس اخذت سهيم ما همني والله
جنى : واضح مرره ولا شوفي وجهك كيف منقلب
ضحكت مي :انحم ما خلينا لي اخر الليل شي
ضحكو البنات و تفرقو كل وحده راحت اللي ترقص واللي راحت تشوف التوزيعات و اللي راحت تشوف الحلا واللي راحت لي البنات العرايس يشوفونهم
________________
عند ثامر و فهد
جا الجد ضيدان و جلس و نادا ثامر :تعال اجلس هنا
جلس ثامر و هو متوتر من شكل جده ثامر : سم ياجد
ضيدان : سم الله عدوك اسمعني
ثامر :تفضل
ضيدان :وش رايك تاخذ زوجتك و تسري مع اخوك
ثامر : بس انه وعدتها انه اسوي لها زواج
ضيدان : شوف فهد بيسري بزوجته وبلا زواج وش رايك
ثامر : كلموها و شوفو وش رايها
ضيدان :ابوك و ابوها كلموها وتقول ما عندها مشكله
ثامر : تم ما عاد برد في خطركم
ضيدان : تم اذا انزفت العروس خلاص تاخذها الفندق وترا حجزنا لك جناح مثل فهد
ثامر : ماقصرتو جزاكم الله خير
ضيدان :واجبنا يا ولدي
قام ضيدان ولف ثامر يشوف العيال نياف : اح لا تصدمني خلاص اختي ذليله زواجها
زيد : بابكي اختي اللي احب لا تروح
نواف ضحك : لو ترف قلتو الحمدلله يعني
نياف :لا عاد ذي الدلوعه و كل اومرها تم هذي ما تروح الا قد شرطنا على زوجها مهر و انه يسكن بجنبنا لكن منار ذي اختنا اللي تدلعنا
ضحك ثامر :الله يخليها لكم و لي و مستحيل ابعدها عنكم تعالو متى ماودكم
نواف :استاجر شقه بجنبنا
ثامر :ابشرو ما طلبتو شي اول ما ارجع من السفر بستاجر
نياف : كفو الجار البطل
ضحكو العيال ولف فهد لي اخوان ريم :مافيكم واحد يعزمني مافيكم واحد يبين لي اني اخذت اخته منه ولا انا اخذت البنت الي ما احد يبغاها و كل البيت مبسوط
ضحك نواف :قلنا ننتظر حتى قدكم بتروحون و نودعكم بس دام تبغى ذلحين ابشري انحم ما انحم راضين عن الزواج
فلاح ضحك :هيه مين قال لك تاخذ اختنا انقلع دور لك زوجه ثانيه و خل لنا اختنا
ضحك نواف : هاه وش رايك حلوين انحم اخوان كويسين ولا
فهد : قسم بالله انكم مرعبين و مجنن
فلاح : انت اللي ودك بالافلام ذي ف سوينا لك واحد
ضحكو العيال على وجه فهد الخايف
فهد :انا ليه اخذ اختكم
نواف :لانه وباختصار انجذبته لها و حبيتها
فهد :وع مين حب مين
ضحكو العيال فلاح :انت ما تبغى شكلك تسري مع زوجتك وانت سليم صح
فهد : ماني سليم انا فهد
قرب فلاح منه وانحاش فهد و ضحكو كلهم
ثامر :ماش ماش كيف اسمك فهد وانت منحاش
فهد :نصف الشجاعه انه تنحاش
ضحك فارس : الا عندك الشجاعه كلها شكله
ضحك فهد : اهم شي انه فيه شجاعه في الموضوع
فلاح : مشينا نروح نقول لي جدي خلصنا
طلعو العيال و دق فارس على امه و علمها انه خلصو تحضير العشا
و العيال نفس الشي توجهو لي جدهم و قالو له انه خلصو تحضير و قام ضيدان و عياله يقومون الناس على العشا و عند الحريم نفس الشي عائشه و زوجات عيالها قامو يقومون الحريم على العشا وكانو البنات جالسين سوالف ويتقهوون وياكلون من الحلا جت لهم عائشه : قومو تعشو
حلا :جده خلي الحريم يروحون وانحم بعدين بنتعشى
عائشه : اللي ودكم روحو لي اللي جوه شوفو يبغون عشا
ترف :ايه بقوم بعد شوي اساسا واصلني خبر ما اعجبني
عائشه : وش هو
ترف :بيزفون منار لي ثامر وياخذها معه خلاص مافيه حفله ثانيه
عائشه : طيب عادي زوجته و حلاله
ترف :جده ماودي منار تروح وتتركني
عائشه : حتى انتي بتتزوجين و تروحين بيت رجلش ها اسكتي عني بلا دلع
فرح : يا جماعه خلوها تتيسر و تروح بيت رجلها
ضحكت مي :فرق بين الاخوات واضح و صريح
ضحكت عائشه :قومو كلو ولا ارقصو تراكم في فرح هيا
ضحكو البنات و قامو يرقصون و هم مرره مبسوطات و يضحكون وفالينها
وحده من الحريم قامت وراحت لي فرح : وش اسمك يا بنتي
فرح :انا فرح
الحرمه : وين امك
فرح لفت تناظر و فهمت مقصد الحرمه :مدري وين
الحرمه :فيه بنت كبيره فاهمه واعيه تضيع امها
فرح :ايه انا
الحرمه :لا حول ولا قوة الا بالله خلصيني وين امش
فرح : قلت لش مدري
جت ترف و جلست بجنب فرح :وش السالفه
الحرمه من ذليوم اسالها عن امها وين و تقول ما تعرف ضحكت ترف و لفت توريها ام فرح : شوفيها ياخاله اللي هناك قولي ام فلاح و تلقينها
الحرمه :واخيرا لقيت وحده فاهمه
ضحكو البنات وراحت الحرمه ولفت فرح لي ترف :لو ما انحم في زواج كان جلدتش
ضحكت ترف :عادي وش فيها تبغى امش
فرح :ياحماره تبغى امي المقصد زواج خطبه وانا ما ابغى
ضحكت ترف :بس انا ابغى لانه وناسه زواج و رقص و فله
تنهدت فرح وجلست تراقب البنات و تفكر في الحرمه
عند حور كانت جالسه تسولف مع صديقتها شوي ودق جوالها و شافت المتصل من المستشفى وطلعت الحوش تكلمه
الدكتور :السلام عليكم
حور :وعليكم السلام
الدكتور :دكتوره حور فيه مريض انتي ماسكه حالته تعب فجاه ونقلوه على العنايه على طول
حور :بسم الله اي مريض
الدكتور :المريض احمد ....
حور :اها وش صار له
الدكتور : مدري زادت عدد دقات قلبه و تعب فجاه
حور :انا بس ماخذه اجازه ذليوم
الدكتور :بس لازم تجين ضروري
حور :تمام بس تمهلني نص ساعه يعني امسك الحاله حتى اجي
الدكتور : تمام بس لا تتاخرين
قفلت حور وكانت متضايقه من السالفه وانه كيف بتطلع و تترك الزواج لفت من جت جنى : وش فيه
حور :استدعاء من المستشفى عشان مريض حالته خطره
جنى : وبتمشين ذلحين
حور :لازم امشي بروح استاذن من جده واسلم على البنات واطلع
جنى : تمام وانتبهي لي نفسش
حور :ابشري
مشت حور داخل و سلمت على جدتها وقالت لها السالفه و قالت تمام وراحت للبنات ونفس الشي سمحو لها
و طلعت ركبت سيارتها وتوجهت للمستشفى و ما قدرت حتى تغير ملابسها وصلت المستشفى وتوجهت للعنايه على طول ولبست لبسها وهي تمشي و دخلت الغرفه و لقته هناك ويتالم : السلام عليكم كيفك
احمد :وعليكم السلام الحمدلله تمام
قربت تشوف العلامات الحيويه : وش السالفه ليه ارتفع معدل دقات القلب
احمد :مدري دكتوره وبعدين فيني الم في قلبي ماهو طبيعي ومو راضي يخف
حور : تمام بنسوي فحوصات و نكشف عليك وبنشوف انت ارتاح و طف الجوال ولا تسوي اي مجهود
احمد :ان شاءالله دكتوره
راحت حور و جلست في مكتبها تراجع الاوراق و تفكر في كل شي صاير
______________
عند ثامر
بعد العشا لف لي فهد :متى ينزفون العرايس
ضحك فهد : مستعجل الاخ
ضحك ثامر :لا ياكلب بس ودي اروح للبيت
ضحك فهد و غمز له : معليه نص ساعه و تروح البيت
ثامر دف به :ماني وسخ زيك
فهد :الله يا البريئ
ضحكو كلهم من جا لهم محمد : ما تعقل انت وهو
فهد : يبه وش سوينا
ثامر :والله انه عاقلين يا عم
محمد :والله انه العقل في وادي وانت في وادي
فهد ضحك : يبه زواجنا خلنا ننبسط
محمد :انبسطو بس ما تضحكون ضحك يجمع عليكم الكل
لف ثامر يناظر و ضحك :كلن في واديه يسبح
ضحك محمد : والله انه مدري كيف باقي الى ذلحين ما الغينا الزواج
فهد :افا وليه تلغون الزواج
محمد : نلغيه لانه العرسان مجنن
ضحكو العيال و لفو يتفرجون للناس اللي يلعبون عرضه و اللي يتقهوون و سوالف كانو هادين ويتفرجون بصمت عشان محمد جلس بجنبهم
