بسم الله الرحمن الرحيم اكتب لكم روايتي الثانيه مع تمنياتي انها تعجبكم و تسعدكم و اتمنى انكم تدعموني حابه اقول لكم انه كلهم بيكونون أبطال
تبتدي روايتنا من بيت الجد هذاك البيت اللي يملئه الحياه و الصوت و الضحك كانو مجتمعين كلهم في البيت عند الجد و كانو سوالف و ضحك الولاد مع بعض و البنات مع بعض
لف لهم الجد و شافهم مشغولين ف السوالف و صاح :اسمعو انتباه
لفو له العيال و البنات كلهم و انتبهو له الجد :بكره بنروح للمزرعه تجهزو
انطلقوا يتجهزون محمد : احلى شي نروح نشوف المزرعه و نجلس فيها فتره نرتاح
جاسم : اي والله اخر مره رحنا لها الاجازه اللي فاتت
زياد :صادقين يا ولد وناسه وسعت صدر احلى من البيوت
حمد : خلونا نتجهز و نستعجل
الجد : روحو تجهزو بنجلس الاجازه كامله
قامو الآباء و الامهات يتجهزون و لف الجد ضيدان لي عائشه : هاه وش رايش نفذت طلبش
عائشه: شكرا والله يعطيك العافيه خلهم ينبسطون بالاجازه
ضيدان: ماني قلتها الا عشانش ولا انا ماودي فيها
عائشه : انا اشوفهم ينبسطون فيها قلت نروح لها
_______
عند البنات
كانو جالسين يجهزون
جنى : بنات وناسه بنروح المزرعه و ننبسط هناك
ريم : تكفين المكان روعه و لكن برد فا خذو لكم شي يدفي
حلا : وش رايكم في لبسي
منار :يجنن يا قلبي
ترف : بنات خذو جاكيتاتكم عشان لا تبردون
جنى : عادي اذا نسيته باخذ فروة سهم
حور: صار سهم ياخذ ثنتين عشانش
جنى :ياروحي والله اني احبه
ترف : يع جتك هي و اخوها اقول اسكتي خلينا نخلص
دخلت عليهم مريم : هاه خلصتو
جنى :ايه يا عمه تامرين على شي
مريم : فديتهم يا ناس ايه يا قلبي ودي نجهز لي كم اكله لي بكره و تساعدونا انا و امهاتكم بنظافة المطبخ
ترف : تمام خلصنا تجهيز بنجي لكم ذلحين نساعدكم
قامو البنات و دخلو المطبخ ساره : حلو شرفوتو يالله خلصو العشاء و جهزوا لبكره
مريم : لا خلاص العشا انحم نسويه تعرفين ابوي ما يحب اي اكل لكن يجهزون لي بكره
ترف : بنات انا بسوي الحلا
جنى :وانا بسوي المعجنات
حور : وانا اساعدش
منار : تمام و انا و مي بنغسل المواعين
حلا : وانا بجلس اناظر فيكم
ترف :وليه ما تشتغلين
حلا :ما اعرف ف اكيد بسولف معكم
مي: خلاص ساعدينا في المواعين
مريم :تساعدو و لا تجلسون لي تناقرون بلا فايده
دخل فارس :يمه ودنا بالقهوه
ساره : طيب يا ولدي و اخرج عشان البنات
فارس : مين يع على بالش اني انظر فيهم والله ما اهتميت اساسا
دخل سهم :قلت لهم شاهي
فارس لا نسيت
سهم: يمه نبغى شاهي
العنود : ابشر يا ولدي
سهم :بس يمه نبغى شاهي شاهي ماهو مويه و سكر
مي :اطلعو برا خلونا نشتغل
فارس :واحد مسكش اشتغلي
جنى : لا والله وكيف اشتغل وانا لابسه البرقع
فارس : من زين وجهش تغطينه
مي : هيا اطلعو
سهم : مالنا طلعه الا يوم ناخذ القهوه و الشاهي
نواف جا : جدي معصب يقول وين القهوه
قامو كلهم بسرعه يجهزون حتى سهم و فارس دخلو معهم في المطبخ يشلون الدله و الفناجين و يغسلونها و ركض خرجو ضحك نواف و لحقهم لانه يعرفهم دايم يجلسون يسولفون و ينسون اللي انرسلو فيه
ضحكو الامهات ولفو للبنات ساره : انجزوا بسرعه خلونا نسوي العشا
مي :حاضر مامي
راحو يخلصون و يغسلون و سوالف و يسوون العشا و الحلا اللي ياخذونه معهم
عنود : بسم الله عليهم ترف و و جنى و حور يعرفون للمعجنات و الحلويات
حلا : طبعا الحلوين ما يعرفون شي
مرام :الا الرفلات والله
جنى : تدرون ما فيه مرتاح الا الرفلات الصراحه
ضحكت مريم :والله انش صادقه
فرح : بنات انكسر اظفري
جنى :ياي انكسر اظفري اقول اشتغلي وانتي ساكته
ريم : بنات والله تروها دلوعه
جنى: درينا بس انحم نشتغل ماهو وقت لي دلعها
حور : والله انه تعب
جا سهم : امي ابغى شاهي
عنود : ابشر يايمه بس روح
سهم :لو اروح بتجلسون سوالف و تنسوني
العنود قامت من على الكرسي: ها شوفني قمت بخلصه انا
سهم : لا يمه ماودي بتعبش
مريم :سهم حبيب عمته روح ارتاح لا يجي جدك ويشوفك هنا و يعصب نفس كل مره
سهم : عمه قولي لي البنات يسوون لنا
حلا :والله ما اسوي لك نعم خير
سهم : بتسوين وانتي ما تشوفين الطريق
عنود : خلاص ياولد اسكت و اطلع برا
سهم : ليه اسكت ما تشوفينها ما تبغى تسوي شاهي
حلا :والله اخوي و هو اخوي ما يكلمني بالطريقه اللي تكلمني بها
سهم : والله ماني اخوش انا ولد عمش تحترميني وانتي ما تشوفين الطريق
ريم :وش فيكم صلو على النبي
سهم و حلا :اللهم صلي وسلم على نبينا محمد
العنود : اطلعو من المطبخ
طلعو سهم و حلا من المطبخ و راحت جنى تسوي الشاهي لي اخوها و راحت تعطيه و رجعت
مرام :بيض الله وجهش يا العنود فكيتينا من صيحتهم و مالنا خلقهم
مريم :ولا كانش تعودتي عليهم من صغرهم
مرام: والله اني متعوده عليهم لكن تعبت منهم و ذليوم مشغولين
العنود ابتسمت :الله يحفظهم والله اني تعودت على ازعاجهم صارو اذا ما سمعت حسهم اروح اتطمن
حور : صارت امي اذا ما سمعت حسهم تروح تدورهم
دخلت حلا و تكت براسها على الباب : انا اسفه ممكن ادخل
العنود : ادخلي بس لا عاد اشوفكم كذا انتي و سهم
حلا : ان شاءالله
________
عند العيال
دخل سهم و حط الشاهي ولف لهم : احد وده يتقهوى
فارس : صب لي وبعدين وشفيه وجهك مقلوب
سهم : انتقرت انا و اختك و امي طردتنا
فهد :و بس طيب متى تعقلون
سهم:ماهو سالفه عقل بس هي دايم ترفع صوتها وانا ما احب اللي يرفعون صوتهم
فلاح :والله هذا انتم من وانتم صغار بس صياح و مطارده
نياف :صرت اشتاق للديره عشان استمتع وانا اتفرج عليهم
قام سهم : يبه عماني تبغون شاهي
زياد :لا ماودنا عندنا قهوه
ضيدان جده :وش عندك معصب
سهم :ماني معصب يا جدي انا مروق
ضيدان: انا اعرفك مستحيل تجلس كذا هادي الا اذا انت زعلان
سهم : لا معليك ماني زعلان بس ما شربت شاهي وبس
راح يجلس بجنب نياف و ضحك نياف :جدي كشفك
سهم :اسكت لا ارميك بذا الكوب
ضحكو العيال فلاح: خلاص ياخوي فلها وربك يحلها
سهم :اسكت ما بقى الا انت تنصح
فهد :وش فيك سويته تحديد الكل
سهم :ولا كلمه انت بعد
سكتو العيال و هم كاتمين الضحكه لانه مسوي تحديد للكل و هذا طبع سهم دايم
جلسو شوي و جت مريم : هيا العشا جهز
قامو كلهم و رحو يغسلون و اجتمعوا على العشا و كانو جالسين العيال بجنب بعض و الشيبان مع بعض
حمد و هو حاب يمزح مع العيال: مدري يا عم بس شكل العيال ماش شكلهم ماودهم بالبر
ضيدان :دام كذا تمام ما نروح
سهم : لا يجد ماهو كذا لا انحم ودنا بالبر و نستانس فيه
ضيدان :مدري عنكم اشوفكم ساكتين طول الوقت
نياف : لا والله يا جد انه ما نرتاح الا اذا رحنا هناك
محمد: طيب كم سياره ناخذ
سهم : انا و نياف بناخذ الشاص
ضيدان: البنات في سياره و واحد من العيال يسوق بهم وانحم يا الشيبان يا نقتسم في سيارتين يا ناخذ سياره
حمد : والشباب يعني مع بعض
ضيدان : ايه ولكن لايجيني علم ان البنات زعلو كل طلباتهم أوامر فاهمين
سهم : جدي انا و نياف ودنا نتأخر شوي و ما بنمشي معكم من الفجر
ضيدان: ليه وش فيه
سهم :عندنا كم شغله بنخلصها مع بعض
ضيدان :تمام يمشي معكم فارس لانه كبير و عاقل
فارس :جدي ما بين بيتنا و بين المزرعه ولو نص ساعه يعني يقدر يمشون على رجولهم
ضيدان :انا قلت فارس العاقل المؤدب اللي يطيع جده ماهو اللي يرفض طلبه انا قلت تمشي معهم يعني تمشي
سهم : يا جدي كلنا كبار لكن الصغار وحدهم ويمكن يضيعون
ضحك فهد : لا تحطها في روسنا عشان انت تروح و اتأخر راحتك
فارس : ولا كلمه انت وياه انا بروح بسيارتي و انتم بكيفكم
ضيدان :والعيال مساكين
فارس : جدي كلهم كبار و كلن ادرا بمصلحته
نواف و هو حاب يطقطق :تكفى اخاف وحدي خذني معك بابا
فارس :يبه ليه تجيبني قبلهم هاه الله يسامحك
ضحكو كلهم على فارس ولفو من دخلت عائشه و استقبلها ضيدان و هو يرحب :حياها الله الله يحييها مرحبا تراحيب المطر تفضلي تفضلي يانور قلبي انتي و حياتي
استحت عائشه و نزلت راسه وقالت بصوت هادي : احفادك موجودين وباقي ترحب بي نفس اول ماتزوجنا
ضيدان : لانش من اول ما دخلتي حياتي تغيرت وصارت افضل واحلى
ابتسمت عائشه ولفت لي حمد: كيفك ياولدي
ضحكو العيال لانه طبع جدتهم خجوله حمد : طيب يا عمه لكن علمي مريم تستحي مثلش اذا تغزلت فيها ماهو ترميني بأقرب شي عندها
ضحك نياف :انت أوقاتك غلط يبه تتغزل فيها وقت تكون مشغوله أو معصبه
حمد :والله انتم اربعه وعشرين ساعه رافعين ضغطها من اول ماجيتو وانتم ترفعون ضغطها و هي ترجع علي
ضحك زيد :وهي صادقه انت السبب
حمد :يا قليل الادب انا ابوك احترمني و بعدين وش ذا الوساخه هاه من وين تعلمتها
ضحكو العيال ضيدان : والله منك يا المحترم
حمد :عمي وش سويت فيك ليه زعلان
ضيدان :ليه تغازل بنتي هاه مين سمح لك
حمد : احم بنتك زوجتي
رفع العصا ضيدان يبغى يضربه بس هرب حمد ز هو يضحك : افا يا النسيب بتضرب زوج بنتك هذي ما قد سمعنا بها وبعدين انا اكتشفت العصبيه ذي من وين طلعت طلعت تشبهك
رماه ضيدان بالكوب و ضرب في الباب و انكسر و لف حمد : عمي كنت بتذبحني
ضيدان :احسن ها انقلع
ضحكو كلهم و قامو بعد العشاء وراحو يرتبون و يمسحون و لف ضيدان : هيا كلكم نامو و ياويلكم القاكم صاحين
كلهم :ابشر
و راحو للمقلط و راحو ينامون عشان يروحون المزرعه اليوم الثاني و كانو مبسوطين و متحمسين للمزرعه و للفعاليات
الشخصيات
الجد ضيدان شديد وأهم شي عنده العادات والتقاليد
زوجته عائشه طيبه و هاديه
عندهم ثلاث اولاد و بنت
أولاده
محمد
و زوجته ساره
عندهم ولدين و بنتين
اول ولد لهم اسمه فارس
ثاني ولد فهد
البنت الأولى بعد العيال مي
البنت الثانيه حلا
الولد الثاني لي الجد ضيدان
زياد
زوجته العنود
عندهم ولدين وبنتين
سهم
جنى
ثامر
حور
الولد الثالث لي الجد
جاسم
زوجته مرام
عيالهم ولدين و بنتين
فلاح
ريم
نواف
فرح
بنت الجد مريم
زوجها حمد
عندها ولدين و بنتين
نياف
منار
ترف
زيد
استمتعوا هذي ثاني روايه لي ودي تدعموني
