زياد :وينك
سهم :جالس افر انا وخويي فيه شي
زياد : لا مافيه شي بس الناس فرحانه لي اخوك وانت مدري وينك من الظهر ما نعرف عنك شي حتى نص الليل
سهم : فرحانه ليه وش السالفه
زياد : ثامر خطب بنت عمته و بكره بيشوفها و الاسبوع الجاي ملكته وانت ما ادري وينك
سهم :بالله الحمدلله بس انت متاكد انه فرحان
زياد : ايه ولدي واعرفه مثل ما انا حاس انه ولدي الكبير مخبي عني شي
سهم : تطمن مو مخبي شي
زياد : تمام خلو متى تجي
سهم :برجع خويي بيتهم و اجي لكم على طول
زياد : مين خويك
سهم :معليك بعرفكم عليه قريب ان شاء الله
زياد : زين زين
قفل زياد من سهم وحط سهم جواله في جيبه وراح لي عهود : هيا مشينا
عهود : هيا
مشى سهم قدامها و هي مشت وراه و تناديه بس كمل مشي
شوي وقربت منه عهود و مسكت يده :الزوجين يمسكون يدي بعض
سهم : بس لو شافنا احد من اهلي و قال لي ابوي والله ان ننجلد
عهود :طيب ماهو انت قلت لنا انه بتقول لهم متى بتقول
سهم :قريب يا حبي قريب
عهود : حلو تمام
راحو وركبو السياره و وصلها البيت و قبل تنزل سحبها من يدها :مافيه نزله
ابتسمت عهود : ليه
سهم لف لها : ترا من ذليوم ما طلبت بوسه
ضحكت عهود : تمام وهذي بوسه
قربت منه و باسته على خده و سحبت يدها و نزلت بسرعه و هو ابتسم و حرك يبغى يروح البيت
_________
عند ضيدان
كانو جالسين في الحوش حق البيت كلهم ما عاد سهم و كانو سوالف و ضحك و مزح و شابين النار و حاطيت قهوتهم و شاهيهم و اللي جالس يسوي الشوي واللي جالس يسوي النار و كانو كلهم يتعاونون و مع بعض و ضحك و سوالف
ضيدان : تاخر سهم
فارس جلس بجنبه : اخخخ ياجد سهم تغير
ضيدان لف له :لاحضته انت مثلي
فارس :ايه ياجد لاحضته ان قلنا عشان حلا ف اكيد اكيد مستحيل وان قلنا عشان العمل ف انا موجود في نفس عمله ولا حسيت بتعب مدري وش فيه يا جد
ضيدان :فارس والله انه فيه شي اكبر من عمله و حلا
فارس لف لي جده :مثل وش
ضيدان : بعدين اقول لك و تساعدني نحلها
فارس : قصدك عن زواجه
ضيدان : ايه ودي اخربه ما ابغاه يتم بس وش اسوي
فارس : ما تقدر لانه سابقنا بخطوه و وش هي ما ادري
ضيدان :بنحاول نعرفها و نسبقه
فارس : ذلحين ياجد مبسوطين عشان ثامر لا نخرب الفرحه الا وش فيه فهد ما قدم ملكته
ضيدان : مادري عنه والله
فارس : الله يعين
قام فارس يساعد العيال و كلم فهد و راح فهد يكلم ابوه و يحددون الملكه والزواج يوم الجمعه و يكون سفرته شهر عسل مره وحده و اتفقو و وافقت ريم و كلهم انبسطو اول زواج بيتم بدون هواش و كسر قلوب
و جا سهم و ساعدهم وجلس يسولف معهم و كان في خاطره يقول لهم و لكن يوم شافهم يحضرون العشا فضل انه يسكت اللي بعد العشا
_____________
بعد ما خلصو من العشا
قامو و غسلو و راح سهم يسوي شاهي ولف من ناداه ضيدان و قرب منه : هلا ياجد
ضيدان : وش تفكر فيه
سهم :بسوي الشاهي و نتقهوى و اسولف لكم
ضيدان :تمام
قام سهم يخلص الشاهي و خلاه يخدر وجلس بجنب ضيدان:ياربع يا ابوي ياجدي واعمامي يا اخواني انا ابغى اتكلم
سكتو كلهم والتفو يناظرون له وقف سهم عشان يبغاهم كلهم ينتبهون له : انا نويت اتزوج
وقف زياد : ترجع تملك على حلا تم والله
سهم :لا خلني اكمل لا احد يقاطعني
زياد رجع يجلس :تفضل قول وش نسمعك
سهم :انا نويت اتزوج واختار شريكة حياتي و حطو على كلمه حياتي مليون خط انا ودي اتزوج اللي اختارها قلبي وهي عهود اخت سند خويي وانا بكمل معها حياتي و بنعيش ان شاء الله اسعد ناس عشان انه انا اللي اخترتها
ضيدان وقف : انت ما انت بصاحي اكيد مجنون ماهو ذا سند اللي كان ناوي يقتلك ماهو ذا سند اللي كان بياخذ حب حياتك و يكسرك ماهو ذا سند اللي كان ناوي ياخذ المزرعه و يضحك عليك
سهم :الا بس طلب مني اسامحه وانا سامحته والولد جاي معتذر و حزين وانا ما حبيت ارده
زياد وقف ورفع يده ياشر فيها على سهم : احذر عدوك مره واحذر صديقك الف مره سهم انتبه
سهم : ياجامعه وش مخوفكم منهم والله انه ناس طيبين و حليلين
محمد :ما الطيب الا انت واكيد ناوي يخدعك
سهم لف يناظر فيه : شوف يا عم انا احترمك لانك اخو ابوي ولكن اعرف اما انت انك رافض عشان بنتك بس الله يرزقها واحد احسن مني
فز فارس و فهد و مسكوه من حلقه فارس : سكت لك بما فيه الكفايه ابوي واختي خط احمر يا كلب سمحناك و سكتنا لكن ابوي واختي من قرب منه مسحنا فيه الارض
فهد : ياكلب ياحيوان يا ابو وجهين امس احب اختكم و احارب الكل عشانها واخر شي تقول ذا الكلام لو من جد تحبها ما كان قلت اللي قلته
فارس :اخخخ ياخساره العشره والصداقه اثاريك طلعت خاين و مخادع طلعت مكار
ضيدان صاح : فكوه فكوه
فكو سهم و هم مقهورين منه وقف سهم ولف لهم : مو كذا وبس لا فيه شي ثاني ودي اقوله
ضيدان : انا اللي ودي اقول لك ان تزوجته اخت سند بيتي يتعذرك خل سند و اخته يسكنونك عندهم
زياد : سهم لا انت ولدي ولا اعرفك ان تزوجته اخت سند
سهم :ماني في حاجتكم و لكن حبيت اقول لكم زواجي عليها الشهر الجاي والكل معزوم
ضيدان : والله ما تعرس بها
ضحك سهم ورفع يده : قد هي زوجتي ولنا اسبوعين
فارس : ياكلب طلعت من اول ما طلقت اختي يعني بعمده طلقتها
سهم : لف له لا اختك من طلب الطلاق ولكن ربي عوضني بغيرها وقابلت سند واخته و شفتها وانعجبت فيها
فهد ما تحمل و قام يبكس على خشمه و وقف فارس معه واجتمعو على سهم و قامو يضربونه و قامو العيال يفرقون بينهم وقف سهم و يبعد التراب و حس بخشمه ينزف دم وراح للطاوله واخذ مناديل يحطه على خشمه : مانتم رجال وانتم متعاونين علي اثنين ضد واحد لا لا ماهي شجاعه
وقف فارس : ان انت رجال تعال
صاح ضيدان : ما تحترموني ما تحترمون بيتي اطلع برا انت وهو
فارس :امش قوم وان انت رجال واجهني
قام سهم :رجال من فوق خشمك يا ورع
فارس : والله لو انت رجال ما كنت جبت سيرة طليقتك في المجلس لكن الحقني
مشى وراه سهم و فز محمد و زياد يبغون يلحقونهم بس صاح ضيدان في العيال و وقفو كلهم يلحقون زياد و محمد
قرب زياد من سهم و سحبه و توجه فيه لي ابعد مكان و نفس الشي محمد سحب فارس وراح فيه بعيد عنهم
محمد : مجنون انت و اخوك انا ما عرفت اربيك كيف تضرب ولد عمك و تسوي فيه كذا
فارس وهو يطالع في الارض احترمنا لي ابوه : يبه ما اسمح له يتكلم عليكم ماهو من جده يتكلم كذا ويسب
محمد : ولد اخوي و مالك دخل انا و هو نتفاهم و حلا خلاص ما عاد تبغاه و هي بنفسها تدعي ربي يعوضها غيره
فارس : بس يبه ما كان له داعي يتكلم كذا
محمد : لا والله اقول ولا كلمه هذا ولد عمك احترمه هذا في المواقف الصعبه تلقاه واقف معك ويساعدك
فارس : ما اتوقع
محمد : لا تخليني امد يدي عليك ذا ولد عمك من لحمك ودمك
فارس: افا يا يبه ناوي تضربني بس عشان ذاك
محمد :ايه ناوي اضربك و اادبك حتى تفهم و تدري انه ذا ولد عمك
فارس : تمام يبه
محمد : وش تمام يالله روح و حب راسه واعتذر منه يالله
فارس : مستحيل انا اعذره في كل شي الا انه يتكلم عليك انت و حلا في وسط المجالس
محمد : واذا تكلم عادي ما همني و انا اللي احسبه ماهو انت و اخوك
في الجهة الثانيه في نفس الوقت عند سهم و زياد
زياد :ما تفهم ما تحترم لا عم ولا اخ ولا احد هذا عمك و ذاك ولد عمك واخوك
سهم : يبه لا يتدخلون انا اعطيتهم وجه بزياده ف ليه يتدخلون
زياد : لا ذولا عمك و اخوك يعني من فوق خشمك يتدخلون من فوق خشمك يتكلمون
سهم :يبه ماني ناقص يبه الموضوع انه انا ابغى اتزوج
زياد : زواجك غلط في غلط و من ناس غلط
سهم : يبه ماهو غلط ولا عشان انا ما اخذت بنت اخوك ف تقول انه زواجي غلط
زياد :ولد ما عاد فيك احترام ولا عاد فيك حيا انا اللي واقف قدامك ابوك تكلمني بالطريقه ذي
سهم : المعذره يبه بس وش اسوي انا ما ابغى حلا مو غصب اخذها
زياد : ما بتاخذها و طلقتها وانتهينا انت اللي كل يوم تدخلها في سوالفك
سهم : لا والله وانتم ما جبتو طاريها
زياد ضحك بسخريه : لا انت و كل ما مليت قلت لنا حلا و حلا لو انك صدق نسيتها ما كان جبت طاريها وسط المجلس بينهم كلهم
سهم : ماهمتني ولا افكر فيها و ذكرتها عشان ابين لكم انه حياتي انتهت معها
زياد : قوم انقلع عن وجهي و حب راس عمك و اخوك اخو دنيتك فارس واعتذر منه هيا
سهم : مالي شغل ما تشوف وجهي كله دم بسببهم
زياد : ايه وانت مؤدب ما سويت شي
سهم :ايه ما سويت شي
زياد : الخطا راكبك و الخطا خطاك ميه بالميه ويالله انقلع استسمح منهم هيا
سهم : تمام
راح سهم و زياد وراه و في نفس الوقت كان جاي فارس عشان يعتذر تقابلو و سلمو سلام رجال على خشوم بعض واعتذرو من بعض ورجع سهم وباس راس عمه و اعتذر منه ورجعو للمجلس
و جلسو سوالف ضيدان : ايه و كم اخذو منك مهر
سهم : نفس الكل ٤٠ الف بس
زياد : من وين لك
سهم : معليك معي و معي اكثر منها بس ما اعطيتهم الا ٤٠ الف بس
ضيدان :وانا ماني قلت قبل شوي مجلسي يتعذرك
سهم : ما سويت شي عشان تعصبون انا سويت شي بالحلال
فارس : لا يكون اللي طالع معها ذليوم
سهم ابتسم : اخخخ صرت ذيك ايه هي قالت تبغى اغراض و ماحبيت ارد في خاطرها
ضيدان ما تحمل و عصب : اطلع برا هذي اخر ثقتي فيك تتزوج وحده اهلها كانو بيخونونا اطلع برا ولا تشوفك عيني اطلع برا والله يا سهيم ما اسامحك برا
سهم : انا طالع اساسا و انا ما برجع
طلع سهم و تعب ضيدان و مسك قلبه وجلس و فزو العيال لي جدهم و طاح بينهم و اغمي عليه و لف فارس واخذ جواله و دق على الاسعاف و كانو كلهم في حاله صدمه و خوف وتوتر كانو كلهم مصدومين مايدرون وش يسوون محمد ما عاد تحمل و جلس على الارض و هو يحس بكل شي يلف فيه زياد هو و جاسم متعلقين في ابوهم ويهزونه يحاولون يصحونه ويصيحون زياد و هو يضرب بخفه على خد ابوه :يبه يبه من لي غيرك يا يبه يا يبه تكفى قوم يبه يبه انا طالبك تقوم
جاسم : يبه يبه يبه والله الدنيا ما تسوى من دونك يا يبه
ثامر جلس بجنب ابوه : جدي تبغاني اتزوج منار هذاني بتزوجها بس لا تتركنا
فارس جلس بالجهه الثانيه وهو منهار :جدي جدي تكفى لا تخلينا
فهد منهار : تكفون جدي
نواف قام يصارخ :بعد بعدو والله انه جدي بخير والله انه طيب بعدو خلو الهوا يجيه
نياف :جدي بنسمع كل اوامرك لا تكسرنا تكفى
زيد :تكفى جدي قول انه مقلب
كلهم رفعو روسهم يناظرون فيه بنص عين ورجعو يناظرون ضيدان
حمد : بعدو الله يرضى عليكم خلو الهوا يجي له وان شاء الله ما على قلبه الا العافيه
فلاح و هو صوته متقطع غصب يتكلم : جدي اللي ودك فيه تم و سهم ما بنخليه يكمل زواجه بس قوم تكفى
كان الكل انهيار و هذا والعلم ما وصل لي الحريم لو وصل للحريم وش بيصير بعد فتره شوي جا الاسعاف و شال ضيدان و لحقوه الرجال و بقى فارس و فلاح و نواف عند الحريم عشان لو عرفو ما يخافون
جلسو فارس و فلاح بجنب بعض و تلثمو بالغتر
و نواف كان جالس في الركن ولا يكلم احد بس ساكت قام فارس يضم راسه و يتمتم :الله يسامحك يا سهم الله يصلحك يا سهم الله يشفي جدي
فلاح بجنبه و كان يسمع الكلام وتنهد : اكبر صدمه على جدي انه سهم الاغلى على قلبه
فارس لف له :اي والله انه الاغلى لو يصير لي جدي شي والله لا اكره سهم طول عمري ولا اسامحه
فلاح : فكنا تكفى ترا كلنا اللي فينا مكفينا
فارس : اخخخخ يالقهر ما شفته كيف يرد على جدي لو ما وعدت ابوي اني اقرب صوبه كان جلدته الكلب
فلاح : فارس تكفى اسكت ولا ترا بقوم واتركك
فارس لف عليه : لا يكون واقف معه
فلاح : لاحول ولا قوه الا بالله انا وين وانت وين
فارس سكت و حس انه صدق ماهو وقته انه يتكلم يقول ذا الكلام
_________
عند الحريم
كانو سوالف و ما هم دارين عن شي
عائشه : واخيرا بدو يتزوجون وبدو يتحركون شوي شوي
مريم : الا ما تحسون انه اصواتهم هدت
عائشه :الله يستر ما يسكتون الا فيه مصيبه
مرام : تفائلو خيرا تجدوه
العنود : الله يستر
ساره : وي لايكون فارس فيه شي
مرام : لو فيه شي سمعتي صياحهم معلاش تطمني هو بخير ان شاء الله
ساره : ان شاء الله
مريم : ودي بواحد ياخذ ترف من عند صديقاتها
عائشه : ياويلي ما قد جت
مريم :لا يمه المغرب تقول لي انه باقي
عائشه :وش يسوون
مريم :عادي يا يمه يلعبون ويتعشون
عائشه : روحي روحي كلمي العيال ياخذونها لا تجلس لي نص الليل
مريم وقفت : ابشري
مشت مريم وراحت لي المجلس و شافت وضعهم وانصدمت : بسم الله وش فيكم وين جدكم وين الرجال
رفع راسه فارس و وقف : هلا يا عمه طلعو لي مشوار وهم راجعين تعرفين بكره فيه خطبتين ف لازم يجهزون
مريم :وابوي مستحيل ياخرج بعد العشى وين راح
فلاح : ابوي قال له امش تحلق معنا و ناخذ اغراض و مشى ليه يا عمه وش تامرين عليه
جلست مريم : مافيه شي بس استغربت الوضع طيب ذاك وش فيه
لف فارس و شاف نواف وضحك على شكله : تذكرين يا عمه الطفل اللي اهله يقولون روح البس حذيانك واذا راح انحاشو هذا نواف
ضحك فلاح وهم مالهم خلق يضحكون بس يبغون يحسسونها انه كل شي تمام : ايه قالو له رح خذ حذيانك و يوم راح انحاشو
لف لهم نواف :اقول ولا كلمه انت وهو وبطلع وبروح مالي شغل
ضحك فارس : بس هم صرفوك
