فلاح :ضحك بنشوف يا ابو الزواج التقليدي
ضحكت ريم و غمزت لي فلاح : انبسط بتلعب عرض في زواج اخوك
ضحك فلاح :اي أنشهد خليني بروح اجهز ملابسي وافصل ثياب و حلو امشي ببشت ولا لا
ريم :ياخوي انت اخو المعرس لازم بشت
فلاح : صح صح لازم نفصل بشت طيب انت يالعريس وش نفصل لك لون بشت
رفع نواف الفنجان ورما به و بعد فلاح عنه وضرب في الجدار وانكسر
وضحك بصدمه فلاح : هيه خف علينا ترا البنت دلوعه ولا تحب العصبي
وقف نواف وانحاش فلاح و هو يضحك على عصبية نواف
___________
عند فارس
كان متكي في المستشفى ولف شاف فهد يلعب بجواله:ماهو من عوايد سهم يتأخر
رفع راسه فهد: يمكن انشغل او صار له ظرف و منعه يجي
فارس :يمكن والله ان شاءالله انه بخير
فهد :ان شاءالله
شوي و دخل ثامر : السلام عليكم
ردو السلام فهد و فارس و سلم عليهم ثامر سلام رجال و جلس على الكنبه : كيفك يا ابو محمد
ضحك فارس : الحمدلله بخير اسم ابو محمد حلو
ضحك ثامر :والله دايم اناديك كذا بس مدري وش فيكم ذليوم
فهد : والله مافينا شي بس جالس افكر مين ابو محمد تقصد لانه انحم اثنين
ضحك ثامر : يقولون لك انه الكبير يسمي على اسم ابوه
ضحك فهد :ابوي يقول لا أحد يسمي علي
ضحك ثامر : والله ابوكم كارهكم يبغاكم بس تتزوجون حتى تسمون به ما يبغى
فارس ضحك : اي والله
فهد : يووه لا تفلها و تسب ابوي
ثامر : ابشر أساسا هو عمي يعني مستحيل اسبه
فارس :وين سهم
فهد : هاه اشغلنا ذا العجوز وين سهم وين سهم
ضحك ثامر : سهم راح لي جدي وقال نتقابل هنا
فارس :اول شي ماني عجوز يا عجوز ثاني شي ابغى سهم لانه يسليني ماهو انت ماغير تناظر في ذا الجوال
ثامر: بيجي بعد شوي
فهد : والله انا ما جلست على الجوال الا لانه دايم كل ما انبسط قلته وين سهم ترا عندي مشاعر اسأل عني انا
ثامر: اهدا انت و هو وقولو لي افطرتو
فارس :ايه افطرنا
فهد : غصب افطر كان رافض
فارس: ايه لاني ما ابغاه
فهد ضحك : على بالك انه على كيفك اذا صرت في البيت بكيفك ذلحين بتاكل غصبا عنكم
ثامر : بس بس كأنكم شيبان ماغير هواش اسكتو
ضحك فارس : معليك تعود علينا من الطفش صرنا نتهاوش
فهد لف وشاف وجه ثامر ماهو ثامر اللي على خبره قرب منه : وش فيك
ثامر : مافيني شي
فهد وهو يناظر وجه ثامر : الا فيك لا تخبي عني من متى وانت صرت تخبي عني
فارس : وش عندكم تتكلمون وحدكم
ضحك فهد : والله ولا شي بس اقول لي ثامر انه انت فقدت الذاكره ولا صرت تتذكر الا سهم
فارس : اتوقع كرسيي بجنب الكنبه واسمعكم وش تقولون
فهد : طيب ماهو انا صادق
فارس لف يناظر في ثامر : اي والله ثامر وش فيك تعبان
فهد :ما اقصد ثامر اقصد انت صدق نسيتنا و ما عاد تتذكر الا سهم
ثامر : انا مافيني شي وانت يافهد يا غيور خلهم وش فيه
فهد : لا ودي اسأل الدكتور لانه لو قلت السلام عليكم قال هو وين سهم
ضحكو كلهم فارس : وانا صادق ما احد مسليني الا سهم
و هم سوالف دخل سهم :السلام عليكم
ردو السلام و وقفو يسلمون عليه و هم يضحكون سلم سهم و جلس : بسم لله وش فيكم تضحكون
ثامر : فهد و فارس جيت عليهم و هم هواش عشانك
ضحك سهم ولف لي فارس : ايه وليه تتهاوشون
فارس : اقول لهم وين سهم قالو ما ندري و زعلو انه ليه اسأل عنك
ضحك سهم : تمام بعد شوي بنطلع
فارس :وين تطلعون
سهم : بنطلع من المستشفى
فارس: ايه وين بتروحون
سهم : نطلع كلنا و انت معنا و نروح البيت
ثامر : وش قال لك جدي اشوف وجهك مقلوب
سهم : ما قال شي
ثامر :انا قلت لك ماودي تتهاوش مع جدي و تخرب علاقتكم مع بعض
سهم لف يناظر فيه :ماهو بسببك هو تهاوشنا على شي خاص فينا
فارس : وش هو
ابتسم سهم ولف يناظر في فارس: مافيه شي مهم بس جدك زعول
ثامر : طيب تكلم والله العظيم اني شاك في الموضوع الخاص انه مصيبه
ضحك سهم : مصيبه صغيره
ضحك فارس: والله دامك قلت مصيبه صغيره الله يستر منها
سكت سهم وجلس يفكر ويهوجس لف فهد :سهم وش المصيبه
سهم : ودي اتزوج
فارس : طيب مو مصيبه
سهم : المصيبه انه بتزوج بس ما باخذ من اقاربنا وأهلي كلهم و جدي واقف ضدي
فارس : و حلا
سهم : عشان كذا واقفين ضدي يقولون و حلا
فارس : سهم تدري انك بتكسر قلبها
سهم : قد كسرت قلبي ولا اهتمت لي
فارس : بس قلب البنت غير
سهم : الا قول عشان هي اختك و بتوقف معها
فارس :تذكر يوم وقفته مع اختك و ما حتى سألتني وش السبب
سهم : من حقي اوقف معها لانه انت اللي طلقت وانت اللي كنت معصب وهي كانت تبكي
فارس : سهم تراها سوا و كل شي نفس الشي وانا بوقف مع اختي ضد الكل و انت اولهم و بحاربك لو تقهر اختي
سهم : فارس هي كسرتني يا فارس
فهد : ما كسرتك قالت بتوقف مع اخوها و طلبت الطلاق
سهم وقف : طلبت الطلاق و انكسرت لانه حاربت الكل عشانها ويوم جا وقت انه بحارب عشان اختي قالت ليه
فارس: اختك هي اللي ماوضحت مشاعرها لي اختك اللي بينت لي انه وافقت عشان انتم اجبرتوها
سهم : ياخي مين يجبرها انا و ثامر ما كنا موجودين مين بيجبرها
فارس : يمكن ابوك أو جدك يمكن هي قالت بوافق عليه عشان سهم و حلا يمكن لي اي سبب
سهم : طيب و مثلا مثلا جدي وابوي ما اجبروها و كانت موافقه لأنها تحبك و تبيك مستحيل تجي تجلس عندك و تجلس تسولف و تضحك
فارس : ما ابغاها تسولف و تضحك ابغاها تبين لي بس انه تحبني تبين مشاعرها ماهو كل ما جيت لها تردني
سهم : والله انت مستعجل على وش مدري طيب ترا حلا كنت انا وياها ما نقرب من بعض و دايم هواش
فارس: ترا فرق بين سهم و حلا و بين فارس و جنى القرق انه انا جنى هادين والمفروض انه تعودنا على بعض و نعرف بعض بس سهم و حلا دايم نقره اكيد تعرفو على بعض
سهم : كلنا سوا و كلنا عندنا قلوب و مشاعر و المفروض ما كانت تسوي اللي سوته وانتهينا
قام سهم وراح و ترك الكل ولا عاد له خلق يسمع شي
_____________
عند ترف
كانو جالسين يسولفون اخر حصه فاضين
عنود : بسم الله علينا داومنا و لا جبنا درجات حلوه
ترف :والله انه نعمه الدرجات اللي اخذناها
فاطمه : اخخخخ لو اني ما داومت احسن
ضحكت مروه :الحمدلله بجيب درجه حلوه
عنود : فاطمه شكلها جايبه الدرجه كامله
ضحكت فاطمه :اذا جبت ٢ و نص ف انا ممتازه بس والله ما اذكر اني حليت شي صح
ترف :معلينا المهم انه حلينا
فاطمه : اهم شي انه اسمي صح بس مدري ضفت اخر اسم او لا
عنود : لا حول ولا قوة إلا بالله انحم نسأل عن الاختبار وانتي تسألين عن آخر اسمش
فاطمه : مدري محتاره
ترف :بنت وش قلتو بنتقابل بكره
فاطمه :انا عني تم
عنود :تم تم
مروه : تم
ترف :خلو يعني بنفلها بكره
فاطمه تخيلو عل التم ذي ما احد منكم يجي وكلكم تسحبون
ترف :مستحيل
فاطمه :ان سحبت وحده منكم يا يويلاها
عنود :بسم الله وش فيش تهددين انتي مستحيل نسحب
مروه :اي والله حسستيني اني بسحب
فاطمه :تمام
عنود : تعالو نكمل تلوين الوحه فاطمه تمام
اجتمعو الاربعه على الطاوله و جلسو يلونون شافت فاطمه علبة الالون و هي طفشانه قربت من ترف و لطخت وجهها بالون ابيض لفت ترف وشافت ابتسامت فاطمه ولفت لي عنود : حطت لون بوجهي صح
ضحكت عنود على وجه ترف وهزت راسها باي قامت ترف و عبت يدها بالون ابيض وقامت تركض ورا فاطمه وفاطمه ركضت لفت على الفصل كله و ترف وراها اخر شي قفزت فاطمه كانت تبغى تنحاش بس مسكتها ترف وعبت وجهها ولفت عليها فاطمه و مسحت بيدها على وجه ترف و جلسو يلعبون بالوان حتى تعبت وجيهم و هم يضحكون قربت عنود منهم و معها لون احمر وهي تضحك و قربو منها ترف و فاطمه و هي انحاشت بس مسكتها ترف و صارت بتحط في وجها بس صاحت عنود :ترف ان قربتي او لمستي وجهي باعلم والله لا اتكلم
ترف رجعت ورا لا لا خلاص ما بقرب منش يا روحي يا عنودتي
عنود : ايه ادب
فاطمه : بسم الله وش فيه
عنود :مافيه شي
ترف :مافيه شي
فاطمه مع الرغم انه كانت تضحك بس انه ضاقت من تصرفهم و خرجت وراحت الحمامات تغسل وجها و تنظف الون بعدين راحت للمعلمة وأخذت الجوال و كلمت أهلها
عند ترف كانت تلعب مع عنود و مروه و يضحكون بعدين راحو للحمامات يغسلون وجيهم و يدورون فاطمه بس مالقوها ورجعو للفصل يجلسون و جت فاطمه
عنود :وين كنتي يا فاطمه
فاطمه : كنت عند المعلمه اخذت الجوال و كلمت اهلي
ترف :ليه
فاطمه :ولا شي بس ودي اروح البيت عشان عندنا شغل و بنطلع نتمشى
مروه :خلاص قدنا الحصه الاخيره اساسا
فاطمه :ادري بس خلاص بروح البيت ودي ارتاح قبل نطلع نتمشى
ترف : تمام اللي ودش
اخذت شنطتها فاطمه واغراضها و طلعت وراحت تنتظر أهلها
و جو أهلها و مشت معهم
ترف : لا يكون فاطمه زعلت
عنود :مدري عنها
مروه : انتم زودتوها كل ما جت تلعب معكم قمتو تلمحون لي بعض
عنود :طيب عادي انا قلت كذا مزح
مروه : بس فاطمه تحسست مدري ليه ترف ماودها تقول
ترف :يع تدرون يمكن واحد من اخواني يجي ياخذني
عنود غمزت لها : اها وانتي تبغين نواف اللي ياخذش
ترف ولا كلمه اسكتي
ضحكو البنات
جلسو سوالف شوي و دق الجرس و طلعو البنات و جلسو ينتظرون أهلهم و جا نياف واخذ ترف و مشى لفت عليه ترف : نياف
نياف لف لها :لبيه
ترف : لبى قلبك
نياف :ايه وش عندها تروفه
ترف :ولا شي بس ما ودك تتزوج
نياف : والله ياخوش ما ودي ذلحين بعدين بعدين
ترف ابتسمت : يعني ما طحت في الحب
نياف : لا ما طحت ولا ودي اطيح
ترف :ايه حلو انتبه ياخوي من الحب لا تطيح
نياف سكت و لف يشوف الطريق وجلس يهوجس ويتذكر موقفه مع فرح و كان ينفي فكرة الحب من راسه و كان ساكت لف لي ترف :تبغين اكل
ترف : لا مو جوعانه ودي اروح للبيت
نياف : حلو تمام
ترف : طيب كيف كان دوامك
نياف : والله مافيه شي مهم انتي كيف دوامش و وش سويتي في الاختبار
ضحكت ترف : حلو الاختبار والدوام يجنن
نياف ابتسم :جلدتي الاختبار ولا جلدش
ترف : اكيد اختك جلدت الاختبار
ضحك نياف: ما اتوقع بس يالله ان شاءالله تنجحين يارب
ضحكت ترف : كثر دعواتك لانه محتاجتها
نياف :ابشري
وصلو في البيت و نزلت ترف وراحت غرفتها
____________
عند زيد
كان في الشركه ويرتب أوراقه لانه خلاص ماعاد الا شوي وينتهي دوامه دق الباب و راح جلس على كرسيه زيد وتكلم :تفضل
دخلت روز بطلتها الجميله و مشت بكل هدوء جلست على الكرسي زيد : ايه استاذه روز وش عندش
روز : عندي الورقه ذي ودي توقعها
زيد :اها اعطيني اياها
أخذها زيد و وقع لها على الورقه ولفت روز : تدري يا استاذ انه اخوي مرره عصبي
زيد رفع راسه : وانا وش دخلني فيه
روز ابتسمت : ولا شي بس انت و هو نفس العمر وانت هادي وهو عصبي
زيد : يا استاذه روز مو كل إنسان نفس الشي انتي أصابع يدش مو سوا الاخوان في نفس البيت مو سوا ف لا تقارنين احد بأحد لانه ما تدرين وش ظروف الواحد
روز : مو قصدي مقارنه يا استاذ بس انه قصدي يعني المفروض ما يكون متشدد و معصب على اتفه الاسباب يعني انحم تطورنا و تقدمنا
زيد :كل إنسان وله تفكير مافيه احد يشبه احد
روز : شكرا استاذ
زيد : عفوا
طلعت روز و تنهد زيد ورجع راسه ورا : انا وش دخلني في اخوها ياكثر سوالف ذي الإنسانه
قام من على الكرسي و راح يخلص الوراق عشان يطلع
_____________
عند فارس
بعد ما طلع سهم انسدح على السرير و جالس يناظر للسقف ز كان يهوجس ولا كان قادر يسمعهم و ضايقه فيه بس انه لازم يوقف مع اخته و مستحيل يسمح لي سهم يسوي ذا الشي
عند فهد و ثامر كانو جالسين ساكتين ويناظرون لب فارس المتاثر واتضايق و وقف فهد عند سريره : تبغى اقول لي الدكتور يعطيك منوم ترتاح شوي
فارس :لا ودي اروح البيت
فهد : تمام
راح فهد و كلم الدكتور و خلص المغذي فارس و مشو للبيت و ثامر راح لي الفندق ورجع و هو مكسور و حزين ما كان يتوقع انه سهم كذا او انه ناوي يتزوج و يكسر قلب حلا انصدم من تصرفه و انصدم من تفكيره ما كأنه بيضر نفسه و لا فكر في حياته كيف بتكون و كيف بيعيش حياته و هو بيجرح نفسه و بيجرح حلا ويجرح ذيك اللي بياخذها و تكتشف انه ما بيحبها بيكسر قلوبهم الثلاثه و هو ماهو جالس يحس رفع راسه و هو يتنهد و يجلس على الكراسي اللي في المدخل حق الفندق و يفكر في وضعه هو وانه حتى هو بيكسر قلبه و قلب منار وانه ما عاد فيه استطاعه انه يتحمل و تعب حيل يحاول يدعي ربي انه يقدر ينساها ذيك لكن ما قدر غصب تطلع من لسانه دعوه انه ربي يعوضني باللي احسن منها جلست الهواجيس تجيه و تتجمع عليه ماحس بعمره الا يوم جا سهم و مسك كتفه :وش تهوجس فيه يا ثويمر
ثامر تنهد : انا ادري انه كلامي ما بتعجبك بس بقول لك اللي بيصير انت ذلحين ناوي تتزوج طيب تدري انه بتكسر قلبك و قلب حلا و قلب اللي بتاخذ تدري انه ماهو واخد بس اللي يتعب و ينكسر لا ثلاثه اللي يكسرون
سهم :وانا ما همني ولا احد ولاعاد همني نفسي خلاص ودي اتزوج وانتهينا و قفل السيره اساسا يمكن اتزوج و انبسط معها واعيش حياه سعاده
ثامر : ويمكن العكس
سهم : انت وش وضعك تتفاول بالشر يقول تفاولو بالخير تجدونه
ثامر : لانه اشوف عيونك يا سهم اذا جو عيال عمي محمد و كيف كنت تناظر حلا و كيف كنت تغار عليها مستحيل و من سابع المستحيلات انه انت قد نسيتها
سهم : مانسيتها بس اكيد ذيك بتنسيني اياها
ثامر : مستحيل تنسيك مستحيل لا تلعب على نفسك و على بنت الناس
سهم :ما ضحكت على احد والبنت بحبها
ثامر : سهم لا تسوي بعمرك كذا سهم نصيحة اخو و محب لك انتبه تغلط ذا الغلطه سهم يمكن لو تسوي شي صغيرون بتزعل منك حلا بس بترجع ترضى لكن لة تسوي ذا الشي مستحيل ترجع لك ولا عاد بترضى
سهم : ما ابغاها ترضى مين قال لكم انه ابغى رضاها و ابغى اتزوج عشان اقهرها بعدين ارجع لها ما ابغى ارجع لها
ثامر : تمام اللي ودك سو اللي تبغى انا ما عاد بتكلم
سهم : تمام الل انت وش عاد بتسوي في زواجك
ثامر :بروح اقول لي ابوي يخطبها و بكمل زواجي و بسوي ملكه وحدها و زواج وحده
سهم : هيه لا تسوي كذا و تكسر نفسك
ثامر :انا اقلها انه صار لها فتره من تزوجت وصار عندها ولد لكن انت يا سهم توك قبل اسبوع مطلق ولا تدري وش شعورك ولا شعورها انا خلاص ما عاد احس بولا شي
سهم : حتى انا
ثامر : لا انت تحس و تشعر و تضيق وما تبغاها تتزوج اكيد انه باقي في مشاعر بس اكيد انه الغضب أعمى عيونك عن ذي المشاعر
سهم : لا تنصحني و تنسى نفسك
ثامر: و نفس الشي انت لا تنصحني و تنسى نفسك
قام ثامر و ترك سهم و جلس سهم و هو يحاول يقنع نفسه انه هو الصح وكلهم الغلط وانه اكيد لو عرفو اعذاره بيعذرونه قام و قف وراح لغرفته برتاح ويريح نفسه من التفكير
_______________
غند فارس و فهد
اول ما وصلو البيت قامو يصيحون فارس و فهد : يمااااه
فارس : يبااااه
فهد :حلااااا
فارس : ميييي
و جلسو على كذا حتى خرجو امهم و ابوهم و حلا و مي
وقامو يصيحون ويحضنون بعض
محمد ضحك : ذي المره سماح تصيحون و تنادون بأسمائنا المره الجايه بتنجلدون لانه خوفتونا
ضحكو فهد و فارس وجت حلا و حضنت فارس : اجلدهم كلهم الا فروسي
ضحك فارس وباس راسها و بينه وبين نفسه يدعي ربه انه ربي يجبر بخاطرها : خلاص ويا يبه اجلدهم كلهم الا حلا
ضحكت حلا و تخبت في حضنه و ضحك هو عليها قرب فهد : هيه تراه اخوي انا
حلا : انقلع عند مي
ضحك فهد : لا والله أحلفي قولي والله اقول هذا فروسي وانتي روحي عند مي
مي : لا ابغاك ولا ابغاها ابغى فروسي انا
ضحك فارس : ياقلبي والله
مي : اسمع ترا حجزت لك و كل شي تمام
فارس :تمام ياروحي و فهد و حلا بحجز لهم معنا
ساره : ليه يا ولدي
فارس : ودي يتمشون ويغيرون جو بعدين بيرجعون لكم
فهد تذكر كلام سهم :اي والله و اذا ودها حلا تكمل جامعتها برا تم على حسابي
فارس : اي والله تم
حلا : من جد
فارس :ايه من جد و ننبسط ونفلها مع بعض
حلا : تم و ياقلبي والله اني احبكم
محمد : ماشاءالله كل ذا ولا ترجعون تستشيرون امكم ولا ابوكم
ساره : افا ما توقعتها منكم تتركونا و تسافرون
فهد :خلونا نسافر مع بعض
مي :يوووه انا اسعد انسانه لو تسافرون كلكم معي
فهد :ياروحي والله
محمد :تم
ساره : ما عندي مشكله والله
محمد : تم نحجز كلنا
مي : يووه يافرحه قلبي بكم الحمدلله انكم اقتنعتو و نمشي كلنا مع بعض و سفره عايليه
حلا : ياي يجنن اهم شي اهم شي في الطياره ابغى اركب بجنب فاااارس
فارس : ابشري كم عندي حلا ما غير وحده و تبشر والله باللي ودها
حلا : كفو اخوي الحلو
ضحك فارس : كفوش الطيب
حلا : فارس
فارس :لبيه
حلا : فارس
فارس : لبيه
حلا :فارس
فارس :لبيه
ابتسمت حلا : فارس
رد لها الابتسامه فارس : لبيه
حلا : لازم تعوضني
فارس : ابشري بس في وش
حلا : انت بعدت عني و جلست عند ذاك واشرت على فهد : اسبوعين يعني لازم تجلس تدلعني
فارس :عيوني و قلبي وحياتي ودنيتي
حلا :يسس
ضحك فارس : انتي تامرين امر انتي تتدللين يا الغلا كله
ضحكت حلا : ياروحي وحياتي الله يطول بعمرك
فارس : امين وياكم جميعا
محمد : افا وانا وين رحت يا حلا
حلا : انت موجود ولكن فروسي غير ودلعه غير
فهد : يبه ترا جالسه بعض الأحيان تناديه بي يبه و نستك ترا
ضحك محمد : هو صدق يا حلا افا كيف تنادينه بي يبه و تنسيني
حلا :ولا شي يا بابا بس هو دايم معي و دايم اذا ابغى أغراض تقول له يجيب لي ف صار ابوي اسم ولا انت ابوي الحقيقي
ضحكت مي :معليه يبه دلع بنات
محمد :خليها تدلع جعل ما يتدلع غيرها
ابتسمت حلا : ياقلبي يا يبه احبك
ضحك فارس: حبيبتي و روحي وحياتي و دنيتي خلوها تدلع و تنبسط و تعيش حياتها دامي عايش
حلا :بسم الله علي وش فيكم تدلعوني
فهد : اذا ماودش بدلع ترا انا ودي فيه قولي لهم يدلعوني انا
ضحكت مي : ترا حتى انا اختكم
ضحك محمد :كلكم عيالي و كلكم احبكم لكن حلا الدلوعه لانه اخر العنقود
فهد : بس ترا في غش
محمد :كيف
فهد :الحب لي اكبر واحد ولي أصغر واحد وانا و مي مسحوب علينا
فارس :ياويلي من نار الغيره
ضحك فهد : والله اني صادق والله ان احس ما احد يحبني ولا احد يفكر فيني
فارس : انا احبك وانت اخوي بس الدلع ما يصلح للرجال
فهد :ما قلت لك دلعني قلت حبني اتمنى الاقي واحد يحبني بصدق بكل شعور واحساس
فارس :تعال تعال يا ابو الشعور و احساس
فهد : تدرون الصدق الصدق صرت ادور الاهتمام برا لانه احس اني هنا منسي
محمد :شوف والله الغلا لك واجد و خاصه انه انت ولدنا الثاني وفرحتنا الثانيه
مي : بسم الله عليكم وش ذا النكد والضيق اسمعو نسوي عشا لانه خرج فارس بسلامه
تذكر فارس سهم وانه ممكن يجي ورفع راسه :تكفى يبه تكفى
محمد :اقدم وانا معك
فارس: ماودي بالعزيمة ودي نتجهز عشان نسافر قول لهم انه بعد ما نرجع من السفر ذاك الوقت يعزمونا ذلحين مالي خلق احد ودي ارتاح وترا قلتها لك عشان لا تقول انه انا فشلتك و رحت نمت
محمد : ابشر باللي تبغى بوصل العلم لهم
فارس : وعادي قول المريض يحتاج راحه
ضحكت مي :اخخخ مايدرون ان المريض يفكر يسافر برا ويعيش حياته
غمز لها فارس : ويدور له عروس
صاحو البنات وضحك فارس : بسم الله شكلكم صدق تبغون الفكه مني وتبغوني اتزوج
مي : لا الصراحه بس ودنا نفرح فيك
فهد : خلو فارس ما منه فايده انا ودي اخطب
محمد :ايه ذا الرجال ايه مين تبغى
فارس غمز له وفهد ابتسم : الصراحه ودي ببنت عمي جاسم
محمد : ابشر نكلمهم قبل نسافر و نخطبها لك
ساره :انت صادق
ابتسم فهد : اي والله يا يمه
حلا :الكبيره ولا الصغيره
فهد : ما افرق بينهم اي وحده عادي
غمزت له مي : تبغى اللي ركبت معنا يوم رحنا ناخذ أغراضنا
سوا فهد نفسه ما يعرفها: هي بنت عمي جاسم ؟
مي : ايه بنته
فهد : مدري ما شفتها ولا اذكرها
حلا :الصغيره احس قول موافق
فهد : طلعوني منها اي وحده او قولو اللي توافق مو شرط وحده
ساره : احلف تبغاني اجلس اناظر فيهم واقول وحده منكم تاخذ ولد
ضحك محمد : الولد اهبل انتي اختاري اي وحده واخطبيها
ساره : اي والله انا اللي بختار طيب و ولدنا الكبير مين تبغى
فارس : والله مافكر في احد ولا ودي اتزوج
محمد: اللي ودكم بس لا تقولون ابوي فضل احد عن احد
فهد : لا يبه ما بنقولها
فارس : صادق انت تحبنا سوا ومستحيل نقولها بس قبل شوي نمزح مع بعض
فهد ابتسم بعبط : يعني الكلام اللي قبل شوي اثر فيكم و وافقتو عشان الكلام اللي قلته
محمد :اي كلام
ضحكو كلهم فهد :شوف يا يبه ما فيه شي بس انه احاول اسوي كأنه مسكين وانه ما حبيتوني اصلا عشان اشوف غلاي عندكم
ضحك محمد :انقلع خوفتني على بالي انك صادق وانه انت زعلان منا
فهد : لا ابشرك مافيه زعل وانا ما ازعل منكم
___________
جا اليوم الثاني
في المسجد اللي قريب من بيت ضيدان تقابلو و سلمو على بعض دخل فارس و صلى و جلس يقرأ اذكاره ينتظر الصلاه دخل سهم مستعجل و صلى بجنب فارس و جلس بعدها ولف وشاف فارس يقرأ اذكاره قرب وسلم على فارس و جلسو شوي واقام وصفو يصلون بعد الصلاة خرجو كلهم و جلس فارس في المسجد يقرأ قرآن
ضيدان لف يدور فارس :الا فارس وين ما جا معكم
محمد :الا يا يبه بس انه في المسجد باقي
ضيدان :تعالو تعالو خلونا نفطر ونسولف شوي
زياد : مانقدر ندخل والضيف باقي ما قد جا
رجع سهم للمسجد وجلس بجنب فارس قفل فارس القرآن ولف له : هاه وش عندك
سهم : جدي يسأل عنك
فارس :كان بإمكان اي واحد يجي بس انت لا
سهم : فارس انا اخوك
فارس : ما انت باخوي اللي يكسر قلب اختي ماهو اخوي
سهم : فارس وش يرضيك
فارس :يرضيني انه ما تسوي اللي في بالك ف اسوي اللي في بالي
سهم : وش بتزوج حلا زوجها اساسا جدي ناوي يزوجها
فارس ابتسم : لا ناوي ارد الصاع بصاعين بتزوج و اتحدا احد يوقفني
سهم : هيه انت سامع وش تقول فوق ما انه اتهمت جنى انه ما تحبك تبغى تتزوج
فارس : قلت لك إذا أنت ناوي تقهرني في اختي باقهرك في باختك
سهم : هيه
فارس : انت اللي هيه بينا حرب نحارب بعض ماهو نكسر قلوب البنات
سهم : اختك احرقت قلبي
فارس :اختك احرقت قلبي
دخل ثامر :تراكم في مسجد و بلا هواش و ثاني شي بخطب ذليوم المفروض تفرحون لي ما تتهاوشون
فارس : لو جيت من اول احسن من ذا خرب يومي
قامو و خرجو من المسجد و قرب فارس يسلم على الجد و على عمانه و مشى معهم للبيت حق جدهم عشان يفطرون
___________
عند ترف في بيت جدها
كانت تلبس و تكشخ زي عادتها و مشت تبغى تلحق السواق بس راح و تركها و لفت بترجع البيت بس صدمت في نواف رفعت راسها وشافت نواف : وش تسوي هنا يا قليل الادب
نواف : انتي اللي وش طلعش برا يا قليلة الادب
ترف : لا ترد السؤال بسؤال جاوبني
نواف :كنت رايح لشغلي انتي اللي مدري وش تسوين هنا
ترف : يع كريه انقلع روحه بلا رده ان شاءالله
نواف : وياك يارب و نموت سوا
ترف :يع فال الله ولا فالك انا الصراحه باقي صغيره الصراحه وباقي ابغى اعيش حياتي
نواف : اقول بلا ام حياه انقلعي عن وجهي خليني أصبح زي المسلمين
استمتعوا وعلقو و تشبيهات انستا fat90892
