سهم : ايه وين تبغين نروح
عهود : اللي ودك ياروحي
سهم :امممم طيب وش تحبين مشروب
عهود : اممم مدري وش تحب تشرب انت
سهم ضحك : مشروبي مشروب العظماء شاهي
عهود وهي تدلع : دام كذا اكيد انت عظيم و انا بشرب معك تم
سهم :تم
عهود : وش سويت مع زوجتك
سهم : اووه ما قالو لش اهلش اني مطلق قبل اتزوجش
عهود :اما هم قالو انه متزوج
سهم :لا مو متزوج انا مطلق
عهود :حلو يعني كل وقتك لي انا بس
سهم : ايه ياروحي
عهود : تمام بس ترا اغار عليك
ضحك سهم : يووه لا تغارين تكفين
عهود : ليه لا اغار
سهم : لانه ما احب الغيره الأوفر
عهود : بس من حقي اغار
سهم : غاري بس بحدود
عهود : اممم بس الصراحه غيرتي قويه مرره
سهم : ولو غيرتش قويه انا ما ابيها خففي غيره
عهود :تمام
سهم : تمام يعني تبغين شاهي
عهود : تم
راح سهم و طلب اثنين شاهي و أخذهم و حطهم مكان مخصص للاكواب و لف لها : و جربي شاهي هذا احب شاهي لي
عهود وهي ما تحب الشاهي بس ما تبغى ترد في خاطر سهم :كل شي منك حلو اكيد انه لذيذ
سهم : تسلمين يا حياتي ايه قولي كيف التجهيزات
عهود: كل شي حلو و جهزت كل شي
سهم :ايه واكيد بتطلعين اميره
عهود خجلت و نزلت راسها لف سهم وضحك على شكلها: ياروحي على اللي يخجل
عهود : خلاص سهوم ترا أخجل
سهم :ابشري ياروحي
عهود : اممم تدري مشتهيه تشيز الكيك ذيك اووه ياربي
سهم أشر على عيونه الاثنتين :ابشري من عيوني الاثنتين
عهود : تسلم عيونك حبيبي
سهم : اخخخخ الله يسلمك
مشى سهم وراح الكوفي و طلبهم تشيز كيك اثنين و طلب قهوه واحده V60 و وحده ايس كوفي و أعطاها ايس كوفي حقها واخذ V60 وشرب منه شوي واكل من التشيز كيك و اكلت عهود من التشيز كيك و شربت من ايس كوفي حقها و لفت له : سهومي وكلني
سهم :ابشري ما طلبتي شي
اخذ ملعقه من التشيز كيك و قربها من فمها و اكلت عهود منها :اووه الذ حلى مني يدك
سهم : بالعافيه ياقلبي
عهود :طيب انا ابي اوكلك
ابتسم سهم :تمام
عهود اخذت ملعقه و قربت من فمه واكل سهم :يالبيه يا الذاذه
جلسو سوالف وياكلون من الحلا و ضحك و مزح مع بعض و سوالف عهود :سهومي قلبي ابغى اصور يدي ويدك مع القهوه تكفى سهومي
سهم : لا
عهود : يوووه سهومي كيف ترفض لي طلب و هذا اول طلب طلبتك اياه
سهم :عهودتي ما ابغى ولا احب التصوير وبعدين ملكتنا ما احد يعرف عنها شي
عهود : والله زعلت ليه يوم انه انا ف ملكتي سريه و ملكه صغيرونه ويوم انه حلا ملكه كبيره و في قاعه و معازيم كثار
سهم : عهود ترا طلعنا نستانس ماهو تنكدين علينا
عهود : لا والله ليه انكد عليك وش قلت ما قلت الا الحقيقه
سهم :ان جبتي طاري ملكتي الاوله او زواجي بنتهاوش تمام انا حذرتش
عهود : لا لا خلاص ماعاد بجيب طاريها
سكت سهم شوي بعدين لف عليها : صوري يدي والكوب بس لا تصورين وجهي تمام
عهود : مابي طاب خاطري
سهم : عهودتي حياتي دنيتي هيا
عهود : تمام
اخذت عهود جوالها و صورت الكوب و يد سهم و نزلتها استوري و كتبت عليه : احلى طلعه مع روحي و قلبي الله يخليك لي يارب
وقفلت الجوال و نزلته ولفت وشافت سهك يهوجس ومسكت بيده : حبيبي وش فيك
لف لها سهم :هلا روحي مافيني شي
عهود : لا اشوفك تهوجس في وش
سهم : ولا شي
عهود : والله وجهك مرره متغير
سهم : نومان ماني نايم صح ومن الفجر وانا و فارس عند الابل
عهود : يعني دقيت عليك وانت معك احد
سهم : ايه معي فارس بس حاولت اصرفه انتبهي مره ثانيه لا عاد تغلطين
عهود :عادي يا حبيبي مثل ما صرفته ذلحين بتقدر تصرفه بعدين
سهم : لا يا حبيبتي ما عاد اقدر
عهود :طيب اعلن زواجنا وارتاح شوفنا ذلحين حتى ما جلسنا في كوفي زي الناس
سهم: عهود اتركي النكد خلينا نعيش بسلام
عهود :انت اللي مو مخلينا نعيش وش فيها لو طلعت مع زوجي ترا من حقي
سهم : خلاص عهود ترا احس راسي مصدع
عهود :بسم الله عليك من الصداع الله يحفظك ياحبيبي و ما قلت شي الا الحقيقه
سهم :اوكيه تمام تمام
سكتت عهود ورجع سهم يغير الموضوع ويسولف معها وياحاول يلطف الجو
_____________
عند ضيدان
كانو جالسين مجتمعين و سوالف عن موضوع المهم اللي هو زواج ثامر و الترتيبات واشيا واجد
ضيدان : عادي الملكه والزواج واحد و بنجمعها مع بعض
زياد :اي والله عادي مافيها شي
محمد :صح صادق اقل مصاريف والفلوس الباقي يسافرون فيها
ثامر : بس بس انت وياه تخططون وتتفقون وكانه ةنتم اللي تتزوجون ماكانه انا و منار احترامي لكم و مع كامل الاحترام ولكن انا ومنار اللي نفكر و نقرر ماهو انتم
حمد:صح صادق وش تبغى قول
ثامر : انا عني ودي زواج و ملكه كل منهم لحالها و يكون بينهم اقل شي ثلاث شهور
حمد :تمام حلو
ثامر :بس خذ راي بنتك تبغى راي جدانا و خوالها ولا رايي
حمد :تقول ما عندها مشكله
زياد : ماهو انت كنت رافض
ثامر : لا استخرت وارتحت لها
حمد :حلو كلكم ارتحتو لي بعض تمام
جاسم :الله يتمم لكم على خير ويرزقكم الذريه الصالحه
ضيدان : تمام متى تبغى الملكه
ثامر : ذليوم الخميس ودي الخميس الجاي ولا الجمعه
زياد :يعني بعد اسبوع
ثامر :ايه
حمد :بكلمها وارد لك مستحيل اوافق على القرار وانا ما كلمتها
ضيدان :اصبر انت وشوفه متى تبغاها
ثامر : بكره عادي ماعندي مشكله
محمد : مين كان رافض الفكره
ثامر :انا و انا اللي بقرر انه اكمل حياتي و اكمل نص ديني
حمد : حلو و قررت وخلاص ننتظر قرار منار
ثامر : ننتظر قرارها
زيد : خلاص نتمم كل شي
حمد :اختك موافقه
زيد :ايه تقول نفس كلام ثامر انه اقل شي تبغى بين الملكه والزواج اقل شي ثلاث شهور عشان يتعرفون على بعض
ضيدان :حلو ولف لي زياد :الحمدلله واحد من عيالك رجع عقله باقي الثاني ادعي انه يرجع عقله
زياد : قصدك سهم وش فيه
ضيدان : مافيه شي هو يقول لك
زياد : لا حول ولا قوة بالله انحم نشوفه عشان يقول لنا
فهد :وانا وش قلتو عن موضوعي
ضيدان :بكره تشوفون البنات انت و ثامر و نتفق على كل شي
فهد : بس مين من بنات عمي جاسم اللي وافقت
جاسم : الكبيره ريم
فهد : اها تمام
جاسم :لا يكون ما تبغاها
فلاح: ان ما بغاها قطعته بسنوني كل شي ولا الغاليه ريم
فهد : اعوذ بالله لا لا ابغاها ابغاها
فلاح : ايه على بالي انتبه
فهد : معليك منتبه لا تخاف
محمد :يعني بكره الشوفه الشرعيه لي ثامر و منار و لي فهد و ريم
زياد : اي الله يتمم لهم على خير و عقبال الباقين
ضيدان :اذا حطو عقولهم في رواسهم امين
ضحكو كلهم ولا كانو يعرفون وش يقصد ضيدان ولكن ضحكو لانه يعرفون انهم جننوه العيال
___________
العصر عند ترف
كانت تلبس و تتجهز بتطلع تقابل البنات و لفت من دخلت امها مريم :انتبهي لي نفسك ولا تخاطرون بانفسكم تمام
ترف : تمام
مريم : الله يحفظكم واستودعتك الله
مشت ترف و لبست نقابها وهي طالعه و لفت على نياف و لحقها و مشو لي السياره و ودها لي الملاهي و جلس شوي حتى شاف البنات اجتمعو معها بعدين راح
عند البنات ترف و عنود و مروه قامو يسلمون على بعضو يحضنون بعض كانه لهم سنه من بعض
عنود : فاطمه مو راضيه تجي
ترف :ليه
عنود :مدري عنها بس هي قالت مالها خلق تجي
مروه :بنات صوتها مبين انه كانت متضايقه
ترف : متضايقه من وش انحم وش سوينا
عنود : ما سوينا شي عشان تزعل
مروه :مدري مشينا نلعب و نستمتع
راحو ركض للالعاب و جلسو يلعبون و يضحكون و مبسوطين و رجعو راحو ياخذون ايسكريم و يتمشون وسوالف و يختارون الالعاب اللي يلعبونها و كانو مبسوطين
___________
عند فارس
كان في مكانه جالس و مع قهوته و الشاهي و يسولفون على راسه نواف و نياف و ضحك و هبال لكن فارس ماهو معهم باقي يدور في راسه مكالمة جنى و كلامها
نواف : فارس متى بتسافرون
نياف :اخخخ بنشتاق لكم والله
فارس ما كان معهم و لا سمعهم قرب منه نواف و هز يده :فارس وين رحت
فارس عدل جلسته : معكم معكم وش بغيتو
نياف : يسالك متى تسافرون
فارس :مدري والله بس انه الاسبوع ذا
نواف : يعني ما تحظرون ملكة ثامر
فارس :متى الملكه
نياف : اووف ما شفت القروب حقنا وش مرسلين فيه
فارس : لا والله لي فتره ما فتحت القروب
نواف :المهم بكره الشوفه الشرعيه لي فهد و ريم و ثامر و منار و الاسبوع الجاي ملكة ثامر و منار
فارس :وفهد ليه ما يسوي ملكه معهم
نواف : مدري عنه اخوك ليه ما تساله
نياف : اي والله اسال اخوك وانت صادق يملك عليها بعدين بكيفه ياخذها يخليها المهم تصير ملكه
فارس :اي والله صادقين اذا جينا لهم قلنا لهم
نواف :وانت وين رحت
نياف :انا
فارس :ايه انت تواعد من ورانا
ضحك نياف :لا ترف تبغى اوديها لي صديقاتها
ضحك نواف :توها قابلتهم الصباح
نياف : مدري عنهم
فارس :يوووه طفشت من سوالفكم
ضحك نواف : ايه ايه انحم ما انحم نفس سهم
ابتسم فارس :سهم مدري وش فيه
نياف :بسم الله وش فيه
فارس :اكيد اكيد وراه سالفه
نواف : مثل وش وش قال لك
فارس : ولا شي بس جاه اتصال و نقز وراح يقول خويه من وين له اخويا من دوني يعني كنت اعرف اخوياه كلهم الا ذا
نياف : معليه يمكن توه يتعرف عليه
فارس :متى متى توه يتعرف عليه انحم مع بعض اربع وعشرين ساعه
نواف دف به على خفيف : اووف من متى فارس يغار على سهم
فارس : ما اغار افهمو بس وراه مصيبه و اخاف اسافر و هو يسويها بعدين ما يعرف يتصرف
نياف : معليك رجال و يعرف انت جالس تحمل مسؤوليته كانه نونو
فارس :لانه اعرف سهم اكثر منكم كلكم
نواف : حلو طيب انصحه
فارس : ما يسمع لي ما يسمع و قاهرني انه ما يسمع لي احاول افهمه انه غلط اللي يسويه بس ما يسمع لي ولا يفهم الا اذا طاح في المشكله
نياف : معليك ان شاء الله مافيه شي بس انت مكبر الموضوع
فارس : ان شاء الله
نواف : طيب سوال ما بتحارب عشان حبك
فارس : لا ما بحارب و خلاص انتهينا بقرار منا انحم الاثنين
نياف : بس كيف كذا انتهى كل شي
فارس :اي انتهى كل شي
نواف :معقوله تحبها
فارس : ايه احبها بس خلاص كل واحد يشوف حياته احسن
نياف : تمام بس لو يجي احد يخطبها
فارس سكت ولف بنظره عنهم و ماكان عنده جواب لانه ما سال نفسه ذا السؤال لكن في خاطره مستحيل تروح لي غيره السؤال هذا فتح عليه جروح و مواضيع كان في غنا عنها قام يهوجس و قام يفكر في ذا السؤال و لا قدر يجاوب و سكتو العيال يوم شافوه يهوجس
_____________
عند سهم
كان يلف هو وياها على السوق ويتفرجون لي تصاميم لي فساتين و كانت محتاره و كان سهم يحاول يساعدها ولكن في شي في داخله يقول ياليت انه حلا اللي اختار لها الفستان ماهو انتي لكن ما كان يقول شي غير انه يبتسم لها و ساكت و هو حالس معها و ضاق من الجلسه معها و مع الفساتين شوي و جاه اتصال و فرح انه بيطلعه ذا الاتصال من اللي هو فيه اخذ الجوال و راح بعيد يكلم
سهم : هلا
زياد :وينك
