سهم : خلها ترضى و بس تبشر
فارس قرب منه : حل مشكلتك مع عهود و تبشر باللي يخلي حلاي ترضى
سهم : كفو يا الذيب
رجع مكانه فارس : كفوك الطيب و بعدين ليه ما تكمل مع عهود احس حرام او شي
سهم : ما قدرت اتقبلها تخيل انت بس انه كل ما اشوفها اتذكر حلا و اتذكر دلع حلا ف قلت يا ولد بتظلم البنت اتركها احسن لك و بس
فارس :ان شاءالله تفهمك و تروح بلا مشاكل لانه ما ارضى على دلوعتي المشاكل
سهم : اقول اسكت مو انت اللي تركت اختي ولا نسيت
ابتسم فارس و رفع راسه يناظر للسقف بعدين نزل راسه يناظر في سهم : خلاص ماعاد بينا شي
سهم : كيف وش لا يكون بتتزوج غيرها ولد
ضحك فارس : لا بس تراضينا لا تقول لي أحد لانه هي ماودها
سهم : احلف قول والله تكفى طمن قلبي
فارس :والله تصالحنا و كلمت عمي انه اخطبها و قال ماهو فاضي لي مشاكلنا
ضحك سهم: اكيد حتى انا ماهو فاضي لي
ضحك فارس : ياويلي أهلنا بيتبرون منا من كثر مشاكلنا
ضحك سهم و استمرت سوالفهم مو ضحكهم و هبالهم و كانو مره مبسوطين مع بعض
____________
عند نواف و ترف
كانو يتبعون فلم و لف نواف :ترف جوعانه
ترف ناظرته: اي والله
نواف : قومي نسوي اكل
ترف: يع انقلع على بالي تبغى نطلب
ضحك نواف : افا ما توثقين في طبخي
ترف :ما اثق بك بكبرك
نواف : اح وانا وش سويت لش
ترف :اكرهك و اكره أهلي
نواف : ايه صح لانه انا اللي قلت لش دخني ف تكرهيني
ترف : لا مو عن كذا ليه توافق أهلي الرأي و تتزوجني ليه ما تركتني
نواف: باقي ما انجنيت يوم اتركش بينهم
ترف : لا والله واذا تركتني عادي
نواف : لا مو عادي لا تجننيني اهلش كان عندهم احتمال يقتلونش لانه ماهمهم
ترف: عادي واذا قتلوني اهم شي ما اخذك
نواف : وانا ما ابغاهم يقتلونش
ترف : والله انك حيوان
نواف : ما الحيوان الا انتي
ترف : عادي انقلع ماودي فيك
نواف :انا ذلحين جوعان و ماودي الحوار ذا نهائيا تجيبينه انتي ليه
ترف :لانه اعلمك اذا جوعان يا تطبخ يا تطلب لانه ماودي فيك ولا يهمني انت نهائيا و لي علمك بداوم بكره
نواف : كيف تداومين و انحم باقي في شهر العسل
ترف : عش شهر البصل انت وحدك انا مالي شغل بروح الدوام
ضحك نواف و لف لي جواله يناظر و يفكر وش يطلب و خلاها لانه ماوده يزعلها وهو معروف بأنه شديد و عصبي بس يحاول يهدي نفسه بكلمه انه انت تزوجتها لأجل تحميها مو تخوفها
كمل طلب و طلب لها نفس الوجبه اللي تبغاها و قفل الجوال ينتظره
كانت ترف تناظر له و كانت تستغرب هدوئه اللي صايبه الفتره هذي وهي تعودت عليه انه دايم معصب و دايم يهاوش
شوي و دق الجرس ووقف يروح ويستلم الطلب و رجع لها و سلمها وجبتها و هو اخذ وجبته و جلسو ياكلون و هو ساكت ويناظر لي اكله رفعت راسها ترف : ممكن سؤال
نواف: تفضلي
ترف :ليه هادي
نواف استغرب السؤال وناظر لها : وش قصدش
ترف :دايم اشوفك معصب و تهاوش بس من يوم تزوجتك اللي ذلحين ما قد هاوشت او عصبت
ابتسم نواف :افا ودش اهاوشش
ترف : لا طبعا بس ابغى اعرف سبب هدوئك لا يكون الهدوء قبل العاصفه
نواف : لا تطمني بس افكر في حل يساعدش و يخلي اهلش ما يهاوشونش
ترف : من جد
نواف :ايه
ترف :ولقيت
نواف :لا مالقيت
ترف :اووف
نواف : وش رايش تاكلين وانتي ساكته
ترف : يع توي استانس انك ما تعصب
ضحك نواف: مو معصب بس ما احب كثرة السوالف وانا اكل
ترف : تمام
خلصو اكلهم و راحت ترف غرفتها تنام و هو راح غرفته نفس الشي ينام
___________
اليوم الثاني
الكل علم انه سهم صحى و جو كلهم و تقابلو عهود و حلا و ناظرت عهود في حلا و كانت مستغربه من جيتها بس سكتت و دخلت لي سهم :حبيبي انا جيت
سهم رفع راسه : أرحبي كيفش
عهود جلست بجنبه : توي الحين اصير بخير والله تعبت من دونك
سهم : حبيبي انا
عهود : سلامتك يا روحي
سهم : الله يسلمك
عهود : اسمع جبت لك عصير و جبت لك اكل لازم تشرب العصير و تخلص الاكل عشان تتحسن بسرعه تمام
سهم : والله مالي خلق شي و بعدين تعالي مو قلت لش ماودي اشوفش وش جابش
عهود : نعم خير تطردني عشان حلا موجوده
سهم : يا بنت الحلال ما طردتش بس انتي تعرفين انه متزاعلين ولا ودي اكلمش
عهود : اووف يا سهم لازم تذكرني
سهم : عهود : انا ماودي اظلمش معي ولا ودي ااملش في الحياه و في المستقبل انا انسان ماني قادر انسى و طول وقتي ماني قادر انسى تكفين لا تتعبيني فوق تعبي
عهود : يعني كيف
سهم : يعني قلبي مو لش قلبي عايشه فيه شخص واحد بس ولا قدر يخرج
عهود : سهم قول غير كذا انا حسيت انك العوض عن كل تعب جاني تكفى يا سهم
غمض عيونه سهم و تكلم بهدوء : حتى انا كنت احسبش العوض بس والله ماني قادر اطلعها من قلبي قلبي يبيها و بعدين ماني قادر اظلمش لانه ما ارضاها على نفسي انه يجيني احد و في قلبه شخص ثاني
عهود : بس بس يا سهم انا تمنيت حياتي كلها معك
سهم : عهود تكفين لا تزودينها علي و خلينا نفترق بالتفاهم لا تزعلين مني ولا ازعل منش تمام
عهود : والله باقول لك شي حتى انا ماودي انه اخذك و في قلبك غيري ودامك تبغاها تمام الله يسعدكم مع بعض ويهنيكم و متى ماودك تطلقني طلقني
سهم :مو زعلانه
عهود : لا والله يا سهم روح و شوف حياتك والله يوفقك دنيا وآخره واحسن شي انه ما كذبت علي و خدعتني و أعطيتني كل اسبابك و بلغتني ببداية مشوارنا عن كل حقيقه دام انه قلبك مو لي انا استأذنك والمعذرة ان كان في يوم من الايام اخطيت عليك او ضايقتك
سهم : الوجه من الوجه ابيض واستري على ماوجهتي
عهود :ان شاءالله وانت بعد
سهم : ابشري
راحت عهود و قابلت حلا برا عند الممرات :انا اعتذر ان دخلتي سببت لي علاقتكم ضرر اعذريني على الكلام اللي قلته في الزواج و انا استأذنكم مع السلامه
راحت عهود و كانه في شي انكسر جواتها لكنها مبسوطه انه ما خدعها ما اوهمها مثل ما يسوون بعض الرجال
لفت حلا للبنات :وش تقصد ذي
حور :اح وش السالفه
جنى : بروح اشوف اخوي
دخلت جنى على سهم لقته يهوجس :وش فيه وش فيها زوجتك
سهم : افترقنا ما قدرنا نكمل مع بعض و انفصلنا عادي نفس كل شخصين يتزوجون وينفصلون
جنى : انت من جدك توكم متزوجين
سهم : احسن شي عشان ما نتعمق مع بعض و نجرح بعض
جنى : تمام اللي ودكم
دخلو الحريم كلهم مع البنات معاد حلا ما دخلت و سلمو عليه و تحمدو له بالسلامه و خرجو و كان سهم مشغول باله ليه ما جت حلا معهم و دخلو الرجال كلهم مع العيال و تحمدو له بالسلامه و سولفو معه شوي وراحو
و جلسو العيال
نواف : افا ما تبارك لي يا سهم
سهم : على وش
نواف : تزوجت
ناظر فيه سهم : مالي خلق لي مقالبك وش صار
نواف : والله صدف اخذت بنت عمتي
سهم : مو عمتك كارهتنك وش غيرك و تزوجته بنتها
نواف : الا ما كانت وباقي اللي ذلحين ما تطيقني لكن البنت سوت مخالفه و تزوجتها وانتهينا
سهم : اشرح لي كل اللي صار لانه ما قد استوعبت
ضحك نواف وشرح كل شي لي سهم و ابتسم سهم يبارك له و يحضنه و يدعي له و كملو سوالف و ضحك
ماعاد فارس كان على الجوال ما رفع راسه يسولف معهم ولا أعطى احد وجه
ثامر :وش فيه النفسيه ما يسولف معنا
فارس : ما النفسيه الا انت
ضحك ثامر :يعني انت تسمعنا طيب ليه ما ترد على السوالف
فارس : ما ابغى ارد بكيفي
ضحك سهم : امس سولف حتى خلصت سوالفه قده بيجلس هادي كذا اللي بكره
ضحك فارس: شكرا انه فاهمني
سهم :افا عليك فاهمك من نظره
ضحكو كلهم لف سهم لي ثامر : كيفك مع زوجتك
ثامر :كل شي تحت السيطره و حلينا أمورنا الحمدلله
لف عليه نياف : اح يعني مزعل منار
ثامر ناظر فيه وضحك : لا بس فهمتها وضعي و ليه كنت رافض فكرة الزواج و هي نفس الشي و صرنا نفهم بعض عشان لا واحد منا يزعل على الثاني
زيد قرب منه و مسك رقبته : وش قلنا لك يا ويلاك لو تزعل منار لانه بتروح فيها
نواف :الحمدلله يعني انا عادي
نياف : لا انت غير انت اخذت العنقود اخذت أغلى البنات تبغونها من الاخير كل وحده لها غلى و كل وحده تقول انا الغاليه يعني يا ويلي واحد منكم يزعلهم
زيد : اووف يا عيال تعبت من بين مذاكره و وظيفه تكفون
نياف: احد قال لك امسك شغلتين في الوقت نفسه
زيد : لا والله تبغاني اعتمد على ابوي واخليه يصرف علي انا تراني احتاج اشتري احتاج افلها وأسافر و مستحيل اسوي كل ذا و انا مو موظف و ابغى اكمل دراستي عشان يكون لي منصب كبير
سهم : ماشاءالله كم تدرس
زيد :ثاني ثانوي
نواف : و ترف ثالث ثانوي صح
زيد : أيه وانا ثاني
نياف : المعذره اطفال
نواف : الأطفال تزوجو و انت باقي
نياف : اح صدق ما بقى الا انا و ذا الورع ما تزوجنا
نواف : شفت يالله تزوجو
نياف : ماعندي مهر
زيد : مالي خلق ذلحين اتزوج
سهم : الله يعني انت عندك فلوس للزواج بس مالك خلق
زيد : أيه
فارس رفع راسه : وش دخلكم في الزواجات وش جاب طاريها وبعدين انت يا زيد صح احسن شي انك موظف و تدرس عشان تعتمد على نفسك من وانت صغير
سهم : عيال باقول لكم شي
نياف : انطق
ثامر : تكلم
سهم : انا تركت زوجتي و بالتراضي منا كلنا
فلاح : اما ليه تركتو
سهم : انا ما قدرت اتحكم في قلبي كل هواجيسي حلا و واقعي عهود و كلمتها و قالت ما ارضى انه اجلس معك وانت قلبك ماهو لي و انتهينا
فارس: اي والله عجل علينا و ساعدني وانا اساعدك و خلنا نتزوج قبل الاطفال يسبقونا
زيد ضحك : افا ليه ليه عادي خلونا نتزوج
فارس : تزوجو لكن انحم قبل يعني سمحنا لي ثامر و فهد و نواف الباقي لا انحم تبغى نسبقهم
فلاح : انا لو ما اختكم رفضتني كنت ذلحين العب طفلي الاول
ضحك سهم: اح قويه والله وانا كان ذلحين حامل بطفلي الثاني
فهد : اخخخ يارب أجرني في مصيبتي بيصيرون أزواج اخواتي مجنن
ضحك فارس : اي والله
سهم : انتم ليه تحطمونا كذا انحم مساكين
دخل الدكتور : بسم الله ماشاءالله وش ذا كله
فارس : وش يا دكتور
الدكتور : كيف جيتو كلكم ما قلنا تجون مجموعات
سهم : هذي ثالث مجموعه يا دكتور
ضحك الدكتور : دام كذا ماشاء الله عليكم شكل عائلتكم مره كبيره و بعدين تعال قول لي وين اختك ما داومت ذليوم
فارس : وانت وش دخلك
الدكتور : هي تستلم مكاني و ما قد شفتها
ثامر: معلاك تلقاها مداومه قبل الدوام مستحيل اختي تغيب
الدكتور : اها تمام
قرب من سهم و شاف المغذي و بعده عن يده و لف عليه : وش تحس فيه
سهم : احس انه ودي اطلع من هنا بأسرع وقت و املك على الحب
ضحكو العيال كلهم
الدكتور : حضرت الاستاذ سهم انا اتكلم معك عن وش تحس فيه من ألم مو وش تحس فيه من خيالاتك
سهم : جسمي كله يعورني محتاج واحد بسم الله عليك من حبيبة قلبي و اثنين احضان واكون بخير
قامو العيال يضحكون و ماعاد وقفو و مسك ضحكته الدكتور : ايه يعني صارت هي دكتوره
سهم : اخخخخ يا دكتور هي دكتورتي هي سبب جروحي و سبب علاجها هي اللي تقوله سم ولبيه
كتم الضحكه فارس : هيه اختي احترم نفسك تراك زودتها
الدكتور : تدري تنوم اسبوع زياده هنا و بمنع عنك الزياره عشان فلسفتك الزياده تنفعك
سهم : لا تكفى يا دكتور كنت امزح
ضحك الدكتور : تمام بنسوي لك اشعه بكره و نشوف اذا كل شي تمام بتطلع و مبروك مقدما يا عريس
سهم : دعواتك يا دكتور لانه الأمور ملخبطه و مو راضيه تنحل
الدكتور : الله يسهل لك كل خير ويالله مع السلامه ولا تتأخرون اطلعو بعد نص ساعه تقفل الزياره
العيال كلهم : تمام
لف ثامر لي سهم : هبلت بالدكتور مسكين
ابتسم سهم: امس سويت فيه نفس الشي يقول في شي يوجعك قلت بعد حلا قال وين الألم بالضبط قلت روحت حلا و راح برا و قال اللي اسمها حلا تدخل تشوف سهم وش يبغى
قامو كلهم يضحكون فارس: والله عصبت عليك يا حيوان يوم ناديته حلا
سهم : افا ليه
فارس : غرت على اختي مو من جدك تناديها وانت غريب عليها
سهم : يا ابني مو غريب ذي بنت عمي وش فيه
نواف : يالله يا عيال استأذنكم بروح البيت ارتاح
فارس غمز له : اخس اخس بيت و حركات يعنني متزوج
ضحك نواف : شايف كيف قدني بجيب ورعي وانتم باقي عزاب
ضحك ثامر : اقول احس الموضوع متطور شوي احس بنزوج عيالنا و هم بافي عزابيه
ضحك نواف : شايف كيف
فهد ضحك : الله لا يبلانا كل واحد يروح لي زوجته الا بعض الناس باقي يروح عند امه و ابوه
ضحكو العيال كلهم
نياف : احس احس يقصدونا صح
فلاح : لا تحس تأكد
زيد : يا عيال انا بروح الدوام احس لازم أوراق مهمه اخلصها و ارجع انام تبغون شي
نياف : ليه احس انه انت قدك على وجه زواج
زيد : مين قصدك تقصدني انا
نياف: ايه اقصدك
زيد : اها لا مستحيل ودي اخلص الثانوي اول
ضحك فارس : اها يعني الخطه في باله بس وده يخلص الثانوي
ضحك زيد : يا فاهمني اي والله
سهم : هيه وقف انت وياه احترمونا انحم الكبار انتظرو حتى نتزوج بعدين تزوجو وي
ضحك ثامر : تجهز تجهز لي كلمة عمي من بدري
فارس : لا خلينا اهدا من كذا اهدا يا اخوي
ضحكو كلهم
نواف :اقول تجهزو لي كلمه جدو طبعا من احفادنا
ضحكو كلهم
فلاح : ذولا اخذونا رايح جاي
ضحك سهم : يالله تقلعو كلكم ودي انام
ضحكو العيال و طلعو و راحو لي بيوتهم حتى هم ينامون
____________
عند زيد
دخل و لقا الموظفين يشتغلون و لف يتفقدهم و لقا روز غايبه و هي لها كم يوم ماهي مداومه و خاف عليها دخل على مكتب البنات و لف : مين تعرف سبب غياب روز
البنات لفو لي بعض و سكتو
زيد صرخ بصوت عالي شوي :انا جالس اتكلم مين يعرف سبب غياب روز
صديقة روز : يا استاذ عندها ظروف و غابة
زيد : ليه تغيب ليه ماتجي تقول يا استاذ زيد ابغى اجازه ليه الاهمال ذا
صديقه روز : معليش يا استاذ جاها ظرف ما عاد خلاها تداوم اول ما تجي باخليها تمر على مكتبك على طول
زيد : تمام
طلع من عندهم و كان كل تفكيره مع روز اللب كانت تضحك و تسولف فجأه اختفت ولا كان لها وجود كان لها حس حلو في المكتب و الشركه بكبرها بس من غابة و الشركه مالها طعم
دخل مكتبه يبغى يخلص الأوراق و يوقع لكن جت في باله ذكريات ذكريات ضحكتها سوالفها اذا هاوشها كيف كانت عيونها تدمع
كان ما يدري ليه اشتاق لها وليه كل يوم يسأل عنها بس كان يحس انه كانت تعطي المكان جو حلو
غمض عيونه و جلس على مكتبه ينجز شغله و كان يكرر جمله وحده فقط : انا جيت اشتغل و اوفر فلوس لي سفرياتي ما جيت عشان احب او انحب
خلص شغله و طلع برا و قفل المكتب وراح للبيت يذاكر اخر اختبار له في الفتره الأولى و بعدين ينام
____________
اليوم الثاني
صحت ترف و راحت تغسل وجهها و تفرش اسنانها و راحت لي غرفة نواف لقته نايم و صحته و راحت تلبس و تعدل روجها و لبست عبايتها و جلست على الكنب اللي في الصاله تذاكر حتى يخرج نواف
شوي و خرج نواف : يالله مشينا
ترف رفعت راسها : ايه يالله
مشى نواف و مشت وراه و خرجو من الشقه و ركبت السياره معه
نواف : عندش اختبار
ترف : ايه
نواف : ذاكرتي
ترف : يعني مو مره
نواف : اها
حرك السياره و كان يفكر هل الوضع بيستمر كذا ولا بيفترقون وش مصيرهم مع بعض على فيه اسباب انه يكملون مع بعض ولا خلاص اذا انحلت المشكله بيروح كل واحد في طريقه وصلها المدرسه و هو كان في باله مليون سؤال و سؤال
نزلت ترف و راحت المدرسه ولقت البنات و قامت تحضنهم و تبوسهم
مروه : وين فاطمه
عنود :اكيد بتتاخر زي عادتها
ترف سكتت شوي ورجعت ترفع راسها : لا فاطمه نقلوها أهلها مدرسه ثانيه
شهقو البنات و ناظرو بعض بصدمه و ماعرفو وش يقولون
مروه : طيب كيف نتطمن علييها
ترف : مدري ما اعطتني فرصه حتى اكمل كلامي معها
عنود : طيب ليه أهلها ينقلونها ما عرفت
ترف :لانه قالو لا عاد تكلمين ترف و خلاص اقطعي كل شي بينكم و مو انا وحدي حتى انتم يعني منعوها من كل البنات اللي كانت تكلمهم
مروه : اخخخخ تكفين انحم اشتقنا لكن و ماغير اسبوع كيف ذلحين فاطمه تبعد عنا للأبد
ترف : لا تبكوني بالغصب امسك دموعي
عنود : يووه معليه اكيد طيبه
ترف :اخخخخ اشتقت لها الصراحه
مروه : اي والله
عنود :اووف اي والله ودي ترجع بأسرع وقت
ترف : اكيد بروح اكلم أهلها و اخليهم يرجعونها
مروه : كيف
ترف : مدري لازم افكر في طريقه اروح لهم واكلمهم
عنود : طيب بيتهم نعرفه
ترف : بخلي نواف يوديني اذا لقيناهم كلمتهم ما لقيناهم بندورهم انا مستحيل استسلم
مروه : تم واي شي انحم معش نساعدش
ترف :تمام
____________
عند زيد
خلص اختباره و ناظر للساعه انه قد هي ٩ و نص و وقف وراح للمدير يستأذن عشان يخرج و رفض المدير اخر شي قال له كلم ابوي لانه ابوي محتاجني ضروري
وفعلا دقايق و خرج من المدرسه وركب السياره وفتح جواله و دق على ابوه : هلا يبه تطمن انا بخير بس عندي اجتماع ذليوم ولا قدرت ااجله زي دايم
حمد : اخخخخ حيوان انت دايم تخوفني كان قلتي الليله و أجلت الاجتماع اهبل
ضحك زيد : اووه ترا نسيت انك مدير الشركه
حمد : افا عليك و اضبطك دام كذا عجل ترا باقي نص ساعه
قفل زيد و مشى متجه لي الشركه و راح لقا غرفة الاجتماعات ودخل القا السلام و جلس على مكتبه بعد ما خلصو طلع وراح المكتب الخاص فيه و جلس شوي ودخلت عليه روز : استاذ قلته امس انك تبغاني امر
زيد : ليه غايبه
روز : استاذ أهلي رفضو انه اكمل في الشغل ولازم استقيل
زيد : يعني كذبتي انه اهلش موافقين
روز : هم واقفين اشتغل ولكن بشرط انه يكون عمل فيه نساء و من يوم عرفو انه مديري رجل قالو اقدم استقاله
زيد :وانتي تبغين تستقيلين
روز : ايه
زيد : تمام قدمي استقاله وانا بوقعها
راحت روز و قدمت استقاله و هو وقعها و كان أصعب توقيع استقاله عليه لانه كانت تعطي المكان جو و تعطيه اهتمام
تذكر اخر شي صار بينهم
**فلاش باك **
كان زيد يقرأ ورقه و روز جالسه تسولف معه : تخيل البطل اعترف للبطله واو مره حماس متى ارجع البيت و اكمل الروايه
زيد : استاذه روز ترا روايه عادي وش ذا الحماس
روز : يع كريهه وش فيك ترا مره تجنن و بعدين احب الكاتبه اكيد بتحمس لرواياتها تخيل تخيل الكاتبه كانت بتسوي سيناريو انه بيصير في البطل شي بس طلبناها انه لا تسوي فيه شي و وافقت و عدلت الروايه كامله لي عيونا
زيد : روز خلاص اسكتي ترا صدعت
روز :اووف وش فيك ممل
زيد : روز ان ما سكتي بتصرف معش تصرف ثاني خلاص مليت وانتي تتكلمين انتي كم في الثانيه تقولين كلمه خلاص اسكتي شوي بس شوي
روز : خير ترا عادي جدا اذا ارتحت لي شخص اقول له كل شي يعجبني
زيد : و انا ماودي بذا الراحه ويالله على مكتبش لانه جد صدعتي بي
سكتت روز و طلعت وهي مكسور قلبها و كان زيد يناظر للأوراق ولا اهتم لها نهائيا
* انتهى الفلاش باك *
عند زيد وقف بسرعه يبغى يلحقها لأجل يعتذر بس ما لقاها يعني انه راحت لف ورجع مكتبه و كان يفكر انه اكيد مو أهلها رافضين بس هي راحت لانه كسر خاطرها و حيل تعبها معه و ضايقها
جلس على المكتب و اخذ جواله يدور اي رقم يقدر يتواصل معها مالقا و كان ما يتواصل مع الموظفات ف ما كان عنده رقمها
___________
عند ترف
كانت أول مره تكون هاديه في الفصل وما تكون مزعجه ولا حتى تطلع من الفصل ولا تسولف مع البنات
مروه : ماشاءالله كأنه عقلتي بعد الزواج
ابتسمت ترف : لا بسم الله علي بس افكر في طريقه اقدر القا فيها فاطمه
عنود : خلاص انتي فليها ذلحين وبعدين بنفكر سوا في طريقه
ترف : مستحيل انا لازم احلها بأسرع وقت لازم
شوي جلسو سوالف لكن ترف ابد مو معهم ولا تسمعهم
شوي و و جات المشرفه : ترف حمد وين
رفعت ترف يدها
المشرفه : خذي اغراضش و امشي
ترف : كيف
المشرفه : اخوك مدري زوجك برا واستأذن لك
اخذت أغراضها ترف و طلعت من المدرسه و احسن شي انه خلصت اختبارها الصباح و جا نواف استاذن لها
مشت ولبست عباتها و طلعت برا ولقته واقف و هو لابس نظاراته الشمسيه و كان كاشخ بثوب و غتره و كان شكله يجنن قربت منه : مشينا
نواف : هيا بس وين الكرت العايله
طلعته له ترف واعطته و مشو وركبو السياره
ترف : احسن شي انك صرت زوجي عشان كل شوي تستأذن لي
نواف : مو دايم بس حسيت انش متضايقه ذليوم قلت اطلعش من المدرسه و امشيش بس قولي لي وش مضايقش
ترف : اول مره اداوم و انا متأكده انه صديقتي ما بتداوم
نواف : بس كذا بسيطه عادي بكره تتقابلون
ترف : لا مستحيل لانه أهلها نقلوها مدرسه ثانيه
نواف : ليه ينقلونها في نص الفصل
ترف : هذي صاحبتي اللي كانت معي يوم مسكونا المعلمات و أهل صاحبتي رفضو من بعد ذا الشي انه نتقابل و منعوها انه تتواصل معنا لا انا ولا صاحباتنا الثانيات
نواف : اح ليه كذا ذا يعني غلط و غلطتو ماهو عقوبه كذا
ترف : اخخخ اشتقت لها كل يوم نسوي مشكله و نسولف و نضحك ما كنا نحس بالوقت بس ذليوم طفشت لانه مافيه مصايب
ضحك نواف : يعني نقول مين راس المصايب
ترف : طبعا انا بس هي معي تخطط
ضحك نواف : والله حالتكم حاله بس عادي اعطيني اسم أهلها وانا بادور معش حتى بحاول فيهم و اكلمهم واقول انه تابت وانه مافيه شي يرجعون عادي
ترف لفت له : امانه يا نواف بتساعدني
نواف لف لها : ايه بساعدش و بوقف معش في كل شي
ترف : حلو
نواف : بس لا عاد تضايقين عمرش
ترف : تمام ذلحين بوريك بيتهم بنروح نشوف هم موجودين او لا
نواف : تم
مشو لي بيت اهل فاطمه و لكن مالقو احد
نواف : تتوقعين انه فيه احد داخل
ترف : دق بوري و نشوف
نواف : تمام
دق بوري نواف ولا كان فيه اي رد أو أي أحد خرج
لف نواف لي ترف :نمشي مافيه احد
بكت ترف و هي تناظر للبيت : تكفى ماودي تروح و تتركنا تكفى كان أملي انه ما نقول اخخخخ
نواف :لا تبكين والله ان اطلعهم لو كانو تحت الأرض كل شي ولا عيونش ينزل منها دموع
غمضت ترف و هي تهز راسها و كانت ضايقه انه صديقتها و صديقة الطفوله احتمال ماعاد ترجع ولا عاد يلقونها
مشى نواف و راحو لي كوفي عشان يتقهوون و يروقون لكن ترف رفضت و رجع البيت و اخذ معه فطور
وصلو البيت وراحت ترف غرفتها و نامت و هو نفس الشي ما كان له نفس يفطر وراح يهوجس وش بيسوي وكيف يلقاهم هو وعد ترف ولازم يلقاهم
__________
عند فارس
و نفس الحاله من اول ما يصحى و هو يرسل لي جنى قصايد و غزل و حب و طقطقه و هبال حتى هي تصحى و ترد عليه
فارس : اووف متى تصحين ترا مليت
فتحت جنى زي عادتها الجوال و فيه كميه كبيره رسايل كثيره من فارس ردت على اتصاله : نعم خير خلنا ننام يااخي
فارس : لو سمحتي انا مو اخوش انا زوجش انا خطيبش انا كل شي الا اخوش
ضحكت جنى : هيه وش تبغى مصحيني
فارس : صحت الدنيا صحى قلبي
ضحكت جنى : بس بس اسكت
فارس : بنت احد حولش لانه صدق مشتاق اسولف
جنى : لا ما احد و كانه ما تسولف
فارس : لا ما اسولف مين قال لش انه اسولف ذلحين انا جالس افكر وش اقول وش ارد
جنى : تدري انك مزعج
فارس : بالله توي ادري
جنى : فارس ماعندك دوام
فارس : افا اميرتي تصرفني
ضحكت جنى : اصرفك لانه صدعت منك
فارس : سوفا اكمل ولا كأنه سمعت انتقاد
ضحكت جنى : اقول بلا كلام فاضي سهومي كيف حاله
فارس : افا و ما تسألين عن مرافق سهومي و بعدين تراني اغار
رماه سهم بالمنديل :احترم اني اخوها و مريض و نايم اسكت قرفتنا يا شيخ
ضحك فارس : اخخخخ المحطمين في كل مكان
ضحكت جنى : اعطني اخوي حبيبي
فارس : هيه خط أحمر كلمة حبيبي تنطق لي انا بس
سهم :اقول اعطني لو انه ما صحيتني ما كنت اخذت منك الجوال
أعطاه فارس و حطه اسبيكر : هذا اخوش الحمار يكلمش
جنى : سهومي حياتي كيفك اخبارك
فارس : هيه لا تتمادين
جنى : خير خلني اتحمد اخوي وش دخلك انت
فارس : تمام كملو كملو
سهم : ياروحي والله انا بخير وانتي
فارس : هيه وش ذا اسكت واحد يجي الثاني تراني اغار افهمو
ضحك سهم : معليش توي ادري
جنى : سهم متى تطلع
سهم : ذليوم بيكشفون علي و اذا شافو كل شي تمام طلعوني
جنى : حلو
سهم: افا وش فيه
جنى : ولا شي بس ما تدري قد ايش اشتقت لك
فارس : تراني ذليوم بسافر
سهم : لا تكفى ليه توكم جيتو
ضحك فارس : وش اسوي دوامات البنات
سهم : لا تسافرون تكفون اجلو سوو اي شي تكفى
فارس : ماني قادر دراستهم
سهم :الله يقلعها من دراسه تكفى يافارس تكفى تكفى لا تسافرون حتى اقنعها
فارس : تم
جنى :يعني ما بتسافرون
فارس : بناجل اللي بكره باقول مالقيت تذاكر الا بكره و غصب اخر مقاعد تم
سهم : تم
قفلت جنى ولف سهم لي فارس وقام يضحك و ناظر فيه فارس و نفس : اووف خربت علي يا سهم
ضحك سهم : احسن تستاهل
_________
عند احمد
كانت الممرضه تركب له المغذي و تعطيه فطوره وطلعت ز كان هو مركز النظر على جواله على رقم اخوه اللي ماهو عارف وش يقول وش بيكلمه فيه عن وش بيتواصلون غمض عيونه و اتصل و كان خايف يسمع صوته و يتذكر أهله وينهزم للحنين و للذكريات
رد اخوه جابر : هلا
احمد : كيفك اخبارك
جابر : أرحب أرحب أرحب أرحب الحمدلله طيب انت كيفك وش جديدك وين مختفي لك فتره
احمد : البقى الحمدلله تمام مافيه شي بس تعرف تعب خفيف ويروح
جابر اخوه الكبير: بسم الله عليك وش فيك وش يوجعك تبغاني اجيك
لمعت عيون أحمد و تذكر حنيت ابوه عليه و كلام امه غمض عيونه و نزلت دموعه وقام يبكي
فز جابر سوم سمع صوت اخوه يبكي : ولد علامك ليه تبكي وش صار وش قالو لك الدكاتره
احمد و هو يمسح دموعه : جابر تذكرت أهلي تكفى
جابر : اخخخخ يا احمد خلاص ادع لهم بالرحمه راحو لي اللي ارحم منا
احمد : ماني قادر والله أصعب شهر يمر علي تكفى يا جابر تعبت تعبت
جابر : هد هد وريح انا بجيك بس من متى وانت في المستشفى
احمد : لي اسبوعين وذا اتوقع الثالث
جابر عصب :و كيف ما تقول لي ما انا اخوك يا حمار قول لي ترا انا في المستشفى اقل شي برساله بلغني
احمد : توي اصحصح ذلحين كنت تعبان حيل و كل شوي يدخلوني العنايه المركزه
جابر :العلم وش وش مرضه
احمد : طلع عندي القلب و سوو لي عمليه وانا بخير لا تخاف
جابر : انا بحجز لي انل وعيالي ذليله و بنجيك بكره انت مو بصاحي مريض و ما تعلم احد اقلها قول لي الممرضه كلمي أهلي
احمد : خلاص يا جابر تكفى ماني قادر للعتاب اللي فيني مكفيني
قفل احمد ورجع يبكي بحزن و قهر كيف كانو و كيف صارو من بعد ما توفو أهله و كل واحد منقطع عن الثاني ما يعرفون اخبار بعض
دخلت حور ولقته يبكي قربت منه : تعوذ من ابليس اهدا
احمد هز رأسه و هو مكمل بكى
حور : انا ما بقول زي الناس انت رجال ما تبكي لكن باقول ابك و طلع كل اللي جواتك
احمد رفع راسه : ماكنت اتخيل انه بيجي يوم واكون في المستشفى و اخوي ما يدري عني كا كنت اتخيل انه بيجي يوم و افقد صوت امي و ابوي و كلامهم لي و نصايحهم
حور : ابوك و امك راحو للي ارحم منا و اخوك عادي اكيد ما بيعرف اخبارك وانت ما تكلمه لو انكم تكلمون بعض كنتو عرفتو كل شي عن بعض
احمد : هو انشغل بعياله وانا كنت اطمنه اني بخير و صحه و عافيه
حور : تمام يا احمد انا جالسه اشوف نبضك و هو جالس يرتفع يعني حاول تهدي نفسك
احمد :دكتوره والله ماني قادر تكفين
حور : حاول ذلحين تتجاهل انه كلمة اخوك اهدى و عادي جدا البعد ذا ترا اخوي قبل يصير عليه حادث ما مان موجود و كان متزاعل مع جدي و طرده جدي و جا اعتذر منا كلنا و راح و فجأه نسمع بخبر حادثه
احمد : اح ليه جدش يطرده وش الموضوع
حور : مافيه موضوع بس يحب بنت عمي و خطبها واحد غريب او انه خويه ما ادري و تهاوش معه و رماه بسلاح و كان اخوي بيموت و لكن الحمدلله اللي سلمه و صار طيب وبعدين عقد قران على بنت عمي و مدري وش و صارت بينهم مشكله وتركو بعض و فجأه اخوي راح و خطب اخت اللي كان بيقتله وهنا جدي عصب
احمد: على كذا صادق جدش انه يهاوشه بس ما يطرده
حور : ما فهم و طرده قال اذا عقلت تعال
ضحك احمد : و صدم
حور :ايه بالضبط
احمد: احس عندكم اكشن حتى المسلسلات ما تصير فيها كذا
ضحكت حور : ايه صادق المهم انت فلها وربك يحلها ولا تضيق ترا الفرج اكيد بيكون قريب
احمد : تمام تدرين جاني فضول اتعرف على اخوش
حور : شوفه في الغرفه اللي هناك رقم *** تحصله على طول هو و ولد عمي
احمد : تمام بشوفهم
حور ضحكت : لا و خلهم يقولون لك قصصهم مع الحب
ضحك احمد: يعني كلهم عانو
حور : ايه كلهم عانو
احمد :حمستيني اروح ذلحين
حور : اصبر خل تتحسن علاماتك الحيويه
احمد : بتتحسن اذا لقيت احد يرد علي الصوت
حور : تمام امش
مشت حور وراحت لي سهم و لحقها احمد
سهم اول ما شافها :أرحبي يا دكتورتنا
سهم اول ما شافها :أرحبي يا دكتورتنا
حور :البقى كيفك ذليوم
فارس : طيب معليه ما يبغى الا يطلع
حور : اسمعو في واحد يبغى يتعرف عليكم
سهم : خليه يجي
دخل احمد : السلام عليكم
قام فارس وسلم عليه و لف سهم لي حور : ساعديني اقوم
ساعدته حور و عدل جلسته و جا احمد يسلم عليه
احمد: شوفو ما اعرفكم ولا تعرفوني وش رايكم نتعرف
فارس : تم ماعندي مشكله انا فارس محمد اعقل واحد واكبر واحد من أحفاد ضيدان و ذا سهم بن زياد نفس العمر تقريبا بس انا اكبر منه بأيام
احمد : وانا احمد و جيت هنا و كنت بين الحياه والموت ولولا الله ثم اختكم ولا كان رحت في خبر كان
سهم :الحمدلله على السلامه يا احمد و ما تشوف شر
احمد : الشر ما يجيك الحمدلله على سلامتك انت
سهم : الله يسلمك معليك بسيطه
ضحكت حور : جيت عليه و هو ضايق لانه وحده و سولفت له عن قصتك يا سهم انت و زواجك ذا و قال عائلتكم فيها فعاليات
ضحك فارس: يووه انت متى اخر مره سمعت بالزواج الإجباري
ضحك احمد : يمكن في المسلسلات
فارس :ابشرك جدي اجبر اخو سهم و بنت عمتي على الزواج
ضحك سهم : اي والله و تعال شوف الحوسه اللي صارت جلسنا نهدد جدي و نتهاوش معه
فارس لف عليه : اما وصلت فيك تهدد جدي
ضحك سهم : ايه مدري من وين علم عن زواجي و قام يلمح وكان ثامر بجنبي و جدتي تسأل وش السالفه و ما تحملت و هددت انه اقلب الزواج عليكم عشان كذا يوم الزواج انقلب وجهه
ضحك فارس : يووه ليه توي ادري
