سهم : افا اسمي بينا الناس السهم والكل يخاف مني وانتي بكل اختصار تناديني بسهوم
جنى ضحكت : تمام تمام يا السهم أمرني
سهم : بسالش سؤال واتمنى تجاوبيني
جنى : وش هو
سهم : انتي تحبين فارس ولا لا
جنى سكتت و ما قالت شي سهم : جنى جاوبي عشان احارب ضده بدليل واضح
جنى : كنت احبه او لا لا تتحارب ضده ذا اخوك مثل ماانا اختك و لا تكسر حلا لانه سمعت لقاكم ولا ودي انه تكسرها
سهم : تمام دام ما تبغين احارب ضد فارس ولا اكسر حلا يعني تحبين فارس
جنى : وش سالفتك تحوس على انه احب فارس او لا
سهم : ودي اطمن قلبي السالفه اللي قالوها لي ما دخلت بالي في شي يخوفني
جنى :تطمن مافيه شي
سهم : اكيد يا جنى
جنى : اكيد
سهم : قولي احبه وانا مستعد العن خيره ذلحين هيا
جنى : الله يستر عليه
سهم : لو كان انتي ما تبغينه قولي كنت احبه تكفين
جنى :ماني قادره انطق يا سهم
سهم : جنى انطقي وريحي قلبي
جنى : ايه احبه بس وش يفيد ذلحين
لف سهم يناظر فارس اللي وقف يمشي وحده و تنهد تنهيده طويله جنى : سهم وش فيك
سهم : ولا شي يالله تبغين شي
جنى : لا ما ابغى الا سلامتك
قفل سهم ووقف وراح عند فارس و مسكه من كتفه : وش كنت تتوقع
فارس : اخخخخ يا سهم والله انه ما توقعت انه ذي اجابتها توقعت انها ما تحبني و ما تبغاني
سهم : انا قلت لك انت اتهمتها و ترا بسمح لك مكالمه وحده بس كلمها و تفاهمو
فارس :خايف تردني
سهم : واذا ردتك عادي انت رديتها هيا
فارس :مدري يا سهم مدري خايف
سهم :دق و شوف
فارس اخذ نفس وراح عند جوجو و حضنها و راح يجلسو انسدحت بجنبه الناقه وحطت راسها في حضنه رفع جواله و كتب رقمها و دق على طول وردت : هلا
فارس : اخخخخ اشتقت
جنى : بس ماهو انا اللي تخليت
فارس : ندمان والشوق ذابح
جنى : بس انا نسيت
فارس : صوتش يقول شي ثاني
جنى : معليك تطمن نسيتك و نسيت اشكالك الله يرزقني بإنسان يحبني ويخاف علي ماهو نفسك وده يتغزل و وده للاشيا اللي مالها داعي
فارس : ليه ما تكلمتي وقلتي ابغاك يا فارس
جنى : لانه اعرف انه بتقرب وانا أخاف من ذا السوالف
فارس : طيب قولي لي ليه تخليني اروح و ما تفهميني السالفه
جنى : ما توقعتك صادق انك ناويها وداع
فارس : ناويها وداع لانه شايف الخوف في عيونش مني
جنى : كنت خايفه لانه لو شافنا احد
فارس : عادي خليه يشوفنا انتي زوجتي
جنى :لا ماني قادره استحي
فارس : انتي تستحين وانا مو قادر انتظر
جنى : تبغى شي
فارس: ابغاش
جنى : مستحيل عاد نرجع لي بعض
فارس : ليه مستحيل
جنى : لانه من اتفه الاسباب طلقتني ورحت و تركتني يعني لو فيه شي أكبر من كذا اكيد بتتركني
فارس :انا تركتش لانه انقهرت على بالي انه انتي انجبرتي
جنى : ايه انجبرت ايه انجبرت تبغى تعرف وش جبرني
فارس : ايه وش جبرش
جنى :حبي لك جبرني أوافق انا احبك يا فارس احبك بس انت فهمتها غلط
فارس : خوفش يخليني افهم غلط
جنى : ايه انا اخاف منك
فارس :من جد ما توقعت والله
جنى : الا انا اخاف منك اذا قربت واذا خفت ما عاد اعرف اتكلم
فارس : طيب وذلحين وش الطريقه
جنى : الطريقه انه نبعد عن بعض
فارس :بس ما بقدر
جنى :
مابيني وبينك مشاريه وعتاب
شِف دربك اللي جيت منه تدله؟
ما راح تغلبني لو الحب غلاب
من حضرتك عشان قلبي تذله؟
" كنت القريب وكلهم أغراب "
حتى القُمر لا غاب شفتك محله!
رح واعتبرني واحد اذنب وتاب
ماني بثوبٍ تلبسه ثم تمله
فارس :
ودعتك الله وان قسيت اعذريني
وعيوبي اللي تعرفين استريها
وان كان عذبتك معي سامحيني
وانسي ذنوبي الأوله واغفريها
جنى :مع السلامه
فارس: ودعتك الله
قفل فارس و وقف و راح يحاول يقوي نفسه ويسلي نفسه جاه سهم و حضنه و بادله فارس وابتسم :اختي واختك جرحونا
سهم :انحم من بدا وجرحهم و يوم تعبو رجعو يجرحونا
فارس :امش امش نطلع الجبل
سهم :تعال ثواني خلها سباق
فارس : وين سباق شايف حالتنا لابسين ثياب
سهم : طول أعمارنا نرفع الثياب ونربطها على بطونا قوم امش بس انت صرت عجوز ما تقدر تركض
فارس : انت العجوز يا حمار
ضحك سهم :قوم قوم خلنا نتسابق
فارس : تم بس اللي فايز وش هديته
سهم :الف ريال من اللي ينهزم
فارس :تم
سهم :داري والله لو ذكرت الفلوس اول كنته ركضته قبلي
فارس :معليش ودي اامن نفسي
ضحك سهم :تعال تعال صف و نعد اللي ثلاثه و اللي يوصل هو الفايز
فارس : تم عد
سهم بدا يعد : واحد اثنين.....
ركض فارس و قام يضحك سهم :هيه تعال ماقلت ثلاثه
فارس :اوف منك عد بسرعه
ضحك سهم و بدا يعد و اول ما وصلو ثلاثه ركضو سوا و طلعو الجبل و اول واحد وصل فارس و انسدح على طول: اووف تعب
سهم :ماش ماش جسمك ماهو رياضي
فارس : اخخخخ لي فتره طايح في المستشفى اكيد بتعب اول مره اركض بعد المستشفى
قومه سهم و جلسو سهم: اخخخخ الجو حلو
فارس : اخخخخ يا سهم ياليت الهوا البارد ذا يطفي النار اللي جوتي
سهم : اي والله حتى انا اتمنى نفس الشي
فارس :سهم تدري من اللي جرحني
سهم :مين
فارس :اللي تحطه على الجرح يبرى هو نفسه جرحني
سهم : اخخخخ اي والله
فارس: بسافر مع أهلي
سهم : يعني اهلك كلهم
فارس : ايه ايه حتى اللي في بالك
سهم : كانت حولي واكون متطمن عليها
فارس : باخذها انا انا اللي بحجز لها تسافر وفهد اللي بيخليها تكمل جامعتها على حسابه ما نبغاها تنكسر ولا تحس في غيابك واتمنى تسوي لي جنى نفس الشي عشان ما تحس بغيابي
سهم :اخخخخ جنى تحاول تنسى و جنى مستحيل تعترف انها ضعيفه
فارس :ولي كاسر قلبي كذا انه ما تبين مشاعرها صوتها في المكالمه مرره ضايقه
سهم :حتى حلا عيونها مليانه دموع كسرت خاطري تحاول تهاوش بدون ما تبكي بس ما قدرت
فارس : اوووف ليه نسوي كذا بأنفسنا و بهم
سهم : اخخخخ يافارس مدري عذبنا أنفسنا و قلوبنا
فارس : بتتزوج
سهم : ايه و بحاول انسى حلا
فارس :ما بتقدر تنسى بتكسر قلبك
سهم : داري بس وش اسوي ما عاد معي الا اتزوج
فارس :متى زوجك
سهم : بعد شهر
فارس : مين العروس
سهم : اخت سند
لف فارس يناظر فيه : ماهو من جدك سند ما غيره
سهم : ايه سند ما غيره اعتذر مني وانا احبه و سامحته و ما صار شي
فارس: لا يا سهم لا تسويها ذا اكيد بيغدر فيك أو يكسرك
سهم : لا لا معليك تطمن مابيصير شي
فارس : انتبه هذا انا حذرتك
سهم : لا مابيصير شي تطمن
انسدح فارس على الأرض وجلس يتفرج للسما و يهوجس لف سهم و شافه منسدح و انسدح مثله و كل واحد يهوجس في شي و كل واحد يهوجس في حياته
____________
عند نواف و نياف
كاهو يسولفون و يفطرون دق جوال نياف ورد على طول
ترف : نياف تجي تاخذني
نياف : تمام وش مسويه من مصيبه
ترف : يع ماني مسويه شي بس طفشت مو ملل هيا
نياف : يا ازعاج طيب طيب
قفل منها ولف لي نواف و ضحك نواف :من يوم قلت وش مسويه من مصيبه عرفت انه اختك ام لسان
نياف : خلص فطورك و مشينا
نواف : هيا بس ما بتاخذ لها فطور
نياف :اووه ذكرتني
راح نياف يطلب لها فطور و أخذه و توجهو للسياره
وراحو لي المدرسه
_____________
عند ترف
كانت متكيه على جدار هناك و كنت تحاول تتخبى جت عليها عنود : تروفه
لفت عليها ترف ورمت بالي في يدها ولفت عليها : لبيه ياقلبي
عنود :وش كان في يدش
ترف ارتبكت : لا ولا شي
عنود : تكلمي وش كان في يدش
ترف :مافيه شي
عنود : الا انا شفت وش كان تكلمي
ترف : ياختي مافيه شي ليه الا تعرفين اتركيني
عنود : ايه لازم اعرف بسرعه
ترف : مافيه شي
قربت عنود و شمت ريحه غريبه في لبس ترف و دفت بها ترف عنود : ياحيوانه تكلمي وش فيه وش سويتي
ترف :مو مسويه شي ويالله باي
عنود سحبتها من يدها : ترف تكلمي
ترف : يدي توجعني بعدي
عنود :وش تسوين هنا و ش كان معش في يدش تكلمي بسرعه
ترف :مافيه شي و لا عاد تكلميني
عنود سحبتها : ترف تكلمي احسن لش
ترف :كنت ادخن فيها شي صاير شي
عنود :ايه فيها شي وصاير شي فيها شي انه انتي تعبتي و بتتعبين بيضرش
ترف : بيضرني ما بيضرش انتي فكوني خلوني
عنود : لا مافيه ما بنخليش و ما بنسمح لش انه تضرين نفسش
ترف :طيب نفسي انا يا اختي ماهو انتي فكينا وارحمينا
عنود :انا جالسه انصحك لانه انتي اختي
ترف : ماني اخت لي أحد فكيني
عنود :الا انتي اختي و بتضلين اختي
ترف :لا ماني اخت احد ولا ابي اصير اختش وأنا وحيده ما احب احد
عنود : هيه ترا بيضرش بيضرش عندش ربو ما تفهمين
ترف :هي مره وحده جربته
عنود :ولو مره تراه مضر تراه بيقتل ترا بيتعبش
ترف : مافيني شي شوفيني بخير
عنود : ايه بس بعدين الربو يتعبش
ترف :اووفر تراش عادي يا اختي هي مره و جربت وش يعني ما بيصير شي
عنود : الا بيصير ترف ليه انتي ما تهتمين في حياتش ترف تراش جالسه تخربين حياتش انتبهي يا ترف
ترف :لا تنصحيني شكرا ما طلبتش
عنود :يابنت انا بضل انصحك وان شاءالله تنتصحين
ترف : مو مهم ولا بهتم ويالله مناك بروح البس واقابل اخوي
عنود : تمام
ترف راحت تلبس و طلعت برا و شافت انه تأخر اخوها و رجعت تدخل تنتظره
__________
عند نياف ونواف
وصلو المدرسه وراح نياف ينادي على ترف و نزل نواف يتمشى و ينتظر نياف و ترف ومنها لو شافته ترف اكيد اكيد ما بتركب
جلس شوي ولكن طول نياف ورجع يركب وينتظرهم و مقفل الشباك و مشغل المكيف
و كانت الشبابيك مظلله ما احد يشوف
جت ترف و هي متحمسه مع نياف بسوالف و فتحت باب الراكب و انصدمت من لقت نواف قدام :انزل
نواف ضحك : اقول اركبي ورا و ولا كلمه
نياف : نواف تعال سوق عني وانتي اركبي ورا
ترف : ما ابغى ما ابغى ابغى قدام
نياف :يعني نجلس واقفين كذا
ترف : مالي شغل نجلس عادي
نواف :قسم بالله ما انزل ماهو على كيفها تنزلني
ترف :الا على كيفي انزل نياف شوفه
نواف :والله ما انزل حلفت بربي روحي انتي اركبي ورا
ترف : مابي مابي
نواف : مالي خلق لي صيحتش اركبي
نياف : اركبي هيا فكونا من ذا الشمس
ركبت ترف و هي مقهوره من نواف و تدعي عليه
نواف : لا تدعين علي
ترف : ما دعيت
نواف: تمام بس عندي احساس انه تدعين
ترف بينها و بين نفسها بسم الله وش دراه
نياف ضحك : اعوذ بالله وش فيكم
نواف :الحيوانه تهاوش بعدين تدعي علي
نياف : وش دراك
نواف :مدري عندي احساس انه تدعي علي
ضحك نياف : خلنا نروح البيت قبل تقومون تتهاوشون لانه مالي خلق
لف نياف واعطى ترف الفطور و لف يشغل السياره و مشو على طول و توجهو لي بيت ضيدان و كانو طول الطريق ساكتين و اول ما وصلو نزلت ترف وراحت لي البيت على طول
نياف :تبغى نروح نشوف المزرعه اكيد فارس و سهم هناك
نواف :تم ودي اشوف تهديده صدق بيتجالدون ولا قدنا بس
نياف : اووه هذولا اخوان و يحبون بعض من سابع المستحيلات واحد يضر الثاني
نواف : ان شاءالله يارب
رجع نياف و خرج من الحوش و توجه للمزرعه
____________
عند جنى
كانت متكيه و تهوجس في فارس واخر مكالمه بينهم ما تدري اللي سوته صح او غلط و كانت محتاره ما تعرف تقول لي مين او تسكت و وش بيصير في حياتها كان كل شي ملخبط قدامها بس الشي الواضح انه تترك فارس مثل ما تركها و راح كانت ضايقه بعدين قامت و غسلت وجها و هدت نفسها و مشت تخرج للبنات وسلمت وردو السلام وراحت تجلس لفت لي مي :وين حلا
مي : مدري في غرفتها رافضه تخرج
جنى : بروح اشوفها
قامت جنى وراحت لي الغرفه اللي فيها حلا وفتحت الباب :حلا
حلا رفعت راسها ويوم شافت جنى مسحت دموعها : هلا
جنى : وش فيش
حلا :مافيني شي
جنى : عادي اجي اجلس معش
حلا : تمام
جنى قفلت الباب وراحت تجلس معها ولفت لي حلا :ايه تكلمي
حلا :مافيه شي وش اقول
جنى : حلا تكلمي وش ضايقك فضفضي لي وافضفض لش
حلا : قابلت سهم
جنى : اووف و وش صار
حلا : ما صار شي
جنى : تكلمي حتى انا كلمني فارس
لفت حلا بسرعه : وش قال
ضحكت جنى :قولي و اقول
حلا : تم
جنى : تم
قامت حلا تسولف لها عن كل اللي صار و جنى مصدومه من كل الأحداث ولا الكلام : سهم ما اتوقع يسويها مستحيل
حلا :الا بيسويها وانا اعرف انه بيسويها من كلامه مع اخوه عرفت و تاكدت من الكلام و لكن دايم يحاول ينفي
جنى : حتى فارس جاي يعتذر و جاي كأنه نفس اللي يقول
ياسعود جاني بعد غيبه ينشد عن الحال
كانه يسال طاب جرحك ولا ازيده
حلا :ليه ناوين يجرحونا ليه
جنى :مدري عنهم مدري هم على بالهم ما نحس او مدري وش عندهم
حلا :
ابشركم مفارق حبيبي قبل يومين
رجعت لحياة اول بعد غبت لي مده
انا جبت له قلبي وهو جابلي سكين
احسبه يمازحني وأثاريه من جده
"انا لو اعرفه زين ماكنت احبه زين"
لكـن قلبي الطيب ليا حب مارده
جنى : اي والله جابو لنا سكاكين
حلا : اخخخخ يا جنى وش نسوي
جنى : ننساهم و نرجع لي حياتنا
حلا : بسافر مع مي واكمل دراستي
جنى : ليه
حلا :لانه ماودي اشوف زوجة اخوكم الجديده
جنى : ما بحبها ترا ولا احد بيحبها من أهلنا
حلا : لا خلاص بتصير زوجة اخوش لازم تحبينها
جنى :اووف يا حلا كنا مبسوطين وش غير علينا ليه صار كل ذا اووف
حلا :مدري بس والله اني مقهوره منه و من حركاته
جنى :كلنا والله
كملو سوالف و فضفضه لي بعض و كل وحده تحاول تعالج جرحها
_____________
عند سهم
كان يسولف مع فارس شوي دق جواله و فتحه و شاف الاسم وابتسم و وقف و راح بعيد يرد سهم : هلا يا روحي مو قايل لك لا تدقين ارسلي يمكن اكون حول العيال
عهود :حبيبي وش اسوي ارسلت وأرسلت ما ترد و خفت عليك
سهم :اخخخ اشتقت كيفك
عهود وهي تتدلع:تمام ياروحي وانت كيفك
سهم :الحمدلله ياقلبي ايه وش مسويه خلصتي اغراضك
عهود : ايه يا روحي مخلصه و مشتاقه لك قلت اكلمك
سهم :دام كلنا مشتاقين وش رايك نروح كوفي
عهود : تم ماعندي مانع
سهم : تم روحي تجهزي وانا مسافة الطريق وباجي اخذش
عهود : تمام يا حبيبي وانتبه لي نفسك
سهم : تمام يا قلبي
قفل سهم ورجع يجلس عند فارس
فارس :مين
سهم : خويي يدق يعزمني اتقهوى معه
فارس : ماشاءالله من متى و سهم عنده اخوياء من دون ما اعرف
سهم : ياخي خويي وانتهينا وش ذا ليه تحقق و بعدين بعرفك عليه
فارس : ليه بعدين بمشي معك ذلحين واتعرف عليه
سهم :يا اخي ليه ذلحين الا ذلحين
فارس : لانه طفشان و ابغى استانس
سهم :ما اقدر ياخي صعبه
فارس ليه وش الصعب
سهم :ما اقدر اقول شي مع السلامه
قام سهم بسرعه وقبل يتعلق فيه فارس وانحاش للسياره وشغلها و مشى بسرعه و راح لي بيت سند و اخذ العطر و تعطر و رتب شعره و نزل و دق الباب و فتح له سند و رحبو بهم: حياك تفضل
ابتسم سهم :الله يبقيك والله مستعجل بس ودي اسرق زوجتي شوي وارجعها
سند :لا لا ما نسمح لك تسرقها
ضحك سهم : افا ليه المفروض انا زوجها
سند : شوف انحم قلنا لك أعلن زواجكم تأخذها ما تعلن ما تاخذها
سهم : مالنا الا اسبوع مملكين يا ابني يعني انتظرو علي
سند : ننتظر حتى يوم الزواج يعني وبعدين تصدمهم و يرفضون وانحم نتفشل لا لا يا سهم قول لهم ذلحين لانه تعبنا وانحم ننتظر
سهم : ابشر بس جيب زوجتي نطلع نتقهوى و نسولف شوي و اشوف وش جهزت و اساعدها بالباقي
سند : وعد انه بتعلم اهلك
سهم :وعد بس جيب زوجتي ترا مشتاق لها
سند ضحك : تعرف سوالف الحريم بتجلس ساعه على ما تجهز اصبر لها وبعدين هي اللي قالت اطلع سولف معه شوي واجي
سهم : اخخخخ وش يصبرني بس تمام
شوي و جت عهود : السلام عليكم لا يكون تأخرت
سهم : اخخخخ تأخرتي واجد مو شوي والله
عهود بدلع : سوري بس بتعرف كشخة الحريم تاخذ وقت ولا ماتبغاني اصير حلوه
سهم سوا نفسه يذوب ضحك سند :بتذوب من الحر ماهو من كلامها
ضحك سهم: اووه يا الغيور باقي ما رحت
سند : لا وافكر امشي معكم
سهم :لا لا ارتح نخاف نتعبك معنا
سند : لا لا تعبكم راحه
ضحك سهم و سحب عهود و مشو و ركبت عه بجنبه
سهم :تو ما نورت سيارتي يا روحي
عهود :بنورك ياقلبي
سهم : ايه وين تبغين نروح
وش رايكم في الصدمه و مين احلا عهود و سهم ولا حلا وسهم اذا ودكم تسولفون معي و عندكم تشبيهات تعالو الانستا fat90892
و هذا اخر شي وصلت في الانستا
