نواف : اقول بلا ام حياه انقلعي عن وجهي خليني أصبح زي المسلمين
ترف : والله احسن صباح انك شفت وجهي
مشت ترف تدخل البيت و جلست على الكرسي و جت مريم : وي ما داومتي
ترف : راح السواق و تركني
مريم :لا حول ولا قوة إلا بالله امشي نخلي احد يوديش المدرسه
طلعت مريم في الحوش ولقت نواف واقف بجنب سيارته : ياولدي جابك ربي
قرب نواف منها وسلم عليها: هلا ياعمه امريني
مريم :مايامر عليك عدو الا ري راح عليها السواق اذا توديها المدرسه
نواف : والله ياعمه ودي ولكن مشغول
ترف : يمه بروح اقول نياف يوديني
مريم: ولا كلمه خليني اتفاهم مع الولد
ترف :تمام تمام ماودي اداوم اذا هو بيوديني
طلع نياف يركض لفت امه :تعال تعال
جا نياف باس راس امه : هلا يمه
مريم :روح ود ترف المدرسه
نياف : ابشري يالغاليه
لف نياف على ترف :يالله
مشت معه ترف و ركبت قدام و جا نواف من جهة السواق :نياف
نياف : هلا
نواف : وش رايك امشي معكم
نياف : والله تعال حياك الله
وكانت ترف راكبه قدام فتح الباب ولق ترف: انزلي انا بركب قدام
ترف : وانا اللي ركبت قبلك يالله مناك اركب ورا
نواف: انزلي
ترف :والله ما انزل انا اللي ركبت قدام اول وحده و بعدين معك سياره وش يجيبك تركب معنا
نواف: مالش دخل معي سياره ولا ما معي انا ودي امشي مع اخوش
ترف : تبغاها من الاخير حتى اخوي ما يبغاك تمشي معه يالله انقلع
نواف : يا حيوانه وين انقلع انتي اللي انقلعي
ترف : والله ما انقلع انتي انقلع
نواف: نياف
ابتسم نياف : مانقدر نقول لي دلوعتنا شي
نواف : والله ما خربها الا دلعكم الزايد
نياف: في ذا الموضوع كلم امها وابوها انا مالي دخل
نواف : تمام بس ذلحين كيف امشي معك
ترف : طبعا اركب ورا
نواف : هيه احترمي نفسك واركبي ورا
ترف : والله ما اركب ورا ومالك دخل انا دلوعه او لا
نواف :ياحمار انا الكبير
ترف: وانا الصغيره يالله مناك
نواف : ياخي انزلي واركبي ورا
ترف : ما ابغى اركب انت
نواف : لا اركبي انتي
نياف : لا هي ولا انت انا بوديها لانه تأخرت على الطابور وانت انتظرني باجي اخذك و انتهى ترا صدعتو بي
نواف : تمام
مشى نياف ولفت ترف عليه : ليه ما تدافع عن اختك ما سمعته وش يقول
نياف : والله صدعتو بس وتبغين الصراحه هو معه حق خليه يركب قدام
ترف : يخسي
نياف : ها تمام اسكتي
سكتت ترف ولفت تناظر للطريق و تهوجس في نواف و في صديقاتها وصلت المدرسه وعلى طول دخلت و سلمت ولفت لها عنود : قلنا لي فاطمه و هاوشنها ليه تتأخر ترجعين تتأخرين انتي
ترف :السواق سحب علي و الكلب نواف جلس يتهاوش معي وانه يبغى يمشي معنا
مروه : اووه كان خليتي زوجش يمشي معكم
ترف :ولا كلمه ترا مرفوع ضغطي
ضحكت عنود : اخخخ الحب رفع ضغطها
ترف :الا وين فاطمه
مروه : ارسلت اعتذار ما تجي معنا ذليوم و قالت ما بداوم لا تقولين انه مافتحتي القروب
ترف : لا والله انشغلنا تخيلي انه رحنا لي بيت جدي عشان فارس ولد خالي خرج من المستشفى و اخته مي بتسافر
عنود : اها حلو كان اجتمعو يوم الجمعه ليه ذليوم
مروه : يووه وش ذا الله يعينكم
ترف : آمين والله مدري وش اسوي مالي خلق اقابل اللي وجهه يجيب الهم
