زياد : لا يا قلبي سهم مافيه الا العافيه و طيب بس انتي تعرفين ابوي و حبه للعيال و خوفه عليهم انتي تطمني
عائشه و هي تتصنع الابتسامة: من وانتم صغار و هو يخاف عليكم و يكبر الموضوع دايم
العنود : يعني بسيطه مافيه شي سهم
زياد اللي يحاول يقوي نفسه غصب : ايه ياقلبي وبعدين وش ذا الدلع ليه تعبتي علينا
مريم : من حقها تتدلع على زوجها و عيالها
العنود : ايه من حقي و هيا قومو خلونا نشوف سهم قبل عمي يسفره
مريم : تمام هيا
زياد :انتي دلوعتي و يحق لش تتدلعين اصبري حتى المغذي يخلص
العنود : مليت من الانتظار ودي اشوف سهم
حور جلست بجنبها : بتشوفينه لا تخافين و يرجع لي طبيعته
جنى: ايه وبنضل نتضارب وانتي تبعدين بينا
ضحكت العنود و باسو راسها و طلعو كلهم ما بقي معها إلا زياد : هاه ياروحي كيفش ذلحين
العنود : احسن
زياد : حلو انه انتي تقهريني و تخوفيني عليش
العنود : وش اسوي ما تحملت اشوف ولدي الكبير تعبان
زياد : معلاش بيقوم ويصير طيب
شوي و خلص المغذي و خرج زياد و هو ماسك يد العنود و خرجو قامو كلهم يسلمون عليها و تطمنون و كان فارس يناظر لي جنى و دموعها و لو الود وده حضنها بس انه حرام لانه ماهي حلاله كان ضاغط على يده بقوه و خايف عليها و على سهم مايدري يخاف على من و يقلق على مين
غمض عيونه بتوتر وخوف و جا نياف و حضنه فتح عيونه بشويش نياف : بيقوم بسلامه لا تخاف
فارس : جدي ناوي يبعده عن الكل ناوي يخفيه عن الانظار كيف بنتحمل تخيل يصير له شي وش بنسوي و هو بعيد عنا نياف ماني متحمل
نياف : والله كلنا بس لازم عشان نتطمن على صحته
فارس : ابغى اسافر معه
نياف : جدي اختار ثامر من بينا عشان كذا اهدى و ارتاح انت
فارس : ماودي يروح
نياف : كلنا يا فارس وبعدين فتره و هتعدي
هدا فارس شوي وراح نياف و جلس بجنب جدته و باس راسها : افا جدتنا الحلوه مين مزعلها
جلس فهد بجنبه : جده جدي بيقلب علينا المستشفى عشان دموعش
عائشه: بلاهبال اخوكم ما ندري كيف حاله وانتم تستهبلون
ضحك نياف :جده ان شاءالله ما عليه خلاف بكره تشوفينه جاي يركض مشتاق لناقته
ضحك فهد : ولا لاسمع احد قال الناقه حيوان تلقينه طاب عليه ويضربه ويحلف انه ماهو حيوان
ضحكت عائشه من هبال عيال عيالها
و خرج الجد و ثامر ضيدان : يالله مشينا للبيت
زياد :و ولدي يبه
الجد :مسافر هو و ثامر هيا
زياد :يبه ثامر صغير ولا يعرف يتصرف خل فارس و لا نياف
ضيدان : انا محتاج فارس ونياف مشينا
تحركو كلهم و كانو في حالة حزن كبيره على سهم اللي ما كان يغيب عنهم
عند ثامر توجه لي فراش سهم و جلس بجنبه و هو ضايق وحزين على اللي صار ويفكر في كلام جده و تحذيراته
______
مرت يومين على الأحداث ذي و كانو يحاولون يغيرون من جو بعضهم ويحاولون يمشون روتين حياتهم
اذن الفجر و قامو كلهم يوضون و يصلون و بعد الصلاة
نادا ضيدان فارس و راح له :سم ياجد
ضيدان :روح دور لنا قهوه ياولدي
فارس : ابشر
راح فارس للمطبخ ولقا وحده معطيته ظهرها و تغسل
رجع ورا ودق الباب ولفت وجهها و شافت فارس : نعم فارس وش بغيت
فارس بصوت نازل أقرب للهمس: بغيتش
جنى : هلا فارس ما سمعت وش
فارس :لبيه لا مافيه شي بس ودي بأمي
جنى : ليه هي جوه مع الحريم تبغى اناديها لك
فارس : طيب البنات وين
جنى : في الغرفه
فارس : تمام
جنى قربت : فارس لا تخوفني سهم فيه شي
فارس : لا مافيه شي بس انا اللي فيني
جنى :وش فيك
فارس : بقول لش وش فيني لكن انتي راقبي باب الحريم و الرجال و اذا شفتي احد اهربي ولا تهتمين لي
جنى : تمام قول بسرعه
فارس اخذ برادي الشاهي و قام يسوي الشاهي و معطيها ظهره و هي تناظر للباب و معطيته ظهرها يعني كلهم ما يشوفون بعض بس يسمعون صوت بعض
فارس : انا من وانا صغير و قلبي ينبض باسمش و حاولت انه انسى و حاولت انه اتغير بس تغير فيني كل شي الا حبش كل ماله يكبر انا تعبت و ضقت و قلت خلاص لازم اصارحش بحبي المفضوح قدام الكل لكن خايف تردين حركت حلا في سهم فيني انا و ترفضيني مثل ما حلا رفضت سهم انا والله انه قلبي تعلق فيش و حاولت ارده و اقول له لا يا القلب ولكن ما انرد لي خلاص انتي ساكنه في قلبي ولا عاد احد سكن معش انتي حياتي و روحي
والله انه يوم انش تبكين على سهم انه يتقطع قلبي انه ودي انه اكون قريب منش و احضنش بس ما يجوز لانه مانتي حلالي والله يا جنى انه ودي تصيرين حلالي ذليوم قبل بكره ولش اللي تبغين
جنى :ما كنت برد عليك بس بقول لك شغله لا تقارن علاقتنا ب حلا و سهم حلا و سهم كأنهم أطفال اول ما تزاعلو قامو يخربون على بعض هذا اول شي ثاني شي انا مصدومه من صراحتك و كلامك هذا لانه اول مره ادري انه في ناس تحبني كذا والله
فارس لف لها بعد ما طفى على الشاهي : يعني موافقه علي يعني اكلم جدي
جنى سكتت ولا ردت
فارس :اذا انتي موافقه هزي راسش بايه واذا انتي رافضه لا تقولين شي
هزت راسها جنى بايه و الأخ فارس تحمس و اخذ القهوه والشاهي و نسى الفناجين و ركض على المجلس
ضيدان : وش فيه وش اخرك بعدين وش فيك تركض تقول مجنون
استوعب فارس و عدل وقفته : هاه لا ولاشي بس اخرني شاهي و قلت اوصل ذي بعدين اروح اخذ الفناجين
ضيدان :الله يشفيك ولا يبتلينا انقلع جب الفناجين
رجع فارس المطبخ بس مالقا جنى و اخذ الفناجين و راح يصب القهوه و هو يصب : يا جد ودي اكلمك في موضوع
ضيدان :وش عندك قول
فارس :يا جد ودي اتزوج
ضيدان :مين اللي تبغى
فارس : ودي ببنت عمي زياد
ضيدان : مين تبغى
فارس :ودي بالكبيره يا جد
زياد :وليه يا ولدي مستعجل انتظر اللي انه نتطمن على سهم
فارس :ولا شي بس ماودي تروح يعني بس اعطيكم خبر عشان اذا جو لها عرسان ترفضونهم
ضيدان :بنشاور البنت و نرد لك خبر
حمد : الا وش عاد بتقولون لي اهل سند لانه ينتظرون
زياد :اخخخخ والله قلبي يحترق على سهم ولا ودي نوافق عليهم عشان سهم
محمد: بنقول له مافيه نصيب
ضيدان :ايه و تكسر قلب قلب البنت الا اكسر قلب الولد و البنت لا تكسر قلبها
فارس : بس يا جدي اتوقع حتى هي تبغى سهم
ضيدان : بس انها موافقه على سند انت و ابوك تضحكون على مين ترا البنات قلوبهم رهيفه و من اي شي تنكسر لكن الاولاد عادي يتخطون و ينسون
رجعو سوالف ضيدان و عياله ولف فارس يصب للعيال
فهد : عيال ترو ماني خفيف
ضحك زيد : ايه لدرجة انه قمت اراكض في البيت كني مجنون
نياف : اي والله لا و وترو انا ما احب البنات اساسا حياتي بدونهم حلوه
فلاح: ايه لا تفهموني صح ترا ذولا البنات عنيدات و دلوعات
نواف : وع وش ابغى فيهم لي ناقتي احلى منهم
فارس : مين تقصدون
فلاح : مين نقصد سوالف لانه ما نحب الحريم ولا ودنا بزواج
فارس :والله انكم تطقطقون علي يا حيوانات
نواف : وش فيه طقطقنا عليك في وش
فارس : انا اوريكم لف لي ضيدان :يا جد شوف العيال يطقطقون علي
ضيدان لف لي العيال : كيف تطقطقون على ولدي هاه مين سمح لكم تطقطقون عليه
نواف : ياجد عادي نمزح مع بعض
زيد : اي يا جد
ضيدان : ولا كلمه هيا قوم انت وياه وقفو بالشمس هيا
نياف : لا ياجد ماتوصل لي كذا
فلاح: افا يا حد توقفنا بالشمس لا لا تكفى
ضيدان : ولا كلمه و هيا بالشمس
فهد : جدي حبيبي لا توقفنا بالشمس لانه حنا عيالك
ضيدان :ولا كلمه ولانكم ناقشتوني بوقفكم ساعه هيا
قامو العيال يوقفون بالشمس و هم معطينهم ظهورهم
لف ضيدان لي زياد : كيف سهم
زياد : ثامر كلمني يقول على نفس حالته
حمد :الله يقومه بسلامه
محمد : دام كذا ماودنا لا بزواج حلا ولا زواج فارس
فارس وانا ما ابغى اتزوج اساسا الا اذا قام بسلامه سهم لاني ودي يرقص في عرسي
ضيدان : لا زواج سند و حلا بيتم
محمد : لا ماهو تام وأساسا الولد مسجون
زياد : لا طلع كفاله لانه دفاع عن النفس و كل أهله شهدو معه انه سهم اللي تهجم عليه وكان ناوي يقتله و كان فيه تسجيل صوت انه سهم يحلف له انه بيقتله
محمد: كيف جابو تسجيل الصوت
ضيدان : اكيد واحد من عيال عمه سجلو او صورو المهم انهم طلعو ولد عمهم
محمد : وتبغوني أعطيه بنتي ما بعطيه و هو كذا تفهمون
فارس : اي والله ياجد والله اني اخاف على اختي وهي دلوعه و صغيره ما بتعرف له
ضيدان : البنت موافقه وانا موافق مالكم دخل والبنت بتاخذه وبنحدد يوم الزواج طيب ولا غصب
فارس :وانا ماني براضي
ضيدان :وانا ماني جاي استشيرك ويالله ضف وجهك
رجعو يسولفون و فارس يقهويهم و هو حزين على سهم لو يصحى و يلقا حب الطفوله قد راح وش يصير فيه
دخلت عائشه و شافت العيال واقفين في الحوش : بسم الله على عيالي وش فيكم هناك
فهد : ياجده الفزعه افزعي لنا و كلمي جدي
لفت عائشه على ضيدان : ضيدان
ضيدان رفع راسه و شافها وابتسم : أرحبي يا حبيبة قلبي وروحي يا قلب و نبض ضيدان امريني
عائشه : ما يأمر عليك عدو الا ذولا وش موقفهم كذا
ضيدان زحف لها مكان بجنبه :تعالي تعالي واتركيك منهم ودي اسولف معش اشتقت لش
جت عائشه و جلست و بعد ضيدان المتكى اللي بينهم و قربها منها : خليش قريب مني
عائشه: ايه ما قلت لي وش سوو فيك فا انت تسوي فيهم كذا
ضيدان : والله ولا شي بس طقطقو على ولدي وانا كل شي ولا أكبر احفادي
عائشه :وانا عندي كل شي ولا عيالي يصير لهم ضرر
محمد :و انحم هنا يا يمه مافينا شي
ضحك حمد : ياعمه وش رايش تقنعين بنيتش تصير حنونه زيش
ضيدان رماه بالمسبحه : اعقل ولا اوقفك مع عيالك
حمد : عمي وش سويت ما سويت شي
ضيدان :اعطني المسبحه
حمد أعطى فارس :أعط جدك راح فارس أعطى جده و باس على راسه
حمد : ها لا ترميني بها
محمد :انا برميك بالمسبح لو ما تسكت
ضحكو كلهم
ضيدان لف و شاف عائشه تطلبه يسامحهم لف على العيال : خلاص مسامحكم ارجعو
دخلو العيال و جلسو و ضحك فارس :يع ريحتكم شمس
ضيدان : ولا كلمه زياده ولا اطلعك مكانهم
ضحك فارس : ياجد انا حفيدك الأول و ولد ورعك الكبير
محمد يمثل العصبيه :مين الورع يا ورع
ضحك فارس بخوف :لا قصدي انا الورع انت الرجال الشهم الشيخ
ضحكو كلهم على خوفه عائشه: كيف بتنتبه لي زوجتك وانت كذا خواف
فارس :احارب الكل عشانها و عشان رضاها و لو وقفو ضدي اهلي لكن سالفه بيني انا و أهلي و مزح بينا عادي امثل الخوف و ابي يمثل العصبيه
عائشه: اها يعني نقول انه ما تحب جنى
فارس :ياجده والله اموت فيها تكفين
محمد :نعم وش ذا الكلام ترضى احد يقول لي اختك ذا الكلام
فارس : لايبه لكن جدتي اللي سألت
ضيدان ضحك : اتركو الولد في حاله وش فيكم
ضحكو كلهم على وجه فارس
