" يا ريف قلبي إنتِ بلواي و الفتك "

البارت ٤

دخل البيت تقدم يسلم على سهى وعقّد حاجبه من عدم تواجد جراح : يمه وين ابوي ؟
سهى وهي جالسه تقلب في التلفزيون : يقول بيروح الشركه
هز راسه بالإيجاب وكمل : اجل انا استاذنك بطلع ارتاح
ابتسمت سهّى بخفه : اذنك معك ياحبيبي
قاطعهم نزول ورد واسرعت بتجاهه سليمان
ابتسم سليمان وتكلم بصوت مخفوض لـ سهى : بنتك ماتجي عندي الى تبي حاجه
رفعت حاجبها وُرد : تحشّ فيني !!
ابتسم سليمان : لا محشومه
تكلمت وُرد : المهم تكفى سليمان ابي سيارتك بروح اخذ غرض من الصيدليه وارجع والله بسرعه
تنهّد سليمان : مشكلتي مقدر ارد لك طلب ، طلع المفتاح من جيب الثوب واعطها
ابتسمت وُرد وتقدمت تقبل خده بخفه : احبك الله لايحرمني منك
طلعت غرفتها لبست عبايتها وتحجبت واخذت شنّطتها وجوالها ونزلت ، طلعت الحوش تشوف سيارت سليمان واقفه ضغطت الزر وفتحتها توجهت تركّب وتشغلها وتتوجه لـ الصيدليه .

-
استقامت تاخذ شنطتها و لابتوبها وودعت غزل وطلعت من المطعم وركبّت  سيارتها تتوجهه للبيت
قاطع اندماجها معا الاغاني والسواقه رنين جوالها
ابتسمت تشوف اسمّ ذيــاب وردت عليه : الو
ابتسم ذيــاب بخفه : كيفك يادلوعتي
ضحكت بخفه : الحمدلله كيفك انت متى ناوي الرجعه .
ابتسم يسمع ضحكتها العذبة الرنانه  : الحمدلله الرجعه بكره ان شاءالله
ابتسمت ريـّف : دوم يارب لاتنسى الهدايا
ضحك ذيــاب : معليك جاهزه
ريــّف : يلا باي مقدر اطول جّالسه اسوق
قفلت من الاتصال ورجعت انظارها لطريقها  بعد عدة دقايق وقفت امام الإشارة واخذت جوالها تتصفح على ماتفتح الاشاره واثناء ماكانت تتصفح حست سياره صدمتها من الخلف نزلت من سيارتها بخوف تبي تشوف الشخص يلي في السيارة تاذى ولا نزلت وشافت وُرد يلي نزلت من السياره بخوف  تمسك يد ريــف : صارلك شيء تاذيتي ؟ انا اسفه مره  توقعت اني وقفت السيارة
إبتسمت ريـّف وهي تحاول تهديها : معليك ياقلبي ماصار شيء انتي اهدي
وُرد بتوتر فضيع : اعطيني رقمك انا بصلح سيارتك
ريـف : مايحتاج ياقلبي عادي بخلي اخوي يصلحها
وُرد : لا انا بصلحها الغلط غلطي وانا بتحمل كل شي
هزت راسها ريـف واعطتها رقمها بعدها تكلمت وُرد : بكلم اخوي يجي لان السياره مو سيارتي سيارته هزت راسها ريـف واكتفت بسكوت ، قاطع خروج سليمان من الحمام بعد ماتروش رنين جواله وشاف وُرد : الو
ورد  بتوتر :  هلا ، سليمان الحق علي صدمت في سيارتك
توسعت عيون سليمان : وشو صار لك شي صار للي صدمتيه شي ؟
ورد بخوف : لا ماصار لي شي  ولا للبنت شي
هز راسه سليمان : تمام انتظري انا جاي
قفلت وهي ترجف من توترها اول مره تسوي حادث لاحظت توترها ريـّف وتقدمت تحضنها وتهديها : معليه ماصار شي ياقلبي اهم شي ماحد تاذى
هزت راسها وُرد : وش اسمك ؟ .
ابتسمت ريـف : ريـّف
ابتسمت ورد : عاشت الاسامي
ريّـف : عاشت ايامك ، وانتي وش اسمك
ورد : اسمي ورد
قاطعهم سياره نبراس نزلوا نبراس وسليمان
تقدم سليمان  : وش صار
التفتت ريـف وعقدت حاجبيها : أستاذ سليمان ؟ ،هذا انت اخوها
سليمان :  انتي لي صدمتك ورد ؟
ألتفت عليهم ورد : تعرفون بعض ؟
سليمان : هذي المهندسة ريـف يلي بتصمم بيتي
هزت راسها  وتفاهموا على موضوع السيارات وتوجهت ريف للبيت ، دخلت وهي تعبانه سلمت على امها وطلعت لغرفتها تنام ، كانوا راكبين سيارة نبراس تكلمت وُرد : سليمان والله اسفه ما كان قصدي اصدم
أبتسم سليمان : ياوردتي عادي فداك السياره اهم شي انتي بخير
نبراس بستغراب : الى هذي يلي بتصمم بيتك متى بتبدا الشغل ؟
سليمان : تقول بتبدا ترسم المخطط وتاخذ راي اذا ابي ازيد شي وبعدها نبدا في عملية البناء وصلوا البيت وتوجهت لغرفتها تنام  التفتت سهى على سليمان ونبراس : وش فيها ؟
زفر سليمان : صدمت في سيارتي وكانت خايفة وجلست تعتذر لي وهي متوتر من  الحادث
شهقت سهى وحطت يدها على صدرها واسرعت بتجاهه غرفت وُرد تهديها .