" يا ريف قلبي إنتِ بلواي و الفتك "

البارت ١٢

«   الــعــَصــر  ، بــيــت شــاهيــن  »
صحت على اشعة الشمس وعلى اصوات شاهين واخوانها في الصالة عدلت جلستها وفركت عيونها بنعس واستقامت تتوجه للحمام " الله يكرم القآرئ "  طلعت وتوجهت تفرش سجادتها وتاخذ جلال الصلاه وتبدا تصلي ، بعد منتهت تفصخ جلال الصلاة وترجعه مكانه واخذت جوالها تنزل الصاله ، تمردت الابتسامه على ثغرها من سمعت ترحيب شاهين فيها وتقدمت تسلم في راسه وايضاً رانيا
وفتح ذراعه ذياب ودفه تيم واردف : ولد انا اول انا الكبير ، التفت عليه تيم ونطق : ياخي انت شايب محرول وخر بس ، تعالت ضحكاتها من سمعت كلام تيم واردفت : الله يسعدك يا تيم دام بتضحكني كذا ! ابتسم تيم واردف : دام بشوف ذا الضحكه بجلس كل شوي اذب عليه علشان اسمع ضحكتك
التفت عليه ذيـاب ونطق : خلاصت كلامك يلا اقضب الباب وروح معا خويك له نص ساعه يدق بوري ، اخذ جواله وحضنته ريف وودعته وجلست معا الباقي ، كانت على جوالها بعد ماراح شاهين الغرفه وذياب طلع  والتفتت من نطقت رانيا : عندك شي اليوم ولا نروح المول نتسوق ؟
ابتسمت ريــّف واردفت : كان ودي بس ورد عزمتني عندهم في البيت وبقوم بعد شوي اتجهز
هزت راسها رانيا واردفت : الجيات اكثر يماما روحي الحين اطلعي وتجهزي عاد انتي تاخذين ساعتين
ضحكت واستقامت تطلع غرفتها ، دخلت الغرفه وفتحت دولابها وبدات تدور بين فساتينها يليق عليها ويكون بسيط ارتسمت الابتسامه من شافت فستان اسود ضيق يبرز مفاتن جسدها اخذته وحطته على سريرها وتوجهت لـ تسريحه وبدات تختار اكسسوارات ، تقدمت تاخذ الفستان وتلبسه
وبعد مالبسته توجهت تاخذ الاستشوار وتستشور شعرها ولبست اكسسواراتها ، ابتدات تحط لمساتها الاخيره في الميكب وتوجهت تجلس على طرف السرير تلبس كعبها واستقامت تاخذ عبايتها وتنزل
، ابتسمت من شافت رانيا استقامت واردفت : تبارك الرحمن ماشاء الله عليك يا امي حصني نفسك ، ابتسمت ونطقت : ابشري ، اخذت عبايتها ولبستها وآخذت جوالها وشنطتها وارسلت قبله في الهواء لـ رانيا وودعتها وطلعت تركب سيارتها تفتح اللوكيشن وتتوجه لـ بيت ورد .

«     بـــيــت راجـــح        »
تقدمت تنزل بعد ماتجهزت ولبست جنز ضيق من عند خصرها ويبدا يتوسع من تحت معا بلوزه سوداء عارية الظهر ، التفتت عليها سهى واردفت : ماشاءالله عليك  ، ابتسمت تغريد ونطقت : واوو ورد اشوف دوري واوو شكلك يهبلل !!، ابتسمت تشوف عبارات المدحه يلي تتلقها من امها واختها ، التفتت تغريد واردفت : ورد تعالي خذي هذي صحون الشوكولات حطيها في الصاله ، اخذتها ومشت بتجاهه الصاله وحطتها على الطاولة وضربت يد اصيل واردفت : ورع لو تمد يدك على الشوكولات ياويلك روح خذ من المطبخ تنهد ورجع يجلس على جواله وقاطعهم دخول سليمان وتنحنح واردف : السلام عليكم  وردوا الجميع: وعليكم السلام
عقّد حاجبيه ونطق. : وين امي ؟ ابتسمت ورد ونطقت : في المطبخ ، هز راسه وتوجه يدخل المطبخ وتقدم يسلم في راسها ونطق : وش ذي التجهيزات كلها لمين ؟ ابتسمت تغريد واردفت : لـ ريف جايه اليوم ،هز راسه بالإيجاب واردف : انا بطلع غرفتي ، فتح باب غرفته زفر يفتح ازارير ثوبه الاولى
وتوجه يبدل للبس مريح وتسطح على السرير ، التفتت على نبراس يلي دخل المطبخ واردف : افف وش ذي الكشخه والحلاوة مين المحظوظ يلي بيجي ويشوف جمال ورد ؟ ابتسمت ورد واردفت : ياحبيب قلبي انت جايتنا ريف  عقد حاجبيه واردف : ريف يلي صدمتيها و مهندسة اخوك ؟
هزت راسها ونطق نبراس هو يضحك : شوفها تقبل فيني صديقتك المزه ولا ؟ ضحكت ورد واردفت سهى : لا ياحبيبي ريف بإذن الله باخذها لـ سليمان وانت ادورلك وحده بعدين ، عبس نبراس واردف : والله غش ليه تعطون سليمان المزه وهو مايستاهلها خلوني اخذها انا استهلّها اكثر يمه والله لادلعها التفتت عليه تغريد ونطقت : اقول روح كمل مذاكره خل ادللها وانت توك ماخلصت الجامعه ، ضحكت ورد وسهى وزفر نبراس يطلع لغرفته .

وقفّت سيارتها وتتلفت بعيونها ماتدري وين الباب
فتحت جوالها وبدات تدور اسم ورد ودقت عليها وسرعان ماردت عليها ونطقت : الو ورد انا وصلت بس مو عارفه اي بيت انتوا ؟ ابتسمت ورد وأردفت : تمام دقايق اطلع العامله ، التفتت وتوسعت ابتسامتها من شافت العامله ودخلت وراها بحكم عدم معرفتها في المكان ابتسمت من شافت ورد وتقدمت تحضنها وتسلم عليها والتفتت تسلم على سهى وتغريد وفصخت عبايتها ونثرت شعرها على اكتاف ، رفع انظاره من شافها داخلها وسرح فيها وجلس يتأملها وقاطعها تاملها ورد يلي ضربته على كتفه بخفه ونطقت : وش مجلسك في الصاله انقلع قبل لا تشوفك  التفتت عليها اصيل واردف: ماعندها خوات اذا ماحصل نصيب معها اخذ وحده منهم ؟ التفتت عليه ورد ونطقت بحده : اصيل انقلع قبل ماينتهي صبري  ، هز راسه يطلع الدور الثاني وسمع صوت نبراس في غرفة سليمان ودخل الغرفه واردف : يعيال والله انها مزه شفتها وهي لبسه فستـ.. قاطعه سليمان من اتحدت ملامحه وبانت عروقه من العصبيه ونطق : اصيل اقسم بالله لو ماتسكت لاتوطى ببطنك  التفتت عليه اصيل ونطق : لايكون تغار عليها ياسفير ؟ التفتت عليه سليمان ونطق : انقلع برا  انت ونبراس التفت عليه نبراس ونطق : وش دخلني انا !! ، ابتسمت تتقدم تجلس على الكنبه واخذت فنجال القهوة من العامله واردفت سهى ببتسامه: كيفك يا ريف وش اخبارك ؟ ابتسمت بخفه ونطقت : الحمدلله بخير كيفك انتي ياخاله ،  سهى  ببتسامه ؛ الحمدلله
التفتت ريف على لتين واردفت : تعالي  تقدمت لتين لـ ريف وجلستها في حضنها واردفت : وش اسمك ؟
لتين ببرائه : ٤ سنوات  ، ابتسمت ريف واردفت : العمر كله يارب  ، ابتسمت تغريد ونطقت : امين
التفتت لتين ونطقت ببراءة : انتي حلوه مره وش اسمك ؟  ابتسمت ريف وتقدمت تقبل خدها ونطقت : انتي الحلوه اسمي ريف ، قاطعها من نطقت سهى بسؤال : ريف انتي مخطوبه ؟ ابتسمت ريف بتوتر واردفت : لا  وقاطعتها ورد وهي تلطف الجو : ايوه ترى عزمتك لان امي لزمت علي الى تبي تتعرف عليك ابتسمت ريف ونطقت : ياحبيبتي ياخاله انا لي الشرف اتعرف عليك ، ابتسمت سهى واردفت : الله يسعدك ياحبيبتي بسم الله ماشاءالله عليك جمال واخلاق ووظيفه كامله والكامل الله
ابتسمت ريف واحمرّت ملامحها من الخجل ؛ حبيبتي خالتي انتي ، نطقت ورد : يمه أحرجتيها !!
ابتسمت سهى : وهذا الصدق بسم الله عليها