" يا ريف قلبي إنتِ بلواي و الفتك "

البارت ١٧

«      الــعصـَر ، بيـت راجحَ     »
نزلت بخطواتها تشوف سهى يلي في المطبخ معا الخدم جالسه تسوي القهوة تقدمت وحضنتها من الخلف واردفت : مساء الخير
ابتسمت سهى بخف واردفت : مساء النور ، خذي القهوة والشاهي والحلى ووديها الصاله ابوك واخوانك ينتظرون  هزت راسها واخذتها متوجهه لصالة ، دخلت وهي شايله القهوه والشاهي وابتسمت من ترحيب سليمان يلي اردف : هلا والله بوردة سنيني تو ماتنور الجلسه ياقلب سليمان
حطت القهوه والشاهي واردفت : تبون قهوه ؟
هز راسه راجحَ ، واخذت الدله والفنجال وصبت لـ راجحَ والبقيه وجلست واردفت ورد : اليوم صديقاتي بيجون لا اشوفكم هنا فاهمين ؟ ضحك اصيل واردف : حليلكم بتطردكم  التفتت له واردفت : مسوي طالع منها تراك بتلحقهم مو يعنني صغير اذلف معهم  ، ضحك راجحَ ونبراس وسُليمان من كلام ورد واردف اصيل : ابشري ولا يهمك بذلف معهم ، قاطعهم دخول سهى وجلست وصبت لها ورد قهوه واردفت : كلمتي حقين الحلى يجيبونه بدري لا يتاخرون ؟ هزت راسها وكملت سهى : بتروحين الصالون ولا بتسوين هنا ؟
ورد بتفكير واردفت : لا احس بسويه في الصالون وبسوي اظافري  هزت راسها سهى واردف نبراس : وين وين ترى بيجون صديقاتك مو رايحه عرس ؟
التفتت له ورد وأردفت بعصبية: وانت وش دخلك روح ذاكر لجامعتك فالح بس تطلع معا اخوياك بس
ضحك نبراس واردف : ابشري ، التفتت لها سهى واردفت : مين من صديقاتك بتجي ؟
ابتسمت ورد وأردفت : ريف وغزل و بشاير و ساره
التفتت ورد على سليمان من اردفت باسم ريف وهي تشوفه يمثل عدم الاهتمام ونطقت من شافته كذا : سُليمان ممكن توديني انا وتغريد الصالون ؟
رفع عيونه يلي كانت على جواله وابتسم يردف : ابشري  أخدمك بعيوني ياوردة سنيني
ابتسمت ورد بحراج وخجـل واردفت : تبشر بالجنه ياروحي  .

«   بـيَـت شاهين   »
صحت على رنين جوالها مدت ذراعها واخذت الجوال تشوف غزل يلي تتصل واردفت بصوت ناعس : هلا غزل
توسعت عيونها عزل واردفت : انتي باقي ماقمتي ؟ قومي تجهزي انتي تطولين وانتي تتجهزين على ما تتسبحين وتسوين شعرك وتختارين لبسك 
ريف بنعس : تمام بقوم الحين
قفلت بعد مانتهت واستقامت تدخل الحمام تاخذ شور ، طلعت بعد ماخذت شور وخذت بجامتها وكريماتها ولبست ورشت عطر واخذت المسك تحطه على اماكن النبض واخذت جوالها تنزل تحت
، دخلت الصالة وابتسمت تشوفه جالسين في الصالة واردفت : وش ذا الجلسه الحلوه جالسين بدوني ، ابتسم شاهين واردف : تعالي ياريف قلبي اجلسي ، ابتسمت ريف واردفت : ودي بس عندي اشغال وابي افطر واطلع اتجهز  هز راسه شاهين
ودخلت المطبخ وسوت لها بان كيك وافطرت وطلعت غرفتها تقدمت بتجاهه الدولاب وفتحته وبدات عيونها تتفحص الفساتين طحت انظارها على
جمسوت ازرق ناعم معا كعب شفاف طلعتهم وحطتهم على السرير وفتحت دولابها وبدات تطلع الاكسسورات وتنسقها ابتسمت من شافت طقم عقد الماس واسواره وخاتم كان هديه من ذيـاب
اخذته وحطته عند الفستان ورجعت تاخذ الاستشوار وتسوي شعرها من فوق استريت ومن تحت ويفي
ابتسمت برضى من شافت شعرها وتقدمت تفتح الدولاب وبدات تختار اون مناكير وطاحت عيونها على لون بيبي بينك ناعم اخذته وبدات تحط وبعد مانتهت من اليد الاولى جلست تنتظر انها تنشف
وتبدا في الثانية ، بعد مانشفت الاولى  بدات تسوي الثانية وبعد مانتهت شافت باقي وقت انها تلبس الحين ونزلت تحت وابتسمت تشوف ذيـاب وتيم في الصالة وشاهين و رانيا مو موجودين ابتسمت تتقدم وجلست واردفت : وين امي وابوي ؟
ابتسم ذيـاب واردف : طلعوا معا بعض  ، وش ذا الزين والحلاوه
ابتسمت بخجل واردفت : ياحبيبي انت باقي ماسويت ميكب ولا لبست علشان تمدحني
ابتسم ذيـاب على خجلها الواضح واردف : جميلة بكل حالاتك ياأخت ذيـاب
التفت عليه تيم وهو يمثل العصبيه : ليه الغرور ذا ليه اخت ذياب ليه مو اخت ذيـاب وتيم ؟؟
ضحكت على شخصنت تيم واردفت : عسولي تيم انت وشخصنتك
ابتسم تيم على كلامها واستوعب واردف : اعقبي ماني عسولك
ضحكت من كل قلبها وجلسوا يتأملونها وهي تضحك واردف ذيـاب : حتى الضحكه ضحكة ملاك
سكتت وابتسمت بخفه واردفت بتوتر : بروح اتجهز
طلعت والتفت له تيم : احرجتها حرام عليك ياورع
ضحك ذياب ورجع يجلس على جواله  .