" يا ريف قلبي إنتِ بلواي و الفتك "

البارت ٧

نبراس بغرور : حاصل لها اني اخق عليها كل البنات خاقين علي
ورد بقرف : اقول امش امش يابو البنات خاقين علي
مشوا متوجهين للبيت ، وصلو ودخلت ورد وهي فرحانه ومتحمسه ابتسمت سهّى : فرحينا معك
ورد والحماس طاغي عليها : بكره بروح انا وريـف وصديقتها شاليه على البحر ونجلس هناك يومين
هزت راسها سهى : طيب كيف كلامها واسلوبها حلو ؟
ورد وهي تكتم ضحكتها : ماما وش فيك انتي بتخطبينها ولا وش السالفة
بعد ما انهت كلامها طلعت غرفتها تجهز شنطتها تحط ملابسها و الميكب وواقي الشمس  .

-
دخلت البيت وشافتهم متجمعين وانتبهت لوجود ذياب بينهم ابتسمت من شافته يفتح ذاعه بمعنى "احضنيني " تقدمت له وحضنته وبتعدت وسلم في جبينها ذياب كملت تبتسم ريـف ونطقت : الحمدلله على السلامة
ابتسم ذياب : الله يسلمك
ريـّف : وين هديتي ؟
ذياب : موجوده يا اخت ذيــاب وتعجبك لانها نوعك المفضل
استقام وسحب شنطته وسدحها في الارض يفتحها طلع من الشنطه كيس مجوهرات مشهور ويبان له قيمته كونه من اشهر ماركات المجوهرات بالعالم
فتح العلبة يلي يتوسطها سلسل بسيط في منتصفه حجر من الاحجار الكريمة وتقدم عند ريـف وابتسم ذيـاب : ريف ارفعي شعرك
رفعت شعرها ولبسها ذيــاب السلسل توجهت لمرايه المدخل وشافت السلسل ريف وانبهّرت من جماله وبساطته : واو مره حلو شكرا ذيـاب
ابتسم ذيــاب : يزهاك يا اخت ذيــاب
تكلم تيم وهو يضحك : من قدك ياريف
لف عليه ذيـاب : تحسب اني نسيتك ؟ جبت لك من ماركة الملابس يلي تبيها
ابتسم تيم : ماتقصر يالعضيد
لف ذيـاب على رانيا ونطق : جبت لك طقم الكل يتكلم عنه وعن جماله
طلع ذياب طقم يتزين بالكرستاله تتوسطه وجاء بيلبسها بس شاف نظرات شاهين والغيره بعيونه وابتعد ونطق : اسلم هذي المهم لـ ابوي العزيز لبس امي الطقم
ضحكوا تيم و ريف من نظرات شاهين الواضح عليها الغيره  لبسها وابتسمت رانيا ونطقت : مشكور ياحبيبي ماتقصر
ذيـاب : العفو ، الحين ختامها مسك باقي هديه الوالد جبت لك ساعه من رولكس بتعجبك ونوعك المفضل
طلع ذياب من الشنطه واعطها ابوه  وجلسوا يسولفون  .

-
دخل وهو منهلك من شغله وشال غترته ورمها على الكنبه وانسدح على الكنبه سهى بستغراب : وش فيك
سليمان بتعب : ولا شي بس اني تعبان شوي في الشغل ، وين ورد ؟
تنهدت سهى : تجهز شنطتها رايحه معا ريف شاليه بيجلسون يومين
فز سليمان من مكانه : مصرعهم تعرفوا انا لو بتعرف على احد اجلس اسبوع اعرف وافهم شخصيته وكيف اتعامل معه
ضحكت سهى : الله يقطع بليسك يا سليمان هذول بنات من الجنس اللطيف يعني تعمله معا بعض بسيط ورقيق
هز راسه سليمان واستقام ونطق : تصبحين على خير
سهى : وانت من اهله
طلع متوجهه  لغرفته وفي طريقه قرر يروح عند ورد
دخل وشافها مشغوله وتطلع ملابسها وترتبها في الشنطة التفتت على سليمان ونطقت : سليمان وش احلى هذا الفستان الابيض ولا الوردي علشان لما نروح عند البحر
ابتسم سليمان واشر على الفستان الوردي : خذي الوردي واذا لبستيه وانتي مسويه تان تطلعين صاروخ ابتسم ورد وهزت راسها وارسلت بوسه له في الهواء وطلع سليمان لغرفته وتوجهه ينام ، بعد مانتهت من تجهيز شنطتها نزلت المطبخ وتوجهت لـ الة القهوة وضغطت عليها وجلست تنتضر القهوة بعد عدة دقايق انتهت واخذتها وطلعت الحوش وجلست في الجلسة يلي في الحديقه وارسلت لـ ريـّف انها ترسل الموقع ردت عليها ريـف  انها بتمرها ويروحون الشاليه خلصت قهوتها ودخلت داخل وبدا النعاس يغلبها رغم انها شربت قهوه
طلعت غرفتها وتوجهت تاخذ نصيبها من النوم .
-
كانوا جالسين يسولفون واستقام ذيـاب : انا استاذنكم بروح غرفتي انام تصبحون على خير
الكل : وانت من اهله
استقامت ريـف تقاطع خطوات ذياب المتجهه للمصعد ونطقت : ذيـاب
لف عليها ذيــاب : امريني
ابتسمت ريـّف : ما يأمر عليك عدو ، ابي اعزم صديقاتي على الشاليه حقك
ذيــاب : ماطلبتي شي ياعيون ذيــاب بكلمهم لك بعد شوي يرتبونه ويجهزونه لكم بكره
ابتسمت ريــّف : الله لايحرمني منك
ذيــاب : ولا منك يا اخت ذيــاب
طلع متوجهه لغرفته ينام ومن بعده كلهم طلعوا غرفهم .