" يا ريف قلبي إنتِ بلواي و الفتك "

البارت ١٨

قاطعها وهي جالسه تلعب معا لتين رنين جوالها ابتسمت تشوف شاشه جوالها تنور باسم ذيـاب واردفت : هلا
آبتسم ذياب واردف : تبين نمشي الحين ؟
هزت راسها ريف واردفت : اي والوقت تاخرت بروح البس عبايتي
هز راسه بالإيجاب وقفل ، استقامت ونطقت لتين : وين بتروحين ؟
ابتسمت بخفه ريف واردفت : بروح البيت تعبت فيني نوم
بوزت لتين بزعل واردفت : طيب وانا ماراح تلعبين معي ؟
ابتسمت ريف على لطافته : المره الجايه بجي اخذك ونطلع الملاهي واشتري لك العاب وش رايك ؟
هزت راسها بسعاده  ، وتقدمت ريف تشيل لتين بين ذراعها ودخلت البيت ، دخلت الصاله ونزلت لتين على الارض ونطقت : يلا بنات باي
التفتت لها ورد واردفت : ليه ؟ باقي بدري
ابتسمت ريف واردفت : المره الجايه وباخذ لتين ونروح الملاهي انا وهي صح لتين ؟
هزت راسها لتين ، ولبست عبايتها وطلعت وتقدمت بتجاهه السياره والتفتت تشوف سُليمان يلي واقف معا ذياب يسولف معه وعينه عليها صدت تمشي بخطاها لسيارة تركب ، آبتسم ذياب واردف : فمان الله  ، ابتسم سُليمان ورفع يده يودعه ومشى ذياب متوجهه للبيت ، كان الطريق هادي وابتسم ذياب يكسر الصمت ونطق : كيف الجمعه ؟
ابتسمت بخفه وأردفت : تجنن واكثر شي حبيته بنت تغريد لتين كتكوته ودي اكلها من لطافتها
ابتسم بخفه يعرف حب ريف للاطفال واردف : واكيد وعدتيها تودينها الملاهي
ابتسمت من عرفت ذياب يفهمها وهزت راسها بالإيجاب .

وقف السيارة في الحوش ونزلت تدخل وشافت رانيا يلي استقبلتها بابتسامة واردفت : تعالي علميني وش صار
ابتسمت تفصخ عبايتها وتبين زينتها وكشختها واردفت رانيا : وش هالزين يا قلبي انتي!
ابتسمت بخجل واردفت : طالع عليك !
تقدمت تجلس وبدات تسولف لها عن الجمعه واردفت : ماشاءالله دوم يارب هالفرحه وزين انك استانستي وغيرتي جو ، هزت راسها بالإيجاب وابتسمت من شافت شاهين مقبل عليهم واردف ؛ وش هالزين يابنت شاهين ! منتي بهينه طالعه على امك
ابتسمت رانيا بخجل وضربت كتف شاهين بخفه وأردفت : ماتترك حركاتك
ابتسم شاهين واردف : ان شاءالله استانستي يا بنيتي
ابتسمت ريف واردفت : استانست وبس طرت من الفرحه
ابتسم بخفه يشوف ريف تشرح له وش صار في العزيمه يحس بشعور عجيب وهو يشوف بنته كبرت وصارت تسولف له عن جمعاتها وسوالفها وابتسم يشوفها تتكلم بحماس ويطالع في ملامحها يشوفها نسخه مصغره من رانيا ، ابتسمت تشوف تيم يلي نزل واردف : اوهه من ذي المزه ذي ريف ؟
التفتت له بملامح عصبيه واردفت : وش فيها ريف لا يكون طايحه من عيونك ؟؟
ابتسم بخفه واردف : لا والله منتي طايحه من عيني بس وش ذا الجمال غطيتي على بنات السعوديه كلهم
ابتسمت بخجل وحكت رقبتها بتوتر ، واردفت رانيا ببتسامه : حرام عليك خليتها تستحي !
ابتسمت تستقيم وتردف ؛ تصبحون على خير بروح ابدل وانام
ابتسم شاهين واردف : وانتي من اهله
مشت بخطاها لدرج تطلع غرفتها .

دخلت الغرفة وتقدمت تعلق عبايتها وتقدمت تمسح الميكب وبعد منتهت وتوجهت تبدل وتلبس بجامتها وتحط كريماتها والسكن كير واستقامت لسرير تستعد لنوم تسطحت ونامت بتعب بعد يوم طويل  ، مشت تطلع من الجامعه وابتسمت من شافت اريام وتقدمت تركب واردفت : صباح الخير
ابتسمت اريام واردفت : صباح النور كيف عسولتي ؟
ابتسمت ريف واردفت : بخير انتي كيفك ؟
اريام ببتسامه :  الحمدلله
مدت ذراعها ريف تربط حزام الامان والتفتت على اريام واردفت : وين تبين نروح ؟
ابتسمت أريام واردفت : وش رايك نروح ناخذ قهوه ؟ هزت راسها بالإيجاب ومشت متوجهه للكوفي ، ابتسمت ريف واردفت : وش تبين نحط مغني  ؟
التفتت لها اريام واردفت : محمد عبده
ابتسمت تبدا تغني معا اريام الى ماوصلوا واخذوا قهوتهم
مشو راجعين للجامعه وكانت اريام تسوق واخذت القهوه تشرب وطاح جوالها ونزلت تاخذ جوالها ورفعت راسها على صراخ ريف وهي تردف : ارياااام
رفعت عيونها تشوف  فلاش الشاحنه حولت تلف بس ماقدرت ، فزت من نومها من رجعت لها الكوابيس وزفرت من بعدها تنزل دموعها وتكتم شهقاتها لاكن دون جدوى بدات تبكي بقوة وهي تحط يدينها على وجهها وتحاول تكتم شهقاتها
قاطعها دخول ذياب يلي كان بيروح غرفته وسمعها تبكي دخل الغرفه واسرع بتجاهها وحضنها يشد عليها واردفت ريف : ذياب رجعت لي رجعت تطلع لي في احلامي
تنهد بضيق ذياب على حالها واردف : الله يرحمها يا ريف هي راحت عند يلي ارحم مني ومنك تعوذي من ابليس
كمل يشد عليها الى ماحس بثقل وعرف انها نامت شالها في حضنه وحطها فوق السرير وغطاها بالحاف وطلع من الغرفة .