" يا ريف قلبي إنتِ بلواي و الفتك "

البارت ٣٣

غـرفة رَيـف | ٧ صباحاً

صحّت على أشعة الشمس وفركت عيونها بنعس
تمد ذراعها تاخذ جوالها من الطاولة يلي جنب السرير تشوف الساعه واستقامت تدخل الحمام
وطلعت تلبس تيشرت وبنطلون وحطت ميكب خفيف ولبست عبايتها واخذت شنطتها وطلعت من غرفتها تنزل لصاله تشوف الكل نايم لانه رمضان وصيام وتعب وطلعت الحوش تطلع مفتاح سيارتها
وتفتح السياره تركب وتربط الحزام وتمشي بتجاهه دوامها ..

بيـت مهـاب | غـرفة مُلهم

صحّى على صوت المُنبه يقوم يدخل الحمام ياخذ شور وطلع وهو لاف المنشفه على خصره وطلع بدلة دوامه ولبس وفرش سجادته يصلي الفجر وبعد ما انتهى يتعطر وياخذ جواله وطلع من البيت متوجهه للمركز دخل يطقون له تحيه الضباط ودخل مكتبه يجلس ، التفتت على طرق الباب واردف : تفضل ، دخل العميد واردف : عندنا يا مُلهم  مهمه بتستمر الى شهر مهمه على قبض اقوى منظمه للترويج للمخدرات !!
هز راسه مُلهم يردف : ابشر
طلع العميد من مكتب مُلهم بعد ما اعطاه خبر ان عندهم مهمه ..

" بعــد مـّدة  "

دخّـلت الشـركة وكانت بتروح مكتبها بس جرّها الفضول  تشوف اذا غزل جت الدوام ولا باقي ومشت بتجاهه مكتبها وابتسمت من شافتها موجوده وتقدمت تفتح الباب وتردف ببتسامه :
كيف الدوام معك ؟
ابتسمت غزل تردف : مره حلو بقولك سالفه صارت امس معا المدير مُهيب
هزت راسها رَيف وبدات تسرد لها السالفه غزل وبعد ما انتهت تردف رَيف ببتسامه : غزل !! صدقيني حبك من اول نظّره
توسعت عيونها غزل تهز راسها تنفي الافكار  من راسها وتردف : مستتحييل مو لهدرجه شدعوه حبني من اول نظره !
ابتسمت رَيف تردف : صدقيني يحبك وقولي رَيف ما قالت
طلعت ريف من المكتب تاركه غزل يلي في حيره من امرها معا مُهيب وتصرفه معها وكيف خلها تشتغل في مكتبه !! وليه في مكتبه تحديداً ليه تنهدت من حيرتها في امره وكيف انه طلب لها ماتشا رغم ان مافيه ماتشا في الشركه وكيف جربها معها هي بـ تجن من تفكيرها فيه وفي اسلوبه وتصرفه معها ومعاملته لها ، تنهدت تنهيده طويله تعبر عنها وعن مشاعرها تجاه تصرفاته والتفتت تبدأ في شغلها او  " تشغل نفسها في شي غير التفكير فيه "  التفتت
على ارجوان يلي دخلت بعد ما سمحت لها بدخول وتردف : الاستاذ مُهيب يبيك ، عضت شفتها هي كيف بتقابله وكيف بتطلع في وجهه وهي امس كانت جالسه في مكتبه وتشتغل وتضحك معه وتشرب ماتشا معه !!! ، تنهدت ومشت تطلع من مكتبها وتتوجه لمكتبه ، وقفت امام باب مكتبه وشدت على يدها بتوتر ورفعت يدها تطرق الباب وسرعان ما سمعت استجابته يسمح لها بدخول ، دخلت ترفع نظرها له وهو يتوسط المكتبه وهو لابس ثوب وشماغ هي ماتنكر انه يجذبها  بشكل كثيير 
ثقله ، رزانته ، ثقته ، شموخه ، كلشي يجذبها فيه ، صحت على نفسها من اردف باسمها  تفز منّ سرحانها تردف : هلا  ، ابتسم بخفه يردف : وين وصلتي لي نص ساعه اناديك بس منتي معي فيك شي تعبانه ؟ هزت راسها بالنفي وابتسمت بتوتر تردف :  لا مو تعبانه بس سرحت شوي ، هز راسه واخذ ملف فيه اوراق كثيره واردف : ابيك تشيكين عليه وتشوفين اذا في هذا التقرير اخطاء او فيه شيء ناقص ، هزت راسها وتقدمت تاخذ الملف وبغلط لمسة يدها يدها وتوترت تسحب الملف بسرعه وخوف وعضت شفتها من شافت علامات الاحراج على  شكله وهي كذالك بتموت من احراجها وودها تطلع من مكتبه بأسرع وقت ، هز راسه وهو يدرك انها منحرجه وجداً من فعلتها واردف : تقدرين تطلعين يا غزل
هزت راسها تمشي بخطواتها الهاديه عكس داخلها ودها تطلع وتهرب من مكتبه ، طلعت تقفل الباب وراها وتطلع تنهيده ومشت لمكتبها تكمل شغلها ..

نـهايـة الــدوام ..

تنهدت براحه من رفعت جوالها تشوف الساعه وشافت وقت نهاية الدوام واستقامت ترتب مكتبها بعد انتهائها من شغلها واخذت شنطتها ومفتاح سيارتها وطلعت من مكتبها والتفتت على غزل يلي تقدمت لها ومشوا يخرجون معا بعض من الشركه واردفت غزل بحراج : تخيلي وش صار يا ريف كنت بموت من فشلتي !!
ضحكت ريف بصدمه واردفت : ليه ؟
تنهدت غزل وأردفت : مسكت يد مُهيب بالغلط وكنت بموت من فشلتي !!
ضحكت رَيف تعبس غزل وتردف : اقولك متفشله وتضحكي !!
ابتسمت ريف تردف : ياروحي عادي غي النهايه بيصير زوجك !
توسعت عيونها غزل تضرب رَيف يلي تضحك بخفه وتردف ؛ انا ماراح اتكلم معك الكلام معك ضايع !!
ضحكت رَيف وودعت غزل ومشت تركب سيارتها وربطت الحزام ومشت بتجاهه البيت ..

بـعد مـّدة ..

وقفت امام البيت تاخذ شنطتها وتقفل السيارة وتمشي تدخل البيت دخلت البيت تتقدم تسلم على رانيا يلي اردفت : رجعتي من الدوام ؟
هزت راسها ريف وتردف : اي وتعبانه وش الاكل مره جوعانه
ابتسمت رانيا تردف : اكل تحبينه بس روحي خذي شور سريع على ما يأذن وامشي افطري هزت راسها
والفتتوا على دخول نغم يلي اردفت : السلام عليكم وين ابوي و ذياب وتيم ؟
ابتسمت رانيا تردف : مو هنا تعالي يانغم يا امي روحي انتي وريف خذو شور سريع تريحون نفسكم وانزلوا وبتلقون العاملات جهزوا السفره وكل شي
هزت راسها نغم واردفت : اي والله احتاج اخذ شور يريح اعصابي من القضايا يلي فوق راسي !!
طلعوا البنات لغرفهم ، دخلت غرفتها نغم وطلعت لها بجامه ودخلت الحمام تاخذ لها شور وبعد مانتهت طلعت بروب الحمام وجلست امام التسريحه تحط كريماتها وبعد ما انتهت لبست بجامتها  وتركت شعرها الكيرلي على طبيعته وتعطرت بعطرها الأنوثي ونزلت تشوفها متجمعين على السفره القت السلام عليهم وجلست بين ريف وذياب وجلسوا بهدوء ينتظرون الاذان ومدت ذراعها تاخذ التمر من شمعت الاذان وابتسمت بخفه من مدت لها ريف الشوربه وشكرتها ، وبعد ما انتهوا طلعوا الرجال للمسجد والبنات ورانيا طلعوا غرفهم يصلون ..

اعذروني اردي البارت قصير بس ان شاءالله اعوضكم لا تقصرون في ⭐️⭐️⭐️⭐️