" يا ريف قلبي إنتِ بلواي و الفتك "

البارت ٢٨

صحّى على اشعة الشمس من وار الستاير عدل جلسته يمد ذراعه واخذ الجواله يشوف الساعه كم وتذكر ان امس انه وعد سُليمان بيطلعون تنهد يستقيم ودخل الحمام ~ الله يكرم القارئ ~ اخذ شاور سريع وطلع وهو لاف المنشفه على خصره
فتح دولابه يطلع له تيشرت وشورت وبدل وقف امام المرايه واخذ عطره يتعطر ومرر يده على شعره يعدله واخذ جواله ومفتاح سيارته وطلع من البيت يتوجه لشركة سُليمان ، وصل بعد مدة ونزل من السيارة ودخل عند الاستقبال واردفت اطياف وهي تتمايع : لو سمحت من تبي ؟
طالع فيها من فوق وتحت واردف : ابي الاستاذ سُليمان
هزت راسها اطياف واردفت : ماقدر ادخلك لان ماعندك موعد
ضحك بسخرية ذياب واردف : انا ما استاذن منك انتي سألتيني وجاوبتك
كانت بتتكلم بس مشى ذياب يطنشها ، دخل مكتب سُليمان وضحك يردف : كيف توظف عندك زي ذي الاشكال ؟
هز راسه سُليمان بعدم فهم واردف ذياب : البنت يلي في الاستقبال
هز راسه وهو يهمهم واردف : لاتذكرني ياشيخ كنت بفصلها وقالت لي انها تصرف على اهلها وماودي اقطع رزقها وانا مطنشها اساسا
ضحك ذياب واردف : ياويلك من ريف لو شافتها لتقلب عليك الدنيا !
ضحك سُليمان واردف : لا ان شاء الله مايسمعون خبر وفاتي بسبها
ضحك ذياب واردف : مشينا ؟
هز راسه سُليمان واستقام يطلعون من المكتب متجاهلين يلي يتهامسون في الزاوية  تنطق اطياف : شوفي سُليمان يهبل يازين الثقيل بس
ابتسمت دلع تردف : انتي شوفي يلي بجنبه لابس اسود يغطي على سُليمان وعلى الكل
ابتسمت اطياف تردف : والله مافيه احلى من حبيبي وزوجي المستقبلي سُليمان !
ضحكت دلع بسخريه واردفت : ياروحي انتي انتي باقي على الإصدار القديم ؟ ترى هو الحين مخطوب
التفتت عليها اطياف تردف : مخطوب !!
هزت راسها دلع واردفت : خطب المهندسه يلي تشتغل معه كانت
زفرت بغضب تردف : انا اوريه واعلمه من اطياف .
،
طلعوا من الشركه ومشوا بتجاهه الباركنق والتفت عليه ذياب يردف : في اي سياره نروح ؟
التفت عليه سُليمان واردف : نروح بسيارتي واكلم حكيم يحط سيارتك عند بيتكم واذا جينا راجعين احطك عند البيت
هز راسه وركب سُليمان وركب بجنبه ذياب
طلعوا من الشركه وطلعوا ينطلقون بدون وجهه محدده ، بعد مدّه وقفوا عند الدرايڤ ثرو والتفت سُليمان على ذياب واردف  : وش تشرب ؟
ابتسم ذياب واردف : ابي v60
التفتت سُليمان واعطى الموظف طلباتهم وبعد مده اخذ القهوه ومد لـ ذياب قهوته ، وقف امام البحر يفتح الدريشه يتذكر اعترافه لها وكيف تتكلم عن حبها للبحر وكيف تحب تستنشق ربيعه وقاطعه التفتت على رنين جواله يشوف ورد واردف : الو ورد ؟
عبست بغضب تردف : سُليمان عادي تجي تاخذن من الكوفي نبراس نزلني وسحب علي يقول ماهو فاضي !
ضحك سُليمان واردف : يلا بجي الحين
قفل يلتفت على ذياب واردف : المعذره يالعشير بس بنروح ناخذ ورد سحب عليها نبراس
ضحك ذياب واردف : من جده نبراس يسحب عليها
ابتسم سُليمان واردف : دايم يحرشها او هي تستفزه وعلشان كذا يسحب عليها
ضحك ذياب بخفه وكمل يناظر الطريق ، وقف امام الكوفي يرفع جوالها وارسل لها انه وصل ، طلعت تشوف سيارة سُليمان توسعت عيونها تشوفه معا سُليمان وعضت شفّتها بحراج ومشت تفتح الباب الخلفي تركب والقت السلام يردون عليها
، مشى من امام الكوفي يتجهه للبيت كان الطريق صمت جدا وكانوا الاثنين في اعلى مراحل توترهم بس يحسون بنشوة سعاده وشعور غريب او مره يحسونه قاطعهم رنين جوال ذياب يلي رفع جواله يشوف المتصل وكان قلوب حمراء بدون اسم كان متجاهل يلي توسعت عيونها من شافت الاسم وهي تحس ان النار بدات تاكلها وجالسه تحترق وتحاول تكتم دموعها ابتسم بخفه من شاف انعكاسها في المرايه وملامحها يلي تضايقت من شافت الاسم وفتح الاسبيكر يردف : هلا ريف ؟ واردفت ريف : ذياب وينك ؟ ابتسم بخفه واردف : والله اني معا زوجك  ليه فيك شي ؟ ابتسمت بخفه واردف : لا مافيني شي بس ماشفتك اليوم ، تنهدت براحه من سمعت صوت ريف توقعت انه يحب غيرها لاكن توقعها ماكان في محله .
،
وقف امام البيت ونزلت ورد تنهدت بخفه من ارتاحت من توترها من تواجدها معه في نفس السياره دخلت البيت وابتسمت تتقدم تسلم على سهى واردفت ؛ ورد تعالي شوفي هذا الشاليه ودي نروح كذا ناخذ فيه ثلاث ايام وننادي ريف واهلها علشان نتعرف على امها اكثر ، ابتسمت ورد واردفت : اي يمه تكفين نبي نغير جو خلي سُليمان يحجزه ونروح ، قاطعهم دخول تغريد يلي اردفت : عن ايش كنتوا تسولفوا ؟
ابتسمت سهى واردفت : تعالي شوفي هذا الشاليه ناخذه ونعزم اهل ريف ونتعرف عليهم
ابتسمت تغريد واردفت : ايوه حتى بعد نتنفس ونغير جو
ابتسمت ورد واردفت : بتفق معا ريف نسوي تان
طلعت غرفتها وفصخت عبايتها وبدلت ملابسها ومسحت الميكب حقها وفتحت البلكونه تدخل الشمس والهواء يتجدد في الغرفه والتفتت على العامله يلي جابت لها كوكيز وأردفت : هذا الكوكيز يلي سوته تغريد ؟
هزت راسها العامله وطلعت من الغرفه ، اخذت ايبادها وفتحت مسلسلها وبدات تتابع وتتلذذ بكوكيز تغريد يلي سوته ..
،
دخل يشوف امه وتغريد جالسين في الصاله وتقدم يسلم عليهم واردف : كيفكم ؟
ابتسمت تغريد تردف : الحمدلله بخير ، كيفها ريف ؟
ابتسم بخفه واردف : الحمدلله بخير
ابتسمت سهى واردفت : ايوه من يوم خطبتها والوجه ينور والابتسامه شاقه وجهك لو ادري انها بتخليك كذا كان زوجتك اياها من زمان
ضحك بخفه على كلام امه واردفت سهى : اسمع ابيك تحجز لنا هذا الشاليه ابيه قسمين نساء ورجال عشان بنعزم ريف واهلها نتعرف عليهم اكثر
ابتسم بخفه واردف : ابشري ماطلبتي شي
اخذ جواله يستقيم ويكلم وبعد عدة دقايق رجع يردف : حجزته يوم الخميس
هزت راسها سهى واخذت جوالها تردف : بدق على رانيا اعزمها
استقامت تطلع من الصاله ، التفتت تغريد على سُليمان بعد ماطلعت سهى من الصاله واردفت : سُليمان تكفى جاوبني بصراحه
ابتسم سُليمان واردف : افا انا قد كذبت عليكم ؟
ضحكت تغريد تردف : ايوه من يلي كذب لما كسروا يدك العيال يلي في المدرسه وتقول انك طحت من فوق الطاولة
ضحك سُليمان واردف : والله بجاوب بصراحه
ابتسمت تغريد واردفت : انت تحب ريف ؟
ابتسم سُليمان واردف : اي مو بس احبها اعشقها
ضحكت تغريد واردفت : متى حبيتها ؟
ضحك سُليمان وهز راسه بالنفي واردف : قالتي سؤال واحد قلبتي صحفيه من كثرت اسئلتك
ضحكت تغريد واردفت : سُليمان بلا سخافه متى حبيتها
هز راسه بالنفي ودخلت سهى وهي تبتسم واردفت : والله يا هذي الرانيا ماشاءالله ادب وذوق وجمال تبارك الرحمن
ابتسم سُليمان يستقيم واردف : معا السلامه انا بروح البيت
هزت راسها سهى واردفت : في امان الله ..
،
نزلت الصاله تشوف رانيا تكلم عقدت حاجبيها والتفتت عليها رانيا بعد ماقفلت  : ام زوجك عازمتنا على الشاليه يوم الخميس
ابتسمت ريف بخفه واردفت : واخيرا بروح اسوي تان
توردت ملامحها بخجل من اردفت رانيا : اكشخي البسي فستان وسوي شعرك علشان اذا شافك سُليمان
ضحكت رانيا واستقامت ريف تردف : انام
هزت راسها رانيا وطلعت ريف غرفتها
،
صحّت على اشعة واستقامت تدخل الحمام ~ الله يكرم القارئ  ~ طلعت من الحمام  وفتحت دولابها تطلع توب اسود وبنطلون جينز اسود وطلعت لها سلسال  بسيط ، بدلت ملابسها وحطت مسكرة وبلاشر ومحدد شفايف وقلوس ، ابتسمت برضى على منظرها البسيط وجمالها الطبيعي الجميل اخذت عطرها الأنوثي
تتعطر منه ولبست سلسالها ولبست عبايتها
واخذت شنطتها تطلع من غرفتها ، ودعت رانيا وطلعت من البيت تركب سيارتها ، وقفت امام الدرايڤ ثرو وطلبت له ولها قهوه اخذت تتحرك بتجاه الشركه ، وقفت امام الشركه اخذت القهوه وشنطتها ونزلت ، دخلت الشركه وكانت بتمشي من قاطعها صوت اطياف يلي اردفت وهي تدلع : وين رايحه عندك موعد ؟
ضحكت بسخريه ريف واردفت : مو لازم موعد انا زوجته !
ابتسمت اطياف توقف قدامها واردفت : وش ياكد لي انك زوجته ؟
زفرت ريف بغضب واردفت : لو سمحتي بعدي عني مو فاضيه لك
ضحكت اطياف واردفت : واذا ما وخرت وش بتسوين ؟
ابتسمت ريف تردف : بتندمين على اليوم يلي دخلتي وتوظفتي فيه في هذي الشركه عرفتي وش بسوي الحين ؟
،
مشت تتعدى اطياف يلي كانت تحترق من قهرها ، دخلت مكتبه تشوفه يشتغل على بعض الأوراق ورفع عيونه يبتسم : حَرم سُليمان وش تسوين هنا ؟
ابتسمت بخفه تردف : يعني ما ازور واشوف حبيبي ؟
ابتسم تبان اسنانه من اردفت بحبيبي واردف : الى ويحق لك بعد
استقام من كرسيه وسحب يدها يجلسها على مكتبه وأردف ببتسامه : خلاص حلالك الحين المكتب ومدير الشركه والشركه كلها
ابتسمت بخجل من كلامه يلي يذوبها ويداوي قلبها
واردفت : من هذي يلي برا البنت يلي في الاستقبال ؟
ابتسم بخفه من شاف اللهب يلي يطلع من عيونها وغيرتها الواضحه : هذي موظفه اسمها اطياف وتشتغل ادري انها تتمايع بس ماقدر افصلها حرام مقدر اقطع رزقها
ابتسمت بخفه تهز راسها واردفت : حرام اجل ؟ انا الي بعلمك الحرام لما اذبحك انت وهي واكفر فيكم
ابتسم بخفه يغمز لها واردف : هدي شوي ندري انك تغارين بس مو لذي الدرجه
رفعت حاجبها ورمقته بنظرات حاده واردف سُليمان : قومي نطلع نتغدى
هزت راسها بنفي واردفت : لا مابي برجع البيت
ابتسم وتقدم يسحبها واردف : حرمي ماتروح البيت وهي زعلانه
ابتسمت بخفه واردفت : تمام
وقفت امام المرايه وعدلت حجابها تشوف يلي يتاملها وكانها اعظم انتصاراته واعظم ما يملك واغلى مايملك ، ابتسمت بخفه والتفتت له تاخذ شنطتها وتمسك يده يطلعون من المكتب والشركه تاركين يلي جالسه تحترق من قهرها وتتوعد لهم ، مشوا الى ماوصلوا لسيارته وركب وركبت بجنبه ومشى ينطلق للمطعم .
،
دخلت المطعم تشوف الرُقي الواضح فيه وفخم تقدم سُليمان يردف للموظف : لوسمحت عندي حجز باسم سُليمان آل حمد  ، هز راسه الموظف واردف : تفضل معي
لحقه سُليمان وريف وقف الموظف واردف : تفضلوا اجلسوا
جلسوا ومسكت ريف جوالها تمسح الباركود تشوف الاكل ، بعد مدّه طلبوا الاكل والتفت لها يردف : بكره بنروح شاليه
هزت راسها واردفت : ايوه ماما قالتلي ، متحمسه اروح اسوي تان
ابتسم بخفه واردف : هذا ونتي كذا ماقدر اتحمل جمالك اجل لو سويتي تان وش راح يصير فيني ؟
ابتسمت بخفه تتورد ملامحها من خجلها وقاطعهم النادل مت بدا ينزل الأطباق ، بداو ياكلون بصمت وبعد مانتهت تردف : انا بروح الحمام بعدل حجابي
هز راسه واستقام يدفع الحساب على ماهي  تطلع من الحمام ، دخلت الحمام وقفت امام المرايه ومررت انظارها على الحرمه يلي لابسه عبايه سوداء ومغطيه كل شي في جسمها هي من شافته ان بث في قلبها الخوف والتوتر ، التفتت علشان تطلع لاكن استوقفها الحرمه من حطت السكينه على نحرها واردفت :  عندك مهله اسبوع يا تنفصلين عن سُليمان يا اموت سُليمان
بدات نبضاتها تتسارع وانفاسها تزداد وهزت راسها بالإيجاب ونزلت الحرمه السكينه ومشت تطلع الحرمه ، تنهدت براحه من طلعت الحرمه ومشت تطلع وهي تحاول تخفي توترها وخوفها من الحرمه يلي هددتها ، وقفت بجنبه وعقد حاجبيه من شاف ملامح وجهها المتغيره واردف : فيك شيء
رفعت عيونها له واردفت : ها لا لا مافيني شيء
هز راسه واردف بشك : متاكده ؟
هزت راسها ريف ومشوا يطلعون ، ركبت السيارة معه وابتسمت تمد يدها تمسك يده التفت لها ورفع كفّها يقبله ورجع أنظاره لطريق .
،
وقف امام البيت ونزلت يردف لها : سيارتك بخلي حكيم يجبيها لك
هزت راسها تدخل البيت وقفت باب البيت وراها تتنهد بحزن على حالها المعقد وهي تخاف انها تأذي سُليمان بقربها له تنهدت تدق الباب تفتح لها العامله وابتسمت ابتسامه مزيفه وتقدمت تسلم على رانيا واردفت : تعالي اجلسي
هزت راسها بالنفي واردفت : لا يماما تعبانه
هزت راسها رانيا وهي تداهمها الريبه على حال بنتها الغريب ، دخلت غرفتها تفصخ عبايتها وتبدل وتقدمت تفتح البلكونه من حست بختناق وهب الهواء وسرعان ما تغورت عيونها بدموع تجلس على السرير تضم اقدامها على صدرها وتبكي  التفتت على رساله من جوالها فتحته تحط يدها على فمها من رسالة التهديد والواضح انها نفسها الحرمه وكانت كاتبه : عندك مهله اسبوع واحد اذا ماتطلقتي منه راح تسمعين خبر وفاته ، بدات تطيح دموعها بغزاره من حست انها بخطر تحس نفسها ضايعه بدون احد يساندها وماتدري وش تسوي وتجهل كيف تتصرف ، انسدحت تبكي الى ما غلبها النوم من شدة تعبها بعد البكاء .
،
صحّت على صوت العامله تصحيها تنهدت تعدل جلستها وطلعت العامله ومدت ذراعها تشوف الساعه كم وكانت ٣ العصر استقامت تدخل الحمام ~ الله يكرم القآرئ ~ طلعت تفرش سجادتها وتفضفض لربها عن حزنها وضيقتها ومن ضغطها يلي جالسه على اعصابها تخاف يصيب سُليمان شي بسببها ، فصخت جلال الصلآة ورجعته مكانه وتقدمت تطلع لها فستان ابيض صيفي ويصلح حق شاليه بدلت تلبس الفستان وسوت شعرها وحطت مسكرا وبلاشر وقلوس ابتسمت برضى ولبست عبايتها واخذت شنطتها يلي جهّزتها للشاليه
نزلت تشوف الكل ينتظرها واردف ذياب : طولتي
ابتسمت بخفه تردف : والله اسفه
طلعوا يتوزعون في سيارات كان شاهين ورانيا في سياره و ريف وذياب و تيم في سياره ، مشوا متوجهين للشاليه ..
،
دخلوا الشاليه وتنهدت ورد بتعب وحررت شعرها من الطرحه وجلست على الكنب بتعب وتردف: مره تعبت ماقدر اتنفس وحر مره ، ابتسمت بخفه تغريد وغمزت تردف : بيجيك بعد شوي لما تجي ريف شوط سباحه واغاني وردح ، أبتسمت ورد واستقامت ترتب اغراضها في الغرفه ، بعد مده من انتهت طلعت من الغرفه ابتسمت تنزل رجلها في المويه شهقت من برودتها وجاء اصيل من وراها ودفها يخوفها لاكنه مسكها ماتطيح في المسبح واردفت ورد بغضب : وجع اصيل وش ذا الحركات البايخه !
ضحك اصيل واردف سُليمان بعصبيه : علامك انت عليها ؟
ابتسمت بخفه ورد واردفت : سُليمان احبك الله يوفقك خله يروح قبل شوي كان بيرميني في المسبح
التفت سُليمان على اصيل يناظره بحده ورفع ثوبه اصيل يهج ، قاطعهم رنين جرس الفله  في قسم الرجال مشى يفتح الباب يشوف شاهين و ذياب و تيم  ابتسم بخفه يتقدم يسلم على شاهين واردف شاهين : كيفك يا سُليمان
ابتسم بخفه يردف : بخير الحمدلله
هز راسه شاهين واردف : ابوك وينه ؟
ابتسم بخفه يردف : داخل حياك ادخل
دخل شاهين والتفت سُليمان يسلم على ذياب و تيم ودخلوا يجلسون ويسولفون ، فتحت ورد تبتسم بخفه تحضن ريف واردفت : وحشتيني
ابتسمت بخفه ريف وتقدمت ورد تسلم على رانيا تردف : كيفك ياورد
ابتسمت بخفه ورد وأردفت : الحمدلله ياخالتي تفضلي
دخلوا وابتسمت سهى من شافت ريف تردف : هلا والله ببنتي وزوجة ولدي
ابتسمت ريف بخجل طاغي عليها وتقدمت تسلم عليها وفصخت عبايتها واردفت لها ورد بهمس : خفي علينا بجملك ترا فيه من متلهف لشوفتك وبيموت عليك !
ضحكت ريف تتورد ملامحها من فهمت مقصدها ، ابتسمت بخفه ورد تتلذذ تشوفها خجلانه تحسها لذيذه على قلبها ، استقامت ورد واخذت الدله والفنجال وبدات تقويهم وبعد ماخلصوا من من القهوه و الشاهي ابتسمت ورد تخفي خبثها في نبرتها تردف : وش رايك اوريك الشاليه ؟
هزت راسها ريف واستقامت هي و ورد ومشت تتجول فيها في الشاليه ومشت بتجاهه الغرف ورد واردفت : تعالي ندخل الغرفه بوريك البلكونه يلي فيها تطل على المسبح ، دخلت ريف وابتسمت تناظر المسبح وتشوف الغروب كان منظر يأسر القلب ابتسمت ورد واردفت : اسمعي بروح شوي واجيك
هزت راسها ريف وطلعت ورد تبتسم بخبث مر نجحت خطتها  اخذت جوالها تتصل هلى سُليمان يلي اردف : هلا وش بغيتي ؟
ابتسمت بخفه واردفت : حرمك موجوده في غرفتي اذا تبيها روح لها
ابتسم بخفه واردف بصوت هامس : يلومني في حبك ماحد يفهمني غيرك ياوردة سنيني
ابتسمت بخفه واردفت : ترا ماسوي مواعيد ببلاش اقل شي خمسميه
ابتسم سُليمان واردف : ابشري
قفل منها يستاذن منهم يطلع من قسم الرجال ودخل قسم الحريم ابتسم بخفه من وقف الباب يفتح الباب تطيح انظاره عليها يشوفها وقفه امام البلكونه تتامل الغروب ابتسم بخفه يشوفها لابسه فستان ابيض يبين جمال جسدها وخصرها النحيل ابتسم هو ينهد حيله من جمالها  التفتت تبتسم بخفه من شافتها تتقدم له تردف : وش جابك هنا ؟
ابتسم بخفه وهو ينزل  انظاره لـ ثغرها  ورجع انظاره لعيونها ومد يده يلفها حول خصرها النحيل يصحبها تلتصق في صدره يعدم المسافه بينهم وزادت ضربات قلبها من حست بانفاسه تضرب عنقها واردف : جابني الشوق لك يا حرم سُليمان !
ابتسم بخجل وتوسعت عيونها من قبلها في ثغرها وشد على خصرها يقرّبها له بدا يتعمق اكثر في قبلته هو يحس كل ماتبعد عنه يزود شوقه ولهفته لها ، ابتعد عنها من حس انه يحتاج يتنفس  ابتعدت عنه والخجل طاغي عليها جدا ، ابتسمت بخفه واردفت : انا بطلع ماما تنادين ، طلعت يلتفت على الباب يضحك من عرف انها تتهرب منه من خجلها وطلع يرجع قسم الرجال ، دخل وهو يبتسم واردف نبراس : وش بلاه ذا يوزع ابتسامات
ضحك تيم واردف : شكله كان عند ريف
ضحك اصيل واردف : والله شكله
،
اخر الليل تنهدت من شافت ريف وتغريد نايمين ومشت على اطراف اصابعها علشان ماتطلع صوت وتزعجهم وفتحت الباب تطلع وتسكره وراها ونزلت من الطابق الثاني الى الارضي وفتحت الباب وطلعت تجلس امام المسبح ودخلت رجلها تستشعر برودة المويه جاهله يلي يراقبها ويبتسم بخفوت ، طلعت رجلها من المويه واستقامت تمشي بسرعه تبي تدخل لاكنها زحلقت وطاحت في المسبح وكانت تحاول ترفع نفسها لاكنها فاشله في السباحه وماتقدر  ، توسعت عيونه يشوفها طاحت وتقدم بدون تردد ينط في المويه وسحبها من خصرها يطلعها ، فتحت عيونها تبعد شعرها عن عيونها تتوسع من  شافت ذياب خي الان متوسطه احضان شخص مو محرم لها ابتعدت عنه وتمسكت في سلم المسبح وطلعت مسرعه للداخل ، ابتسم بخفه وطلع من المسبح ودخل قسم الرجال
وبدّل ملابسه يخلد للنوم ، دخلت الغرفه وفتحت شنطتها وطلعت لها بجامه وهي متجمده من البرد لان المكيف شغال ، دخلت الحمام وبدلت ملابسها وابتسمت بخفه من تذكرت انه انقذها وتنهدت تبعد الافكار من راسها ومشت تخلد للنوم .
،
صحت على صوت ريف يلي تردف : ورد قومي خلينا نسوي تان قبل تغرب الشمس
فركت عيونها تعدل جلستها ودخلت الحمام تسوي روتينها وريف طلعت من الغرفة ، طلعت للمسبح بعد ما تجهزت وشافت ريف المنسدحه على الكرسي وتحت الشمس ابتسمت تحط الكريم وبعد مده استقامت ريف ونزلت في المسبح واردفت : المويه دافيه تعالي ورد
ابتسمت ورد من شافت شكل ريف الحلو وهي في المسبح وامامهم البحر واردفت: دقيقه بصورك
ابتسمت ريف تهز واسها واعطت ورد ظهرها علشان تصورها ومدت ورد ذراعها تردف : وش رايك في الصوره ؟
ابتسمت ريف واردفت : تجنن مره حلوه !!
ابتسمت ورد واردفت بخفه : عيونك الحلوه
التفتوا على تغريد يلي اردفت : تتسبحون بدوني ؟
ابتسمت ريف واردفت : تعالي  بس وين لتين ؟
التفتت تغريد من كملت جملتها ريف من طلعت لتين وهي لابسه لبس السباحة واردفت : ماما ابي اسبح
ابتسمت تغريد تمد ذراعها من المسبح تاخذ لتين وتقدمت ريف ببتسامه تسحب لتين يلي حاضنه لتين واردفت : وش رايك لتين حلو ؟
ابتسمت بخفه لتين تهز راسها بالإيجاب
كانت تلعب معا لتين وأردفوا البنات : سُليمان وش جابك
ضحكت ورد تغمز لـ تغريد تشوف سُليمان يلي يتأمل ريف يلي كانت تلعب معا لتين ومو منتبه لوجوده ، كان بياخذ شاحن من عند امه بس وقف من شافها تتسبح معا لتين وابتسم بخفه من شاف تعاملها معا الاطفال ويتخيل كيف بتتعامل معا بنتهم ، التفتت على البنات من حست بهدوء وهمسات البنات وضحكهم وتجمدت من شافته يطالعها وابتسمت بتوتر وصدت تكمل تلعب معا لتين ، ابتسمت بخفه واردفت ورد لـ تغريد : اههخ مقدر لذيذين على قلبي ودي اشوف انتاجهم ، ابتسم بخفه من شاف توترها وصد يمشي يرجع لقسم الرجال وهو ناسي وش كان يبي ، ابتسمت تشوف شكلها بفستانها السماوي وشعرها البني يلي يوصل لخصرها ومكياجها الخفيف والتان يلي كان جميل عليها التفتت على تغريد يلي دخلت وهي تصفر واردفت : وش هالزين ياحظ سُليمان انتبهي لايموت   من جمالك
فزت بخوف وتردف : بسم الله عليه لاتقولين كذا !
ضحكت تغريد تغمز لها واردفت : صرنا نخاف على الحب !
ضحكت بخفه ومدت يدها تاخذ العطر تتعطر منه
مشت تطلع من الغرفة وابتسمت بخجل من اردفت سهى : ياهلا بزوجة ولدي وبنتي تعالي اكحل عيوني بجمالك
ابتسمت بخفه تلتفتت لـ رانيا يلي تبتسم وتاشر لها بعيونها تروح تسلم ، تقدمت تسلم عليها وجلست تصب لها قهوه وتاكل من الحلى واستقامت من شافت غزل يلي تدق عليه واستقامت تفتح الباب تخرج ومشت ، وقفت امام المسبح ورفعت جوالها ترد واردفت : الو غزالتي
ابتسمت بخفه غزل وأردفت : كيفك ياعيوني وش اخبارك ؟
ابتسمت بخفه ريف واردفت : الحمدلله بخير
ابتسمت غزل تردف : وش رايك نطلع ؟
زمت شفايفها وأردفت : انا في الشاليه معا اهل سُليمان
ابتسمت بخفه غزل وأردفت : حركات ماعرفتك ونتي رايحه معا الحموله !!
ضحكت بخفه تصدح ضحكتها العذبه جاهله يلي يراقبها ويبتسم ، قفلت من غزل تلتفت تصتدم في شي عريض رفعت عيونها تشوفه امامها يبتسم وابتسمت من شافت غمازات يلي توها تنتبه لها ، توردت ملامحها من حست فيه يحاوط خصرها يفصل بينهم المسافات حكت رقبتها بتوتر وخجل من اردف : ارفقي بقلب يموت فيك ويعشقك يابنت شاهين ! ليه تطلعين لي بذا الجمال وانتي تدرين ان نقطة ضعفي جمالك !
صرخت ورد من شافت منظرهم اللذيذ على قلبها وحطت يدها على فمها تكتم ضحكتها من شافت ريف يلي حشرت وجهها في صدر سُليمان بحياء وخجل من ورد يلي شافتهم ابتسم سُليمان واردف : وش جابك هنا ؟
ضحكت بخفه تتقدم له توريه جوالها يلي صورتهم فيه وابتسم بخفه يشوف حبه وعشقه الواضح لها هو امامها مفضوح بحبه وعشقه لها هي ريف قلبه ومرباعه وعمره وروحه وقلبه هي هديته في ذي الدنيا وهو مايقدر يعيش من غيرها هو لقاء نصفه الثاني وتوام روحه وزوجته ومعشوقته وحرمه ، ابتسمت بخفه تشوف الفيديو يلي صورته ورد وغطت وجهها بحراج من شافت سُليمان يحاوط خصرها ويقربها له ضحكت بخفه ورد وقبل راسها سُليمان واردفت ورد : يلا انا بروح بتركم لوحدكم ، مشت من عندهم تدخّل واسرعت بتجاهه تغريد يلي كانت رايحه المطبخ وأردفت : بسم الله وش فيك تركضين ؟
ابتسمت ورد بخفه وأردفت : تكفين شوفي كي لذيذين ، فتحت لها الفيديو يلي صورته وحطت تغريد يدها على فمها واردفت : يجننون ماشاءالله كانهم طالعين من مسلسل !!
ضحكت تهز راسها ، دخلت ورد يلتفت لها وتقدم يقبل ثغرها بكل نشوُة حب وعشق وغرام ابتسمت بخجل من ابتعد عنها واسرعت تدخل داخل ، التفتت ورد على ريف يلي دخلت وجهها محمر من الخجل وضحكوا البنات تردف ريف بزعل : بنااات خلاص ترى استحي !
ضحكت ورد تغمز وأردفت : تستحين ! اجل لو صار شي ثاني وش بتسوين
توسعت عيونها تحمر ملامحها من الخجل وتقدمت تضرب كتف ورد بخفه واردفت : قليلة ادب !
، طلعت وهي شايله سناكات طلبوها منها نبراس واصيل وتقدمت تفتح الباب الفاصل بين قسم الرجال والنساء ورفعت عيونها تشوف يلي ينفث الدخان ومثبت انظاره عليه تجمدت في مكانها من شافته وهي الان مشتته وش تسوي انحنت تحط السناكات في الارض وتدخل وتقفل الباب وراها ، ابتسم بخفه من شاف توترها وتقدم ياخذ السناكات واردف : وش جوك يا نبراس بطاطس بنكه البصل ! والله انه بيصدع بروسنا من ريحته
اخذها يدخل ويحطها عند تيم ونبراس يلي متكين يلعبون بلاستيشن واخذ الكيس تيم وشاف بطاطس بنكهة البصل واردف : من ذا يلي ياكل بطاطس بنكهة البصل ؟
التفت له نبراس واردف : انا
عقد حاجبيه تيم واردف : الله يقلع كبدك يشيخ وش ذا
ضحك اصيل واردف : والله ينكم بتنصرعون من ريحته يعيال ريحته شينه الحمدلله بس على النعمة
ضحك تيم يمد يده لـ اصيل بمعنى كفك سكر انفه تيم من فتح نبراس البطاطس وهجوا تيم و واصيل  من الريحه واردف تيم : الله يقرفك ياشيخ والله ما لعب معك ، ابروح أتسبح في المسبح ابرك لي ، طلعوا تيم و اصيل بعد ماغيروا ولبسوا شورتات عشان يسبحون والتفتتوا على ذياب و سُليمان واردف اصيل : طبوا معنا في المسبح
ابتسم ذياب واردف : تم والله ما اقول لا
ضحك سُليمان ودخلوا هم بعد يبدلون وطلعوا يتسبحون معا العيال ، اخر الليل وقت قريب من اذا الفجر وهو اخر يوم لهم في الشاليه كانت جالسه امام المسبح وتتأمل النجوم والتفتت من شافت رساله تنهدت بضيق من كانت الرساله تهديد تنهدت من حست انها لازم تبعد عنه رغم حبها له لازم تبعد عنه لانها بتجيب لها الأذى ، استقامت من مكانها ومشت تشوف نفسها امام الباب الفاصل بين قسم الرجال والحريم وفتحت الباب تشوفه واقف والزقاره بين شفتيه رمى الزقارة يدعس عليها وتقدم لها يطلعون مو قسم الرجال ويقفل الباب خلفه واردفت بتوتر  : سُليمان لازم اكلمك
ابتسم بخفه واردف : سمي ياريفي وش بغيتي ؟
تنهدت بضيق وتجمعت الدموع في محاجر عيونها العسليه واردفت
،
،
لاتقصرون بـ ⭐️⭐️⭐️⭐️⭐️⭐️