1
« المدرسه ، الظهر »
زفرت بتعب تعدل طرحتها على راسها ووضعت الغطوه تغطي وجهها وتقدمت تطلع للشارع وتمدّ نظرها على الأراضي اللي تمتلي بالمزارع المتفرقه ولفت تشوف نهاية الطريق أكبر حوش حيث فيه الكثير من النخيل ولفت على اختها : امشي مافي سيارات
هزت راسها نجد تلحق أختها ومشوا يتجهون نحو الحوش الكبير و الاسوار اللي يفوقها النخل باطولة وكتفت يديها نجد من البرد : وين نايف الكلب ماجاء ياخذنا
عهد زفرت باغضب : معليه اوريه شغله في البيت النذل
مشوا ووقفوا عند السور وطل العامل الباكستاني ومباشره تعرف عليهم من شناطهم المدرسيه ونطقت عهد : أفتح البوابه حمدان
فتح البوابه ودخلوا ومشوا يتجهون لبيتهم اللي يقع في منتصف الثلاث بيوت ولفت بنظرها تشوف سياف اللي نازل من سيارته ويبين ان توه راجع من الجامعه من شنطته اللي حملها ، دخلوا عهد ونجد للبيت ودخلت عهد مباشره للصاله تفك طرحتها : وين نايفوه !
ناظرتها هند اللي تتقهوى من قهوتها اللي امامها : نايم ليه ؟
عهد خصرت نفسها بانزعاج : كلب يعني ماعنده دوام اليوم وماجاء ياخذنا من المدرسه !
دخلت نجد للصاله بعد مامرت المطبخ وبيدها علبه مويا : حسبي الله على نايف جف ريقي
هند : بيموت نايف من كثر هالدعاوي اللي طاحت على راسه
مشت عهد تشتمه وراحت لغرفتها ورمت عبايتها على سرير ووقفت امام المرايه با مريولها الكحلي ومسحت على ملامحها تهمس : هانت أخر سنه
تقدمت تسحب قميصها وتدخل للحمام وطلعت وسحبت سجادتها تصلي الظهر ومن سلمت دخلت نجد تفتح الباب : دودي
عهد فزت من فتحت نجد الباب بقوه : بسم الله ، لا شيلي الباب معك ما ابيه
تبسمت نجد : امشي الغداء امي مسويه كبسه ولا اروع
وقفت عهد تشيل سجادتها : مالي نفس نجد بنام
عبست نجد : عهد ؟ عشان بابا يالله تعالي
لفت عليها تعقد حواجبها: بابا بيتغدا معانا ؟
نجد تبسمت تهز راسها : ابشرك رجع من دوامه بدري
تبسمت تهز راسها عهد بالموافقه وطلعت نجد ومشت عهد خلفها ودخلت للصاله تشوفهم مجتمعين على السفره وتبسمت بوساع تركض لابوها تحضنه من ظهره : بابا !
ضحك ومسك ذراعها اللي تحاوط رقبه : يانظر عين بابا
ضحكت عهد ووقفت تعتدل : احلا غداء دامني مقابله وجهك
تبسم وجلست هي وناظرت نجد اللي عبست ونطقت : كأن فيه ريحه حريق ؟
حركت نجد بلوزتها تمثل انها تحتر : اف
مسكها رماح يشدها لحضنه ويبوس راسها : الا نجد قلبي ما تغار !
هند : اخلصوا تغدو ولا بتنقلب كبدي الحين واقوم من الغداء
ضحك رماح وسمو بالله وبدو ياكلون وسأل رماح : كيف الدوام اليوم ؟
تبسمت نجد : كان عندي اختبار اليوم بس ابشرك حليت فيه
—
هند : امس كله وانتي تذاكرين يا امي اكيد بتنجحين
تبسمت نجد وناظر رماح عهد اللي ساهيه وتاكل وعقد حجاجه: وعهدّ الرماح كيف يومها ؟ ماهو عاجبني هالصمت
رفعت نظرها له بانصات وتبسمت تهز راسها : حلو
رفع حاجبه رماح : عهد ؟
لانت ملامحها وناظرت الصحن : تهاوشت مع وحده اليوم ، وسجلو لي تعهد
هند : هذا تعهدك الثاني ياعهد ! وش مسويه في البنت !
ناظرتها عهد تعقد حواجبها: ماما تستاهل اللي جاها !
ناظرت ابوها مباشره اللي يستمع لها : بابا شتمتك و هديت فكها ، الا رماح العجلان محد يشتمه باوجودي
تبسم رماح يهز راسه : والنعم يابنت رماح
نجد : الصراحه تستاهل مستفزه وغثيثه
هند كشرت تناظر رماح : تبيهم يتمادون كذا وانت تعزز ؟
رماح تبسم : محد يوطى لبنات رماح طرف !
زفرت هند باغضب وكملو غداهم في ظل الصمت الغريب .
« العجلانّ ، الغروب »
جلسوا يجتمعون على القهوه يلي تُقام كل عصر وتنتهي وقت الغروب ومسح رماح على شاربه يناظر فواز : الحلال يرعاه حمدان في اليل وفي الصبح يرعونه عيالنا
فواز هز راسه : خابر يارماح خابر لكن السباع معد يخوفها الحصى في اليل نبي السلاح اللي نشم رماده ونسمع طلقه !
شرب سلمان اخر ماتبقى من الفنجال : ابوي مانقدر نسلم العامل السلاح مانثق فيه
هز راسه باقل حيله فواز وحاول يوقف : الحقو الصلاه في المسجد
فز خَلف يساعد جده ويناوله عصاه ووقفوا الرجال وطلعوا يصلون كلهم ، امتلاء الحوش بارجال العجلان يتجهون للمسجد يلي بجانبهم و من نافذه غرفتها كانت تشوفهم عهد وهي تكلم ندى : اف ندى معرف
ندى : وش اللي ما اعرف ! لو يوصل الموضوع بدق على عمي يغصبك تسجلين !
ضحكت عهد تناظر الرجال اللي في ساحة الحوش : ابوي ماله دخل انا بارغبتي ما ابغا ، الحين انتظر على احر من جمر تخرجي من الثانوي والحين تبيني اسجل في الجامعه
ندى : وين اللي كانت تقول بدخل أعلام وصحافه ؟ عهد صحصيّ !
عضت اصبعها باتفكير : بس صعبه من يوديني الاحساء ادرس
ندى : روحي مع اخوك نايف !
عهد زفرت : خلاص خلاص يصير خير باقي ثلاث شهور واتخرج ووقتها نفكر حركت عهد جسدها لجل تصد عن النافذه لكن أنشلّت رجولها ولفت مباشره من لمحت من طرف عينها خلف ولد عمها راشد وعضت شفتها تبتسم : ياربي
ندى : وش فيك ؟
تنهدت عهد تناظر خلف : خلف ياندى ، رايح للمسجد مع ابوي وعمامي
ندى ابتسمت : محافظ على الصلاة ويدرس قانون ومحترم ومايسولف واجد ، كامل والكمال لله !
عهد : آخ بس
ندى : يالله مع السلامه يالهيمانه
عهد : مع السلامة
قفلت جوالها وابتسمت تناظره حتى اختفى ورجعت للخلف وسحبت جلالها ولبست برقعها ونزلت تحت وشافت نجد في الصاله : نجوّ تروحين معي للمزرعه ؟
رفعت راسها من كتابها : اذاكر عهد
رفعت كتوفها عهد : كيفك
دخلت للمطبخ وفتحت الثلاجه وسحبت جيك سموذي التمر اللي هي تسويه وصبت لها في كاس ومشت تطلع ونطقت بعالي صوتها : نجوّ علمي ماما اني في المزرعه مع البنات
نجد : طيب
طلعت عهد ومشت بخطاها بعد ما أشتد سواد اليل تمشي في المزرعه لجل تروح للمكان اللي يجلسون فيه البنات دايم ، سمعت صوت حشرجه وتراب ينتثر دليل على ان فيه احد يلحقها وناظرت خلفها وخافت لوهله ، تعوذت من ابليس وكملت طريقها حتى مسك جلالها من الخلف وشهقت تصيح ولفت عليه ، ضحك نايف بعالي صوته وناظرته بحده تمسك صدرها : كسر يانايف
نزلت تسحب حجر ورمته عليه وفز من رميتها : هذي عشان الخرشه
سحبت حجر ثاني ترميه على كتفها ومسك كتفه بألم : وهذي عشان السحبه اللي جاتنا منك في المدرسه اليوم
نايف ضحك : عندي اوف يالجمرة ، يحق لي انام وانتو دلوعات المدرسه قدام عيني ولازم تجيبكم سيارة !
عهد عقدت حواجبها: انقلع
نايف : اخوك الكبير !
رفعت صوتها : انقلع !
هز راسه يتراجع للخلف : حاضر يالنار والشرار
خزته تبتسم ومشت تكمل طريقها وناظرت جلالها اللي انكب عليه نص السموذي بسبب رجفتها من خوفها نايف ، تقدمت للبنات ووقفت ذكرى : دودي !
حضنتها عهد وناظرتهم لميس : اسئلك بالله عهد اللي صرخ قبل شوي انتي ؟
هزت راسها عهد : نايف الكلب مسوي فيها راعي مقالب يخوفني
ضحكوا البنات وجلست تنزل كاس السموذي وسحبت صحن الحلا تاكل : وينك ذكرى اليوم ماداومتي ؟
جمان خزت ذكرى : مسويه تعبانه عند امي وغيبتها
ذكرى : اعوذ بالله من الحسد !
ضحكت عهد وسألتها ذكرى : وين نجد ؟
عهد : تذاكر الدافوره
جمان : اتركوها تذاكر البنت تبي الجامعه
ذكرى رفعت يدينها : يارب القبول في الجماعه ونروح للحساء ندرس
تبسمت عهد من امنياتهم وكملت لميس : يارب
عهد : عن نفسي بفتح مخبز في الديره وببيع مخبوزاتي
جمان : فكره حلوه بس الدراسه اولى
لميس : عادي افتحي مخبز بعد التخرج وادرسي جامعه يصير دخلك مدبّل
ذكرى : انتوا مافهموتها هي تبي تهرب من الجامعه صح عهد ؟
عهد : لا شدعوه ؟
سكتوا يناظرونها وارتبكت من نظراتهم : فكرت بس !
ضربتها لميس : ياويلك عهد
مسكت كتفها : حاضر
بدو ياكلون ويسولفون تحت النخيل العالي حتى وقفت عهد : خلاص تأخر الوقت بنات برجع للبيت
وقفت معاها لميس : حتى انا احس برجع
جمان : خلاص روحو بنقوم انا وذكرى الحين
مشت عهد تشيل كاسها الفاضي عهد : لا شدعوه ؟
سكتوا يناظرونها وارتبكت من نظراتهم : فكرت بس !
ضربتها لميس : ياويلك عهد
مسكت كتفها : حاضر
بدو ياكلون ويسولفون تحت النخيل العالي حتى وقفت عهد : خلاص تأخر الوقت بنات برجع للبيت
وقفت معاها لميس : حتى انا احس برجع
جمان : خلاص روحو بنقوم انا وذكرى الحين
مشت عهد تشيل كاسها الفاضي ومسكتها لميس من ذراعها ورفعت راسها للنجوم اللي تنتثر على بِساط السماء وتبسمت واستنشقت الهواء البارد العذب : أحب الشتاء
تبسمت عهد : أعشقه
قاطع اصواتهم صوت خطى سريعه وحست عهد من اصطدم في قدمها شي وشهقت تبتعد وشهقت لميس بخوف من عهد وناظرت عهد القط الاسود ذو العيون الصفراء وتبسمت عهد : قطوه
لميس : يمه بعديها عني ما احبها
عهد ناظرت لميس باسخريه : ياي
انحنت تمسح على راسها : أليفه ، وش جابك للعجلان ؟ اخاف يذبحونك عمامي وياكلونك
لميس ضحكت : يمكن والله
مسحت عهد على راسها وعرفت انها أنثى ووقفت ومشت مع لميس و من اقتربوا من بيت رِماح لمحت لميس اخوها خَلف اللي كان متلطم و يعدل كفر سيارته ولفت لميس لعهد : يالله باي دودي
حضنتها لميس وابتسمت عهد تحضنها : اشوفك بكرا
مشت لميس لخلف ومشت عهد للبيت وسمعت خلفها صوت مواء ولفت تشوف القطوه نفسها كانت تلحقها وميلت راسها عهد : مقدر ادخلك معي بتقتلني امي
تبسمت عهد من راودها فكره : خليك هنا
دخلت تنزع برقعها ودخلت تسحب صحن وتحط فيه تونه وصحن اخر مويه وطلعت وانحنت تمسح على راسها وهي تاكل : ياحلوك لذيذه ودي أكلك
تبسمت تتأملها وشدت على جلالها من البرد ، عهد : خليني اختار لك اسم
سكتت تفكر وابتسمت من راودها الاسم اللي مباشره افصحت به : ليلى ، لأنك تذكريني باليل
رفعت راسها توزع نظرها على البيوت وتجمدت محلّها من شافت اللي متلطم ويمسح يده من سواد الكفر وعينه ترتكز عليها ، بلعت ريقها وتراجعت للخلف تدخل وركضت تدخل غرفتها وتنفست من ركضها ومشت للنافذه تشوفه يفك لطمته ، عهد همست : خلف
تبسمت تعض شفتها ومشت تدخل تغسل يدها ..
« بيت راشد »
دخل خلف للبيت ودخل للمطبخ يغسل وسحب مويه ولف على اللي كانت تغسل صحون الحلا : من جيتي معه ؟
لميس لفت عليه تنفض يدينه من المويه : متى ؟
خلف شرب من المويه وناظرها : قبل شوي جايه مع وحده من البنات من هي
تبسمت تهز راسها وسحبت المنديل تجفف يدينها : عهد بنت عمي رماح
هز راسه ينزل الكاس ومشى لغرفته يستذكر ملامحها اللي تاخذها من ابوها رماح واجد ، أستغفر ربه وسحب سجادته يتسنن ومشى للفراش ينام لان وراه بكرا خط دوام للأحساء .
« جامعة الملك فيصل ، الأحساء »
نزل سياف من الدرج يناظر جواله بعد ماطلع من محاضرته ووقف في الكافتيريا ودق على خلف : الو
خلف : هلا
سياف : وينك ياولد خلصت محاضرتك ؟
سكت خلف شوي ونطق : ايه
لف سياف من سمع صوت خلف وراه وتبسم يضرب كتفه : يالله امش رجعنا للديره
هز راسه خلف ومشى هو وسياف يسولفون وصدمت فيه بنت وانكب المشروب الحار يلي معها على ثوبه وعبس من الآلم وشهقت : بسم الله ماشفتك !
ماناظرها يغض بصره وهز راسه وعضت شفتها تناظره وماكانت هالحادثه صدفه ابد ومشى وناظر سياف ثوب
خلف : اعدمت ثوبك
خلف : مر الصيدليه خذ لي مرهم ولا شي
هز راسه سياف ومن طلعوا سمعوا صوت البوري ولفو كلهم او بالأحرى كل الطلبه اللي كانو برا لفوا على السياره الرياضيه يلي باللون الازرق وفتح صاحبها النافذه يوقف عند خلف وسياف : توصيله ياحلوين ؟
خلف : ثمن كلامك
سياف كشر : جاك المعضل
ضحك بحر : اركبو
سياف : سيارتي هنا بنروح عليها
بحر : اركبو بمشيكم وبرجعكم لسيارتك
ناظر سياف خلف : يالله
خلف : بس تراك اللي بترعى الحلال اليوم
سياف : معليك بخلي رياض يرعاها
رفع كتوفه خلف : اليوم يومي اهم شي ما ارعاها
بحر دق بوري : اخلصوا علي !
مشى خلف يركب قدام وركب سياف ورا وحرك بحر سيارته تحت أنظار المتواجدين اللي انصدمو من السياره الفارهه ، خلف : كيف حال عمي ؟
هز راسه بحر : طيب الحمدلله
عقد حجاجه سياف من شاف تحت المرتبه شي يلمع وسحبه يناظر وفتحه يشوف الروج الاحمر وعقد حجاجه يعرف انه للبنات لكن مايعرف شغلته ، مد يده سياف قدام وجه بحر : تركب معك بنات يالسلتوح ! قد عرفت ان المدينه بتلعب في عقلك
عقد حجاجه بحر يشوف الروج اللي يكون حق ندى لانه هو بنفسه شراه لها هدية لانها تحبه وسحبه من سياف بعنف : كل تراب سياف
سياف : تعقب !
تبسم خلف يصد يناظر ملامح الأحساء المليحه اللي يحبها قلبه ويحب شوارعها بتفاصيلها ، لف بحر على خلف اللي ساهي يناظر الشباك : ياولد شفيه ثوبك ملعوب فيه ؟
ناظر خلف ثوبه من تذكره ونطق سياف : صدمت فيه بنت وانكب كاسها عليه
بحر رفع حاجبه : حب من اول سكبه !
خلف ناظره بحده وتنحنح بحر : تفطرون ؟
هز راسه خلف ومشوا يوقفون عند مطعم ونزلوا يفطرون
« مجلس فواز »
يفطرون على السفره و رفع راسه فواز لراشد : وين العيال ماهم مفطرين معنا ؟
راشد رفع نظره على فواز : باقي مارجعو
عقد حجاجه فواز : باقي ماخلصو ؟
سلمان : بيفطرون في الحساء ارتاح يبه تو سياف مكلمني
هز راسه فواز ودخل رياض للمجلس بيده ذيب ميت وفز سلمان : اسلم !
تبسم فواز : هذا رياض الخير !
رياض : لقيته يدور عند اسوار الحوش وانا راجع وطاح في يدي !
رماح : تعال افطر يالمهايطي
تبسم رياض : افا عمي
طلع رياض يرمي الذيب عند باب مجلس فواز ورجع يدخل باثوبه اللي يمتلي دم وناظره ابوه : رح تروش وانا ابوك
رياض : باخذ بيالة شاهي
صب له منيف ووقف معه يعطيه : خذ
سحبه من منيف ومشوا يطلعون برا المجلس ، تنحنح فلاح يدخل للمجلس يجهر باصوته : السلام عليكم
فواز ابتسم : وعليكم السلام يامرحبا
تقدم وقبل راس فواز وراس ابوه وجلس يحط شماغه على راسه بعشوائيه : كيف حال الشايب
فواز : بافضل حال !
رماح : من وينك جاي وانا ابوك ؟
فلاح : من السوق ، بعت لي عددٍ زوين
رماح : تمر ولا رطب ؟
فلاح : تمر البلح الاسبوع الجاي أن شاء الله
فواز : احسنت وانا جدك احسنت !
فلاح تبسم يهز راسه ووقف ووقف خلفه رماح ولحقه حتى طلعو ونادها : فلاح
لف فلاح عليه : سمّ
رماح : ترانا ابطينا على الرجال وانا ابوك متى بتمّلك ؟
زفر فلاح بضيق : بروح أرتاح يبه
رماح سكت ومشى فلاح يبغض هالطاري وكونهم يبون يزوّجونه غصب ودخل للبيت ودخل للصاله : أرحبي
تبسمت هند : البقى
باس راسها ووقف : بروح ارقد شوي لا منه أذن قوموني
هند هزت راسها : ابشر يا أمي
مشى فلاح لغرفته وقابلته في السيب نجد ومشت تتخطاه ماتكلمه وعقد حجاجه يناظرها ورفع صوته : شفيها نجد القلب زعلانه ؟
مشى لغرفته ودخلت للصاله : مسوي مايعرف وهو مواعدني ياخذني معه للسوق !
هند ابتسمت : يمكن نسى ولا انشغل وانتي عارفه السوق كله رجال
جلست تكتف يدينها : مو عذر امي
هزت راسها هند : معليك بيوديك معه الاسبوع الجاي تعرفين فلاح يحبك
تبسمت تهز راسها : نشوف
وقفت نجد تمشي لعهد اللي كانت في المطبخ تعجن عجينتها على الطاوله وترش الطحين ومشمره اكمامها وجلست نجد عندها : وش غدانا اليوم !
عهد تبسمت : تعلمت على البيتزاء !
نجد : الله دودي احس بتطلع رهيبه
عهد هزت راسها : أزهليني
جلست نجد تسولف مع عهد وشالت عهد البيتزاء تحطها في الفرن وجلسوا ينتظرونها تجهز ، دخلت هند عليهم في المطبخ : وحده منكم تقوم تروح تجيب الاغراض من بيت عمكم راشد
عهد : اغراض وشو يمه ؟
هند : عمتكم فهده جايبه لي جلابيات من الاحساء
عهد وقفت تنفض كفوفها : انا بروح
نجد : لا لا انا بروح اجلسي عند البيتزاء حقتك
عهد : انا بروح باقي على البيتزاء وقت ودي اطلق رجولي شوي
