تصلي وجلست على سريرها تأبى النزول ومقابل وجهة بعد اللي حصل امس ودقت عليها الخادمه ودخلت : بابا خلف كلام انتي
ناظرتها تسكت وطلعت الخادمه ومسكت عهد يدينها تحاول تهدي ربكة جوفها ورجفتها ووقفت تمشي وتنزل تحت تشوفه مشمّر اكمامه في المطبخ ويطبخ لهم الفطور وعقدت حواجبها تناظره وشال البيض للصحن ونطق مايناظرها : صباح الخير
هزت راسها تسكت ورفع عينه يسمع سكوتها وهي رايحه لطاولة الطعام وجلست تخلخل يدينها بشعرها يلاحظ ربكتها الواضحه وتقدم لهم بصحون الفطور ينزلها على الطاوله وجلس وبدو ياكلون بهدوء ولا يبي خلف يرجع لموضوع امس لانه يحس أنه اثر عليها وناظر كيف تحرك الاكل بصحنها تأبى اكله وناظر صحنه : اكلي التجويع مابيفيدك
ناظرته تفهم انه لاحظها وناظرت صحنها ووقفت : شبعانه
وقف اكله يشوفها تغادر وهز راسه بقل حيله بين الوف الحواجز يلي بينهم ويحس انه تهوّر واستعجل لكن كانت اللحظه تستحق بالنسبه له وإقدامه على خطوه مثل هذي تُعتبر عن الف خطوه ، شافها نازله بعبايتها وناظرها تغادر البيت وطل من الزجاج الكبير سياره ندى وركبت عهد وناظرتها ندى اللي تفتح ثَغرها بندهاش ، ماناظرتها عهد تنفجر من خَجلها ويرتعد داخلها وشغلت سيارتها ندى تحرّك ولفت على ندى : ممكن افهم ؟
عهد ناظرت الطريق : كل شي واضح مافيه شي ينفهم
ندى شهقت : قعدتي معه ليله ..
لفت عليها عهد بحدّه : لا ندى !
زفرت ندى: اشوى
ناظرت الطريق عهد بهدوء ومشت ندى للعجلانّ ..
نزلت عهد تدخل بيتهم وتجرّ خطاها من تعبها وعدم نومها ليله امس ودخلت للصاله يبتسم رماح : عهد الرماح !
لفت عليه ومن لمح كحلها اللي سال من دمعها نطق : افا حاصل شي وانا ابوك ؟
هزت عهد راسها بالنفي : بروح انام
سكت رماح مايبي يزيد عليها اللي هي به ونزلت راسها هند تدعي ماصار شي بينما وقفت مباشره خلفها نجد ودخلت معها الغرفه ورفعت حواجبها بندهاش من شافت عهد ترتدي بلوزه مو بلوزتها ولانها راحت بفستان خلا نجد تلاحظ ولفت عليها عهد من سمعت سكوتها : وبعدين ؟
نجد ناظرت جسم عهد : ولا شي، شفيك معتفسه ؟
ناظرتها عهد ومسكت بلوزته من حسته على جسمها وبلعت ريقها : مافي شي اطلعي نجد ابي انام
هزت راسها نجد : براحتك
طلعت نجد من عندها وجلست عهد تناظر بلوزته عليها وتنهدت من الامور تتراكم عليها ، ووقفت تنزعها وتبدل ملابسها ..
« الشركه الاعلاميه »
كانت تتوسط مكتبها وبعد مانتهت من عملها تفرّغت لجوالها اللي تناظره وفتحت المقطع اللي كان من أمسية النمريّ البارح تستمع لألحان القصيد وعذب الحكي : عطيني حلمي اليله وخلي اللي يجي باكر ، انا مدري عن الايام والي فالزمن باقي ، تحينت الامل لين جابك الامل عندي وانا صابر ، تغافلت الحظوظ بدرب نامت فوقه اشواقي ، ابي قربك دامه تهيّالي وانا حاضر ، اوريك الغرام الي ربى في داخل اعماقي ، لأنك في الهوى نعمه تجي للحامد الشاكر ، لو انك فاللقى ايّست قلبٍ في طيبتك هاقي، تدري بترك عتابي وادوس بالضيق واكابر ، بقول ان فدوتك قلب المحب الطيب الشاقي ، وبصدق موعد اللقيا اللي من قلب باكر
قفلت جوالها من سمعت قصيد وابياته اللي قالها قبل تلامس الارواح ووقفت تسحب شنطتها لجل تطلع ونزلت تلمح السياره السوداء ومباشره تنهدت تدري انها سيارته ومشت تركب معه ولا ناظرها ينظر للاوراق يلي بين يده ونطق : جاهزه ؟
هزت راسها تسكت تناظر للطريق وناولها الاوراق اللي تحتوي على الخطه كامله وسحبتها تقرا وناظره الكلام : حرس ؟
هز راسه خلف ونطقت : يخسى يلمسني
خلف : مافيه خلاف الحرس للاحتياط
ناظرته وناظرت الاوراق ووقف هو عند مخبزها ونزلت منه ولفت قبل تنزل : اليله ؟
هز راسه يناظرها : انتبهي على جمر الغضى لا ينطفي
هزت راسها تناظره تفهم من كلامه ومُختصره " انتبهي على نفسك " ومشت تدخل المخبز وفصخت عبايتها تستغفر ربها وارتجف جسدها يفز من طلعت ندى من المطبخ : عهد وين النوتيلا
مسكت صدرها عهد : وجع
ضحكت ندى بعلو صوتها ومشت لها عهد تشمر اكمامها تنطق ندى : من جابك
سكتت عهد ماترد وميلت راسها ندى من استوعبت : سعادة السفير !
ساكنه ملامح عهد ماتحب ربطهم المستمر لها به هو وطلعت العجينه ولفت على ندى : وش تبين
ندى : بيتزاء
هزت راسها عهد وطلعت ندى تجلس برا تناظر جوالها وطلعت عهد تنشف يدينها بعد ماحطت البيتزاء في الفرن وجلست بجنب ندى اللي نطقت توري عهد الجوال : شوفي مزايين الابل بروح لها بكرا الصبح
عهد ناظرتها : ليه ؟
ندى : المدير ممسكني اكتب تقرير عن رجّال راعي ابل ودايم يفوز في المزايين ويبوني اعرف من هو
عهد : انتبهي ترا الموضوع خطير
ندى عضت شفايفها : للأمانه خايفه من الابل اكثر من الرجّال اللي بصوره
تبسمت عهد تشوف مكان مباشرة ندى ..
غربت الشمس تعلن حلول ادجن اليل واسوده ومشت لدبابها تركبه وترتدي خوذتها وشدت عليه ينطلق لوجهتها ، نزلت عند مخبزها وطلعت مبدّله ملابسها لعبايه وشنطه فاخره ومشت تركب مع السواق اللي ارسله خلف ووقف عند احد المقاهي ونزلت تمشي ومشت للي شافته يجلس ينتظرها وجلست قدامه : السلام عليكم، بهاج ؟
هز راسه وهي تلمح الحركات العشوائيه البينه فيه دلاله تعبه النفسي الواضح وجلست : كيف حالك ؟
هز راسه : بخير
