ذكرى مشت : بعلم ابوي
مسك ذراعها رياض : ذكرى بنت
لفت تناظره : بعدين انت غبي ؟ وش هالممرضه اللي بتطلبك تقابلها في مستشفى ؟ قليل ادب وغبي
رياض حك جبينه : اسمها روز
ذكرى : مافيه في المستشفى كله وحده اسمها روز الا ممرضه فلبينيه
رياض بصدمه : اسئلك بالله !
ضحكت ذكرى تمسك راسها وعضّ شفته : طيب من كان يراسلني
رفعت كتوفها ذكرى تمشي : مشكلتك
تنهد رياض بحيرة ومشى يتمتم مع نفسه ووقف عند ركن القهوه واخذ كاس يحطه بالأله وحاول يضغط الازرار لكن ما اشتغلت وشتمها من يومه السيئ ومشى لآله البيع ودخل فيها الريال لجل يشتري ، ماتحركت الآله ومسك راسه : الله يقلعك
ضربها برجله ووقف يناظرها ، شاف اليد اللي انمدت وضغطت زر ونزل له البطاطس وعقد حواجبه يناظر البنت المحجبه وهز راسه وسحب البطاطس وناظرها : شكراً
هزت راسها تشغل الالة القهوه وعقد حواجبه من اشتغلت ونطق : كيف شغلتيها ؟
ناظرته وناظرت الآله تعلمه الازرار وهز راسه : لا بين يومي شين
ناظرته بإستغراب وناظر اناقتها وشكلها وصدت تمشي ورفع حواجبه بذهول : ول
تكلم سياف من خلفه : وش ول
فز رياض يلف : ياخوي انت ماتعرف تعطي الناس خبر انك جيت وتترك طبع الجني ذا
ابتسم سياف : وش تسوي في المستشفى ؟
ابتسم رياض : جاي اتسوّق
مشى رياض وناظره سياف بنقد ومشى لغرفة فواز
طلعت من المطبخ بعد ماتركت المخبوزات في الفرن ورقت فوق وفتحت الباب عليه : يلا الفطور
ناظرها خلف : ماقلت لك لا تطبخين بنفطر في بيت جدي
ابتسمت عهد : طيب بنفطر في بيت جدك انزل اشوف وجهك
ابتسم يقفل الكبك ومشى خلفها ودخلت هي المطبخ تطلع المخبوزات وتصفّها في صحن وغطته وطلعت له : انتبه للاكل بروح البس عبايتي
هز راسه وتقدم يفتح الصحن واخذ حبه ونزلت تشوف فمه مليان : ماتقدر تصبر ؟
هز راسه بالنفي : مقدر اصبر على اكلك ولا على الكيكه اللي ببطنك
ابتسمت تناظره : تظنه كيكه او كيك
ابتسم خلف ومسك خصرها يفهمها : اللي يجي راضي به
ابتسمت تشيل الصحن ومشى معها وطلعوا يمشون مع بعض ودخلوا بيت فواز وطلعت سلمى من غرفتها تشوفهم وابتسمت : ماشاءالله تبارك الرحمن الله لايضركم
ابتسم خلف وناظر عهد اللي تحت جناحه وناظر سلمى : ابوي موجود ؟
هزت راسها سلمى : ابوك ورماح
عهد : وعمي دخيل و سلمان ؟
ناظرتهم سلمى تتبدّل ملامحها : عند ابوي
تنفست عهد ضيقها وتقدمت تحضن سلمى : معليك عمه أن شاء الله بيطلع سليم
هزت راسها سلمى ومشوا يدخلون الصاله وناظرها رماح وسلمت عليهم وايضاً خلف وجلسوا على سفرة الفطور ودخل نايف يبي يجلس وناظره رماح : ليه مانت عند جدك
ناظره نايف : اليوم ماخذ اجازه والدكاتره عنده معليك
رماح بغضب : وانا وش موثقني في الدكاتره ؟ رح اجلس مع جدك
زفر نايف بتعب ونطقت عهد : مايحتاج ابوي خله يفطر ويرتاح اليوم ترا كلها يوم ماتفرق
ناظرها رماح وناظر خلف وهز راسه نايف : معليك عهد
ناظرته عهد ومشى نايف يطلع بعد ماكان ينوي يفطر لكن لبّى مطلب رماح وزفرت عهد بإنزعاج من التوتر الحاصل وهي ماتلوم ايٍ منهم لكن تسكت ، نطق راشد : وينه منيف
ناظره خلف من استوعب انه يكلمه : مداوم
هز راسه راشد وشرب من كاسه ونطقت سلمى بإسى : من يوم توفت هيله والمشاكل تلاحقنا
ناظرها رماح يشوف نظراتهم ونزل عينه في الارض وسكتت عهد بغضب وناظرها خلف يحس بغضبها من نظراتها ومسك كفها وناظرت كفه وعيونه ..
وقف عناد بجانب ندى يناظر فواز على سريره ولف يناظرها : بروح
ناظرته ندى : وين ؟
تنهد عناد : ابوي .. اذا سمح
مسكت ذراعه : بروح معك
هز راسه بالنفي : لا ندى
ناظرت عيونه ندى : عناد
هز راسه بالنفي القاطع : لا
تنهدت وهزت راسها : تمام نزلني عند ماما اسلم عليها
هز راسه ومسك كفّه ومشوا يطلعون من المستشفى ، قابلهم رياض ومشى يتعداهم لان عناد ماعرفه لكن ندى عرفته وابتسمت ورفعت الكاميرا تصوره وارسلته لذكرى وجمان وناظرها عناد : من ذا ؟
ندى وهي تناظر جوالها : رياض ولد سلمان عمي
هز راسه : شبّهت عليه
دخل رياض يحرك عود الاسنان بفمه بعشوائيه ويمشي ومشى يركب الاصنصير لجل يرقى لدور جده فواز وشافها من مشت ووقفت بجنبه ، ناظرها بطرف عينه يلمحها وتعرّف عليها مباشرة وماكانت تناظره وتنحنح يرزّ أكتافه ولا ناظرته وتنهد من شافها طلعت من الاصنصير ومشى خلفها وشافها اتجهت يساره ولحقها ومشى خلفها وشافها دخلت غرفة تنويم ، وقف يناظر من اختفت وهمس : عينها مليانه
تأفف ومشى يرجع ورا ورجع لغرفة فواز يراقب حاله ولف على دخيل اللي كان جالس وجلس بجنبه : معليك عمي إن شاء الله مستبشرين فيه خير
ناظر دخيل وسكوته يشوف حاله ولف يناظر غرفة فوّاز ..
