မနက်ခင်းရောင်နီဟာ ပြတင်းမှန်ကတဆင့် အခန်းအတွင်းသို့ ဖြာကျလာသည်။ဆောင်းဝင်စဖြစ်နေသောမနက်ခင်းကအနည်းငယ်စိမ့်သောငြား အပူဓာတ်လေးနွေးနွေးတော့ကျန်နေသေး၏။နေရောင်ခြည်သည် မနက်ခင်းကိုနွေးထွေးစေသလို မိသားစုလေးတစ်စုကိုလည်း နွေးထွေးစေပြန်သည်။
ကော့ညွှတ်နေသော မျက်တောင်တို့သည် နေမင်း၏ကျီစယ်မှုကြောင့် တဖြတ်ဖြတ်ခပ်လာသည်။
"အင်းးးးးးး"
အိပ်ရေးမဝသေးသော ကလေးတစ်ယောက်လို ညရောင် သည် သံရှည်ဆွဲကာ လူးလိမ့်လာသည်။
"မွ"
ပါးပြင်ထက်ဆီသို့ကျရောက်လာသော နှုတ်ခမ်းသေးသေးလေးဆီက အနမ်းတစ်ပွင့်။
ထိုအထိအတွေ့ကြောင့် ညရောင်ပြုံးကာ မျက်လုံးများပွင့်လာရသည်။
"မောနင်း ပါးပါး "
ညရောင်၏မထွက်သေးသော ဗိုက်လေးကိုပွတ်ကာ တဖွဖွနမ်းနေသော သားငယ်ဖြစ်သူကို ညရောင် သဘောတကျပြုံးကာကြည့်မိသည်။
ပြွတ်
"မောနင်း ညီညီယေး "
ဗိုက်ထဲက ကလေးလေးကိုပါ နမ်းနေသော ညရောင်ကမ္ဘာလေးကို ညရောင်မှာအသဲတယားယားဖြင့်သာ။
အခုဆို ညရောင်လိုချင်တဲ့မိသားစု ဘဝလေးကို ညရောင်ရပြီလေ။ ချစ်ဖို့ကောင်းတဲ့ သားလေးရယ်၊
မြတ်နိုးရတဲ့မောင်ရယ်၊ လူ့လောကထဲရောက်မလာသေးတဲ့ ဟော့ဒီ ရင်သွေးလေးရယ် ။တွယ်တာစရာသံယောဇဉ်လေးတွေတစ်စထက်တစ်စပိုများလာတော့ ညရောင်မှာ ယောကျာ်းကြီးတန်မဲ့ မျက်ရည်ဝဲရပါသေးတယ်။
"ရောင် ဘာလို့မျက်ရည်စတွေဝဲနေတာလဲ"
ရေချိုးခန်းထဲက အပေါ်ပိုင်းဗလာနဲ့ထွက်လာသော ဦးစေက ကပျာကယာဖြင့် ညရောင်အနားရောက်လာသည်။
"မောင် ဘာလုပ်ပေးရလဲ ဟင် ရောင်လေး"
"ညယေး ဘာယုတ်ပေးရမလဲ ဟင် ပါးပါး"
ဒီသားအဖ လိုက်လည်းလိုက်တဲ့ သားအဖ ။ အဖေရော သားရော မျက်နှာငယ်လေးတွေနှင့် ချစ်စရာကြီးတွေပင်။
ŞİMDİ OKUDUĞUN
My Dear Second Husband
RomantizmStart date : 22.3.2023 male pregnant ပါတာကြောင့် သဘောကျမှဖတ်ပါနော် ဤfiction ထဲရှိအကြောင်းအရာများသည် စာရေးသူ၏စိတ်ကူးယဉ်မှုသက်သက်သာဖြစ်သည်။