Unicode
"King .. သူတို့တွေ ထပ်ဝင်လာပြန်ပြီ .. ကျွန်းရဲ့ တောင်ဘက်မှာ စခန်းချမယ်ထင်တယ်"
ဂျီယာရဲ့ လျှောက်တင်မှု .. သူ စိတ်မသက်သာစွာ မျက်မှောင်ကြုတ်လိုက်သည်။
သူတို့ဆိုတာ .. ဂျမဆာ၊ မန်ညာဂျု၊ ယူရေတိုးယံ .. ကမ္ဘာ့ထိပ်တန်းနိုင်ငံကြီး သုံးနိုင်ငံ .. ကမ္ဘာ့အစိုးရအဖွဲ့စည်းဟုလည်း ခေါ်တွင်သည်။
အီနာဂါဆန်မှာ အခြေစိုက်တဲ့ ကမ္ဘာ့အစိုးရအဖွဲ့စည်းရဲ့ရုံးကို Jeon Prince ဖျက်ဆီးပြီးတဲ့နေ့ကစလို့ သူတို့တွေဟာ အီနာဂါဆန်ရဲ့ နေရာအနှံ့သို့ တစိမ့်စိမ့်ဝင်လာကြသည်။
"ငါ ... သူတို့နဲ့ သွားတွေ့မယ် ဂျီယာ"
တွေ့မှ ဖြစ်မှာ ..သူတို့က တိုင်းပြည်ထဲကို တရားဝင်လမ်းကြောင်းက ဝင်လာတာ နည်းနည်း၊ ပုန်းရှိုးကွယ်ရှိုးဝင်လာတာက များများ။
သူတို့ ဘာကိုရည်ရွယ်နေသလဲဆိုတာ သူ ရိပ်မိသယောင်ရှိလာပြီ .. ဘာလို့ဆို Jeon Prince နဲ့ ပတ်သက်ပြီး ဘာမှမတုံ့ပြန်ပဲ ကမ္ဘာ့အစိုးရက ငြိမ်သက်နေခဲ့ပြီး အဲ့ဒီအစား သူ့နိုင်ငံထဲ တစိမ့်စိမ့် တိုးဝင်လာတာ။
စစ်ဖြစ်ချင်နေတာလား .. Jeon Prince ဒီကို ပြန်လာမယ်ဆိုတာကို သူတို့ တွက်မိလေသလား .. ဒီလိုနှင့် သူ့နိုင်ငံဟာ စစ်မြေပြင်ဖြစ်လေတော့မလား ..။
ဒီရက်ထဲ ခပ်စိတ်စိတ်ကို အီနာဂါဆန်ရဲ့နိုင်ငံတစ်ဝှမ်းမှာ မျက်နှာစိမ်းတွေ မကြာခဏတွေ့လာရပြီဆိုတာမျိုးတွေ သူ တောက်လျှောက် အစီရင်ခံစာတွေ ရနေသည်။
ဒါ လုံးဝ ပုံမှန်အခြေနေမှ မဟုတ်တော့တာပဲ။ ဒါကြောင့်လည်း ဂျီယာ့ကို သူ တိတ်တဆိတ် နိုင်ငံအဝင်အထွက်တွေကို စောင့်ကြည့်ခိုင်းထားတာ။
သူတို့ရဲ့ ဉီးတည်ချက်ကို မသေချာသေးတာမို့ နိုင်ငံအဝင် တင်းကြပ်တာမျိုး မလုပ်သေး။ လောလောဆယ် နိုင်ငံက စီးပွားရေးအရရော ဆိုးဆိုးဝါးဝါး ကြပ်တည်းနေတာမို့ ဝင်ငွေရအောင် လွှတ်တော့လွှတ်ထားပေးမိသည်။
သို့ပေမယ့် ဒီနေ့တော့ သူတို့နှင့် တိုက်ရိုက်တွေ့ဆုံစကားပြောမှ ရတော့မည်။
