Unicode
"Jeon Prince !!"
"ဟေ့ .. ဒီမှာ တစ်ယောက်လောက် လာကြည့်ပေးပါ ကျေးဇူးပြုပြီး .. သူ သွေးထွက်လွန်နေပြီ"
"Jeon Prince .. Jeon Prince .. မင်း သေလို့မဖြစ်ဘူးဆိုတာ သိတယ်မလား .. မင်းက ကမ္ဘာကို သိမ်းမယ့်ကောင်လေ .. ဒီလောက်နဲ့ မင်းသေလို့မဖြစ်ဘူးဆိုတာ သိတယ်မလားလို့ .. !!"
တကယ်ကို အရူးမီးဝိုင်း သူ့ရှေ့မှာ လဲကျသွားတဲ့ Jeon Prince ကို ကြည့်ကာ ပါးစပ်က တောက်လျှောက်အော်နေမိသည်။
Jeon Prince လဲကျပြီး သတိလစ်နေတာ နာရီပေါင်းများစွာရှိပြီ။ Jeon Prince ဆီက သွေးတွေက အထွက်လွန်ပြီး စီးလာတာ သူ့ရှေ့ရောက်တဲ့အထိ။
လက်ပြန်ကြိုးများ တုပ်ခံထားရတာကြောင့် Jeon Prince ကို သူ ထိတွေ့ခွင့်တောင်မရပါ။
သွေးထွက်လွန်နေကြောင်း လာကြည့်ပေးဖို့ အစိုးရဘက်ကလူတွေကို အာခေါင်ကွဲမတတ် သူ အော်ဟစ်နေပေမယ့် ဘယ်သူမှ ဂရုမစိုက်ကြ။
ရက်အတော်ကြာ တိုက်ပွဲကြီး ပြီးသွားခဲ့ပြီဆိုတော့ တိုက်ခိုက်ရေးသမားတွေ အတုံးအရုံး အနားယူနေကြလို့ အလောင်းတွေတောင် မရှင်းနိုင်ကြသေးပါ။
သူ့မျက်ရည်ပူတွေဟာ Jeon Prince သူ့ဆီ လှမ်းလာတည်းက တောက်လျှောက်ကျနေတာ မရပ်တော့ ..။
"ဘာကြောင့်များ ပြန်လာခဲ့ရတာလဲကွာ .."
မချိတင်ကဲရေရွတ်မိရင်း မျက်ရည်တွေထပ်ကျလာပြန်ပြီ။ Jeon Prince သူ့ဆီ လာလိမ့်မယ်လို့ သူ တကယ်မထင်ထားပါ။
အစိုးရလူတွေ သူ့ကို ရှာတွေ့ပြီး ဖမ်းခေါ်သွားတည်းက သူ သေမယ်လို့ပဲ တွက်ထားတာ။
ဒီလိုမျိုး Jeon Prince ကို မျှားခေါ်လိမ့်မယ်မှန်း သူ တကယ်မထင်ထားခဲ့ .. ခေါ်ရင်လဲ Jeon Prince လာမယ်လို့ တကယ် မထင်ရဲခဲ့ပါ။
ဘာလို့ဆို Jeon Prince အပေါ် သူ လုပ်ခဲ့တဲ့လုပ်ရပ်တွေအတွက် သူ့ကို Jeon Prince မုန်းနေမယ်လို့ ထင်ခဲ့တာ ..။
"Jeon Prince .. မင်း တကယ်သေလို့မရဘူးနော် .. မင်းငါ့ကို သတ်မယ်ဆို"
တကယ်လည်း အခုချိန်မှာ Jeon Prince က သူ့ကိုသတ်မယ်ဆိုရင်တောင် သူ လည်စင်းပေးလိုက်မိတော့မှာ။
