Unicode
"နားလည်ပေးပါဗျာ .. ကျွန်တော်တို့ တကယ် အဆင်မပြေတော့လို့ .. ခင်ဗျားတို့နဲ့ လက်တွဲဖြုတ်ခွင့်ပြုပါ"
"ဟုတ်ပါပြီ .. ဒီလိုဆိုလဲ"
သူ ပင့်သက် အသာရှိုက်မိသည်။ ဒီရက်ထဲမှာ သူတို့နိုင်ငံနဲ့ စီးပွါးရေး ကုန်သွယ်ရေး စသဖြင့် ဆက်စပ်နေတဲ့ နိုင်ငံတွေအကုန်နီးပါးဟာ ရပ်လိုက်ကြဖို့ နှုတ်ထွက်ဖို့ အပြိုင်အဆိုင် ဆက်သွယ်လာကြသည်။
ဒါမျိုးတွေ ဘာကြောင့်ဖြစ်သလဲ တွေးနေဖို့တောင်မလိုပါ။ Jeon Prince က ကာတီနာလက်ထပ်ပွဲမှာ တစ်ကမ္ဘာလုံးကို ကြေညာခဲ့သည်မလား ..။
"အီနာဂါဆန်နဲ့ ပတ်သက်နေတဲ့နိုင်ငံတွေ သုံးရက်အတွင်း ရပ်လိုက်ပါ .. မဟုတ်ရင် ကျုပ် အကုန်လုံးကို တိုက်မယ်"
Jeon Prince ရဲ့ စစ်ကြေညာသံကို သူ့နားထဲက ခုထိ မထွက်သေး။ သူ ကြေညာပြီးတဲ့နေ့က စလို့ အီနာဂါဆန်မှာ အဘက်ဘက်က ကြပ်တည်းလာသည်။
ရာနာတောင်မှ သူတို့နှင့် မဟာမိတ်ဖျက်သွားပြီ။ Jeon Prince ရဲ့ အရှိန်အဝါ ဘယ်လောက်ကြီးသလဲဆိုတာ မေးနေဖို့တောင်မလိုတော့။
အဲ့ဒီနေ့က ကာတီနာနိုင်ငံကို ဝင်စီးနင်းပြီး စစ်ပွဲဖြစ်တာ (၅) ရက်ကြာပြီးနောက်မှာ ကာတီနာရဲ့အဓိကမြို့တော် ဆန်ဖနီကို Jeon Prince ရသွားသည်။
တဖြည်းဖြည်းချင်း ၁၀ ရက်အတွင်းမှာ ကာတီနာနိုင်ငံတစ်ခုလုံး Jeon Prince လက်အောက် ရောက်လာသည်။
Jeon Prince ရည်ရွယ်ခဲ့တဲ့အတိုင်း ကာတီနာစစ်ပွဲအပြီးမှာ ကြီးမားတဲ့အပြောင်းအလဲကြီး ဖြစ်ပေါ်လာခဲ့သည်။
"စစ်ဘုရင် အိမ်ရှေ့စံ Jeon Jungkook မှ အီနာဂါဆန်ဘုရင် Kim Taehyung အား သူ၏ကြင်ယာလောင်းဟု ကြေညာ"
ထိုသို့ ခေါင်းစဉ်သတင်းနှင့်အတူ ကမ္ဘာ့သတင်းစာရဲ့အရှေ့စာမျက်နှာမှာ သူ့ကို Jeon Prince နမ်းနေတဲ့ပုံက ကြီးကြီးမားမားကို ပါလာသည်။
အီနာဂါဆန်ပြည်သူတွေအကုန် တုန်လှုပ်ကြသည်။ တခြားနိုင်ငံတွေက အီနာဂါဆန်ကို အဆက်အသွယ် မလုပ်ကြတော့။
ဘယ်သူက လုပ်ရဲပါ့မလဲ .. ကမ္ဘာ့နိုင်ငံတစ်နိုင်ငံဖြစ်တဲ့ ကာတီနာနိုင်ငံက Jeon Prince လက်အောက် ရောက်သွားပြီ။
