Unicode
"တိုတိုဖယ်နိုင်ငံ၏ အိမ်ရှေ့စံ Jeon JungKook နှင့် ကာတီနာနိုင်ငံ၏ မင်းသမီး James Masha တို့ရဲ့လက်ထပ်ပွဲအား လာမယ့်ဖေဖော်ဝါရီလ ၁၄ ရက်နေ့တွင် ကာတီနာနိုင်ငံရဲ့ ဆန်ဖနီမြို့ တော်ဝင်ဥယျာဉ်မှာ ကျင်းပသွားမှာ ဖြစ်ကြောင်း"
သတင်းစာကို သူ ပိတ်လိုက်သည်။ တီဗီပဲဖွင့်ဖွင့် ရေဒီယိုပဲ ဖွင့်ဖွင့် တောက်လျှောက်လာနေတာ ဒီသတင်းတွေချည်းပဲ ..။
သို့ပေမယ့် ဒီလက်ထပ်ပွဲနှင့်ပတ်သက်ပြီး သူ လစ်လျုမရှုနိုင်ပါ .. မြင်သမျှ ကြားသမျှကို မကျော်ပစ်ပဲ အကုန်နားထောင်နေမိတာ ..။
ဖေဖော်ဝါရီ ၁၄ ရက် .. ချစ်သူများနေ့လို့ သတ်မှတ်ထားတဲ့ရက်မှာ ချစ်သူမဟုတ်တဲ့နှစ်ယောက်က လက်ထပ်ကြမယ်တဲ့လား ..။
"King .. ရာနာဘုရင် ရောက်လာပြန်ပြီ"
ဂျီယာက သူ့ကို အပြေးလာပြောသည်။ ဘာလို့ဆို ရာနာဘုရင်က ဒီရက်ထဲ သူ့ဆီ ခပ်စိတ်စိတ် လာနေတာကိုး။
"King Taehyung .. လက်ထပ်ပွဲက ဖေဖော်ဝါရီ ၁၄ မှာ လုပ်မှာတဲ့လေ"
ဝင်ဝင်လာချင်းပြောတာ Jeon Prince တို့အကြောင်း .. ရာနာဘုရင်ကြည့်ရတာ ဒီလက်ထပ်ပွဲကို အတော်စိတ်ဝင်စားနေပုံ။
"ကျွန်တော် အခုပဲ မြင်ပြီးပါပြီ"
သတင်းစာကို မေးဆတ်ပြကာ ပြောလိုက်တော့ ရာနာဘုရင် Shin က ..
"ခင်ဗျား ဘယ်လိုမှ မနေဘူးလား .. ခင်ဗျား ဘာမှ မခံစားရဘူးလား"
"ကျွန်တော်က ဘာအတွက် ခံစားရမလဲ"
"ဟာ .. ဒါက ခင်ဗျားကို ချိုးဖဲ့တာပဲလေ King Taehyung .. Masha နဲ့ ခင်ဗျားအကြောင်းကို တလောကလုံးသိပြီးကာမှ ဒီလို လုပ်သွားတာ"
ရာနာဘုရင်က ထူးတော့ထူးဆန်းသည်။ သူနှင့် Masha လက်ထပ်ပွဲပျက်သွားတာကို သူ့ထက်တောင် မခံမရပ်နိုင်ဖြစ်နေတာ။
"King Taehyung .."
ရာနာဘုရင်က သူ့ကို သေချာကြည့်ရင်း ..
"ခင်ဗျား အဲ့ပွဲကို ဖျက်ချင်လား .. Masha ကို ခေါ်နိုင်ဖို့ ကျုပ် ကူညီပေးမယ်"
သူ ခေါင်းကို ခါရမ်းလိုက်သည်။
"ကျွန်တော် မလုပ်ချင်ဘူး .. Masha နဲ့ ကျွန်တော် ကံမပါလို့ပဲ မှတ်ပါတယ်"
YOU ARE READING
COLORLAND
FanfictionJungkook x Taehyung - historical/drama Started Date - Sep 2 2023 Endee Date - June 11 2024
