Unicode
၂၀၁၆ ခုနှစ် .. ရာနာနိုင်ငံ။
"King Taehyung .. ဒီဘက်ကို ကြွပေးပါ အရှင်"
ဒီနေ့က ရာနာအိမ်ရှေ့စံမင်းသားရဲ့ နန်းတက်ပွဲနှင့် မွေးနေ့ပွဲ .. ဖိတ်ကြားခံရသည်မို့ သူ တက်ရောက်ဖြစ်ခဲ့သည်။
"အိုး .. King Taehyung ရောက်လာပြီပဲ"
ရာနာအိမ်ရှေ့စံ Shin .. အခုဆို ဘုရင်ပေါ့လေ။ Shin က သူ့ကို တွေ့တာနှင့် ဝမ်းသာအားရနှုတ်ဆက်သည်။
"မွေးနေ့ကို ဂုဏ်ပြုပါတယ် ဘုရင်ကြီး Shin"
"ဟားဟား ကျွန်တော် ဘုရင်ကြီး မဟုတ်သေးပါဘူး"
ရာနာဘုရင်လောင်း Shin က ဒီနေ့အတွက် တော်တော်ပျော်နေပုံရသည်။
ရာနာက အင်အားကြီးနိုင်ငံဖြစ်သည့်အလျောက် နန်းတက်ပွဲနှင့် မွေးနေ့ပွဲကို လာရောက်အားပေးချီးမြှောက်တဲ့ အိမ်နီးချင်းနိုင်ငံက တော်ဝင်မိသားစုတွေ အမြောက်အမြား လာအားပေးကြသည်။
အနောက်နိုင်ငံတွေကအစ လာရောက်ကြတဲ့တော်ဝင်မျိုးနွယ်တွေများတော့ သူ လာခဲ့တာ မှန်သွားသည်ဟုထင်။ ဘာလို့ဆို အီနာဂါဆန်အတွက် စီးပွားရေး၊ နိုင်ငံရေး တစ်ခုခု အကျိုးမြတ်ရနိုင်သည်မဟုတ်လား။
"ဒါက အီနာဂါဆန်ရဲ့ဘုရင် .. King Taehyung တဲ့"
ရာနာဘုရင်လောင်းက သူ့ကို အခြားတော်ဝင်မိသားစုများဖြင့် မိတ်ဆက်ပေးလေတော့ သူ ပိုပြီး အခွင့်လမ်းကောင်းရအောင် ကြိုးစားရသည်။
"ဒါက အီနာဂါဆန်ကထွက်တဲ့ အဖန်ရည်ပါ .. သုံးဆောင်ကြည့်ပါဉီး"
ရာနာမင်းသားရဲ့ပွဲမှာ အီနာဂါဆန်က ထွက်တဲ့ အဖန်ရည်ကို တည်ခင်းဧည့်ခံဖို့ လက်ဆောင်ပေးထားခြင်းက သူတို့တိုင်းပြည်ရဲ့ ထွက်ကုန်တစ်ခုကို လူသိများအောင် ကြေညာပြီးသားဖြစ်သွားသည်။
"အိုး .. တကယ်ကောင်းတာပဲ .. ကျွန်မလည်း မွေးနေ့ရောက်ရင် ဒါမျိုးတည်ခင်းပေးချင်လိုက်တာ"
"ဒါက တကယ်ကောင်းလွန်းတယ် .. ဘယ်လိုများ ထုတ်ထားတာလဲ"
လူတော်တော်များများ သဘောကျကြသည်။ သူ ကျေနပ်စွာပြုံးလိုက်ရင်း ..
