රුද්‍රාශ්‍යප 🦚

08. 🦚

උඹ නම් පිස්සු යකෙක් රුද්‍රහ්....!!

මං උන්නෙ තාමත් අතේ තිබුන සියඹලා කරල් පොකුර එක්ක පැටලුණ මොණර පිහාටුව දිහා බලාන... මේක අනිවාර්යයෙන් රුද්‍රගෙන්.... එයා තමා මට මොණර පිහාටු එවන්නෙ.... ඒත් මෙච්චර ගිනි ඇවිලිලා ඉන්න මට මොන කෙහෙල් මලකටද මූ සියඹලා එව්වෙ....

එහෙන් මට කලන්තෙට වගේ...බඩ නිකන් මහා සාගරේ වගේ කැලතෙනවා...ඔක්කාරෙට ආවට යන ඇති මගුලකුත් නෑ ... නිතිලයා කීවත් වගේ මට මෝර්නින් සික්නස් වගේ.... ඉදකින් ඒ පරයා හින්දා මට කුණුහර්පත් හිතෙනවා...

සීතලයි.... උණ ගැනෙන්නවත් ද මන්දා...

ඉර එළිය ටිකෙන් ටික වැටෙනකොට පිපීගෙන එන රතු නෙලුම් මල් අස්සට මෙච්චර වෙලා මල් වටේ කැරකි කැරකි උන්නු බඹරු හරි හදිසියෙන් වගේ රිංග ගත්තා...මුන්ට මල පිපෙනකල් ඉවසීමක් නෑ ....
නෙළුම් මල පිපෙන්නත් කලින් බඹරු ඒවගෙන් රොන් ගන්න පොරකනවා.... උන්ට ඉවසීමක් නෑ ඒ පෙති දිගෑරෙනකල්වත්...එකාතකට බැලුවාම මාත් උන් වගේ....වැළලුන කතාවක් උනත් එකපාර ලෙහාගන්න බෑ ... හරි ඉවසීමෙන් ටිකෙන් ටික කතාව ගොතාගන්න ඕනෙ .... හරියට පෙති ඉහිරුණ මලක පෙති ආයෙම අමුණනවා වගේ.... පැටලවිල්ලක් කියන්නෙත් සියුම් මලක් හා දෙයක් ....සමහර විට මේ වෙච්ච  හැමදේම අස්සෙ මොනාම හරි දෙයක් තියෙන්න පුලුවන් ....

කටේ අපුල ගතියත් එක්ක මට අතේ තිබුණ සියඹලාව දිහා තවත් නොබලා ඉන්න බැරි තැන මං සියඹලා කරල දෙකට මැදින් කඩලා කටට දාගත්තා....කොටින්ම මං මේ හිස්බඩින් ඉන්නෙ කියන එක පවා අමතක වෙච්ච මං පැණි බේරෙන්න තරම් ඉදුණ සියඹලා කරලක් කෑවා....

ම්ම්හ්... ඇඹුල්......ඇඹුල් කියන්නෙ පට්ට ඇඹුල්....

එක සියඹලා කරලකින් නැවතෙන්න බැරි උන මං කටේ අප්පිරියාව එක්ක සියඹලා කරල් හත අටාකටම මේ වෙද්දි වැඩේ දීලා තිබ්බා.... උඹ මොන මගුලට එව්වද දන් නෑ රුද්‍ර මේවා....හැබැයි හේතුවක් නැති වෙන්නත් බෑ .......