မင်္ဂလာပွဲနေ့
သူမ မိတ်ကပ်လိမ်းသည့် အခန်းထဲတွင် မိတ်ကပ်ဆရာအခြောက်က ကွက်ကြည့်ကွက်ကြည့်ဖြင့် ကြည့်ကာ သူမနားကပ်လာပြီး
"Dawn ဘာလို့သူတို့တွေက အဲ့လိုကြီးတွေ ငါ့ကိုကြည့်နေကြတာလဲဟင်"
မိတ်ကပ်ဆရာအခြောက်၏ အသံမှာ အနည်းငယ်တုန်ယင်နေသည်။ သူလန့်နေသည်ဆိုတာ Dawn သိသည်။ မိတ်ကပ်ဆရာ လန့်လည်းလန့်ချင်စရာလေ။
အခန်းထဲမှာ Dawn နဲ့ မိတ်ကပ်ဆရာအခြောက် အပြင် Dawn ကို အနီးကပ်စောင့်ရှောက်သည့် အမျိုးသမီး သက်တော်စောင့် ၂ ယောက်နဲ့ အခန်းဝမှာ အမျိုးသား သက်တော်စောင့် ၄ ယောက် အခန်းအပြင်မှာ သက်တော်စောင့် ၆ ယောက် က ထပ်စောင့်နေသေးသည်။
သူမ သက်ပြင်းတချက်ချပြီး သူမဘေးမှာ ရပ်စောင့်နေသည့် သက်တော်စောင့် အမြွှာညီအစ်မကိုခေါ်လိုက်သည်။
"Moonရေ သူတို့ ၄ ယောက်ကို အခန်းအပြင်မှာ စောင့်ခိုင်းလိုက်ပါ Dawn စိတ်အနှောင့်အယှက်ဖြစ်လို့"
"ဒါပေမယ့် သခင်လေးက..."
"ခဏနေရင် ဝတ်စုံဝတ်တော့မှာ သူတို့ရှိနေရင် ဘယ်လိုလဲမလဲ မင်းတို့ သခင်လေးက ငါအဝတ်လဲတာကို သူတို့ ၄ ယောက်ကို ကြည့်နေခိုင်းမှာလား"
Dawn ၏ စကားကြားတော့မှ Moon ဆိုသည့် သက်တော်စောင့် မိန်းကလေးက အခန်းထဲမှာ စောင့်နေသည့် သက်တော်စောင့် ၄ ယောက်ကို အပြင်ထွက်ခိုင်းလိုက်သည်။
မင်္ဂလာပွဲမတိုင်ခင် ၉ ရက်အလိုထဲက သူမ ဘယ်သွားသွား ဘာလုပ်လုပ် သူမနောက်ကို တကောက်ကောက်လိုက်နေသည့် သက်တော်စောင့် ၁ သိုက်နှင့် Dawn စိတ်ညစ်လှပါသည်။
သွားလေရာမှာ လူတွေအကုန်ဝိုင်းကြည့်တာလည်းခံရသေးသည်။ Arvin ကတော့ သူမကို စိုးရိမ်လို့ဆိုသော အကြောင်းပြချက်နှင့် သူမနောက်ကို သက်တော်စောင့် ၁ သိုက်ကို လိုက်ခိုင်းခဲ့သည်။ မိန်းကလေး သက်တော်စောင့် ၂ ယောက်နဲ့ လုံလောက်ပါတယ်ဟု Dawn ပြောသော်လည်း လက်မခံပါ။
သက်တော်စောင့်တွေ စရောက်လာသည့်နေ့က Dawn မှာ အံ့ဩနေတာကြောင့် ဘာမှမပြောနိုင်။ ပြောပြန်တော့လည်း သူက လက်မခံ။
YOU ARE READING
Dear My Cold Bossy President
Romanceကျိကျိတက် ချမ်းသာတဲ့ Male Lead နဲ့ ဘဝကို ရုန်းကန်နေရတဲ့ Female Lead တို့ရဲ့ ရင်ခုန်ဖွယ်အချစ်ဇာတ်လမ်း ဘယ်လိုတွေဆက်ဖြစ်လာမလဲ "ရှင်ဘာလို့ ဒီလောက်ပြောရဆိုရခက်ပြီး ခေါင်းမာရတာလဲ" "မင်းယောက်ျားမို့လို့" 🚨တွေပါတာမို့ ၁၈ ယောက်ပြည့်မှ ဖတ်ကြပါလို့ လိုအပ်ခ...
