طائر السنونو ( هجرة غير شرعية )

part2

اسعد الله اوقاتكن بكل خير نجماتي
تصويت + تعليقات حلوة من ايديكم
ومتابعة لحساباتي الانستا والتلي والتيك توك
بأسم rawaan_ahmeed1
وحسابي الواتباد بأسم RawaanAhmeed6
٫٫٫٫٫٫٫٫٫" #طائر_السنونو هجرة غير شرعية "٫٫٫٫٫٫٫٫٫٫٫٫٫٫ #بارت٢
بقلمي المتواضع - روان احمد -
تعرض حصريا لبيج روعة الطائي
وقبل عرضها على الواتباد
__________________________________

-باوعت الكل يباوعلي مستغرب گلتلة اسفة بابا بس
- زلگ من ايدي دنگت الم الگزاز واني اريد اسمع رد
- ابوية على كلامة ياربي شراح تگول ريمان اذا عرفت
- يمكن يصير بيهة شي هي تنتظر يحجون بيهة لاسامة
- بس ابني البنية صغيرة وطالبة وينها وين الزواج
- وانت تعرف هي محجوزة لاخوك من هي وصغيرة
- اني ادري عمك ميعز بنتة علينة بس ماريد احرجة
- انت مطلگ واكبر منها يعني ماظن تتوالمون
- يابة على كيفك وياية اخذتني حاصل فاصل واذا
- مطلگ شنو يعني اول بشر اني بعدين اني ممخلي
- سچينة على رگبة احد وجابرة راح اتقدملهة ان رضو
-

اهلاً وسهلاً وان منطوني هم يضلون بيت عمي وعلى
- راسي وبخصوص اسامة اني عمري مسمعتة گايل
- انو هو يريدهة ولاتصرفاتة توحي بهذا الشي
- واني راح اسألة اذا طلع الة نفس بيها لابالله اني
- اعوف الموضوع ومااتخارب وية اخوية من ورا زواجة
- شبيك يرجال واذا راد بت عمة شنو كفر يعني ابني
- بعدة شاب والف بنية تتمناه وماكو فرق اذا الة او -لاخوه اخوك يفرح يزوج بنتة لواحد من ولدنة
- ترى اني مگلت شي بس دحجي واقع ابنج اكبر منهة
- وهي بعدها مراهقة مو مال زواج اصلاً
- ترى بعمرهة احنة فاتحات بيوت وعدنة جهال
- اي ذاك وكت وهذا وكت هسة البنات كلهن يكملن
- دراستهن يلة يفكرن بلزواج
- يابة ترى مگلت باچر اتزوجهة اذا رادت تكمل يلة
- نتزوج بكيفهة واذا متريد هاي الزواجة كلهة هم بكيفهة
- يلة اني طالع من ارجع اروح لعمي احاجي
- ولك شبيك مستعجل شنو هاويهة لهاي الدرجة
- ليش بيها شي اذا واحد هوى بنت عمة
- يمة مابيهة شي الله يتمملك على خير ويفرح گلبك
- وانت يابة مراح تدعيلي
- شلون مادعيلك وانت ابني الچبير ورفعة راسي
- الله يسوي علزين ويسعدك
- تسلم حجي محتاجين شي
لاسلامتك يمة
- اسمع لكلامهم وايدي ترجف ضليت واگفة انتظرة
- يطلع اول مطلع لحگتة للگراج
- أخْنَس اوگف
- التفتلهة مستغرب شبيچ احد لاحگج
- عفية عوف ريمان متفيدك وراح تتعذب وياهة
- ليش شبيهة ريمان
- مابيهة احلى بنية واشرف بنية بس مو الك عوفهة
- وانسى موضوع الزواج لخاطري
- لأن تحب اسامة؟
- شنو انت تدري بيها !
- ترى ميرادلهة فيلسوف مبينة معجبة بأسامة
- وانت شلون تتزوج وحدة تحب اخوك
- ترى گلت معجبة مگلت تحبة
- لا هي تحبة ومن طفولتهة صدگني متتزوجك
- ولاتتزوج اي بشر غيرة
- بس هو ميحبهة
- شمدريك
- هم واضحة كلش
- انت على شنو ناوي أخْنَس
- ناوي اتزوج شبيكم انتو
- مابينة سوي الي تريدة بس اني حذرتك
- شتريد تسوي يعني ترفض مو مشكلة خل ترفض
- مو اني الي تهزني مرية
- يلة مع السلامة
- الله وياك
- طلعت وصعدت بلسيارة