طائر السنونو ( هجرة غير شرعية )

part 1 الجزء الثاني

اسعد الله اوقاتكن بكل خير ✨
تصويت وتعليق لطفاً ❤️
"#طائر_السنونو_ج٢ (مابعد العاصفة)"
______بقلمي _______روان ________احمد _______ #بارت١
' أيفين'
-هذا الانسان صار اهتمامي الاول والأخير يمكن بسبب
-موقفة وياية ويمكن لأنو شخص مبهم بلنسبة الية
-كلامنة قليل سوا وتواجدنة هم هو يطلع هواية
-ومااعرف وين يروح وماادري هلشي بسبب وجودي
-لو هو هذا طبعة السبعة مالتي المفروض باجر
-واني ممحضرة كلشي ولااعرف اصلاً اذا اكو
-حفلة او لا واحسهة زحمة اگلة وحالة ابنة بهذا
-الشكل بس امي خابرتني وگالت احنة نحضرلج
-كلشي ونسويلج سبعة مكافي مسويتي بس مهر
-واني احس فتت بشغلة تدوخ قررت افاتحة
-بلموضوع من يجي للبيت لبست شال ونزلت جوة
-عمة جنان گاعدة علتخم تقرى قرآن گعدت يمهة
-واني ضايجة شوية وصدقت
-شبيج حبيبتي
-ضايجة عمة
-من شنو ابو القاسم ضوجج
-لا مو هو بس اريد اسوي سبعة وخاف ميقبل
-وليش ميقبل عادي من حقج وهي اصلاً معروفة
-انو السبعة لأهل العروس يعني شي ميخصة
-يعني اگلة من يجي
-اي گليلة وصدگي ميرفض لتشوفي هيج عصبي
-ترى گلبة طيب حيل
-أيفين اني اليوم رجلية يوجعني اطبخي الغدا انتِ
-واسيل تنظف البيت
-ماشي عمة من عيوني
-تسلم

عيونج حبيبتي
-رحت للمطبخ طلعت لحم وطبخت باميا وتمن
-ضليت گاعدة بلمطبخ واسيل گعدت نظفت البيت
-وراحت لغرفتهة كلامهة قليل وياية كلش مااعرف
-ضايجة لأن تزوجت ابوهة لو تحس بلاحراج مني
-لأن دفعت ثمن اغلاطهة هي ومصطفى
-كملت كلشي ورحت سبحت خليت مكياج خفيف كلش
-لان من اطوخة شوية يضل يباوعلي ويخزر بية
-كملت باوعت لروحي والله شكلي حلو ليش مو بعينة
-لعد ولاشايلني من گاعي ضحكت على تفكيري
-عزا بعينج أيفين مو زين ميباوعلج شتريدين يعني
-فات للغرفة جنت دمشط ذبيت الفرشة بسرعة
-ولبست الشال خليتة شمر
-السلام عليكم
-وعليكم السلام باوعلي واني نزلت عيني محرجة منة
-بسب اخر موقف صار بينة من فات علية واني ارگص
-ومن يومهة واني بطلت اسمع اغاني
-وصرت استحي اتعامل وياه بس هو عادي تخطى
-الموقف ويعاملني طبيعي
-گعد علجرباية شمر السويج واني باوعتلة وين راح
-دريد احدد الاتجاه حتى اعرف اطلعة هسة شبي
-يعني ليش يشمر الغراض ومن واحد يسوي خبصة
-يتخبل ويضل يحجي انسان متناقض باوعلي
-وهو مضيق عينة جان ينزع بلبسطال
-بس لو اعرف المن كل شوية دالسة روحج
-معرفت شجاوبة ضليت افرك بيدي هاي عود
-خليت شي خفيف وهم انتبه وعلق ميگدر
-يسكت ويعدي الموضوع
-مو احاجيج
- عاط بية واني باوعتلة والدموع تجمعت بعيني  عمري كلة
-محد مصيح علية او مخليني بهيج موقف بابا
-منطينة حرية بللبس وهاي الامور وامي نفس الشي -گلتلة بخوف واني احاول ماابجي مو لأحد بس
-اني متعودة اخلي مكياج
-تعودي متخلين منا وجاي
-نزع البسطال وشمرة وراح اخذ ملابسة وفات للحمام
-واني ضجت كلش رحت علمراية مسحت كل المكياج
-ودموعي تنزل الله لايوفقك كسرت نفسي من كلشي
-احس نفسي صرت عايشة بسجن وكلشي ممنوع عني
-الله اعلم حتى الكلية يجوز هم يحرمني منهة وية
-الوكت هذا انسان ميتعاشر ابد الله يطيح حظك
-مصطفى عفت كل البنات وحبيت بنتة
-طلع من الحمام واني امسح بوجهي حيل ودموعي
-تصب عرفتة واگف ويباوعلي التفتتلة وگلتلة
-ها هيج تمام لو بعد امسح
-هاي شمسوية بوجهج وليش هلبجي الموضوع -ميستاهل كل الي گاعدة تسوي
-اختنگت من كلامة شنو بنظرة لعد يسوى ازعل عليه
-هي حياتي كلهة بهاي الامور وهو منعهن عني
-مسحت دموعي واجيت اتعداه واطلع من الغرفة
-لزمني من ايدي ووگفني گبالة جان مخلي المنشفة
-على رگبتة ولابس فانيلة داخلية وبجامة 
-ضليت امسح بدموعي واحاول اتجنب اخلي عيني
-بعينة اريد بس اروح من گدامة
-شسويتلج اني شنو يرادلج حجة دتبجين
-ضليت ساكتة ومنزلة راسي رفعة بيدة واني
-باوعت بعيونة احس مدري شصار بية
-عيونة لونهن اسود طوخ وكبار ونظراتة حادة
-گلتلة انت جاي تمنعني من كلشي احبة اني مو من
-جيلك الامور الي تشوفهة تافهة اني اشوفهة مهمة
-يعني كل هلبجي لخاطر اغاني منعتج منهن ومكياج
-اي
-هنيال حالي اي والله
-علمود هيج سوالف تبجين لعد لو مسوي وياج القوية
-جان شسويتي بية جان شهرتينة
-مفتهمت كلامة بس حسيتة يقصد شي مو محترم
-مسح دموعي وسحب راسي عليه باسة
-هاي بوسة لراسج واعتذرلج يابة بس لاعبالج -اسمحلج بشي بعدهن ممنوعات عنج
-گلت بگلبي المن اعتذرت لعد
-اذا انت بعدك على نفس موقفك
-وگع الشال من راسي واني معدلتة ردت اشوف ردة
-فعلة وجانت مثل متوقعت
-روحي صبيلي غدا
-ابتعد عني وراح علمراية يمشط واني نزلت جوة
-بس حسيت بفرح لأن اعتذرلي احسة نزل نفسة
-لخاطري
-نزلت جوة صبيتلة غدا وصعدتة الة قررت افاتحة
-بلموضوع بلكت الله يهدي علية خليت الصينية گدامة
-شكرأ ابوية
-العفو بس حبيت اگلك شغلة اذا ممكن
-شنية
-اريد اسوي سبعة باجر واهلي يجون هنا
-اي هلا بيهم
-يعني عادي
-اي وشكو بيهة هاي سوالف نسوان ليش تسأليني
-عنهن اني مااتدخل بهيج امور
-ماشي بس اريد اروح ائجر فستان
-باوعلي بنظرة غريبة گلت هسة يرفض ويلغي
-السالفة كلهة بس فاجأني من ابتسم وگلي
-ادللي أيفين
-اشكرك كلش هواية
-العفو هواية
-ضحكت لأن ديقلد علية ضليت گاعدة واراسل البنات
-ونتفق على اللبس والمكياج احس بديت استعيد
-حياتي شوية شوية كمل غدا نزلت المواعين غسلتهن
-وسويتلة عصير نطيتة الة بدون انتباه اني وشايلة
-التلفون ورجعت گعدت علتخم
-مدد علفراش واني نعست كلش اريد انام بس
-استحي گلت خل يغفى وامدد علتخم بس هو ضل
-گاعد اليوم مدري شعجب واني گمت اغفي
-اني وگاعدة نمت محسيت غير هو شايلني
-مااعرف دحلم لو لا رجعت غمضت گعدت العصر
-لگيت نفسي بلسرير يعني مجنت احلم يمة غير فشالة
-هو طول الفترة الفاتت ينام علتخم واني علسرير
-يعني شنو نام بصفي قررت اتجاهل الموضوع
-لأن بكل حال اني مرتة
-گمت توضيت وصليت نزلت جوة ديشربون جاي
-وهو جاي يوكل ابنة من شفت منظرة انقهرت
-لو اني مكانهم يجوز جان سجنتة لمصطفى
-ومفضيتهة بهاي الطريقة
-تعاي حبيبتي اگعدي
-گعدت بصف عمة جنان وهي حجت
-تدرين اول مرة يطول ابو القاسم هيج بنومتة
-الظاهر راح تتغير اطباعة على ايدج
-باوعتلة خزرهة بعينة واشرلهة على ابنة
-بما معناه لتحجين هيج گدامة نوبات احس غيرتة
-مفرطة يعني بعقليتة ميتحمل حتى احد يتخيل
-علاقتة بزوجتة وهذا بنظري جان مطلق الرجولة
-بس من يتطبق علواقع يصير شي خانق
-يلة يابة اشربي جايج دنطلع
-تذكرت موضوع الفستان يا والله نسيت
-شربت الجاي علسريع وصعدت لبست فستان وشال
-وفوگاهن العباية نزلت جوة گالتلي عمة دينتظرج
-بلسيارة عمةجنان تصير عمتة لابو القاسم بس
-ممتزوجة وعايشة وياه وابوه عايش وية اخوه
-الجبير ووالدتهم متوفية طلعت للكراج لگيتة
-ديفتح الباب اشرلي اصعد صعدت وسديت الباب
-باوعت بلمراية ماكو اثر لأي مكياج ولبسي مثل
-ميريد بس لايطلعلي سالفة صفح
صعد بصفي باوعلي واني نزلت راسي
-ارفعي راسج دشوف
-المفروض هذا غزل بس بمنطق ابو القاسم ارفعي
-راسج دشوف مخلية شي بوجهج
-باوعت بعيونة وحجيت بهدوء والله ممخلية شي
-ابتسم على كلامي لأن صرت اعرف طبعة
-طلع السيارة ورجع نزل سد باب البرا توجهنة
-للسوگ وهو اخذني لمحل راقي وگلي اختاري الي
-تردي باوعت كلهن يجنن والبدلات تخبل بس
-اني مااريد بدلة منفوخة اريد فستان عدل
-اخذت فستان تركواز ووياه حذاء اسود
-رحتلة جان واگف على صفحة گلتلة كملت
-شخذتي
-فستان وحذاء
-فستان واحد
-اي لعد شگد
-مادري مو يگولون بلسبعة تبدل العروس اكثر
-من فستان لو اني متوهم
-اي اكو ناس هيج تسوي بس اني هذا كافي
-بلنسبة الية
-روحي اخذي بعد ثنين علاقل
-مااريد والله مالهة داعي
-لتعاندين
-باوعتلة قافل رجعت اخذت فستانين انوب واحد
وردي والثاني فضي بس اختاريتهن من دون نفس
-اخذتهن وهو حاسب وطلعنة
-تتعشين بمطعم
-براحتك
-ضلينة نفتر شوية بلسيارة لأن بعد وكت الدنيا
-مغرب قررت افتح حوار وياه لأول مرة
-سألتة بتردد انتَ شگد عمرك
-باوعلي مستغرب بعدها ضحك وگال
-ليش عندج عروس الي
-حسيت اغتاظيت شنو ادورلك عروس لعد اني
-شنو محلي من الاعراب
-حجيت بخبث لابس دشوفك جبير فقررت اسأل
-خوش تعرفين تجاوبين
عمري 43 عندج بعد سؤال
-احس نفسي مكشوفة الة ويعرف تفكيري
-وليش جاي احجي هيج
-گلتلة لاماعندي
-سكتنة ثنينة شوية وسألني وانتِ شگد عمرج
-22
-العمر كلة يارب
-حسيت تفشلت لأن مگلتلة العمر كلة جاوبتة
-تسلم والك يارب
-گعدنة بمطعم وهو سألني
-شنو اطلبلج
-براحتك
-تدرين انتِ مو متعبة ابد كلشي تجاوبيني بكيفك
-مااحب اتطلب على شخص بلاخص عليك
-باوعلي هو ويفتح المنيو حجى بتسأل
-ليش يعني بلاخص علية
-لأن اخوية غلط بحقك هواية وزين منك سكتت عن
-الموضوع واذا اريد اكون صريحة وياك لو اهلي
-مكانك يجوز مجان تصرفوا نفسك
-اهلج هم خسروا بهاي السالفة
-شنو خسروا
-خسروج انتِ
-شلون يعني
-يعني هاي تضحية منهم اني عن نفسي لو عندي
-بنية مثلج ماانطيهة بهذا الشكل لو تنگلب الدنيا
-ليش انتَ مو نطيت بنتك لأخوية
-اني ماعندي بنات بعد من تتزوج ينتهي امرهة بلنسبة
-الية وياريت متحجين وياية بهذا الموضوع بعد
-اسفة كلش مجنت اعرف هذا الموضوع راح يضوجك
-مصار شي طلبلي بيتزا وصاج ومشاوي
-اكلت شوية وانحرجت اكل اكثر
- اكلي يابة المن طلبتة لعد
-مااشتهي كلش
-اكلي ايفين
-حبيت طريقتة من يگول اسمي رجعت اكل
-وهو عيونة تباوع علمكان اعرف شنو جاي يفكر
-خاف احد يباوعلي يمكن اي بنية مكاني
-راح تطير من الفرح لأن رجلهة يغار عليهة بس
-هو الموضوع عندة طبع مو قصة اني او غيري
-كملنة عشا ورجعنة للبيت لگيناهم يتعشون
-هو ضل گاعد وياهم واني صعدت فوگ
-اقيس الفساتين لبست اول واحد كلش حلو علية
-لبست وياه الحذاء واخذت صور بلسناب
-لبست الثاني طلع احلى من التركواز علية
-اخر شي ضل الاسود لبستة طلع كلش حلو
-گعدت علتخم اخذ صور دزيتهن للبنات
-وگمت دبدلة للثوب المقبض مال باب تحرك
-شافة مقفول دگة
-دقيقة هسة افتحة
-باوعت شسوي هسة يهجمة للباب لحد ماابدل
-خليت الشال على راسي وعلى جسمي وفتحتة
-فات هو باوع الهدوم منثورة واني لازمة الشال بيدي
-واحاول اخلي جسمي ميبين
-شنو هاي ليش الغرفة مگلوبة
-هسة المهن
-رحت بسرعة لميتهن بهلاثناء وصلت رسالة
-لتلفوني من البنات ورسالة اللخ هو استغرب
-كم الرسايل شال التلفون قرى المحتوى
-وگلي شكدالرمز
-ليش
-دشوف شدازهة
-صوري
-شنو نوعهن
-صور بهاي الملابس الجديدة
-تقرب مني اخذ العلاگة مني شاف الملابس
-واحسة اخذ صدمة
-عاط بية افتحي بساع اخذت التلفون فتحتة
-ونطيتة الة باوع المحادثات وغمض عينة
-يحاول يكتم غضبة