اسعد الله اوقاتكن بكل خير ✨
تصويت وتعليق لطفاً ♥️
"طائر السنونو (مابعد العاصفة )"
بقلمي المتواضع -روان احمد التميمي -
-------------------------------------------------
ريمان 🍂
-ليش تخليني گدام هيچ خيارين صعبات
-مجاي اخليك گدام خيار صعب بس انت لازم
تقرر اذا تحبني لازم تضحي لخاطري اني مااگدر اتحمل كل هذا يصير وياية لأن انت متگدر تطلع
عن اوامر عمي
-مو مسألة اوامر بس احترام اني اگدر اكسر
كلامة ومااجيب الطفل هنا بس مااگدر اسوي
هيچ بلنهاية هذا ابوية ريمان مثل ماانتِ متگدرين
تكسرين كلام ابوچ وصعبة عليج اني هم نفس الشي
-اني طلبت منك شي وانت حر انو تنفذة الية او لا
-مااگدر ريمان اسف
-خلاص لعد اطلع منا مالنة كلام سوا بعد
-انت ليش متضحين شوية لخاطر علاقتنة
-ضحيت بما فيه الكفاية مااگدر اضحي بعد بعلاقة
مااعرف شلون اوصفهة غير انو طلعت هواية هشة
وفشلت گدام اول اختبار الهة
-مفشلت بس الضروف مجاي تجي وياية
-خلاص روح هسة من تتصلح ضروفك ارجعلي
-شلون تتصلح
-مااعرف باسني بشفتي بهدوء اكثر من مرة
وبشكل متتابع ابتعد عني وحجى بتوسل
-ارجعيلي فدوة مجاي اتحمل فكرة خسارتچ
-لازم تتحمل أخْنَس مو انت ردت هذا الطفل
-متحتاجين وكت تفكرين
-لامااحتاج اي وكت افكر اني متخذة قراري
وهذا قرار بابا هم واني مااعصي اوامرة
-ماشي مثل متحبين مااگدر اجبرچ على شي
بس طلاگ ماكو تضلين مرتي
-ماعندي نية اتطلگ منك لأن مااريد اتزوج مرة
ثانية اكتفيت من الصدمات
-بس لأن اكتفيتي من الصدمات يعني مو لأن
تحبيني ومتگدرين تتزوجين شخص غيري
-ولهذا السبب هم
-گام تمشى للباب التفت باوعلي بنظرة غريبة
رجع ليمي تقرب مني وهمس
-اجيت لهنا واحترگوا الغوالي ماكو شي اصبر
روحي بي
-شنو هذا الشي
-تعرفي زين
-لامااگدر خاف بابا يجي بأي لحظة مااگدر اجازف
-رجلچ ترى ولچ
-بس ميصير مو لهلدرجة بعدين شختلف لعد
غير اني زعلانة هنا شلون انطيك حقوقك
-الزعل شعلي گلتي هاي حقوقي وانتِ تخافين
الله واكيد مترضين يغضب عليچ
-والله مااظن الله يغضب علية بسببك
-ليش من بني قريضة اني
-امشي لغرفتچ
-لا اطلع تقرب مني شالني اخذني للغرفة واني
اتوسل بيه يطلع صار يبوس بية بلهفة واني
اقاومة وادفع بي بعد دقايق لهفتي عليه
تغلبت علية وصرت ابادلة بحب اندمجنة محسيت
غير صوت بابا برا يحجي وية بيبي بعدتة عني
وضربت على وجهي حچيت بصوت ناصي
شلون هسة گلتلك اطلع
-عادي شنو بيهة غير رجلچ اني
-لاشنو عادي والله هسة يتخبل اذا شافك عزا
والله اتخزى شيگول علية
-گمت بسرعة لبست دشداشتي وفتحت الباب
شوية شفتة بلصالة منطيني ضهرة وبيبي
لمحتني وصاحتني
-تعاي يمة شبيچ
-رحت ليمهم واني ارجف وعيني علباب مال غرفتي
احس بأي لحظة ينكشف الموضوع رحت جبتلهم
مي ورجعت گعدت واني ايدية ترجف
-هاي شبيچ شو مو على بعضچ
-تقربت منهة شاورتهة بيبي أخْنَس بغرفتي
ساعديني اطلعة باوعتلي بصدمة بعدهة باوعت
لابوية گالتلة تعال ابني شوفلي المبردة مال غرفتي
شبيهة مجاي تصعد مي
-راحوا للمنور واني ركضت للغرفة
اطلع بسرعة راح ننكشف
-اجة يمي باس خدي وطلع بسرعة اول مطلع
من باب الحوش ارتاحيت ورحت يمهم
سويت نفسي مهتمة واسألهة شبيهة المبردة
بيبي باوعتلي وضحكت غمتني بشقى
ضلوا يدعفسون بيهة تالي شغلوهة مابيهة شي
وبيبي تگلة ماادري الضهر چانت متصعد مي
مرت الايام صرت اشوفة نوبات يجي لبيتنة
من يطلعون اهلي ماادري ليش زعلانة منة لعد
خو ارجع يمةاذا هيچ الموضوع بس من سمعت
جايب ريتا هنا انتهت تماماً حظرت رقمة وگطعت
كل علاقتي بي وصرت ماافتحلة الباب اذا اجة
صح احن الة واشتاق بس كرامتي فوگ
كلشي مااگدر اسامحة شلون جابهة هنا
وگدام عيني ومفكر بية ابد ولافكر بشعوري شراح
يكون قررت اتجاهل كل هاي الامورصرت ابحث
علنت عن قسم الصيدلة وادرس علنت
حتى يصير عندي معلومات واساس قوي
صرت ادرس الادوية والمركبات وبابا اشترالي
لاب توب حتى يسهل علية الدراسة وفعلاً صرت
استمتع بلدراسة عليه اجة وكت الدوام
والغالي اشترالي هدوم للكلية وكلشي احتاجة
رغم راتبة التقاعدي مو هواية لكن مخلى شي
بنفسي وحتى بيبي نطتني من راتبهة مال ارامل
100الف اشتري ملابس ورغم أخْنَس مخابر
بابا اكثر من مرة يريد ينطيني مصروف
بس ابوية يرفض يگلة هي ابيتي حالياً
واني مسؤؤل عنهةواكثر من مرة اجة وحاجة
بابا حتى ارجعلة بس اني رفضت بديت اداوم
وچانت نظرة الفخر بعيون ابوية احلى شي
هذا حلمنةالي حلمناه من زمان بلشنة نحققة
وصار حقيقة ملموسة جان القسم صعب كلش
محتاج دراسة سويت جدول لحياتي لشغل
البيت وللدراسة حتى اطلع امتياز مااريد درجة
عادية وهذا الي صار بأول سنةطلعت امتياز
رغم عقلي مشتت واجاهد حتى اركز وادرس
ابوية هداني سوار ذهب وبيبي اخذتني للكاظم
عليه السلام زيارة واشترتلي اشكال مناك
صار هذا هو عالمي الصغير بابا وبيبي رجعت
للبداية من چانوا هم بس بحياتي وماكوأخْنَس
بيهة ياسمين تخابرني بلبوگة وتجي نوبات
تشوفني بس مو نفس قبل لأن ابوهة مانعهة
تتواصل وياية استغربت تصرف عمي كل هذا
لخاطر طفل راح يجي باع بنت اخوه اليتيمة
شلون يريدون الله يوفقهم مااعرف سمعت
صايرة مشاكل بين أخْنَس واسامةبسبب ريتا
چانت صدمة الية معقولة اسامة يسويهة ويخلي
عينةعلى مرت اخو لهلدرجة طلع نذل صدگ چان
عندة حق أخْنَس من منعني اتعامل وياه طلع
انسان ميستحي وماعندة اصول واخلاق
عمي طارد اسامة من البيت بس أخْنَس
ماخذهة ورايح مأجرلهة بيت ومگعدهة
ماادري شنو جاي يصير معقولة حبهة
وصار يهتم بيهة الفكرة وحدهة اتعبني
وتخليني اشك بحبة الية
زمن 🍃
-كانت ايام خطوبتي حلوة كلش الشيخ شخص
هادء ورومانسي لأبعد حدود ويهتم بية بس اكيد
حظي الفگر ميخلي فرحتي تكمل اجة معتصم
لبيتنة وصار يهدد ويقول لسلام لازم تتطلق
منو ومتتزوجو وسلام تكاون
وياه وطلع وهو يهدد انو يذبحو للشيخ وهذا الشي خوفني كلش
خفت لايصير الموضوع كبير ويتذابحوا بسببي.
ساعتهة شيكون موقفي لليل اجة الشيخ بعد
ماسمع الي صار وطلب يشوفني
دخلت للاستقبال كانت امي قاعدة معو هي وسلام
وتحاول تهدي هو صاير عصبي ووجهو احمر
بس اول مشافني تغيرت ملامحو كنت لابسة
تراك صيفي ورافعة شعري كعكة قعدت بصفو
وامي وسلام طلعو
-شنو الي صاير ليش وجهك اصفر
-خايفة لاتصير مذابح بسببي
-اذا هلوجه ميسوى تصير مذابح من وراه
اشنو الي يسوى عجل
-لا شيخ عثمان خل نتطلق احسن مااريد
تتعرض للأذى بسببي
-خايفة علية لو عليه
-عليك اكيد اني مرا احترم نفسي مااقدر واني
على ذمتك وافكر بغيرك
-بنت اصول شيخة وتلوگلچ المشيخة
-تسلم انت الاحسن
-حضني واني صرت ابچي بحضنو
-لتخافين زمن والله مااخلي احد يفرقنة
-هو اجة يهدد يقول والله اقتلو
-متايهتلو هي خل يجي وينو الة اسوي جنازة
-اشنو الحل
-باچر اجي اعقد عليچ محكمة واخذچ لبيتي
مااقدر اجازف اكثر يروح يصير شي ويخرب
زواجنة
-مثل متريد الي تشوفو مناسب سوي
راح اخذك ورا الضهر صالون واجي اخذك
من الصالون حقك تلبسين بدلة بيضة وتفرحين
-لامااريد هاي الامور مو مهمة
-مهمة الي اريد اشوفك بلبدلة البيضة
-ماشي مثل متحب تقرب باسني بخدي وحكى
وعيونو تحلف انو مراح يتخلى عني
-وعد مااعوفك للموت
-عيونك حكو كلشي
-يابختي من عرفتي تقرين عيوني
-ابتسمتلو خفيف وهو ترخص وطلع ثاني يوم
من الصبح اخذني للمحكمة عقدنة وورا الضهر
رحت للصالون واختو وامي وياية اجة اخذني
العصر ورحنة لبيتو الي هوعبارة عن قصر مو
بيت صح بيت اهلي فخم بس مو بهلشكل
وعلباب واگفين حراس شايلين اسلحة
اول موصل فتحولو الباب وهو نزل اجة ناحيتي
فتحلي الباب ونزع عباتو خلاهة على جتفي
رغم لابسة كبوس فوگ البدلة الي هو اختارهة.
الية كانت مو منفوخة اشبه بفستان بس مخصرة حيل علجسم فتنة للبيت واهلو استقبلونة
بلذبايح والجكليت والهلاهل كانت اجواء حلوة
بس خوفي خربهة گعدنة شوية وزفونة لغرفتنة
مكان اكو هواية ناس مختصرهة على المقربين
من عندو قعدت علجرباية نزعت الكبوس
والعباية وتمددت تعبانة حيل ومعدتي تگلب
من الخوف اجة قعد بصفي لزم ايدي وحكى
-لتخافين ميصير شي بدون متكوني راضية
ومطمنة
-لامخايفة من هلامور خايفة عليك حالياً وبس
-يعني ماعندك مانع ابلش هسة
-بس افوت اسبح وابدل
-اخذي راحتك
-رحت لجنطتي فتحتهة واخذت سيت نوم
سبحت وطلعت لگيتو يگلب بلتلفون اول مشافني
وگع التلفون من ايدو
-اشنو هلملاك هذا
-قعدت على صارف الجرباية وهو تقرب قعد بصفي
-نزل الروب وصار يبوس بأيدي
كزبر جلدي من تصرفو سحبني الو وصار
فوقي كان عندو رغبة عالية بية وحب يترجم
بكل لمسة سمعنة صوت صياح تحت
وهو ابتعد عني لفيت نفسي بلشرشف
وهو لبس دشداشتو واخذ سلاحو ونزل
واني ركضت على جنطتي ادور ملابس البسهة
حتى انزل واشوف اشنو قاعد يصير عرفتو
معتصم ومراح يخليني افرح بشي
يتبع .....
اعرف اقصر من القصير بس العصر احدثة
واضيفلة احداث لو بليل اسفة مجاي افرغ ابد
أنت تقرأ
طائر السنونو ( هجرة غير شرعية )
Romanceواني كطير مهاجر لا اجد وطني ولامن يدلني عليه ولاعشقي الذي نسيته
