اسعد الله اوقاتكن بكل خير ✨
تصويت وتعليق لطفاً ❤️
"طائر السنونو (مابعد العاصفة )"
بقلمي المتواضع -روان احمد -
_____________________________
ريمان 🍂
-چانت ايام صعبة ومن اتذكرهة اكتفي بلبچي
والغصة الي تصير عندي من افكر انو مگدر يفضلني
على ريتا او بلاحرى ابنة بس لأنو مو بحساباتة
ريتا ولا اي شي يخصهة صرت حساسة كلش لفكرة
انو يريد طفل واضوج ان شفتة ابتسم لطفل بلطريق
او لاعبة صرت احس بلنقص اني مااگدر اخلفلة
الطفل الي يتمناه وهذا چان شي صعب كلش حسيت
قصة حبنة الكاملة صارت ناقصة ينقصهة طفل حتى
تكمل وتصير مثالية وهذا الطفل موجود لكن
من غير مرية وهي رافضة تنطي الة تريد هي
تربي وعمي يريد الطفل وصارت لخة چبيرة
انتهت انو يضحي بية لصالح الطفل او بلاصح
اني متحملت انوماعندة القدرة على اختياري
لحظات صعبة خلتني اشك بحبة الية وكل كلامة
الي وعدني بي وينة كل كلامك لعد انو راح تفضلني
علكل ومتقهرني حبنة فشل گدام اول اختبار
-اني رايحة وانت اشبع بأبنك اني عاقر مااخلف
چان استحيتوا بعدني حتى محرت بروحي
وشفت الصوچ منين وانتو ركضتوا تريدون
هذا الطفل عبالك قحط جهال
-ريمان حبيبتي روح گلبي والله مااريدة
-هذا مجرد حچي من تصير صدگ راح تريدة
وتصير تحبة كلش بلنهاية هو ابنك بلعافية
عليك يتربى بعزك ودلالك
-ريمان لتخليني گدام خيارات صعبة
-اني مجاي اخيرك أخْنَس اني دگلك روح وربي
ابنك الي تتمنوه اني مالي مكان بحياتك بعد
-حياتي متكمل بدونچ ريمانو
-لاراح تكمل وراح يشرف ابنكم استقبلوه بلورد
عود بس تذكر انو انتو كسرتو بنية يتيمة
في سبيل تربون هذا الطفل حوبتي راح تطلع بيكم
-جاي تدعين علينة
-لعد شسويلكم انتو الي سويتو بية شي اسوء
من شي لشوكت اضل اتحمل اني مرة متزوج
وماادري مرة تطلع حامل وكلة فوتة وگلت ميخالف
بس مال تجيبهة هي وابنهة هنا فخل اگلك شغلة
لاوالف لا مااتحمل اني بعد بيت ابوية موجود
ويشيلني بعيونة لاخلفلة عليكم وعلى عيشتكم
-انتِ هسة بوضع صعب وعصبية من تهدين
راح نحچي بلموضوع
-اني رايحة لأبوية وهلمرة مالي رجعة بعد
كافي لهنا أخْنَس طلعتهة من ماعونهة
-اني راح اخليچ ترتاحين يمة كم يوم مو غلط
-لامو كم يوم راح اضل يمة واحقق احلامي الي
حلمت بيهن اني غلطت من تزوجت چان المفروض
التهي بدراستي وماافكر بشي ثاني
-احبچ والله بس كل الضروف ضدي
-تستاهل انت كلشي يصير بيك علطول تورطنة
بسوالف صعبة وهسة جاي تلعب وية ناس كبار
ومحد يعرف منو وراهم مبروك عليك هاي
الورطة ان ي رايحة طلعت منطيتة مجال يحچي
ثاني مرة اروح زعلانة بمدة قصيرة منو چان
يتخيل انو بعد كل هذا الحب الي بينة هيچ يصير
نضل من مشكلة لمشكلة وكلةمن ورا هاي
العگربة الصفرة الي دخلت حياتنة ومخلت شي
مدمرتة ونشرت سمهة بي
صار يدگ علية ويجي للبيت يتوسل ارجع بس
اني قفلت كافي عاد تدمرت كرامتي بما فيه
الكفاية لشوكت اضل اني اتحمل واگول ميخالف
بعدني عروس وهيچ تبهذلت لو تمر سنين شيصير
بية لعد ذبيت كل طاقتي بلدراسة وكل خذلاني
وكسرتي بيه مردت اخسر كلشي لازم علاقل اربح
شي مااگدر اخسر حلمي الي حلمت بيه من سنين
امتحنت وچانت ايام صعبة بفراگة وهو هم تركني
بفترة الامتحانات مضغط علية ابد ولاوصلني
وهذا الشي خلاني انهك روحي بلدراسة امتحنت
وسط تشجيع بابا الية والسناكات الي يجيبهن الي
لغرفتي حتى بيبي صارت متخليني اشتغل شي
وياسمين ساندتني صارت تجي تنظف البيت
علاقتي بيهة متأثرت بلمشاكل الي بيني وبين
اخوهة ابوية وعمو تخاربوا فد مرة بسبب
الخلاف الي بيني وبينة احس تگطعنة تماماً
ياسمين بلبوگة تجي لبيتنة وتساعدني
وتروح بسرعة قبل لينتبهون عليهة خلصت امتحانات
وهو فوراً رجع يدز رسايل ويتوسل ارجعلة
بس ميجي لبيتنة بسبب خلافهم وية بابا
واني جوابي چان واحد تجون تراضون ابوية
وارجعلك وتنسى موضوع الطفل تريدني مثل
مااني اهلاً وسهلاً متريد مو لازم روح تزوج
وحدة وخلف منهة جهال وهو شاف الرسالة ومجاوب
عرفتة ميگدر يكسر كلام عمو وحقة ابوه ويحبة
ويريد رضاه بس اني شنو لعد مالي حق لو شنو
طلعت النتايج وطلعت ناجحة وبمعدل عالي
يقبلني صيدلة چنت كلش فرحانة بهذا الخبر
وطرت بي حسيت الدنيا بلشت تنصفي بفد شغلة
وهاي اول خطوة على سلم المجد الي اريد اوصلة
وهدفي الانساني الي اريد احققة شغلي بلمنظمة
تركتة من چنت امتحن لكن بعد مخلصت رجعت
وبقوة حسيت نفسي شخص مهم بهاي الحياة
وجاي احقق شغلة سامية
وبمرة چنت دنظف واندگ الباب بيبي وبابا راحوا
على بيت عمي مهدي واني رافعة دشداشتي
امسح وگفت ورا الباب وصحت بصوت ناصي
منو
-اني افتحي الباب
-شتريد ابوية مو هنا
-شريد منة اني اجيت اشوفچ
-روح هسة بعدين
-اجيت اباركلچ حبيبي
-فتحت الباب بتردد اول منفتح فات بسرعة
حضني وصار يبوس بية رد الباب وراه
واخذني للاستقبال ابتعدت عنة وحچيت بزعل
روح مني اني ماافيد
-انتِ كل الفايدة بيچ الف مبروك يعمري
بلشتي تحققين حلمنة
-قصدك حلمي اني وبابا
-وحلمي اني هم
-چان حلمك
-وبعدة حلمي اني مشتاقلچ شلون نطاچ گلبچ
تعوفيني ومتسألين عني
-شلون منطاك گلبك تكسرني أخْنَس
-عمي وين
-راحوا هو وبيبي لبيت عمو مهدي
-يعني البيت فارغ
-اي
-العب خوش فرصة
-لشنو
-للأوامر الجديدة الي مليانة شوق
-اوامرك متمشي هنا سيادة القائد
-اوامري تمشي بكل مكان ريمانو
-باوعلي بخبث عرف على شنو ناوي باوعت علباب
وحچيت بصوت ناصي اطلع منا نروح ننفضح
-رجلچ ترى شنو صديقچ اني
-بس تعرف الضروف متساعد
-لامابيهة شي الضروف تخبل
-أخْنَس اطلع مالنة رجعة سوا
-خل نتفاهم على الاوامر بلاول ويصير خير
-يااوامر هاي
-صار يتقرب مني واني ارجع لحد موگعت علتخم
صار فوگي وهمس
-احبچ روح گلبي انتِ
-واني مااحبك
-چذابة انت تموتين بية
-لا غلطان مادام مگدرت تختارني
وفضلت ابنك علية خلاص مااريد احبك بعد
-هي مو شغلة هينة وتحچيهة هيچ ببساطة شنو
متريدين تحبيني ليش هوالحب بلارادة
-اي عندي اني بأرادتي احب واكره
-تكرهيني
-لا
-تحبيني
-لا
-شنو لعد شعورچ تجاهي
-ماعندي شعور تجاهك
-ليش هلتوتر وياية لعد
-خايفة احد يجي
-لتخافين ممسوين شي غلط
-لادنسوي الغلط بعينة بابا كارهك وكاره
عمو وميريد يشوف واحد بيكم وانت جاي
لنص بيتة وبغيابة
-اجيت لمرتي موالة ومااطلع اذا ما اخذهة وياية
-اني مااگدر اكسر بابا
-واني عادي تكسريني
-ميحتاج تنكسر
-شسوي لعد
-روح شوف حياتك اني مااصلح للزواج
والخلفة بعد
-تصلحين لكلشي بعيني
-لتضغط علية اطلع فدوة
-انسي اليوم مالچ ضلة هنا بعد
-تعوف موضوع الطفل يعني لخاطري
يتبع ......
بنات راح انزللكم بارتات قصيرة هنا وبعدين
اعدل الرواية وادمجهن لأن جاي تلحون علية
بلتنزيل واني وقت ماعندي احبكم تحملوني
طلاب عندي هواية ومجاي اگدر
احبكم نظر عيني ♥️✨👀
أنت تقرأ
طائر السنونو ( هجرة غير شرعية )
Romanceواني كطير مهاجر لا اجد وطني ولامن يدلني عليه ولاعشقي الذي نسيته
