#طائر_السنونو_ج٢"
#احداث_قادمة
-لميت كل هدومي بجنطة وعفتلة كلشي هو اشتراه
-مااريد بعد اي شي يذكرني بي رغم گلبي حبة هواية
-بس مااگدر اكمل وياه لازم يعيش شعوري من جان
-يعذبني وميحس بية فات للغرفة گعد علتخم
-بعدهن جروحي خضرة وانت تريدين تروحين
-وتعوفيني من ياجرح اتلگاهة اني هسة
-باوعتلة وحجيت بغضب اني هم عندي جرح نفسك
-واني نقذت حياتك وهذا هو المقابل الي اريدة
-اريد تطلگني ابو القاسم
-وانتِ نقذتيني حتى تموتيني بعدين
-ماكو داعي تموت انت مو مالك نفس بية انت مو جبرت
-نفسك حتى تتقربلي راح اخلصك مني وارجعلك
-حياتك الي خسرتهة وياية وانت تجبر بنفسك علية
-يعني ماكو امل تفكرين
-لا ماافكر ابو القاسم اني نطيتك جزء مني وراح يضل
-وياك العمر كلة ت؛ذكرني بشي حلو اعرف ضوجتك
-وجنت ثگيلة عليك بس سامحني هذا الموجود
-اني مختاريت نفسي ولااختاريت اتزوجك واحطك
-بهيج موقف سامحني
-احلى موقف واحلى شي جابتة الدنيا الية
-هو انتِ ايفو
-تقربت منة گعدت بحضنة شميت عطرة قوي من بعد
-هليوم راح تحرم علية ماعرف شلون اعيش بدونك
-بس راح اتعلم وانت هم تعلم وانساني
-بعدني مشبعت منج وتريدين تنهزمين مني بيش
-قصرت اني يا جتالة ابو القاسم انتِ
-اني مكتلت ابو القاسم نقذتة من الموت
-الموت اهون علية من يوم واحد انحرم بي منج
-يولي شفايفج مثل المسكن لو كلي اتوجع بجرعة
-منهن اطيب ليش تحرميني منهن وتخليني مثل
-الجاهل المفطوم ادورهن ومالگيهن
-هي الحياة هيج مو كلشي نريدة نحصلة مااگدر اسامحك على حرحك الي والي سويتة بية
-ليش نقذتيني لعد
-حجى وهو يمشي شفايفة على وجهي
-باسني بقوة واني بادلتة بعدهة روحي بي تصرفنة سوا
-بحذر كل واحد عندة جرحة وميريد يلجم الثاني
-ابتعد عني وحجى بهمس
-وهسة بعدج تردين تطلگين
-اي بعدني
-ليش ولج تجرحيني بيج وتعرفيني روحي
-صارت بكلشي يخصج
-لأن انت جرحتني هواية وان نقذتك لأن احبك
-ومااتحمل اشوفك تموت گدامي
-ومن ترحين شيصير بية
-تتعلم على غيابي وية الوكت
-........... بلتعلوم والي يتعلمة
-اني بيا حال وانت تريدين تولين
-وعدتني انت تحققلي اي شي اريدة
-ياريتني موعدت
-گمت من حضنة لبست عباتي وشلت جنطتي
-حجيت واني احاول اتماسك طلگني
-تنهد بطريقة كسرت گلبي گام تمشى ليمي حضني قوي
-واني تألمت كلش رجع باسني اكثر من مرة وهو منتهي
-ابتعد عني مكره وعدل عباتي
-انتِ طالگ أيفين
-حسيت كلمتة هاي طلقة زرفت صدري اخذت جنطتي
-وطلعت هي هاي كرامتي الي ردت اردهة حققت الي
-جنت اريدة خليتة يحبني وكسرتة نفس ماكسرني
-ليش لعد مجاي اهدء
بنات العيد علابواب وطلاب هم علابواب
واني صاير عندي ايرور بعقلي محتاجة اعادة ضبط
راح اغيب عنكم كم يوم حبايبي عندي شغلة مضوجتني
كلش ادعولي تنحل
#طائر السنونو
احداث قادمة بطلبكم
-ريمان حبيبتي انتِ اهدي
-لتگلي اهدي اني مو مخبلة عرفت راح تخلف بوعدك
-انت متستاهل الفرصة الي نطيتهة الك والله لاحرگ
-گلبك نفس مجاي تحرگ گلبي
-دگلج شغلة مو بيدي ابوية يريدة للطفل وهي مالهة
-احد صدگيني دسوي هذا الشي لوجه الله مو حب
-ولاعندي شعور تجاهة
-مااصدگك ابد انت تعبتني يومية سالفة شكل واني
--ضالة مثل الغبية اسمع سوالفك واصدگهن
-شتريدين هسة
-ننفصل مااضل وياك اختار لو هي والطفل لو اني
-ريمان لتخيريني وتخلين نفسج بهيج موقف
-انتِ تعرفين حبج بگلبي شكبرة
-لامااعرف بديت اشك بحبك لأن لو تحبني متخليني
-بهذا الوضع تعرفني مستحيل اخلف وجايبهة
-دتحسسني بكسرتي والنقص الي بية
-ريمان انتِ بنظري كاملة مابيج نقص ابد
-لا بية مااگدر اصير ام انت وريتا مثل اللعنة دخلتوا
-حياتي وكلشي تدمر مااريد اشوفك بعد روح
-وگعت بلگاع وصارت ترجف انصرعت واني
-احاول اهديهة حاضنهة ودموعي تنزل عليهة
-شصار بينة حبيبتي بس لو اعرف شمسوي اني
-وهيج جاي اتعاقب بيج
----
-فتت للمستشفى شالي مخربط فوتت شعري
-وركضت على اخوه حكمت اخوية شصار بي فهمني
-حادث بلسيارة عندة كسور بلاضلاع ورضوض
-وهسة الطبيب يگله كليتة متأذية كلش
-شنو
-اي جاي ادور على متبرع حتى لو مشتراة بفلوس
-بيش مجان بس انقذة
-تذكرت كلشي سواه وياية جرحة الي كلامة الي
-حطمني ضربة الي بس من فكرت ممكن يموت
-گلت ميهم الي راح اني احبة ومااخلي يموت
-خل انقذة بعدهة اعوفة واحقق انتقامي منة
-حجيت بصوت يرجف اني اتبرعلة بكليتي
-شلون خاف اهلج ميقبلون
-اهلي شعليهم هذا جزء من جسمي واني حرة بي
-حاجي الطبيب فدوة
-ماشي اخيتي هسة اشوفة
-راح واني گعدت امسح بدموعي يارب اضحي
-بحياتي كلهة بس رجعةالية
نجمات روان احمد اليوم ماكو بارت لأن عندي
تنظيفات للعيد وطلاب مراجعة شاملة
وشغلة مهمة اكو البعض ميعرفون انو اني نفس
كاتبة قصة مشاعر مؤقتة لان منذكر اسمي كامل
احب اگللهم قصة مشاعر مؤقتة اوجاعي منك
انا والايهم يااكبر ذنوبي حبل الاكاذيب ذني كلهن
قصصي اني روان احمد
أنت تقرأ
طائر السنونو ( هجرة غير شرعية )
Romanceواني كطير مهاجر لا اجد وطني ولامن يدلني عليه ولاعشقي الذي نسيته
