طائر السنونو ( هجرة غير شرعية )

part 16

اسعد الله اوقاتكم بكل خير ✨
تصويت وتعليق لطفاً ♥️
"طائر السنونو (مابعد العاصفة )"
بقلمي روان احمد التميمي
________________________________

'يقال أن الحب الاول لايموت بل يأتي الحب
الحقيقي ليدفنه حياً '

زمن 🍃
-اجوي خواتو شافوني وكانو منبهرين بجمالي وثقافتي
عرفت كلشي عنو وطلع منفصل عن زوجتو مثلي
وعرفت عمرو والي طلع اكبر مني بسنة وحدة بس
حسيت كل المؤشرات جيدة الى الان بس خوفي كان
كبير كلش خايفة من نفسي وقلبي الي صرت مااعرف
اتصرف وياه اخاف يخذلني بنص الطريق ويخليني
احن للي نساني ومافكر بية
-بعدهة اجة هو شافني بحظور سلام وكان واضح بعيونو
الاعجاب ماشال عينو مني ابد كل ماارفع عيوني
الاقي يباوعلي استأذنت وطلعت من الاستقبال
واني قلبي احسو ضايع كلش كل لحظة افكر اغير
رأيي بس شي يمنعني مااعرف اشنو هو ولاليش
صرت عاجزة اني اقرر حددوا موعد للعقد واني توترت
اكثر صرت اخاف من هذا اليوم كلش وكل شوية اذكر
نفسي اني مو مضطرة اعيش كل هذا اقدر ارفض
وارجع اعيش بهدوء بس كان عندي رغبة بأني اقهر
معتصم واثبتلو انو انتهى من حياتي تماماً وماعاد
الو وجود بيهة كل مااتذكر الموقف اشبع قهر شلون
ماقدر يمنع مرتو انها تجي وتعتدي علية بلضرب
وبعد كل الي صار ميريد نشتكي عليهة عشتو
كلام سلام كان صحيح الحب مو كلشي التوافق
مطلوب واني ومعتصم ابد متفقنة من اول يوم
كان يحسسني اني مسوية جريمة كوني امرأة طبيبة
والي وظيفتي ومركزي الحمد لله خلصت هاي الايام
ومترجع بعد ابد رغم قلبي لساعة يحن الة بساعات
لأنو حاول وبكل جهدو انو يخلي هاي العلاقة تستمر
وبدون مشاكل لكن فشل بلموضوع همس كانت تشجعني
اني ابلش من جديد وانطي فرصة لقلبي حتى يعيش
حياة جديدة وية شيخ عثمان اجة يوم العقد رحت
وية اختي للصالون سويت مكياج خفيف كلش وتسريحة
بسيطة تذكرت بلمرة السابقة سويت مكياج وتسريحة
فخمة حتى ميعيبون علية اهلو كنت اضحي واسوي
هواية امور حتى ارضي وارضي اهلو وذوقهم بس
هلمرة احس جاي اتصرف براحتي ومحد من اهلو
تدخل بأي شي وكانو كريمين جداً بتجهيزات الحفلة
من قعدت الصبح لقيتهم دازين كلشي من كيك وعصير
وكلو من نوعيات فاخرة وحلويات للضيوف
رجعت واني اسوق سيارتي يمكن اول عروس
بلحياة تسوي هاي الحركة ومحد يجي ياخذني
وصلت للبيت وامي تهلهل وتطش چكليت علية هي
ونادية الي علاقتي بيهة تصلحت بعد طلاقي احسهة
انقهرت علية واني هم صرت اهديهة هدايا واجيبلهة
اشياء وياية من اتسوق لنفسي وهذا الشي قوى
علاقتنة ببعض فعلاً كلام الرسول عليه وعلى آله
الصلاة والسلام صحيح تهادوا تحابوا امي فرحانة كلش
احسهة طايرة بية لأنو هلمرة الزواج على مرامهة
مو مثل زواجي من معتصم كانت رافضتو ومتريد
اتزوجو وتقلي مو من مستواكي بس اني الله يهديني
ركبت راسي وعندت بلاخص بعد الي صار بينة
مقدرت اتزوج احد غيرو من تذكرت هذيك الايام
اختنقت حسيت كل الذكريات رجعتلي قعدت علكوشة
اجتي همس بعد شوية المخبلة تهلهل من الباب
هرجت الدنيا اجتي بوستني وقالتلي بأذني
-افرحي حبيبتي انت الدكتورة زمن مو شوية
وطالعة تجننين والعريس شيخ اشنو تغدين بعد
اعطيني من حظك شوية
-ولك تحسديني عيني عينك
-ههههه ربي يتمملك على خير يقلبي
-امين يارب بلشوا الضيوف يجو اقاربنة وجيران
امي ممخلية احد معزمتو واني هم عزمت الدكتورات
الي وياية بلمستشفى والممرضات شغلوا الديجي صوتو
عالي كلش واني كل شوية اقللهم نصو بس ميسمعن
كلام يغدن بس يرقصن اجتي همس قومتني رقصنة
اني وياهة واني انحرجت كلش مااعرف ارقص
شويةورجعت قعدت بمكاني اجوي اهلو فاتوا
للصالة الي كنت قاعدة بيهة عرفتهم اجوي صرت ارجف
وكأني اول مرة اتزوج وامر بلتجربة
-اشنو بيكي ترجفين
-مااعرف امي خايفة
-لتخافين صلي علنبي واذكري الله الرجال مشتريكي
بلغالي واكثر من مرة اجة وخطبك بلكت تنسعدين
وياه وتنسين الي صار وياكي من كنتي وية هذا العربي
-شبيكم شنو صاير
-خديجة اقعدي احكي وياهة وهديهة اروح اقعد وية
امو وخواتو عيب منهم
-ماشي روحي شبيكي حبيبتي زمن
-مابية بس احس روحي متوترة وخايفة
-اكو بنات مايخافو قدك انتِ دكتورة وشايفة ودارسة
لازم تكونين اقوى من هيك
-خايفة من قراري احس استعجلت من وافقت اتزوجو
-وشنو هسة نبطل العالم قاعدين وحفلة اشنو نقللهم
لتفضحينة زمن هاي افكار الشيطان يحاول يزرع الخوف
بقلبك لتخلي يتمكن منك صيري اقوى منو
-قعدت جنبي ومسكت ايدي تحاول تضحكني وهمس
هم حست بية خايفة اجتي قعدت بصفي وصارت
تصنف علنسوان ولبسهم وشكلهم تريد تطلعني
من هذا الجو الي دخلت بي شوية واجتي امي قومتني
قعدتني جنب الباب وخلوا شال على راسي ابيض
صار الشيخ يسألني واني مترددة احكي وهمس
تشجعني بعيونهة حدما مااعرف شلون طلعت مني
بس بصوت ناصي والشيخ قلي بنتي ارفعي صوتك
قلتلو موافقة بصوت عالي والكل صار يهلهل
وهمس حضنتني رجعت قعدت بلكوشة وصاروا يوزعون
ضيافة وهمس تقدم وياهم وتحاول تجذب نظر
الحظور بلكت يخطبوهة لولدهم تقول عنست
واغيد اتزوج عاد
للمغرب الكل طلع واني احس دماغي صدع من الصوت
والهوسة كنت اريد اروح لغرفتي وصاحتني خديجة
-تعاي وين رايحة
-ابدل وين يعني تعبت اريد انام
-لامو هسة الشيخ بعدو بلاستقبال يريد يشوفك
-اشنو سوالف القصص هاي بربك عود احكيلي
شنو يصير بينكم بلتلفون لأني تأخرت لوما امي خابرتني
وقالتلي تعاي كنت ضليت هين لحد مااعرف الاحداث
-روحي يابايخة هذا كل همك
-اشنو يكون همي لعد يلة شايفة كل الخير انا رايحة
-بوستني وراحت وانا قعدت انتظر يصيحوني
لحد مااجتي خديجة قالت تعاي سلام يقول رجلهة
يريد يشوفهة احس جسمي ثلج من الخوف
مشيت بخطوات بطيئة حدما وصلت للأستقبال
فتت وسلام باركلنة وترخص حتى سلام احسو
فرحان بهاي الزواجة مو مثل المرة الي فاتت
وقفت بنص الاستقبال مستجريت ارفع عيوني
حتى اشوف اشنو لابس ولا قاعد يباوعلي او لا
-مبروك علينة زمن
-رفعت عيوني كنت بعدني مخلية الشال على جسمي
لأنو الفستان مفتوح من فوق
صار يمشي ناحيتي واني احس صرت ارجف
-لزم ايدي وقال
-تعاي نلبس الحلقات
-اخذني للتخم قعدنة وهو طلع علبة من جيبو
فتحهة وخلاهة علطبلة اخذ الحلقة لبسني ومدلي ايدو
واني صرت ارجف بقوة وهو انتبه علية طلع الحلقة
خلاهة بيدي اخذتهة ولبستو بس بلگوة فاتت
مدري هي بيهة صغر مدري اني الي معرفت
البسلهيا بشكل صحيح
-ليش كل هلخوف
-مو خوف توتر
-من شنو
-خايفة من هاي الخطوة اني تأذيت هواية بلماضي
ومااريد ينعاد الي صار بية مرة ثانية
-اني اعرف كلشي صار وياكي بلماضي وكنت من الي
فضولك هاي السالفة واخذتلك حقك منهم
-مشكور
-الشكر لله مسوينة غير واجبنة بس لتقولين هلكلام
مرة ثانية اني احترمك واقدرك ومستحيل اخلي احد
من اهلي يهينك ولو حتى بكلمة من هليوم كرامتك
من كرامتي والي يمسك يمسني
-سحب راسي باسو وحضني بخفة
-اروح اني
-ليش؟
-اغيد اغتاح
-ممرتاحة بحضني
-لا
-احب كونك صريحة زمن تأكدي اني راح اسعى بكل
شكل وطريقة حتى اخلي حضني هو راحتك بهاي
الحياة والمكان الي تنسين كل همومك بي
-رفعت راسي الو بداخلي اعجبت بكلامو كلش مبين
مثقف وواعي صار يباوع بعيوني تقرب يبوسني
واني تسمرت باسني بهدوء ابتعد عني وحكى
-ملاك انتِ كلشي بيكي حلو وصحيح
-كلامو المفروض يفرحني لكنو اذاني كلش لأنو
ميعرف شي عن زواجي بلسر ومتخيلني ملاك ماعندو
اغلاط ضحيةوبس لزواج فاشل

ريتا 🌿

-من وقت خلاني بهي الشقة واني صرت عاني من الوحدة
ياريت فيني اشتغل حتى التهي بشي وبطل فكر فيه
طول الوقت من ساعة الي قعدت هون وهو مااجة ابداً
ولافكر يطمن عني او يعرف حالتي بعد شي اسبوعين
اجة واني طرت من الفرح فيه رغم كل يلي عم بيصير
وكل كلامو لساتني متعلئة فيه كتير
-شلونچ
-منيحة وانتَ
-زين محتاجة شي
-لامني محتاجة شي بس عم يديئ خلقي هون
-اطلعي اذا تحبين
-مابعرف المنطقة هون وبخاف اطلع لحالي مابدي
جيبلك مشكلة تانية
-خلاص تحملي لعد لحد متجيبين
-وبعدها شو بدو يصير
-ننفصل وانتِ ساعتهة تگدرين ترجعين لشغلچ
-بدي ارجع لسوريا علاقل هونيك بلدي
ورفقات طفولتي ولو مابظن في حدا ضل منهم

هذا حال الدنيا مابيدنة شي وان حبيتي ترجعين
لسوريا فهذا موضوع راجع الچ وبراحتچ سوي الي
تشوفي مناسب
-والطفل
-يضل وياية
-نعم
-اي شنو لعد اني تخاربت وية مرتي من ورا هاي
السالفة وابوية مصر هو يربي شلون تريديني
اعوفة الچ
-بس انت حكيت انو راح تتركني انا ربي
-مچانت الامور هيچ
-شو تغير
-هواية امور تغيرت واولهة انو ريمان متخلف
وابوية يريد هذا الطفل وميتنازل عنة
-شو خصني بأبوك هيدا قرارك
-لامو قراري وحدي لازم احترم كلام ابوية
-ضليت حايرة مابعرف شو جاوبو
يتبع ...