طائر السنونو ( هجرة غير شرعية )

part 9

دمتم بحفظ الله ورعايته ✨
تصويت وتعليق لطفاً ❤️
"#طائر_السنونو_ج٢ (مابعد العاصفة )"#بارت٩
بقلمي روان احمد

٫رائد ابو فتيان يگول واوصيك لتدوسة انتبه
مرات سهلة تطب گلب بس صعبة تطلع منة ٫

أيڤو  (خلونة نرجع ليورا شوية )

-مااريد احمل منك مو گوة هي السالفة
-شتريدين لعد تگدرين تفهميني
-اريد گلبك وحبك من تحبني راح اصيرلك زوجة وام لاطفالك
-ها يعني انتِ علاساس بعدچ مصرتي زوجة
-خجلت من كلامة ردت امشي واعوفة سحبني عليه
وحضني بقوة
-لتعبين گلبي وياچ ايڤو
-مجاي اتعبك ولااريد اكون سبب لتعبك اريد اعيش مثل
الناس انت مجاي تحس بية لو شنو اني بعدني شابة صغيرة
وتزوجتك ورضيت بحكمكم علية ودفعت ثمن اغلاط
اخوية وبنتك وتحملت فكرة اني اكون وسيلة لمتعتك
واحاول اكسب گلبك وافوز بي كل هذا اني صار بية
وسويتة الك تگدر تگلي انت شنو سويتلي اذيتني
بلكلام ضربتني واني محد ماد ايدة علية
-ابتعدت عنة گعدت علتخم وهو اجة قرفص گدامي
-شنو يرضيچ حتى اسوي
-حبني ابو القاسم عاملني كزوجة الك مو شي انفرض
عليك وجاي تخلص من عبئة وتأدي واجب تجاهة
-اني ممعتبرج عبئ ايڤو انتِ شي حلو هواية حصلتة
بعد كل هاي السنوات بعد مسديت كل الابواب
لشعور جديد ونسيت كل هاي الامور
اجيتي انتِ خربطتي الاول والتالي
-تخلص مني اذا اني جاي اخربط حياتك
-وادماني الچ ولكلشي بيچ
-الي خلقني خلق غيري اكو هواية بنات بعمري تتمناك
-شسوي بلهواية واني عندي هلحلوة هاي
-تريد ت...... وياية مو وجاي تحجي هيچ حچي
-مااحس غير ضربني راجدي قوي جسمي كلة اندفع بيه
-حيوانة جاي احاچيچ مثل الاوادم ليش تحبين .........
بلوضعية شنو قحط نسوان حتى اجي اجر ناعم وياج
لهيچ سبب انتِ مرتي وغصب عنچ تنطيني نفسچ
-باوعت بعيونة بيهن غضب جبير قررت استفزة بلكت
يطلگني واخلص اني صدگ حيوانة من قررت اخذ مكان
بگلبة الي مثل ابو القاسم ميتعاشر ابد
-طلگني يلة گلتهة بنتر
-وهو تقرب گعد يمي علتخم خفت كلش من نظراتة
عرفت ناوي يضربني وهذا الي صار ضربني بعنف
اذاني كلش واخذ حقة مني بلاجبار كرهت جسمي ونفسي
واهلي الي خلوني بهيچ موقف صعب وية انسان ماعندة
رحمة وعندة سهل بأي وكت يضرب ويعنفني
بس اكو بداخلي نار مجاي تهدء تقربت منة ضربتة راجدي
حتى انتقم لكرامتي بس ياريتني مضربتة تخبل علية
-بنت ال...... منو انت وتضربيني
-اني أيڤين وراح اطلع روحك لحد مطلگني
-مااطلگ لو تموتين وايدچ هاي الة اكسرهة
-لزم ايدي لواهة حيل واني فرفحت صرت اتوسل بي
يعوفني فدوة عوفني راح تنكسر
-عسى كسر ان شاء الله ادب سز شلون ترفعين ايدچ علية
تخبلتي انتِ مو اموتچ هسة وماادري بروحي ليش تستفزيني
-عوفني فدوة مااستفزك بعد لخاطر الله
-راح اعوفچ هاي المرة رغم انتِ متستاهلين گومي يلة من يمي لتشوفيني وجهچ بعد
-ترك ايدي ودفعني عنة اخذت ملابسي لبستهن
وطلعت من غرفتة سبحت ونزلت يم عمة احس روحي
محترگة شسويت بية ابو القاسم دمرتني
-تمددت بصفهة وهي حست علية
-هاي شبيچ أيڤين ليش اجيتي هنا
-تعاركت وياه
-وليش العرايك يايمة احنة گلوبنة خلصانة عيشي وياه
بدون مشاكل وقال وقيل ترى هاي السوالف اتعبچ
-مااريدة اريد اتطلگ
-شنو هاي السوالف حبيبتي ذاك اليوم تزوجتوا
-اي واذا اني مااريد اكمل وياه ابن اخوچ مينجرع
-هو طبعة صعب بس اني عبالي تطلعين سباعية وتكسبي
-ياسباعية عمة هذا مينطاق ابد ولايتعاشر
-نامي يمة الصبح افتهم منچ هسة تعبانة حيل اريد انام
-نامي عمة
-مددت بصفهة وصارت الصور تنعاد گدام عيني يعني تالي
اتحول وسيلة الك لمتعتك تضرب وتعنفني وتجي تاخذ حقك
وتطردني من الغرفة اني شضل من كرامتي بهاي العلاقة
لازم اعوفك مااضل وياك ابد بجيت وگلبي وجعني
حسيت صدري تشنج لأن جاي اكتم صوتي واحاول اتماسك
-بس كل مااتذكر الي سواه ارجع ابچي بحرگة حسيت الباب
انفتح غمضت عيوني وسويت روحي نايمة صرت اسمع
خطواتة وهو يقترب مني خلى ايدة جوا جسمي يريد
يشيلني واني حجيت
عوفني مااريد انام يمك بعد
-ولانفس ترى روحي طلعتيهة
-شالني واني خليت راسي على صدرة وبجيت مزعلني
وابچي يمة وبعد شوية واشكيلة
راد يصعد بية الدرج گلتلة نزلني اني اصعد يروح يصير
بيك شي انت رجال چبير حبيت اضوجة بعد كل الي
سواه بية
-لسانچ الزمي واكلي خ......
-شحچيت اني غير الحقيقة
-بعد بية حيل أيڤو لتخافين علية خافي على روحچ
-صعد بية الدرج وصلنة للغرفة نزلني وراح تمدد بلچرپاية
-اشرلي انام بصفة بس اني رجعت ركبت راسي
-ماانام يمك والله
-تعاي دگلچ
-مااريد مو جبر هي السالفة
-لاجبر وغصب عنچ تنامين هنا اخذت مخدتي ومددت علتخم
-خبال تعاي هنا
-مااجي يمك بعد لو تموت
-شنو ولچ
-هيچ مگلت شي
-گام وهو يستغفر عرفتة لو راح يتحفنة بفشورة خرافية
لو يجي يضربني
-....... ................... ........... .....
-عزا هاي اكثر من وحدة
-لتخليني اقسملچ
-انت شسويت لعد اكو تقسيم اكثر من هذا
-اجة يمي سحبني من ايدي شمرني علسرير واشرلي بيدة
كافي ورجع اشرلي على راسة بما معناه عقلي راح يطير
گلت خل انام احسلي يروح يضربني انوب
-نمت واني دموعي على خدي مرت الايام الي وراهة
كلهة على هذا النحو يضرب يفشر واني اتمنع عنة
وبكل مشكلة بينة اگلة طلگني بس هو متمسك بية
مااعرف ليش رغم حياتنة صارت لاتطاق ولو اي رجال
مكانة يطلگ احسة متناقض كلش يضربني ويأذيني
وراهة ينومني بحضنة ويصير يهديني ليش تسوي
بية هيچ من الاول لعد وراهة تجي تطبطب علية
طريقة تعاملة وياية رغم بعنف بس جاي احس شي
تغير بيه لمساتة اختلفن عن قبل احسة صار يحب هذا
الشي الي يصير بينة مو نفس قبل بس اني الي فقدت
كل رغبتي بأنو يحبني واحبة احس گلبي تحمل
زيادة عن اللزوم وبأي لحظة ينفجر جان يوم جمعة
وهو موجود بلبيت نزلت جوا بديت انظف وهو تأخر
بلنوم لأن عطلة اجتي عمة گالتلي رجلچ يريد ريوگ
-فتت للمطبخ شفت سيف گاعد صبحت عليه
اسويلك ريوگ وياية
-اي والله ولو اعذبچ
-لامابيهة عذاب تدلل
-سويتلة ريوگ وصعدت الصينية الة فوگ خليتهة
وعفتة ونزلت كملت تنظيف ورجعت صعدت فوگ
سبحت ونزلت لگيت عمة طابخة الغدا
-وگاعدة تسولف هي وسيف گعدت وياهم على ميز
الطعام هو يحب يتشاقى ويضحك مطالع على ابوه
باعي ايڤين هذا المقطع
-دار التلفون علية جانت مقاطع مضحكة ضليت اباوع
وياه واضحك بصوت عالي منحس غير ابو القاسم فوگ
راسنة
-شنو يستوجب كل هذا الضحك
-يابة چنت اشوفهة مقاطع من التيك توك
-باوعلي عاقچ وجهة اشرلي اصعد فوگ
صعدت وعفتهم وهو صوتة يحجي على ابنة ويرزل بي
ماادري اصلاً شنو صار بهاي الفترة صرنة اني وسيف
مثل الاصدقاء لأن هو مقارب لعمري بس هو محترم
كلش بتعاملة وياية مااعرف شنو ضوجة هيج
شوية ودخل للغرفة صاير عصبي لزمني من شعري
وصار يضرب بية
-وخر شبيك انت مخبل
-............. وبساعة السودة الي جابتج علية
-شنو صاير ليش دتضرب وخر عني
-شعندچ تتمضحكين وياه صوتچ وصل ليمي فوگ
-واذا هو مو ابنك
-ابني شنو ......... مو رجال
-انصدمت من كلامة وعقليتة الي طلعت فد مرة متفيد
ابنك بنظري اخ الية وصديق وماعندي اي تفكير من الي
انت تفكر بي الحمد لله عقلي نظيف ومابي هاي الافكار
المرضية الي عندك
-اني مريض نفسي يعني
-اي
-رجع ضربني واني اختنگت كلش رحت علكنتور لميت
هدومي بجنطة ولبست شال وعباية وهو بس يباوعلي
محاول يمنعني
-طلعت من الغرفة نزلت جوة وعمة من شافتني تخبلت
وصاحت عليه