طائر السنونو ( هجرة غير شرعية )

part3

صباح الخيرات ✨
تصويت + تعليقات حلوة مثلكم بين الفقرات
احبكم يااغلى ناسي

****** #طائر_السنونو هجرة غير شرعية*******  #بارت٣

بقلمي المتواضع -روان احمد -
بارت 3
تعرض حصرياً لبيج روعة الطائي وقبل عرضها في الواتباد
-----------------------------------------------
-شوية واجوي لبيتنة واني احس ماعندي رجلين اوگف
-عليهن باوعت من الشباك كلهم جايين والاهم اسامة
-كاشخ وجاي يخطبني لأخْنَس گلبي يدگ سريع توتر
-وخوف بنص هاي الهوسة تذكرت رهانة اني وياه
-معقولة يعني چان يحچي صدگ خيولي هو ورهانة
-ماكو قوة بلدنية تخليني اتزوجك
-شوية وفاتت ياسمين للمطبخ وبدت تحضر چاي -وضيافة واني بس اهز برجلي مجاي استوعب الموقف
-ليش ساكتة ريمان
-يعني شسوي ارگص مجاي تشوفين شگاعد يصير
-كلة مكتوب ريمان شتسوين يعني اذا ميحبچ
-والله لاكسر خشمة على رفضة الي
-شتسويلة يعني رجال وميريدج واني مو لأن اخوية
-ادافعلة بس هو صدگ ابد مخدعچ ولااوهمچ بلحب
-واني شسوي بگلبي ياسمين الي يحبة ويتمناه اني
-صح ضايجة منة هسة لان رفضني بس بعدني احبة
-ومجاي اتخيل حياتي وية غير شخص
-گومي خلي الكيك بلمواعين شنو اني ابيتنة اشتغل
-ومن اطلع خطار هم اشتغل ارحموني
-هههههه جاية مسحت دموعي وحضرت وياهة الكيك
-وصبينة چاي ضلينة گاعدين بلمطبخ نسولف ورا نص
- ساعة تقريباً طلعوا وبابا اجة گعد يمي

وگلي شبيهة
-حبيبة ابوهة ترى محد يجبرچ واذا ابن عمچ امسحي
-دموعچ حبيبتي محد يگدر يقهرچ مادام اني عايش
-بچيت بحرگة ماعندي حتى ام احضنهة وابچي
-الحياة كسرتني هواية بخسارتهة وهسة جاي تكسرني
-بأسامة بيبي اجتي من برا جانت يم عمي مؤيد
-ها كثروا خطاطيبچ وبرتي
-ليش برت بيبي توني 17 متخافين الله انتي
-ههههههه على وكتي الي بعمرچ بايرة
-ليش مرايدة ابن عمچ
-ماريدة هو او غيرة بيبي اريد ادرس ماريد زواج
-ومسؤلية وابن عمي مو مناسب الية لاكعمر ولاحالة
-اجتماعية يعني زواج فاشل ومينجح
-والله مجاي افتهم شي عليچ شنية عود  هاي الحالة -الاجتماعية مسامعة بيهة
-بيبي يعني مطلگ مو اعزب
-ها والله يمة ضلت بكيفچ انتي وابوچ تنجازين
-بابا گال راح اگللهم مموافقة البنية
-لاگاللهم انطونة مجال ونردلكم خبر
-ليشش؟
-لعد شلون گبل يگللهم متريدة عيب يمة وهم عمامچ
-لازم هيج حتى ميزعلون گومي يلة سويلنة عشا
-لتضلين گاعدتلي مثل العمل الردي
-ههههههه شحب سوالفچ بريسم
-ولچ عيب استحي كدج اني
- غير مبينة اصغر مني وين اكو منچ بيبي گمت حضنتهة
-وهي اتطبطب على چتفي
-ادري يمة گلبچ مكسور منة بس هو مو قسمتچ ارضي
-بأمر ربچ المايريدني ماريدة ليش باچية وعيونچ
-منفخة منو يستاهل هلدموع
-بيبي ماگدر صعب هواية انسان احبة سنين وتالي
-يطلع ميحبني وفوگ كل هذا يجي يخطبني لاخوه
-بنفسة مجاي اتحمل والله
-يمة هو الزمن يداوي گلبچ اذكري الله وروحي صلي
-ركعتين بلكت الله يطفي النار الي بيچ
-اي بيبي اني محتاجة اگعد وية رب العالمين
-واشكيلة همومي رحت توضيت وگعدت اصلي
-خليت راسي بلگاع ونزلت دموعي بعد ماگدر اسكت
-ولا اكتم صوت شهگتي ليش ربي خليت حبة بگلبي
-اذا هو ميحبني ولايريدني ليش عذبتني بحبة ياالهي
-مسحت دموعي وطبگت السجادة گبل نمت مگعدت
-غير للفجر صليت وگعدت اقرى انسى الموضوع كلة
-بس مگدرت لل7ونص اكلت موزة وبدلت وطلعت
-للمدرسة لگيتة منتظرني بلباب
-صباح الخير خطيبتي
-خطيبتك شنو