طائر السنونو ( هجرة غير شرعية )

part 6

اسعد الله اوقاتكن بكل خير ✨
تصويت وتعليق لطفاً ❤️
"طائر السنونو (مابعد العاصفة )"
بقلمي المتواضع -روان احمد -
البارت قد يحتوي بعض المشاهد الغير ملائمة
لكل الفئات العمرية اقتضى التنويه
------------------------------------
ايڤو💞

-حياتي وياه تعقدت كلش وصارت لاتحتمل الموضوع مو سهل
-ابد مثل متصورت مستحيل اكسب گلب شخص مثلة واخلي
-يحبني هذا موضوع مو ممكن صارلي ٤ايام زعلانة وياه
-مااحاجي وهو مفكر حتى يسألني شبيج انسان غريب
-كلش ويوم بعد يوم اتندم اني حبيتة وفكرت اخذ مكان
-بگلبة زعلني جان لسبب قوي كلش ويمكن هو يدري
-ليش اني زعلانة منة لهذا مفكر يسألني عن السبب
-جانت ليلة تجنن حسيتة بدى يلين ويحبني عشت
-اجواء تخبل وياه بس من حجى كلامة الي زرف گلبي
-ابتعدت عنة مااعرف شلون گدر يسوي هيج وياية
-وبحضني ويگول احبج نورة جانت كلمتة هاي مثل
-النار بلهشيم مخلت شي محرگتة وسوت فجوة جبيرة
-كلش بگلبي جنت علطول اعذرة واگول حقة هو يحب
-زوجتة السابقة وهذا شي مو بيدة بس بعد كلامة
-مااگدر اعذرة جان علاقل لازم يفكر بية ويگول شنو
-ذنبي اني اعيش كل هذا ليش اتحمل انو اعيش وية انسان
-گلبة بمكان ثاني وجمالة يتغنى بحب حبيبتة هو وبحضني
-رجعت من الكلية نفس كل يوم طافرة روحي
-سبحت وطلعت مشطت وگعدت اقرى وهو نزل جوة
-يتغدى شلت ايدي من كلشي يخصة اني مو خدامة الة
-اخدمة والبي حاجتة وياريت لو مغزر انما مغزر كلشي
-دمعت عيوني نشفت روحي وحاولت اتجاهل كل مشاعري
-ابو القاسم انسان متعب ولازم ابتعد عنة قدر الامكان
-حتى لو جان حبة بگلبي يكبر كل مااباوع بعيونة
-وانسى كلشي صعد فتح الباب واني مباوعت حتى بوجهة
-نزع ساعتة وتمدد علفراش واني ضليت مدنگة بس اشوف
-رجلي من يتحرك مااريد ابينلة اني مهتمة بي
-غفى واني كتلني الملل معقولة گلبك شنو انت مفكرت
-تصالحني حتى لو تخدعني وتقشمرني بكم كلمة حلوة
-هيج صار الموضوع عندك هيج اني مو مهمة
-لهلدرجة كل شوية تخنگني العبرة واحاول اقوي روحي
-تعبت كلش صارت الساعة ٣ العصر قررت انام شوية
-اخذت المخدة ومددت علتخم حاولت اغفى
-مگدرت كل شوية اباوع عليه واتأمل انو راح يگعد
-ويصالحني بس امالي فارغة نفس عقلي الفارغ من قرر
-يحب ويتعلق بشخص مثلة گمت علمراية خليت مكياج
-وفتحت شعري مشطتة ولفيتة بلفرشة مال شعر
-شنو فايدة جمالي وانت متحبني غميت روحي وضليت
-ادردم التفتت شفتة گاعد ويباوعلي انحرجت كلش
-ها تخبلتي
-شعليك بية
-لسانچ ايڤو
-زين والله من دلعتني
-ليش معاجبج
-اني ميعجبني اي تصرف منك
-ها هيج صارت وبنت گلبي شصار بيهة
-احترگت
-اسم الله عليهةمن الحرگ بيش تطلبيهة
-انت شنو
-شنو اني
-ماعندك احساس
-ليش شسويتلج
-متعرف يعني
-لاوالله
-نسيت شلون همست بسمهة
-لاحول ولاقوة الا بالله وهاي انتِ صارلج ٤ ايام زعلانة
-لأن همست بسمهة بلغلط
-لامو بلغلط اني الغلط الوحيد بهاي القصة انت عندك
-حبيبة وعايش على ذكرياتهة اني الي غلطت من حبيتك
-وتخيلت انو انت ممكن تحبني بيوم
-ايڤين ريحي عقلچ شوية
-مااگدر تعرف شگد جرحتني
-اي اعرف بس مو بيدي يابنت الناس
-باوعتلة بشك
-هههه يابنت گلبي انتِ
-اني اتمنى لو جنت بنت گلبك من صدگ
-ايڤين الحب مو بيدنة انتِ تگدربن تبطلين تحبيني
-اني اصلاً مااحبك
-لابالله وسوالفچ بليل شنو
-تذكرت الي يصير بينة وخجلت كلش اني افرط البريك
-واصير احجي كلشي بگلبي من اصير بين ايديه
-حجي عادي مالة معنى
-هههههه عمي لو هيج الحجي العادي لو مينراد
-ابو القاسم اريد ننفصل
-انتِ يمكن عبالج الزواج والطلاگ لعبة ويومية تريدين
-تنفصلين ترى الموضوع مو هين
-لاهين كلش ثنين متوالموا عادي
-لاهم بليل يتوالمون وبلنهار المرا تتخبل
-ردت اضحك بس لزمت نفسي
-اضحكي يابة
-مااريد
-اجعل لاردتي يلة روحي تغدي
-مااريد
-شنو سالفتج اليوم ماكلة شي برا
-اي
-عوافي
-مجاوبتة رجعت علمراية اطوخ المكياج وهو ضحك بقوة
-التفتتلة واني اعدل الحمرة بشفايفي اشرتلة شكو
-اني مو مرتهق مشايف وجاية تحرگينوگلبي بهلسوالف
-منو گلك الك
-المن لعد اكو غيري
-لنفسي احب اشوف روحي حلوة
-والله انتِ حلوة بدونة
-غصباً عليك
-شنو ولج
-اااااا اقصد غصباً علكل الة عليك
-لواتة مااريد ولتضلين تخلين بهلحمرة تالي اتعب واني اغسل
-ضحكت من جوة لجوة وگلتلة تحلم بعد تطخهن
-هن شنو
-شفايفي شنو يعني
-ها عبالي غير شي
-بطل فساد
-اني مااحلم بشي ايڤو اني احقق احلامي
-مااحس غير گام صار يتقرب مني واني طبگت علميز
-رفع راسي بيدة وحجى بهدوء
-اسف يابة مجان قصدي ادري شگد دتتعبين لخاطري
-ومقدر وضعج ومو هين علية زعلج بس مابيدي شي
-انتِ صيري سباعية واخذي مكان بگلبي
-باوعتلة بحزن شلون اخذ مكان بگلبك وهو كلة الهة
-تنهد بضيق وحضني
-بجيت وهو شدد بحضنتة
-دموعج غالية أيڤين
-دموعي صارت رخيصة من عرفتك ابو القاسم
-لا لتحجين هيج
-هذا الواقع ياريتني مشفتك ولاحبيتك
-ندمانة
-اي طبعاً
-استغفر الله شنو بيدي اسوي الج
-مابيدك شي كلة مقدر ومكتوب واني نصيبي من هاي الحياة
-اتعذب بحبك
-مااتمنى اكون سبب عذابج
-رفعت راسي وهمست وصرت سبب عذابي
-اخذ شفتي بقوة مشى بية للتخم ارتخت اجسادنة
-گعد علتخم واني بحضنة ابتعد عني تلمس شفايفي
-وحجى بخدر
-لو تدرين شصار بية بهلاربعة ايام روحي لابت عليهن
-ليش عفتهن لعد حجيت واني اتلمس خدة
-عيوني ذبلانة وصوتي خافت حيل
-عفتج اريد اشوف وين توصلين بزعلج
-ووين وصلت
-لطريق مسدود گلبي گوي هواية وتتحملين الزعل
-تعلمت منك
-ملعونة انتِ
-بلعنة حبك ابو القاسم
-رجع اخذ شفايفي بقوة دخت كل مرة يتقربلي بيهة احس
-افصل عن العالم واصير اسيرة الة ابتعد عني بعد فترة
-طويلة مثل كل مرة ازعل واقهر بروحي وتالي اتقشمر
-بكلمتين وياريت لو حلوات كلمات تغث
-اخذت دشداشتي سترت بيهة جسمي وهو گاعد يدخن
-باوعلي بنظرة مااعرف شفسرهة شفقة لو شنو هاي
-ليش تباوعلي هيج
-انتِ بلوة تالي العمر أيڤين
-اذا اني بلوة ليش تتقربلي ليش متعوفني اشوف حياتي بعيد
-عنك ليش متريحنة من هذا العذاب
-ولو هو مو عذاب بلنسبة الك هاي متعة بنظرك
-عمري كلة مدنت نفسي على مرية غيرج
-ومرتك
-جان شي مختلف هواية وحتى وياهة جنت اگدر اتحكم
-برغبتي واذا زعلت مااراضيهة
-شلون حب هذا لعد
-كل انسان مقياسة للحب يختلف
-وانت شنو مقياسك للحب
-مااعرف يمكن الحب اهتمام وتعلق وارضاء للمقابل
-والله انتِ ماعندك اي شي من هذا
-ليش مااهتم بيج يعني اني؟
-بلى بس مو بحب واجب
-احنة جاي نخدم الوطن بأسم الواجب ونضحي برواحنة
-ونطلع منعرف نرجع او لا نوبات الواجب اسمى درجات
-الحب وشي مو ممكن تتخيلين اهميتة
-هذا حب تجاه شي ماعندة احساس مو بشر مثلي
-گومي يابة الحجي يتعب
-المن يتعب اني لو انت
-يتعبنة احنة الثنين
-تقربت منة حضنتة قوي وحجيت بحرگة يجي يوم
-وتتعذب مثلي وتدورني ومتلگيني ساعتهة راح تعرف اني
-شگد حبيتك وانت مقدرت هذا الحب
-مقدرة والله انت جاي تعذبيني بكلامج
-وهو هذا المطلوب تتعذب شوية
-تطلعين لمكان تغيرين جو
-لامااريد اريد اغير گلبي واخلي ميحبك ياترى ممكن
-لامو ممكن لو الموضوع سهل جان حبيتج وفضينة هاي
-الهوسة كلهة
-ليش صعبة هلگد
-مو صعبة بس اكو امور بلحياة مو بختيارنة تصير غصب
-واني مختاريت منو احب وليش احبة واذا نرجع للواقع
-انتِ بعمر بنتي وكل الي جاي يصير بينة غلط
-ليش جاي تمشي بلغلط لعد
-حبيتة للغلط ومجاي اعرف ابطلة صار عندي مثل الادمان
-ادمنت أيڤين يعني
-باوعلي بعيوني وحجى
-ادمنت صنف فاخر الناس كلهة تتمناه واني اجاني علحاضر
-هواية علية اعرفة هواية بس شيقنعني بهذا الحجي
-لتجيبين سيرة الطلاگ بعد اغار عليج من عيوني
-وهي تباوعلج واخاف عليج من نفسي وانتِ تجين
-تحجيهة ترس حلگج وتگولين اريد اشوف حياتي
-ياحياة هاي انتِ حرم ابو القاسم الة وبس واگطع
-گلبي دگ بقوة وانفاسي علت خلى راسة على صدري
-وهمس
-اوف منة من ساعة الي حبني وخلاج تحيرين شتسوين
-بس حتى احبج
-خليت ايدي على راسة وحجيت واني احاول اسيطر
-على نفسي جنت اسوي واجبي كزوجة الك
-ليش تنكرين
-ماانكر اني احبك بس هم سويت هذا الشي كواجب علية
-ومندمانة عليه بس ندمانة على مشاعري تجاهك هذا بس الي -ندمانة علية من بين كلشي صار
-عيشي عمرج بدون ندم أيڤين محد يتعب غيرج دتشوفين
-هذا الشيب كلة من التفكير والندم والحزن على شي راح
-الحياة كلهة خلصانة مالة داعي كل الي جاي تسوي
-حضنتة قوي مااعرف شسوي بيك وبگلبي اتمنى اسمع
-كلمة احبچ منك صارت حلم بلنسبة الية وهسة صارت
-مسألة كرامة اريد انتقم لكرامتي الي دستهة بسوالفك

المهرة ☘️

-طلعنة بطريق منعرف شنو نهايتة سيارة المهربجي گدامنة
-واحنة وراه والحماية ورانة طريق كلة جبال مشت السيارة
-هواية وبابا كلساع يخابرة ويسألة عن الطريق وهو يجاوبة
-ضلت كم ساعة ونوصل گلبي ممرتاح احس راح يصير شي
-ويخرب كل الي خططنة الة خايفة على بابا كلش اريدة
-بس يطلع من العراق ويكون بأمان مااعرف رماح شناوي
-وهءا العدو الخفي الي يريد يخلص على آل الصافي
-منو هو ياترى وشنو ثارة ويانة
-شبيج وجهج مخطوف
-مااعرف ممرتاحة
-اهدي مضل غير كم ساعة ونصير بتركيا
-ان شاء الله
-باوعت علطريق واجة ابالي رماح ياترى راح تسامحني
-بيوم لو راح يقضي الكره على كل بذور الحب الي بگلبك
-اني خنتك وانت خنتني بلاول وغدرت بية من ارجع للماضي
-اشوف انت الي بديت وطعنتني بضهري ليش لعد مجاي
-اسامح روحي واحس نفسي غلطانة
-معقولة تنسى ايام سجنك وكلشي صارلك مااتصور ابد
-الوكت الي گضيتة وياك خلاني اعرفك كلش زين
-خليت راسي على كتف ابوية وغفيت تعبت من الطريق
-گعدت على صوت زلم عالي فتحت شفت ملثمين ثنين
-شايلين رشاشات لزمت ايد بابا حيل نزلنة
-من السيارة بابا طلع سلاحة وهم وجهوا سلاحهم علينة
-استغربت الحماية واگفين وياهم يعني انغدرنة
-نزل سلاحك عياد باشا
-من سمعت صوتة عرفتة هو
-رماح هذا انت
-التفت الي باوعلي بنظرة بكره ورجع نظرة لابوية
-نزل سلاحة بلگاع وگعد على ركبة واني واگفة وراه
-حجيت بتهديد منو انتو وشتريدون من عدنة
-حجى الثاني شبيك باشا شو بنتك تحاجي الزلم
-شنو ماعدكم رجال تسولف
-ضي اسكتي
-بابا ليش نخاف منهم منو ذولة
-المهرة سدي حلگج
-التفتت الة وحجيت بغضب لهلدرجة وصلت من الدناءة رماح
-تريد تكتل ابوية وتحرگ گلبي
-اني مالي علاقة بأبوج اجيت حتى اخذج وبس
-تاخذني شتريد مني
-بنتي لتتقربلهة اكتلني سوي الي تريدة بس عوف بنتي
-بنتك مرتي ومسؤليتي انت بس موت ومعليك
-ضحك بشكل مستفز واني تفلت بوجهة
-انت انذل مخلوق شفتة بكل عمري رماح
-نقيب رماح لو سمحتي
-انت مو انسجنت وانسحبت رتبتك
-شنو عبالج بس انتو عدكم واسطات احنة هم مو شوية
-وراح اندمج انتِ وناجي على سوالفكم
-هاي السوالف تطول واني ماعندي وكت
-تشاهد على روحك عياد باشا
يتبع ......