اسعد الله مسائكن بكل خير نجماتي ✨
تصويت +تعليقات حلوة مثلجن بين الفقرات
*******#طائر_السنونو هجرة غير شرعية ********#بارت٤
بقلمي المتواضع -روان احمد -
تعرض حصرياً لبيج الست روعة الطائي
وقبل عرضها على الواتباد
بارت 4
------------------------------------------
ولو شفت شوية عشگ بعيونك انسى اهلي وكل ناسي
مسودن بعشگك تارسني ترس من جدمي لراسي
ولو اكتبلك ابيات شعر ودواووين اظلم حيل احساسي
يلترف يلكلشي بيك معقول يم اسمك تضيع الهيبة والطول واصيرن جاهل واتسمر ومن اعاين لشفافك
اخدر لابية اطلعك من گلبي لااتحمل
اريد ارجع طفل ويم خدودك ازعل
طير انا وطاير بسماك شمالك يگلبي تعشگ المايهواك
چنة حلم اشوفك تحن الية وتمر بكل المر بية
اتركم تحزرون المن هذا الشعر
----------------------------------------------------
-رحت گعدت يمهم وبابا سألني هاي ابن عمچ گدامچ
-جاي يريد يسمع شنو رأيچ
-تمنيت اگلة ماريدك بس شلون وهو لازم علية لزمة
-گلتلة الي تشوفة بابا
-شنو الي اشوفة حبيبتي هاي حياتچ انتي قرري
- باوعتلة رافعلي حاجبة وبعينة نظرة نصر لان يعرف
-ماگدر ارفضة
-موافقة بابا گلتهة وطلعت بسرعة للمطبخ اختنگت
-بيبي گاعدة تثرم بصل گعدة يمهة خليت راسي
-على رجلهة گلبي يوجعني الجاي يصير فوگ طاقتي
-اني شوداني الله يلعنچ رفيف على هاي السالفة
-تورطت من وراچ وصار هذا الحقير يتصرف بية
-بكيفة فات بابا واني عدلت گعدتي
-شنو غير رأيچ بهاي السرعة وليش عيونچ حمر
-احچيلي بنتي احد جابرچ على شي لتخافين من احد
-اني بضهرچ وماعوفچ
-لا ماكو شي حبيبي بس لان بيبي تثرم بصل عيوني
-دمعت وبخصوص الزواج اني فكرت بلموضوع
-والصبح زين العابدين وصلني للمدرسة وگلي انو راح
-راح يخليني اكمل دراسة ويضل زواجي هنا احسن
-الية حتى اضل قريبة عليكم
-بكيفچ حبيبتي بس اني گلتلة ماكو زواج لحد
-متخلصين سادس لان يصير ضغط
عليچ وانتي لازم
-تطلعين معدل يقبلج صيدلة
-تمام بابا براحتك
-عفتهم ورحت لغرفتي اخذت هدوم سبحت وگعدت
-امشط دگ تلفوني رقم غريب مجاوبتة
-دزلي رسالة اني أخْنَس جاوبي
-نفخت بضجر واني الدنيا طالعة من عيني
- بس گلت خل ارزلة احسن ماضل بقهري
-جاوبتة واول كلمة گلتهة ها فرحت بلي سويتة
-مكيف راح تاخذ وحدة گلبهة وية غيرك عود شنو
-تكسرني تريد وداعتك متکدر وراح اندمك على الي
-سويتة بية والة اخليك تطلگني وانت الممنون
-هوب شبيچ حافظتهن لو شنو باعي حب قلبي
-خل اجاوبچ عليهن وحدة وحدة اولاً اي فرحت
-وهواية وداعة ام عباس الي ساحرتلي يمهة وهيچ
-ميت عليچ وثانياً اكسرچ واكسر 10 مثلچ وسهلة
-كلش علية بس انتي بت عمي ومانطي بيچ ولااگدر
-اضرچ بيوم ثالثاً والاهم ياعمري اني ممتزوجچ
-بعدني حتى اطلگچ عود من نتزوج الله كريم
-انت جاي تستهزء لو شنو
-اي لعد شسوي صدك باچر رايح استقبل مراسلة
-من لبنان عود اجيبهة يمچ بلكت تعلمچ تگليلي
-شي حلو بمكان هذا النكد المعيشتني بي تؤبرني
- ابن عمي دخيل ئلبك شغلات حلوة من هاي
-اي بس هاي ضلت اتغزل بيك وبلبناني هم
-ليش مااستاهل
-گالهة بطريقة غريبة كأنو ديعاتبني انو گلبة تعذب هواية
-واني مجاي احس بي او يمكن جاي احس بس ماريد
-انو ادخل گلبي بلعبة جديدة كافي الي سواه بية اسامة
-ماريد انخذل انوب
-شبيچ سكتي
-مابية يلة باي
-باي يااول رجفة عشگ عاشهة گلبي
-سديتة منة واني مثل الي داخل دوامة مجاي اعرف
-اطلع وجاي تسحبني كل يوم اكثر ألاخْنَس هو زين
-العابدين اكبر واحد بعائلتة عندة معرض سيارات
-هو وواحد شريكة من صارت احداث داعش استجاب
-لنداء المرجعية وتطوع بلحشد چان مقاتل قوي
-وعمي علطول يحچي بطولاتة ويفتخر بيهن
-اكثر من مرة تصاوب لدرجة ياسمين تگول
-ماكو مكان بجسمة مابي جرح او اثر شضية
-بسبب بطولاتة ترقى وصار قيادي بلحشد
-ماانكر هو شخص جذاب وطول وهيبة بس اني ماحبة
-ولا بعمري فكرت بي ولا حتى كأخ جان شخص غريب
-وغامض بلنسبة الية زوجتة الاولى اسمهة دنيا
-وحسب مسمعت چان يحبهة كلش بس هي طلعت
-تحب ابن خالتهة وتراسلة وتتفق وياه تتطلگ حتى
-ياخذهة اعترف انو جان شخصيتة تختلف قبل
-عن هسة ميضحك ولايحب يحچي احس اكو
-شرخ بگلبة تركتة هاي العلاقة الي عاشهة بس شلون
-يعيد الغلط نفسة ويرجع يتزوج وحدة گلبهة مو وياه
-ليش دائماً التاريخ يعيد نفسة مچنت اؤمن بهاي
-المقولة بس اليوم اقتنعت انو الاحداث ماعرف ليش
-تتكرر دائماً وية نفس الشخص نمت واني افكر
-بحياتي المخربطة محسيت غير بيبي تگعدني
-حتى اتعشى تعشيت ورجعت
أنت تقرأ
طائر السنونو ( هجرة غير شرعية )
Romanceواني كطير مهاجر لا اجد وطني ولامن يدلني عليه ولاعشقي الذي نسيته
