طائر السنونو ( هجرة غير شرعية )

part 20

اسعد الله اوقاتكن بكل خير
تصويت وتعليق لطفاَ
#طائر_السنونو (انتقام الأخْنَس)
بقلمي روان احمد

🍃زمن🍃
-رجعنة للبيت ثاني يوم اختو اجتي جابتلنة ريوق
-اشلونو وضعك زمن
-الحمد لله
-كلشي تمام
-اي الحمد لله
-الله يسعدكم خيي يحبك كثيغ ويريد رضاكي
-واني احبو مياسة ومااقدغ اعيش بدونو
-الله يديم المحبة وينو هو
-بلحمام شوي ويطلع
-طلع وسلم على اختو واصر عليهة تتريق ويانة
ضلو يسولون واني اتأملو شلون يحكي احس
صرت مهووسة بيه مابس احبو لهلزلمة
كملنة وشلت الصينية اخذتهة علمطبخ وهو اجة
يغسل وقف وراية ومد ايديه
-احلى صباح هذا بحياتي قمر الزمان
-التفتت الو وحضنتو قوي اتمنى يكون كلشي
مثل مااريد وهو الي اني وحدي بدون كل
هلمشاكل وبدون مرا ثانية بحياتو وبدون
اضطراري اني اتركو
-اشنو بيكي حبيبتي احسك مهمومة
-مااعرف معتصم
-الله كريم تروح خيتي ونحكي
-هزيتلو راسي وهو باسني براسي وراح
-قعد شوي يحكي معها وهي راحت ماقبلت
تضل علغدا اجة قعد بصفي علتخم.
ودار وجهي عليه
-احكي قمر الزمان بصراحة اشنو متعبك
-اذا حكيتلك توعدني ماتتصرف اي تصرف غلط
-اشنو السالفة
-اوعدني
-ماشي اوعدك بس احكي يبستي قلبي
-لتخاف ماكو شي بس حرمتك اجتي عندي للعيادة
-شتسوي
-طلبت مني اتركك
-اي وبعدين
-اني وعدتهة اتركك معتصم بس اضل وياك علاقل
شهر واحد وبعدها نتفارق
-وهسة شنو الي مضايقك
-اشبيك معتصم القاعد اقولو
-هذا حجي جهال زمن منو يطلقك اصلاً انسي
الي حكيتي كلو
-بس ووعدي الهة
-يعني تتركيني لخاطر وعدك بعدين بكل الاحوال
انة صار لازم اتزوج لان هي ماتقدر مريضة
-هاي انانية معتصم المفروض تشيلهة بمرضهة
-اشنو ورطني بيك اني
-ورطك بية ليش مو انتي حبيتيني زمن
-هسة صرت ورطة بلنسبة الك
-معتصم قاعد احس بلذنب كلش جاي اتأذى
-من افكر هي قاعدة تدعي علية
-ومنو قال تدعي عليكي
-اعرف معتصم
-زمن حبيبتي ترى احنا عرسان اشتغدين
اشقو لزيقي حتى تغتاحين
-ابتسمت على كلامو وهو شالني اخذني للغرفة
-الدنيا صبح معتصم
-واشعدنة احنة غير عرسان
-دفع الباب فتحها برجلو وفات بية للغرفة
خلاني علجرباية تقرب مني يبوسني ودق تلفونو
-دحقتو ملامحو تغيرت وراح برا يخابر طلعت وراه
-سمعتو يحاكي مرية عرفتها هناء فتت للغرفةوتركتو
-شوية واجة اخذ شماغو
-وين رايح
-حرمتي متخربطة حبيبتي
-راح تضل يمها
-مااعرف زماني خل اشوف وضعها
-ان احتاجيتي شي دقي علية
-ماشي راح واني ضليت افتر بلبيت كلو نظيف
اشنو اسوي هسة الدنيا بعدها صبح مو مال
اسوي غدا رجعت مددت دقيت على همس
لانو لقيت مكالمات فائتة منهة
-اي اشلونهم العرسان
-الحمد لله انتِ اشلونك
-زينة شوكت ترجعين للدوام
-بعد 3 ايام
-اي زين مالي خلق اداوم بدونك
-اي اشنو سويتو البارحة ولو انتو قو...... متعودين
-مو مال واحد يخاف عليكم ويدور اخباركم
-بالله انتِ دكتورة اشنو هلحكي هاذ
-يولي منو قاعد يسمعنة
-شغاح تطبخي لو يجيبلك جاهز
-مااعرف هو طلع راح لمرتو
-اشنو راحلهة بعدكم عرسان
-مريضة وخابرتو متخربطة وراح ياخذهة للمستشفى
-الله يشفيهة
-امين
-يلة عجل غوحي اغد اطبخ غدا امي وينو ال دست
(الجدر)
- ضحكت على سوالفهة سديتو منها وحاولت انام
-رجعت غفيت قعدت على لمساتو على رجلي
-فتحت شفتو ذاب شماغو وثاني رجلو
وقاعد قدامي
-اجيت حبيبي
-اي ينبضو لحبيبك
-اشلونهة حرمتك
-تعبانة حيل الانزلاق قوي يمكن تحتاج عملية
-اي سويلهة عملية
-مترضى تخاف تنشل هواية ناس يسوون
-عمليات وبعد ميقدغون يتحركون
-علاج طبيعي ورياضة ممكن يفيدهة
-راح اخذهة لغير طبيب واشوف
-تحبهة
-اي اكيد بس حب عشرة اني مختاريتهة زمن هي
-بنت عمي وتزوجنة واحنة صغار هي مراهقة واني
توني شاب قبل الناس قبل اتزوج وهم صغار بلاخص
-الي ساكنين بلعرب هي تحبني بس اني
عمري مقدرت احبهة نفس حبهة الي
-وهاي عدالة بلنسبة الك
-القلب مو عادل زماني هو يهوى الي يريدو
-لو نجي للعدل المفروض اني احبهة ومااتزوجك
-بس انتِ طلعتيلي تالي وكت حلمي الي شفتو
-گبل سنين من اني وشاب تمنيت مرا مثلك
-ومن لقيت هذا الحلم صار صعب اتركو
-قومي جيبيلنة الغدا
-هي غدا اني مطبخت
-ادري جبتلك جاهز
-ماشي حبيبي قمت علمطبخ طلعت الاكل حولتو
-بصحون وكاسات وخليتو بصينية اللبن خليتو
-بجگ وخففتو لان ثقيل وخليتلو ثلج ومي بارد
-اخذتلو الصينية وهو قعد ياكل ويوكلني وياه
-حبيبي ترا اعرف اكل
-اكل المثقفين مااحبو اكلي بيدك
-مااعرف
-تعاي اعلمك سوي هيك بأصابعك
-سويت مثلو وضبطت وياية صرت اكل بيدي
-تذكرت كلام سلام انو لازم واحدنة يتغير لخاطر
-الثاني والظاهر اني اني الي راح اتغير لخاطرو