طائر السنونو ( هجرة غير شرعية )

part3

اسعد الله اوقاتكم بكل خير
تصويت وتعليق لطفاً ❤️✨
"#طائر_السنونو_ج٢(مابعد العاصفة)"
_____بقلمي ______روان ____احمد _____ #بارت٣

-ايامي وياه مرت ببرود متغير شي بينة نوبات اسمع
-عمة جنان تسولف وياه بخصوص موضوعنة
-واحس بلاحراج معقولة لهلدرجة اني محلوة
-لو معاجبتة وجاي تقنع بيه حتى يتقربلي وعلى شنو
-جاي تقنع بيه اني مااريدة ولااريد قربة خليه يشبع
-بعلاقاتة التعبانة ولو اني مشايفة عليه شي بس
-واضح انو عندة علاقة بمرية ثانية
-قررت اركز بدراستي واهمل هاي الامور الي اتعبني
-لأن مابيهة فايدة مراح يتغير شي ان فكرت
-ابنة جاي يتحسن ويستعيد صحتة واني صليت
-عشر ركع شكر لأن مصار بي شي بسببنة
-يومية ياخذني للكلية ومن اكمل دوام هم يرجع
-علية ميقبل اصعد وية ابو الخط علاساس اني
-عمري كلة شلون گضيتة قبلة صرت التهي
-بأي شي متاح اسولف وية عمة اسوي وياهة
-اكل كبة وحلويات هي تحب هاي السوالف بس
-صحتهة متساعدهة تضل تشتغل فأني شلت عنهة
-الشغل كلة اسيل تعاملهة وياية صار معدوم تقريباً
-وحفلة الحنة المفروض بعد اسبوعين بس هي
-ولاعبالك فرحانة يجوز لأن ابوهة زعلان منهة
-او يجوز لسبب ثاني منعرفة خايفة من اخوية
-لانو مو حمل مسؤلية واكيد راح يتعبهة وياه
-ماعدا انو عندة علاقات ببنات هواية بس هاي
-هي هو هذا اختيارهة ولازم تتحملة مجان لازم
-تأذي ابوهة بهلشكل لانو صراحة ميستاهل صح
-اني قد اضوج منة لكن هو شخص محترم جداً
-بغض النضر عن فشارة وتقسيماتة من يضوج
-لكن هو يحب عائلتة ومهتم بيهم كلش
-صعدت لغرفتي جانت الدنيا عصر كلش سبحت
-وطلعت مشطت شعري وكويتة بلكاوية وبرمت
-خصلات منة لزمت المكياج وجرمت بيه خليت
-كومة سويت مكياج حفلات اخذت صور لنفسي
-وضليت اتأملهن ياربي والله حلوة مابية شي يتعيب
-ليش هيج يعاملني بس اني هم مو احسن منة
-صدگ من وصلت للحقيقة صرت اخاف اني
-مو گدة ابد لهذا الانسان هو عندة الموضوع عادي
-ويگدر يسويه بأي وكت واني اريد علاقة بحب
-ورومانسية مو بهاي الطريقة عبك عبئ وديخلص
-منة متصورت ابد انو ممكن اعيش هيج علاقة
-اصلاً جنت مقررة مااتزوج الة اذا عن حب
-مردت زواج تقليدي ابد تالي تزوجت بطريقة
-اتعس من التقليدي بهواية باوعت من الشباك خاف
-يجي ويشوفني عوذة سوا بية خوفة اخذت تلفوني
-ضليت اگلب ادور اغنية حلوة اسمعهة
-تعبر عن حالي التعيس طلعت گدامي هلعيون
-شلون املهة فتحتهة وضليت اسمع وافتر بلغرفة
-اعزل بلهدوم والمكياجات
-هلعيون شلون املهة سحر ذوبني بغزلهة
-بوسة من عندك حبيبي تسوى عندي الدنيا كلهة
-ياضوا عيوني وحياتي گلبي اقدملك هدية
-اطلب شما ردت مني گول وتدلل علية
-انت مني وانا منك مستحيل ابتعد عنك
-ابتسم يابعد عمري ضحكتك ماكو مثلهة
-تذكرت عيونة وابتسمت على سوالفي اني من جنت
-مراهقة مسويت هاي السوالف مال اعجاب بشخص
-او حب اجيت من كبرت گمت اراهق وشفايتلي
-لو معجبة بشخص بي امل اعجبت بواحد قافل
-طفيت الاغنية ورحت غسلت وجهي زين بغسول
-مااريد اسوي مشكلة لنفسي حسيت بمغص قوي
-مااعرف شبية اني اكلت لفة من الكافتريا بس
-حسيت طعمهة غريب ومكملتهة معقولة اذتني
-تمددت علسرير وبطني تلويني گمت علحمام
-غسلت حسيت جسمي احتر وعرگت طلعت گعدت
-بلگاع الوجع يموت نفسي لعبت كلش رحت
-تقيئت ضليت گاعدة بصف الحمام وكل شوية اروح
-اتقيئ وارجع اگعد بلگاع گلت لازم اصيح على عمة
-جنان بلكت عدهة علاج شي صحت عليهة
-اني وواگفة علدرج فوگ
-عمة عمة الحگيلي
-صحت اكثر من مرة وهي طلعت من غرفتهة
-شافتني واجتي يمي گوة صعدت الدرج
-هاي شبيج بنتي
-مادري عمة مغص ونفسي تلعب وصرت العفو ارد من راسي
-خاف تسمم
-ماعرف اني اكلت بلكافتريا مال جامعة
-تعاي مددي بفراشج لما اخابر ابو القاسم يجي ياخذج
-لاعمة مااريد بس انطيني علاج اذا عندج
-ياعلاج هذا انت وجهج صاير اصفر خل يجي ياخذج
-هسة احسن متضلين هيج نزلت جوة خابرتة واني
-ضليت گاعدة علدرج اسمعهة كملت المكالمة وباوعتلي
-يمة والله مابية حيل اصعد البسي شالج وعباتج
-لما يجي
-ماشي گمت علغرفة الدنيا تفتر بية مابية حيل اطلع
-شي ولاالبس مددت علجرباية وغفيت حسيت بي
-يگعدني
-باوعتلة وهو حجى
-هاي شجاج يابة
-حجيت بتعب ماادري بطني توجعني حيل
-وين عباتج
-اشرتلة علكنتور طلعهة وطلعلي شال وياهة
-لبست الشال وگمت وگفت اريد البس العباية
-دخت ولزمت ايدة وهو حضني لصدرة قوي
-اسم الله والف نوبة هم
-بداخلي فرحت بأهتمامة لو ادري هيج تهتم جان
-تمرضت يومية خلى العباية على جتفي وشالني
-نزل بية جوة وعمة انطتني مي شربت
-اخذني للمستشفى خلولي مغذي وضربوني ابر
-وكتبلولي علاج رجعنة للبيت وهو الطريق كلة
-يباوعلي بخوف اوي فدوة مااعرف هيج تخاف
-علية رجعني للبيت خلاني بغرفة عمة وراح
-وهي ضلت تقرالي ايات وتتوسل بية اكل
-بس اني نفسي متريد كلشي شوية وجابلي عصير
-طبيعي گعد بصفي وشربني والله فلا ارفض شي
-من ايدك لو اصير جنازة
-اجتي اسيل باوعت حالتي وراحت معاجبهة
-شكلتي اليوم
-لفة بلكافترية
-احنة شمحصلين من هاي الكلية غير القهر
-انت يرادلك حجة لو شنو
-اني مااتحجج لو اريد امنعج من شي محد يوگف -بوجهي أيڤين
-باوعت بعيونة هلعيون شلون املهة هسة اني
-انتبه علية صافنة بوجهة خلى ايدة على گصتي
-يتلمس حرارتي واني نزلت راسي شبية استخفيت
-كلش وياه كرشت عليه
-تصعدين بغرفتج ترتاحين
-هزيتلة راسي وهو تقرب يشيلني رغم بية امشي
-بس مااريد افوت هيج لحظات لفيت ايدي على
-رگبتة وهو باوعلي وابتسم خفيف عبك ديعرف
-شفكر وليش دسوي هيج
-صعدني بغرفتي نزلني واني رحت اخذت هدوم
-دريد اطلع جان يگلي
-مو هياتج بيج تمشين عليش كلساع مخليتني اشيلج
-باوعتلة ونفخت تك خد بزعل واذا يعني شلتني
-بعدين درجكم يتعب مابية اصعدة
-تقرب مني وحجى بتحدي وهو الابتسامة على وجهة
-اذا درجنة يتعبج لتصعدي
-حسيتة جاي يبسمرلي انو انتِ مو گدي وسوالفج
-كلهن مبينات گدامي هي شنو سوالفي اصلاً نسيتهن
-بس باوعت بعيونك گلتلة بتحدي اكبر
-اني احب الشغلات الصعبة لتخاف علية مااوگع
-انتِ واگعة ومن القاط الثاني هم
-متوهم انتَ
-التفتت اطلع وهو حجى
-اضعفي شوية كسرتي ضهري لما صعدتج
-حسيت حرجني باوعتلة وگلت عاجبني جسمي مثل
-ماهو لاخلفلة عليك منو گلك تشيلني وتضل ذالني
-بهاي السالفة
-اني لاخلفلة علية رحم الله والديج
-ووالديك بعدين الي ميطول العنب حامض عنة يگول
-والله انتِ ماعندج عنب عندج امور اكبر مو هيج بهواية
-حسيت بحرارة بكل جسمي يمة عوذة منك ولايستقر
-لازم ........ الوضعية يلة يرتاح عزا گمت احجي مثلة
-رحت سبحت ورجعت مددت بصفة وهو يگلب بأوراق
-باوعلي وحجى بهدوء
-اطفي الضوا حتى تنامين
-لاعادي مو عندك شغل
-خاف يزعجج
-لامو مشكلة انداريت عنة وهو يگلب بصفي بلاوراق
-وكل شوية ومفشر ماعرف شنو سالفتة
-عبك جانو يرضعوه فشار مو حليب
واذا صار عصبي ماكو فشورة بلعراق ميحجيهة
-واخر شي يگول لتخلوني اقسملكم علاساس هو قصر
-التفتت عليه اتأمل شكلة واحاول انام بس مااگدر
-لان ضوا مشتغل كمل وگام طفاه اجة تمدد بصفي
-محتاجة شي من جوة اجيبلج
-لا شكراً
-ضليت اتگلب وبعد عندي وجع ابطني بس اخف
-بيج شي يابة
-صارت هاي الكلمة تنرفزني كلش شنو يابة جاهلة اني
-گلتلة لا مااريد كلشي
-زعلانة مني؟
-لا على شنو ازعل منك
-لان گلتلج اضعفي ترى جنت اشاقيج
-اي ادري بيك تتشاقى
-وميهمني ان عجبك او لا جسمي واني حرة بي
-ولتگول اي كلمة من كلماتك الفاسدة
-ترى مابية حيل اضل احجي
-ههههههه مابيج حيل للحجي لو تخافين ياخذج
-الحجي لغير مكان
-اني مااخاف من شي بس مالي خلگ
-يلة نامي ابوية انتِ
-اندار علجهة الثانية واني فريت ايدي معاجبني
-وين ياخذنة الحجي يعني الله وكيل لباب الغرفة
-منوصل على برودك واني اصنف عليك واني
-بعد اضرب منك بس يمكن لو حاول يتقربلي بحب
-ماامنعة ابد بس منين يجي الحب من ...........
-لزدو من ............. ابو القاسم خرب من عاشر القوم
-گمت احجي حجي بذيئ نمت بعد طول تفكير
-گعدت الصبح بدلت ورحت للكلية رغم هو مجان
-راضي ابد يريد ياخذلي اجازة يتحجج علية حتى
-مااروح والله غصب عنك اطلع شنو حبس
-جنت گاعدة بلكافترية واجتي بنية من قسمنة
-گعدت بصفي اسمهة زهراء
-ممكن اگعد وياج
-انتِ گعدتي بعد
-اذا محابة عادي اگوم
-لاعادي اهلاً بيج
-تسلمين حبيبتي بس اريد اعرف ليش صرتي تلبسين
-عباية مو جان لبسج مثلنة
-تزوجت وغيرت نمط حياتي
-اها يعني هذا الي يوصلج زوجج
-اي
-والله عبالي ابوج
-لا حبيبتي زوجي
-عسكري
-اي عقيد بلجيش
-الله يحفظكم لبعض
-تسلمين حبيبتي
-ضلت تسولف وياية بس اني مرتاحيتلهة ابد
-احسة تتعمد تسألني عنة هواية اني مكونت اي
-صداقات خلال سنوات دراستي
-مااحب البنات الي هنا ولااحب تصرفاتهن احسهن
-عدهحن نوع من الخفافة وعادي يشاقن ويگعدن وية
-الولد وهذا شي اكرهة هواية رغم جنت البس
-بناطير وتنورات بس بلمعقول وشي مستور
-ترخصت منهة ورجعت للقسم خلص الدوام
-ووگفت انتظرة برا تأخر شوية واني كتلني الحر
-خابرت عليه يسدة بوجهي
-شوية واجة صعدت وياه واني ضايجة
-دگولي شلونك السلام عليكم بس مادة بوزج شبرين
-ليش تأخرت علية
-وانتِ ليش واگفة برا متطببن جوة لحد مااجيج
-واذا وگفت شنو يعني مكافي ملبسني عباية
-استغفرالله
-مادام استغفرت يعني ناوي تفشر خل اسد اذاني
-ضحك علية وگال والله صرتي تعرفين طبعي
رجعت من الكلية مخنوگة حيل هم عباية وهم الدنيا
-حارة احس روحي طلعت ذبيتهة بعصبية وهو فات
-وراية شافهة بلگاع وعصب
-شنو هاي الهوسة شيليهة من الگاع
-باوعتلة معاجبني عوجت حلگي وشلتهة خليتهة
-بلكنتور وطبگتة حيل
-هسة الغراض شنو ذنبهن جاي تكسرين بيهن
-ذنبهن انو هن يخصن شخص معقد
-هاي عليمن ولج
-انتبهت على روحي عزا شحجيت گلتلة هيج مو على -احد مقصدت اي شخص
-باعي ولج ترى تحملتج زايد لسانج طولان يعني لازم
-البسج ضيج واخليج تصبغين روحج دطلع مو معقد
-مو واخلي الزلم تباوع ل........... ول..........
-يايمة بوخت من كلامة هذا شديسولف اني صوجي
-اعرفة من يفرط البريك كلشي يحجي
-عفتة وفتت للحمام سبحت وطلعت وهو مدري شعجب
-غفى بدون ميسبح نزلت تغديت جوة وكملت شغل -البيت ماكو احد بس اني وعمة جنان
-وهي علطول مريضة ونايمة
-صعدت لگيتة يسمع اغاني لعد شنو بس علية حرام
-مو هياتة جاي يسمع گعدت گبالة وهو مندمج بلاغنية
-منتبهلي يدخن ومسلطن عسيتة وباوعلي وضحك
-هذا شبي ياربي وحدة من الثنين لو استخف
-لو يحب بس المن يحب هو اني مرتة ممگلبني
-گلتلة واني نافخة خدودي بزعل مثل الجهال