صباح الخيرات لاحلى متابعات
تصويت وتعليق لطفاً
" #طائر_السنونو (انتقام الأخْنَس)
بقلمي المتواضع - روان احمد -
تعرض حصرياً لبيج روعة الطائي
________
🍃زمن🍃
-مرت الايام واني وياه نحضر للعرس حجزنة قاعة
اشترينة غرفة واثثنة البيت كلة جديد حاولت اقنعة
مالهة داعي بس هو اصر وطلع صباغين صبغوه
جنت اباوع للتحضيرات وگلبي بي فرحة جبيرة
وحزن عميق اتمنى لو ممحطوطة گدام هيج
خيارات صعبة معقولة اتنازل عنة واعوفة
راح اگدر يعني
-اشنو بيج قمر الزمان اتصفنين
-مابية حبيبي
-مضل شي لعرسنة يروحة لمعتصم ونبض گلبة
مظنيت يجي يوم واخذ مرا مثلج
-ليش الف وحدة تتمناك
-وانة يكفيني انتِ اتمنيني ماريد الالف وحدة هذول
-كملنة اشترينة كلشي ورجعني للبيت جان
جايب اختة وياه اخذت كلشي ملابس وذهب
وهو اشترالي من كلشي بزيادة فرحان حيل بية
رجعني للبيت شوفت الجهاز لامي ونادية
امي كيفتلي هواية رغم مكانت تريد اخذو
لان تعتبرو مو من مستواية
رحت لغرفتي مددت واني افكر بكلشي ياربي
اني ليش حكيت هيك وتسرعت هسة شلون
اعوفو ومنو يقول هو يرضى يطلقني بعد
متعب كل هذا التعب حتى يحصلني
واني قلبي اوف منو لقلبي شلون يقدر يفارقو
-اجة يوم الحنة سويتها ابيتنة اختاريت بدلة
بلون ذهبي معتصم يحبو لهذا اللون
همس وياية مفارقتني بكل اللحظات بلصالون
والبيت تقدم وية البنات انتظرتو يفوت بس
هو تأخر صار المغرب وهو ماكو ياترى وين راح
مخلين الصينية قدامي وننتظرو شوكت يفوت يحنيهة
وحدة من اقاربو اقترحت اختو تحنيني لان
تاخر الوقت بس اني قلتلهم ننتظرو رجعت
ادق عليه ميجاوب ياربي بس لاصارلو شي
على حظي الفگر فجاة وسط القلق قالوا
اجة فرحت كثير كانت عيوني راح تدمع
من الخوف تمالك روحي البنات لبسوا شالاتهم
وهو فات ابتسملي واني درت وجهي ضايجة
قعد بصفي ولزم ايدي
-اشبيه القمر زعلان
-وين كنت خفت عليك ليش تريد تكسر فرحتي
كنت راح ابكي من الخوف
-حبيبتي حرمتي تخربطت ورحت اخذتهة للمستشفى
-باوعتلو بقهر وقلتلو بصوت ناصي ان كانت
مرتك متتحمل تتزوج عليهة ليش اخذت هيك قرار
-هي مريضة يولي مو صوج الزواج
-مااصدق معتصم
-لتصدقين اخذ علبة الذهب بعصبية طلع
الگلادة لبسني والسوارات والمحابس والحلقة
لبسني واخذ ايدي باسهة
والنسوان تهلهل وتصلي علنبي
اني اخذت العلبة الي جبتهة الو لبستو
حلقة وساعة سحبني عليه باسني بخدي
وترخص وطلع اوف يربي عرفت لازم يصير شي
يخربلي فرحتي اني لاوجه حب ولاوجه فرح
خلصت الحفلة نزعت البدلة ولبست دشداشة
تمددت بفراشي وغفيت من التعب ثاني يوم
قعدت من الصبح لان شبعانة نوم
لقيتو داق علية هواية رجعت خابرتو
وهو جاوبني بهدوئو الي تعودت عليه
-صباح العسل والقيمر يقيمر
-صباح العسل عمري
-مضل غير ساعات وتجين لحضني قمر الزمان
وساعتهة اخلص عليك
-هههههه اشنو هلاجرام هاذ بطلت مااريدك عجل
-الة تريديني
-اليوم تنام من وقت ماكو لاقيمر ولاعسل خلصنة
-لابالله ومنو هاذ الي خلصو
-تمددت على بطني وقلتلو واحد عربي
مخلى شي
-اويلي شكثر محظوظ هلعربي عجل
-الة محظوظ
أنت تقرأ
طائر السنونو ( هجرة غير شرعية )
Romanceواني كطير مهاجر لا اجد وطني ولامن يدلني عليه ولاعشقي الذي نسيته
