اسعد الله اوقاتكن بكل خير
تصويت وتعليق لطفاً
"#طائر_السنونو انتقام الأخْنس"
__بقلمي _روان ____احمد #
-اخذ سويجة وطلع واني احس گدرت اتنفس اخيراً
-صح فكرة انو ميريدني ومالة نفس بية قد تكون
-جارحة لأي بنية بس بلنسبة الية هاي نعمة فضيلة
-باوعت علغرفة فتت علحمام غسلت وجهي
-من المكياج وطلعت گعدت علجرباية مجبت كلشي
-وياية ملابسي كلهن دزوهن لبيتة واهلة هم اشترو
-ملابس النيشان وخلوهن بلبيت مددت واني
-افكر بحياتي شنو يعني اعتبري نفسج برحلة
-بنظرة الزواج هو رحلة وينتهي بأي وقت
-بس بما انو طلع متفهم خل احاجي بلكت يقبل
-اكمل دراسة ومااترك كليتي اني مبقالي
-بس هاي السنة واتخرج حرامات اعيدهة
-مرة ثانية بسبب غلط مصطفى
-رجعت جسمي كلة علفراش لأن جنت مددة
-رجلية ومنزلتهن من الجرباية تغطيت وغفيت
-تعبانة حيل صارلي ايام مجاي انام بشكل صحيح
-گعدت بليل لگيتة جايب عشا مخلي علطبلة
-وهو نايم علتخم حسيت انحرجت كلش لأن
-شافني واني نايمة گمت غسلت ايدية ووجهي
-رجعت گعدت علجرباية وهو تحرك باوعلي
-وهو مفتح تك عين
-تعشيتي؟
-هزيت راسي بلنفي وباوعت بلگاع
-هذا عشا تعشي وهاي ملابس بلجنطة جبتهن من البيت اذا تحبين تغيرين ملابسج
-ماشي ضليت افرك بيدية احسة يباوعلي بس متجرأت ارفع راسي واشوف ان جان يباوعلي
او لا بس اكيد جاي اتخيل گمت فتحت الجنطة
اخذت دشداشة ورحت للحمام سبحت وطلعت
-باوعت داير وجهة ميشوفني فتحت شعري
نشفتة دورت بلجنطة اكو فرشة مال شعر مشطت
بيهة ونظفتهة ورجعتهة باوعت علاكل حيل جوعانة
گعدت اكلت شوية وانسدت نفسي باوعت علذهب
الي بيدي سوارات وحلقة ومحابس حتى مو هو
لبسهن الي دزوهن لبيتنة مااعرف شنو ذنبي
واعيش هيج علاقة لاحنة لاعرس ولاحتى
انسان يوالمني وجمالة ميريدني ومجبر علية
-تذكرت كلام ريمان وضحكت مصار شي من الي
حجت عليه الحمد لله عدت على خير
-شلت العلاگة ذبيتهة بلوصخ رجعت مددت بلفراش
فتحت التلفون كومة رسايل واصلتني من اختي
وريمان وياسمين وامي الكل جاي يسأل ها شصار
طمنينة باوعت عليه وضحكت سديت التلفون
وصرت اضحك بدون صوت رسالة ريمان موتتني
ضحك كاتبة ها ابو القاسم تخلى عن مبادئة لو بعد
رجعت فتحت التلفون جاوبتهن ومسحت المحادثات
خفت لايشوفهن بعدني مااعرف طبعة يجوز يفتش
تلفوني جاوبتهن جواب مختصر الحمد لله
كلشي تمام وطفيت النت رجعت نمت گعدت الصبح
على حركتة بلغرفة وهو يفتر وريحة العطر ترست
الغرفة اني عندي تحسس من العطور القوية
گمت اعطس وهو باوعلي كأنو ديسألني شبيج
-باوعتلة وحجيت عندي تحسس مااتحمل هيج عطور
-حجى بصوت ناصي لكن مسموع الي
-هو انتن شتتحملن
-گلتلة عفواً شگلت
-گلت هو انتن شتتحملن
-گالهة بحزم كأنو ديگلي واذا سمعتي شنو خايف منج
-تتريگين بمطعم
-عادي بأي مكان گمت غسلت وجهي وخليت شوية
مكياج وطلعت لبست عباية اسلامية وشال باوعلي
بنظرة غريبة وگلي هيج تريدين تطلعين
-اي مو لابسة عباة
-راح طلعلي عباية علراس وخلاهة علتخم
-البسي هاي ماعدنة نسوان تمشي هيج
-بس اني طالبة جامعة شلون البس هيج
-وشنو يعني طالبات الجامعات بلجنوب كلهن يلبسن
عبي شنو انتِ ربج وحد
-حسيت بلأمل من گال هيج يعني ناوي يخليني
-اكمل دراستي وميحرمني من الكلية
حجيت بتوتر خايفة من جواب سؤالي
يعني راح تخليني اداوم؟
-واني شعلية بيج متداومين شنو هم انجبرتي
تتزوجين رجال بگد ابوج وهم احرمج من حلمج
حتى الله من فوگ سبع سماوات يغضب علية
-باوعتلة بأمل كأنو رجعلي الحياة كلهة
بهاي كلماتة گلتلة شكراَ الك
-العفو يابة يلة نطلع
-بس فدوة عادي اطلع بدون العباة مااعرف امشي بيهة ابد
-تعلمي
-اخاف اوگع بلشارع عمري ملابستهة بس من اروح
زيارة واضل اتعثور
-اخذ العباةمن التخم فتحهة وتقرب مني خلاهة
على راسي فوت ايدية بلردان مثل الطفل
الي يلبسوه ملابس سدهة ولزم ايدي خلاهة عليهة
بما معناه هيج اكمشيهة
كمشتهة وهو باوعلي بنظرة رضى
-احنة سادة رفاعية وماعدنة نسوان تمشي بلبس
مو زين اتمنى ماطولج على ذمتي تحترمين هذا
الشي وتخلي گدامج لتعاندين ولتعصين اوامري
لأن بدفرة وحدة الزگج بلحايط جري عدل
-ايدي رجفت حسيت بدت تطلع كل تعقيداتة
وكل الامور الي جنت متوقعتهة لانو احنة
نعرفهم كلش زين نسوانهم متطلع وحدهن ولابسات
عبي وميكملن دراسة يعني عائلة معقدة
مدري شجابة عليهم مصطفى مال هسة بدفرة
الزگة بلحايط على گولة ابو القاسم الي لحد
الان مااعرف اسمة شنو ولاانتبهت عليهم
من عقدولنة شگالوا جان عقلي بغير مكان
طلعنة لمطعم تريگنة وراهة رجعنة للبيت
وهو باوعلي بلسيارة وگال الي بينة مااريد
احد يعرفة الي يسألج گليلة كلشي تم
أنت تقرأ
طائر السنونو ( هجرة غير شرعية )
Romanceواني كطير مهاجر لا اجد وطني ولامن يدلني عليه ولاعشقي الذي نسيته
