طائر السنونو ( هجرة غير شرعية )

part 7

اسعد الله اوقاتكن بكل خير ❤️
تصويت وتعليق لطفاً
"طائر السنونو (مابعد العاصفة )"
بقلمي _روان احمد _
كل عام وانتو بألف خير وصحة وسلامة
كلش متفشلة منكم لأن معايدتكم البارحة
___________________
______
زمن 🍃
-قعدت لقيت حالي بلمستشفى رفعت عيني شفت معتصم
-واقف قلتلو خسرت ابني مو؟
-حبيبتي نعوضها بعدين
-اشنو نعوض هذا ابني الي راح ليش احسك ممهتم
-شلون ممهتم اني گلبي محترق
-لو كنت مسيطر على مرتك مكان صار كل هذا
-اشنو تقصدين
-اقصد الي سمعتو وهسة من رخصتك اطلع اريد ارتاح
-اني راح اتركك هسة لاني مقدر وضعك امك برا
-خليهة تدخل اريد اشوفهة
-طلع شوية وفاتت امي قعدت بصفي حضنتني واني
-بكيت بحرقة من الموقف اشلون هيك صار اني تضررت
-كثيغ بهاي العلاقة لو معتصم كان مسيطر على مرتو
-ماكان سوت كل هذا بس الظاهر هي ماتخاف منو
-لازم ابتعد عن هاي الحياة الي ماتناسبني كافي الي صار
-بية لحد الان اني تنازلت هواية لخاطرو اني مااقدر اعيش
-مع هيك ناس ابد لليل طلعت من المستشفى راد ياخذني
-للبيت بس اني اصريت اروح مع امي اريد اريح راسي
-من كل هاي الامور وافكر بهدوء رجعت لغرفتي مددت
-بفراشي فات سلام ومرتو تحمدولي على سلامتي حسيت
-حتى نادية مقهورة من الي صارلي رغم هي ماتطيقني
-الي صارلك مينسكت عنو اشنو هيتة هي
-يضربوكي ويطرحوكي اريد اشتكي عليهم
-على منو تشتكي
-الي سون بيكي هيك
-مااقدر تضل مرتو اكيد هو راح يعاقبهة
-هو مو طلقهة
-اي طلقهة بس اكيد يرجعهة بيوم من الايام
-انتِ شنو تخبلتي شيرجع وعادي عندك بعد كل الي سوتو
-يرجعهة على ذمتو
-اني قررت اتركو كافي الي صار بية
-انتِ هسة زعلانة فكري بلموضوع زين واخذي قرارك
-مااقدر افكر حالياً بشي بس الي اعرفو انو هذا الزواج
-كان غلط من الاول ومكان لازم استمر بي
-حكيتلك من الاول مراح تقدرين تعيشين وياهم بس انتِ
-الي يهديچ مسمعتي كلامي
-خلاص اتركهة ترتاح سلام مو وقتو هلحكي
-طلعوا من الغرفة سلام ضايج حيل الي صار كان متوقع
-بس اني مسمعت كلام بكيت على مخدتي تمنيت لو اني
-ماعشت كل هذا ياريتني خليت حد لعلاقتنة من الاول
-من البداية احنة مانصلح سوا بس شيقنع قلبي الي حبو
-غفيت قعدت على صوت تلفوني يدق رفعتو شفتو
-معتصم جاي يدق علية ترددت اني اجاوبو تركتو
-غلقت الجهاز ورجعت نمت ثاني يوم اخذت اجازة
-مقدرت اداوم للضهر سمعت صوتو بلاستقبال وسلام
-منفعل عليه يصرخ عليه دخلت عليهم وهو حكى
-يلة تعاي وياية كافي مصختوهة اني اشنو ذنبي بلي صار
-حكيك وياية اني زمن مالهة رجعة الك
-زمن مرتي ولازم ترجعلي اول وتالي
-لامعتصم احنة انتهينة كافي الي صار بية بسببك
-بسببي
-كلو منك انت اذا كانت مرتك متتحمل تتزوج عليهة
-ليش دخلت حياتي اشنو ذنبي اني اخسر ابني
-بسببهة كنت منتظرتو على نار
-واني ليش اتحمل الي صار واخسرك والله حقك اخذتو
-منهة ومتصيرلي مرا بعد
-هذا شي ميخصني ان صارت مرتك او لا
-احنة حق زمن منعوفو مو الدكتورة زمن الي تتعرض
-لكل هذا لازم ناخذ حقهة
-شلون تاخذو يعني
-نشتكي عليهة
-تشتكي على حرمتي
-اشنو اسوي لعد هي من تصرفت هذا التصرف مفكرت
-عدهة اهل ياخذون حقهة
-الموضوع اني حليتو محد يشتكي
-والله مو بكيفك مو تايهتلكم هي
-تكاونوا وصاروا واحد يضرب الثاني قعد زياد من النوم
-وصار يفاككهم واني اصرخ امي فاتت تسحب بسلام
-لف شماغو وطلع وهو ضايج حيل باوعلي قبل ليطلع
-بنظرة عتب وطلع وهاي كانت اخر نظرة بينة
-المشكلة كبرت حيل وصارت مشاكل بين عشيرتنة
-وعشيرتو بسبب الي سوتو مرتو رجعت لدوامي واني
-احس نفسي جسد بدون روح اروح وارجع بدون مبالاة
-وهو ابد محاول يرجعني شيرجع وهي صارت للضالين
-بينة ومااظن تتصلح