طائر السنونو ( هجرة غير شرعية )

part 15

اسعد الله اوقاتكن بكل خير✨
تصويت وتعليق لطفاً ♥️
"طائر السنونو (مابعد العاصفة )"
بقلمي المتواضع _روان احمد التميمي _
_________________________________

أيڤو 💞
-گعدت الصبح احس جسمي كلة مكسر ويوجعني
باوعتلة نايم بصفي بعمق عفتة نايم لبست شال ونزلت جوة بتخوف مااريد اتعامل وية مرتة
الي مااعرف حتى شنو اسمهة لحد هاي اللحظة
خايفة هي تحبة وتحاول تجذبة معقولة يضلون
هيچ طول العمر اكيد بيوم من الايام راح يبدون
يميلون لبعض فتت للمطبخ چانت دتطبخ الغدا

-صباح الخير أيڤين
-صباح النور سوري مااعرف اسمچ
-بيان اسمي
-اها عاشت الاسامي ضليت افتر بلمطبخ اخذت گلاص وشربت مي واني عيوني عليهة هادئة
وحلوة بشكل وحركاتهة تجنن تتصرف بنزاكة
عمي لو اني رجال مااخليهة لليوم خاف ابو القاسم
عطلان بس لا مو البارحة اشتغل وياية عادي

-بيچ شي حبيبتي تريدين اسويلچ ريوگ
-لااني اسوي بس انتظر رجلي يگعد وشددت
على كلمة رجلي دشوف رد فعلهة منطت اي
رد فعل استغربتهة كلش
-اگلچ بيان
-نعم تفضلي حبيبتي
-انتِ ماعندچ شعور تجاه ابو القاسم
-عندي شعور تجاهة بس احترام وتقدير موحب
وهو هم گلبة الچ انتِ وبس ومو بعينة اني سمعت
بلي سويتي علمودة انتِ نقذتي من الموت شلون
ممكن يباوع لغيرچ بعد
-هو بلنهاية رجال وتحكمة رغبتة
-لتخافين محكمتة رغبة وياية ابد واني هم مااريد
هذا الزواج يصير حقيقي خليني هيچ احسن
-مفكرتي شنو مصيرچ بعدين
-حالياً اني جاي ادرس معهد تحليلات من اكمل
اشوف شسوي بحياتي

-محبيت اضغط عليهة بلاسئلة گلت عود اسأل عمة
واشوف شنو قصتهة وليش تزوجهة
-فات للمطبخ واني صرت گدامة حچيت بدلع
اسويلك ريوگ عمري
-باوعلي وهو عاگد حاجبة ميحب اتصرف هيچ
گدام اي احد
-اي سويلنة
-روح للصالة اني اجيبة الك
-عبك افتهم ليش دسوي هيچ هزلي راسة وراح
واني حضرتلة الريوک واخذتة الة للصالة
گعدت اكل وياه وهو تقرب مني همس يم اذني
-لتضلين تسوين هاي سوالفچ اني مباوعتلهة
من چنتي انتِ ماكو هنا اجي هسة اباوع
-اغار مو بيدي
-غاري براحتچ بس لتتصرفين هيچ عيب يابة
-ماشي تأمر امر
-اويلي منچ ياچتالت ابو القاسم
-منقذتك لو سمحت
-منقذتي عمي
-صدگ اريد ارجع اداوم بلمركز حبيبي حرامات
اترك الشغل مااحصل هيچ فرصة بعد

-ابد والله لازم تخبلتي انتِ شلون ارجعچ تداومين
يمة وهو چان يريدچ
-هذا شغل حبي شعلي بلامور الشخصية
-واني جوعان لهاي الفلوس ددزچ تدرسين علمودهن
-محد جوعان الفلوس بس اريد التهي بشي
-التهي بية ممكفيچ اني
-ابو القاسم مو وعدتني تخليني اداوم
-اني اشوفلچ وظيفة احسن بمدرسة بنات
واني اوديچ واجيبچ بيدي يومية
-ميطلعلي وظيفة خريجة جديدة
-اني ادبرهة خليهة علية
-بديت تلين حبيبي
-لخاطرچ والله مااريد اقهرچ أيڤو واخلي شي بنفسچ
والة اني مامدي تخطين عتبة الباب