طائر السنونو ( هجرة غير شرعية )

part 16

مساء الخيرات لعيون احلى متابعات
تصويت وتعليق لطفاً
ومتابعة لحساباتي الانستا والتيك توك والتلي
بأسم rawaan_ahmeed1
والواتباد بأسم RawaanAhmeed6
"" "" "" #طائر_السنونو(انتقام الأخْنَس) "" "" ""
بقلمي _روان احمد
____________________________________
'' زمن "
-بعدها مرت ايام وهو ماكو اختفى گلت يمكن انجرح
-لان رفضناه بس حيل بي يستاهل عايف مرتو
-وحياتو وجاي علية
-بعد شهر تقريباً اجة عندي للمستشفى جان اكو
-مرضى هواية وهو واگف بعيد كل مييجي دورو
-ينطي سراه للعالم حتى يضل اخر واحد
-كملت كل المراجعين وهو اجة قعد گدامي
-اخذت الباص منو وباوعتلو من شنو تشكي
-اشكي من عشگ زمن هم اكو علاج لهلحالة
-انت مو جاي تتمادى هواية
-يولي اجيتج وخطبتج ليش مرضيتي
-ماارضى بيك لو تضل بس انت بشر بهاي
-الدنيا لتحلم زايد وهسة شنو نكتب على هذا
-الباص خلصني
-اكتبي مذبوح والذابحني شفايفهة
-گوم اطلع برا ودير بالك تجي هنا مرة ثانية
-ترى يصير الي غير تصرف وياك
-اخذ الباص عقجو وشمرو وراح
-عوذة شنو من بشر هذا شلزكت بحظي
-طلعت من المستشفى شفتو واگف بصف سيارتو
-اجيت اصعد بسيارتي وصاحني
-نفخت بضجر وگلتلو اشنو تريد ذبحتني ترى
-اريد اسولف وياج شوية
-اگلك انت اشايفني ماعندي اهل واگعد كل شوية
-اسولف وياك حل عني الده يرضى عليك
-انت زلمة عربي وتعرف الاصول هي هاي الاصول
-اجيتج بلاصول ومارضيتي شسوي اني ماعلية
-عتب زماني
-ول يزلمة لتضل تهوبز على راسي سالفة
-وانتهت انت تقدمت واحنة معجبنة مو جبر هي -الشغلة غوح من طريقي احسلك
-صعدت بلسيارة وهو اجة صعد بصفي
-اشنو هلسوالف هاي انت ليش ماتستحي على
-حالك قاعد اقلك عيب ياابن الناس
-زمن وتراب الغوالي محاب حرمة غيرج
-ولاعاشگ غيرج انطيني فرصة اراويج حبي
-الفرصة انطيهة الك لو جانت ضروفك تسمح
-اما انت ماكو شي صح بيك بلنسبة الية
-اصيرلج كلشي صح ينبضي
-لتتغزل
-مقاعد اقدر اگضب روحي يمج زمن
-باوعت ايديه ترجف
-اشنو بيك انت مريض ليش ترجف
-من اتگلط عليج كلي اصير ارجف
-باوعتلو شحجي وياه هسة كسر خاطري بس بلحب
-ماكو خواطر واني مااحبو
-جنت شاردة مد ايدو ودار وجهي عليه
-ادفع عمري بس حتى اشوف وجهج گبالي كل يوم
-انزل لو سمحت اريد ارجع لبيتي
-نزل واني عيوني تباوعلو حالو يكسر الخاطر
-شكثر الحب يذل الواحد عجل زلمة بهلعمر
-جاي يتوسلني حتي ابادلو الشعور
-رجع ورا يومين تقدملي وهم اهلي رفضوه واني
-رفضتو جاي احاول اقسى عليه بلكت يصحى
-على وكتو وينساني
-لحد مابيوم جنت مريضة كلش علية الشهرية
-ودايخة واني يصير عندي فقر دم
-من تنزل دكتورة ومااعالج روحي هو دومو باب
-النجار مخلع ضلينة ملتهين وية المرضى اني وهمس
-واني كل شوية ادوخ واگعد علسرير
-شبيج زمن روحي ارتاحي شوية
-رحت مددت بلاستراحة گعدت جان الوكت متأخر
-لبست الابكوت وشلت السماعة وطلعت
-رحت لمكتبي شفتو گاعد ينتظرني
-اني مريضة وزهگانة
-گلتلو شنو تريد بنتر
-جاي اقيس الضغط
-باوعتلو معاجبني قستلو الضغط طلع صاعد
-درجتين
-انت لازم تلتزم بعلاج ضغطك صار اكثر من مرة يصعد
-منتبهة علية يعني
-اي اكيد مو مريض عندي
-شلونو ابنك عزوز
-كلهم بخير بس اني مجاي ارتاح
-الله يريح قلبك
-بعد عيني الله شعلي هم البشر ميفيدون
-باوعتلة واني ضايجة كتبتلو علاج ونطيتو الورقة
-هذا علاجك اجيت اطلع من المكتب لان دخت كلش
-وهو وقفني ناطيتو ضهري واني دايخة واحس
-بعد مااتوازن
-اشنو بيج مو على بعضج زماني
-بس اريد اطلع لو سمحت هذا علاجك اخذة وروح
-اجيت اطلع دخت كلش لزمت الميز
- وهو لزم ايدي
-اگضبيني ينبضي اشنو يوجعج
-بس عوفني اريد اطلع بعد مااگدر اختنگت
-گلتهة ودخت محسيت على نفسي غير اني
-ببيت نايمة علتخم گمت باوعت علمكان
-ولطمت على صدري اني وين ياربي
-گمت افتر بلبيت جنطتي بصفي
-اخذتهة واريد اطلع جان يطلع من الغرفة
-وين رايحة حبيبتي
-ولك اشنو حبيبتك انت وين جايبني
-صخام بوجهج زمن شسويتلي
-شسويلج يحرمة لتذبين تهايم علينة احنة مانسوي
-هلسوالف انة مااتگلط عليج اذا مو بلحلال
-ليش جبتني هنا گلتهة واني امسح بدموعي اول
-مرة انحط بهيج موقف
-شلون طلعتني گدام المرضى والعاملين شيگولون
-علية مفكرت بية قبل لتتصرف هيج
-ول ياالله تگلي مفكرت بية اني مجاي افكر غير بيج
-ولتخافين مخليت احد ينتبه اني طلعتج
-ممكن ترجعني للمستشفى فدوة
-هاي الفدوة ادفع عمري عليهة مو بس ارجعج
-تقرب مني مسح دموعي واني جمدت مااعرف
-شتصرف بس ايدي تعصر بلحزام مال جنطة
-لزم ايدي وباسهة
-زمن لتخافين مني ابد
-مخايفة منك بس انت سويت شي غلط اهلي
-شگللهم اذا عرفوا اني طلعت وياك بهليل
-اني اسف بس متحملت اشوفج مريضة
-گلت اجيبج ترتاحين هين
-ترى جنة بمستشفى ليش مخليتهم يعالجوني
-ماكو بس زلمة يعالج الدكتورة الي وياج طالعة
-واذا رجال اشنو يعني
-وتريديني اخلي رجال يعالجج هماتين
-لاهاي هي زمن بس هاي الضلت
-انت عايش الدور انت لاخطيبي ولا شي على شنو
-تغار علية من الدكتور
-اصير خطيبج وداعتج وقربت وجهي منهة
-وگلتلهة ووراهة زلمتج
-انصدمت من تصرفاتة ابتعدت عنة اطلع وهو لزمني
-من ايدي حضني قوي واني صرت ادفع بي
-شجاي تسوي معتصم وخر عني
-اول مرة تگولي لاسمي بحلگج ينبضي
-واخر مرة ان شاء الله وخر مني عيب
-الجاي تسوي لتستغل وضعي عيب عليك
-تقرب باسني براسي وابتعد عني گعد علتخم
-اريد ارجع للمستشفى عفية
-هسة بس اشرب جگارة واخذج
-ليش؟ وكتهة هسة
-اذا مااحرگ الجگارة اگوم احرگ حلگج الفاهي هذا
-انصدمت كلش ضليت واگفة واباوع بلگاع
-شجاي تسوين
-اشنو اسوي مقاعد اسوي شي
-اريد بس اطلع من هين
-گام اخذ شماغو ولفو على راسو واخذني رجعني
-للمستشفى غاب اسبوع وافتقدتو خلال هلاسبوع
-مااتصل ولا اجة للمستشفى ولاالعيادة
-صرت افكر بسوالفو وابتسم واخجل
-واعيد المواقف ابالي بهلحظة ايقنت اني بديت
-انعجب بي وصار يأثر بية غلط جبير.
-ارتكبتو من حبيتو لمعتصم
-لان احنة كل واحد بوادي وصعب ننجمع مثل
-الشمس والقمر لازم يضلو يتغازلو
-من بعيد ومايلتقو ابد
-مر اسبوع ثاني وهو ماكو گلبي صار يريد بس
-يلمحو اباوع بوجوه المراجعين وكل واحد
-لابس دشداشة وشماغ اتخيلو هو
-مر 3 اسابيع وهو ماكو اشتاقيت الو
- وايقنت اني ابتديت احبو وتعلقت بي
-حدما بيوم جنت افحص بمرا كبيرة وهو فات
-مخلي الشماغ على زندو والدم مالي
-خلصت للمرية واني ايدي ترجف خايفة
-عليه اجة قعد قدامي بتوع بعيوني
-واني بجيت مثل الطفل ولاجني درست
-طب ولاشفت هيك منظر بحياتي
-اشنو هذا شصاير بيك
-شبيج ابوية تبجين تكاونت وية واحد سر...... ي
-وضربني علي شنو مبجية عيونج
-اخذتو للردهة جيطتلو الجرح واني ايدي ترجف
-اباوعلو وعيوني مجاي توگف دموع
-هلكثر تحبيني ينبضي
-مسحت دموعي وعقمتو ولفيتو تقربت منو وحكيت
-مرة ثانية لاتجي هنا وانت مجروح قلبي ميتحمل
-اجيت اطلع واني مخنوگة سحبني عليه وسد البردة
-شقاعد تسوي
-جاي املي حضني بيج يبعد عيوني عيونج
-ليش جنتي تضمين حبج عجل
-غصب عني خليتني احبك ليش معتصم متخافو لربك
-الة اخافو ارجف خوف منو
-مسحت دموعي وحظنتو قوي
- راح اجي لاهلج انوب هلمرة اقنعيهم انتِ
-قوليلهم زوجوني لاافضحكم
-ههههههههه
-يلة اطلع روح ارتاح ابيتك
-وينهة هي الراحة اذا مو وياج
-نزع شماغو وخلاه على راسي
-دضمي مو ذبحني وهو يتحرك وراج
-اخذ شعري شمو وحكى بخدر
-اموت بيج وعليج وارجف منج وعليج
-ابتسمت وبستو بخدو
-يلة روح كافي حبيبي
-رجع باسني بخدي وطلع صدگ ثاني
-يوم اجة خطبني انوب واهلي نفس موقفهم بس
-اني حاولت اقنع امي
-ولك تخبلتي انتِ زلمة متزوج وعندو
-كومة جهال اشنو تسوين بي
-امي اني مقتنعة بي
-خاف عندك شي وياه
-لاامي شي مثل شنو يعني بس اني شفتو مناسب
-واني مو صغيرة يعني هاهية عمرو بلنسبة الي
-اخوتج ميرضون ابد بهيك زواجة
-فقدت الامل من كلام امي واخوتي حتى مسالوني
-رفضوه بدون سابق انذار وهو خابرني معصب
-انتِ مو قلتي راح اقنعهم ليش كل يوم مفشليني
-مقبلوا معتصم اشنو نسوي يعني مااقدر
-اقللهم عندي شي وياك واحبك
-ليش هو الحب عيب
-تخيل تجي اختك تقلك احب زلمة واريدو اشنو
-يكون موقفك
-مااريد اتخيل شي اني جاي الوب عليج
-اشنو بيدي اني معتصم مجاي يرضون
-انت دكتورة والك مكانتك متقدرين تقليلهم
-اني اريد اتزوج الي احبو
-لا طبعاً مو لهلدرجة معتصم اهلي اذا گلتلهم هيك
-يتخبلون سدو مني ضايج ماشفتو بعد
-ايام وهو لايخابر ولايسأل كأنو ديعاقبني
-ببعدو وبهاي الفترة رجع اتقدم واهلي رفضوه
-طلعت من المستشفى شفتو واقف ينتظرني
-برا صعدت وياه بلسيارة وهو طلع بية
-ومشغل اغنية جورج وسوف ياقمر الزمان
-يدندن وياها ويباوعلي
-اخر شي قال كأنو هلاغنية تغنت الك
-وگف السيارة وخلى راسو علستيرن
-اشنو اسوي ول ياالله راح اموت اريدج
-مااعرف والله مجاي يقبلون مااقدر احاكي
-اخوتي بس امي حاكتهم وهم قافلين ميرضون
-خل نتزوج زمن
-اشلون نتزوج وهم مراضين
-بلسر
-جان لازم ايدي ويحكي من قال بلسر سحبتهة منو
-اشنو قاعد تقول وليش تظن اني
-ممكن ارضى اتزوجك بلسر
-لانك تحبيني قمر الزمان
-اذا احبك مو معناتو اخون ثقة اهلي
-اني عمري مسويت شي غلط ولامن وراهم
-اعرف يعمرو لمعتصم اعرف بس حسي بية
-حاسة بس لازم نضل نحاول لحد ميوافقون مو
-نروح نتزوج من وراهم
-اني كرامتي انسحلت واهلج يرفضون
-شسوي بس گليلي حتى شيخ العشيرة دزيتو
-يحاكيهم وموافقوا
-ابوية لتخافين مااسوي شي يمس كونج بنية
-جاي تفهمين علية بس اريد اخذج لحضني وابوسك
-وانت تريد تقنعني انو راح تتزوجني وبس هذا
-الي راح تسوي
-اي وعد زمن مااتجاوز حدودي الة اذا انتِ طلبتي
-واشنو الو داعي هذا الزواج
-ابرد قلبي شوية مو تصيرين مثل اهلك
-لاترحمون ولاتخلون استغفر الله ميصير هلكلمة
-تنقال اصلا
-مااقدر اعذرني
-هذا اخر كلام الك زمن
-اي مااقدر معتصم مااحب ادخل نفسي بهلامور
-وانت لو تحبني متخليني بهيك موقف
-ماشي مثل متريدين بس اني يبنت الناس
-مااحب هلسوالف كل يوم شايفج ومشتعل
-ومالگي الي يطفيني خلينة كل واحد يروح لحال
-سبيلو احنة مانرهم سوا
-دمعوا عيوني بس تماسكت قلتلو بصوت
-مخنوق ماشي مثل متريد
-رجعني للمستشفى واني ركبت سيارتي ورجعت
-للبيت تمرضت وصخنت من القهر عليه
-ايام واني نايمة بلفراش وهو ابتعد عني حاولت
-اقنع روحي انو هو شخص مو مناسب الي ووجودنة
-سوا غلط جبير رجعت لدوامي وكل لحظة اتخيل
-راح يفوت هسة بس ماكو جانت مجرد احلام بعقلي
-هو يمكن نساني هسة وملتهي بمرتو
-وبعد ميتذكر زمن
"" "" "" "" "
-يلة طشري لراسي دشوف
-لتختبر صبري ابد ترى اني مو هينة
-اي واضح مو هينة من لزمتج للمسدس
-گوم افتحلي الباب
-ههههههه ولج الله ياخذ روحي اني نقيب رماح
-تقشمرني جاهلة
-لتگول جاهلة وهسة گوم يلة
-والله لو اعرف هسة تضربيني ودماغي يتطشر
-على گولتج هم مااخليج تمشيني بكيفج
-باوعتلي بغرور ودارت وجهة واني استغليت
-الموقف سحب رجلهة برجلي وگعتهة
وصرت فوگاهة المسدس بعدة بيدهة
-عصرت ايديهة حيل حتى تعوفة
-متعوفة بنت الكو....... د
-ضربت ايدهة بلگاع حيل يلة ذبتة
-عوفني نعل ابوك لابو نذل
-انتِ تدرين اذا مسكتي هسة شسوي بيج
-شتسوي دادة هو انت خلگ حرمة
-ها اني حرمة اخليج تجربيني حتى تعرفين
-زين حدودج وبعد متگولين حرمة
-ها يجوز مجربين بامك وانت طلعتلنة
-بت النع...... ليش متسكتين شنو هلگواية الشايلتهة
-امي مرا ميتة شجابج عليهة حيوان
-گومي تاكلين قز القرط انتِ مو مال احترام
-ضلي هيج لحد متموتين
-شلتهة رجعتهة علكرسي وربطتهة وحتي
-حلگهة تيبتة حتى متحجي بعد
-وهو تحاول تعيط وتفك روحهة
-خابرني العميد طلعت برا جاوبتة
-سيدي اعذرني جنت نايم
-ومجاوبت اتصالاتك
-باوع زين رماح بنت عياد الصافي مخطوفة وهو گلب
-الدنيا عليهة اريدك انت تلگيهة هاي مهمتك
-سيدي اني بأجازة
-تگطع اجازتك باجر اريدك بلمكتب
-حاضر سيدي
-سديت التلفون وظحكت على سخرية القدر
-هو اني خاطفهة شلگي منهة
-رجعت لگيتهة تباوع بلگاع ودموعهة تنزل
-على خدهة كسرت بخاطري
بس لازم
-تتعاقب على الي سوتة واني هم مدري شبية
-شدعوة هيج فهيت عليهة
-ولو هي ضيم مو بنية
"" "" "" "" "" ""
-ريمان اذكري الله هاي هي الحمد لله هاي ولاغيرهة
-انتِ شابة وان شاء الله تتعوض
-وج ابني راح ياسمين جان عندي امل يرجع
-ويفرح بابنة هسة شگلة
-توة خابر يسأل عليج وگلتلة
-گال فدوة المهم هي بخير أخْنَس يحبج ريمان
-وانتِ عندة اهم من كلشي بهاي الحياة
-الحمد لله على كل حال
-طلعت من المستشفى شبعت بجي وقهر
-اريدة وياية بهاي اللحظات يواسيني ويشيل من همي
-غفيت مااعرف شگد حسيت شخص نام بصفي
-جفلت گمت شغلت الضوا شفتة أخْنَس
-اعوذ بالله من الشيطان الرجيم
-هاي شنو ريمانو اني صرت شيطان
-أخْنَس هاي انت
-لاخيالة تعاي حبيبي بحظني
-ركضت حضنتة وهو تألم وغمض عينة متوجع
-اسم الله حبيبي اسفة والله مقصدت
-انت وين جنت وشوكت جيت
-جنت بتكريت ومن گالتلي ياسمين متحملت اجيت
-فوراَ اشوفج
-جيت كل هاي المسافة
-حسيتهة مثل الجمر ريمان
-اني طلبي محترگ تمنيت هذا الطفل يجي للدنيا
-تمنيت تجي وتفرح بحملي
-الخيرة فيما اختاره الله حبيبتي نعوضهة بعدج
-صغيرة وتخلفين عشرة مو واحد وثنين
-گلبي ملجوم منك أخْنَس
-اعتبي وسوي الي تريدي لحد ميبرد گلبج
-ميبرد ابد الي انكسر ميتصلح
-شنو ذنبي تعاقبيني على شي مجان بيدي
-ان جان بيدك او لا صارت وانت خنت
-انسي هاي السالفة
-مااگدر ابد
-الوكت ينسيج ريمان
-تظن
-الظن عوفي على صفحة ليش هيج ذبلانة
-عوفك مني مجاي اصدگ انت گدامي هسة
-احجيلي شنو صار وياك شنو هاي الجروح
-هذني ثمن اني جان عندي اخلاق ومرضيت
-انو بنية تستغل وتتعرض للاعتداء
-انهجم بيتنة من وراهة وهي راحت وعافت
-الخراب وراهة
-كلة قدر ريمان واقدار الله كلهة خير بنظري لو مهما
-نشوفهة سيئة
-مشتاقتلك
-واني مشتاقلج اكثر بس لازم اروح
-وين تروح
-اني بنظرهم ميت ريمان ولازم محد يلمحني
-هنا ولحد هسة محد غيرج انتِ وياسمين يعرف
-اني بعدني عايش
-عمة يومية متخربطة خل نگللهة خطية
-لا ريمان امي مراح تلزم لسانهة
-مو هين علية حالهة بس هيج احسن للكل
-شوكت ترجع
-من اخلص منهم كلهم
-شنو انت تحجي صدگ
-اي لعد دشاقيج
-لتخافين راح ارجعلج منتصر هلمرة معركتي
-غير واريد دعواتج
-بحفظ الله ياروح ريمان
-اني رايح
-الله وياك حضنتة قوي وهو شمني بعمق متألم
-جروحك
-كل جروحي تطيب من احضنج ام شامة
-تقرب باس الشامة الي برگبتي وطلع
-واني منطيت اي رد فعل فجأة راح
-باوعت هو ماكو معقولة جنت احلم
مساء الخيرات